日本野 (已結業)

上星期同朋友去咗旺角食呢間叫「日本野」的餐廳，入到去Ｄ裝橫都幾日本，人數不多可以隨便搵位坐。叫了個剌身定食，有５款刺身。魚生都切得幾厚身，唔可以用「塊」形容，用「大舊」比較合適。切面似乎都幾特別，比較少見到魚生係三角形切出黎，呢種切法有Ｄ似打邊爐係魚片切法，因出面多數都係順住紋理咁切。三文魚同油甘魚都係好大，八爪魚味道都可以，仲有北寄貝同埋蟹柳。個定食有湯、白飯同埋溫泉蛋。另外叫了些壽司，火灸和牛壽司塊和牛都幾大，另叫了軟殼蟹卷。

今晚朋友約左我係旺角食呢間新開無耐既日本餐廳，佢係旺角銀城2樓搭𨋢上去9樓，一出𨋢就係個reception既左手邊，地方方便易去。餐廳地方唔算好大，但係環境唔焗促，坐位都算寬敞舒服。Menu呢度既食物選擇有好多，除左一般既日式刺身、丼飯同壽司之外，仲有石燒牛，壽喜燒等等...價錢仲好大眾化tim石燒吉列霜降牛小排$178呢個晚餐連餐飲先係$178，仲包埋日本米飯同糖心蛋或者溫泉蛋。先講個牛小排份量都算多，而且真係炸得外面酥脆又保持入面肉質鮮嫩，牛肉既脂肪比例適中，係咁易係個石板各燒10秒已經食得，入口未做到即溶，不過以呢個價錢性價比高。而且選用日本米，食落有飯香又有嚼口，正呀和牛壽喜燒$188呢個壽喜燒可以跟飯或者烏冬，湯底濃郁，配菜料多，不過和牛黎講就未見好特別，但係都可以接受，肉質唔會鞋口，反而烏冬食落爽口又彈牙

趁住假期 同朋友周圍吃好西😊呢間日本野係旺角非常就腳🦵🏼.🐮石燒牛定食想食左好耐既石燒牛可以自己動手燒牛脂分佈幾平均👀燒落好有肉汁同油脂香氣😋😋配白飯好夾🍚加多少少錢就可以變吉燒牛🤏.🍲和牛壽喜燒烏冬和牛的質素不素🥩幾軟嫩😌加上甜甜地既壽喜燒醬汁🥢小編覺得壽喜燒醬汁可以再甜一點會再多啲日本風味🇯🇵.💧水信玄餅🍑蜜桃雪葩水信玄餅沾上黃豆粉同黑糖冰冰涼涼咁幾解油膩感👍🏻蜜桃雪葩係原隻水蜜桃製成雪葩冰凍又清甜😊

今晚去食「日本野」!呢句口頭蟬大家就聽得多，就等我今日去「日本野」食日本野啦！個舖頭改個名咁箋鬼既！店舖好就腳，係旺角銀城樓上，同Mini Friday share同一個入口，所以大家見到唔好以為自己去錯地方呀！正如好多日本餐廳一樣，「日本野」都係木系裝潢，位置唔算多，所以一定要book位先呀！呢到有好多唔同種類既野，每種既選擇唔算多，有丼飯、定食、壽司、串燒同小食等等。雖然天氣凍，但都忍唔住叫個丼飯食。呢到既丼飯可以自選四款配料，叫左海膽、帆立貝、油甘魚同甜蝦，全部都係我的最愛，海膽同帆立貝都需要另外加錢的。丼飯size算細，女仔食係OK ,如果男仔的話就要再加點其他野啦。值得讚係刺身都好新鮮，特別係海膽甜又滑。冬天必點和牛壽喜燒，一見到壽喜燒就抵抗唔到。呢到比我既和牛真係唔錯，雖然冇指明產地，但牛肉油脂唔算多，但輕輕烚熟後仍然好軟熟，幾乎唔駛點咬，仲帶有微甜既醬油味道！仲要有４、５塊，每塊都好大塊架！最後一定要落烏冬，唔好浪費每一滴精華。套餐可以加錢加點小食，我點左厚燒鰻魚玉子，份量的的式式，有三件玉子，咬開仲有芝士拉絲，中間仲夾住厚厚一層鰻魚，味道唔錯！見到餐牌上面牛油果軟殼蟹卷

黎到旺角多數都係食cafe或者放題，好少有專食日本野既餐廳，之後朋友就帶左我去今次既餐廳，黎’日本野‘食日本野😋－－－－－－菜式1. 鰻魚炒飯4/52. 精選角切魚生丼 4.3/53. 鹽燒鯖魚定食 4.5/5👍🏻4. 厚燒鰻魚玉子 4.5/5👍🏻5. 和風炒野菜 4/5每份定食都會附上沙律，鰻魚炒飯份量都幾多，而且好足料，鰻魚唔係細細粒同唔係得幾舊就算，飯炒得好香，飯乾身鰻魚厚肉，每一啖都好滿足🤤魚生飯，滿滿既魚生粒蓋住丼飯，仲有一塊玉子寫住日本野🤣打卡一流，魚生新鮮，蟹子亦不吝嗇落好多，好抵食本人好鍾意食鯖魚🥰鯖魚邊位燒至微焦，香脆金黄，食落油脂豐富同埋好香口，配埋溫泉蛋飯，真係好好食，推介👍🏻厚燒鰻魚玉子，係有拉絲！蛋味好香，入面包住蒲燒鰻魚，玉子軟綿細滑🥰食完我地再encore多份⭐️店員服務都好好，一直有幫我地加水同收碟，仲安排左間房比我地，岩哂一班朋友暢談暢飲

相信大家對呢間新開張的「日本野」不會陌生，因爲前一輪的新張優惠實在係好吸引！最近終於夾到時間同朋友過黎試試。五品刺身，有三文魚、油甘魚、八爪魚、甜蝦、北寄貝，三文魚同油甘魚肉質肥厚、口感極佳，甜蝦又係大大條，味道甘甜，值得一讚呢度的北寄貝刺身，爽口鮮甜，質素相比其他日本餐廳好好多，呢個價錢相當抵食。建議人多的要試七品刺身，有海膽同帆立貝。招牌石燒吉列霜降牛小排，配日本米飯、溏心蛋、味噌湯，簡單燒10秒即刻食得，脆口吉列和鮮嫩多汁的牛小排，配上燒汁，肉質鬆軟美味的牛小排在口腔中融化，再食一啖Q勁彈牙的日本米飯，非常滿足。另外可以追加小食，我地加$38揀左3件厚燒鰻魚玉子。牛油果軟殼蟹卷，香滑的牛油果包著炸至香脆的軟殼蟹，一軟一脆，賣相精美。鰻魚炒飯是用上日本米飯，鰻魚份量亦不少，米粒分明，包裹著香氣逼人的鰻魚醬汁，食到一粒米飯都不剩。

個名好特別，就叫"日本野"。日本野就係Mini Friday隔離，相信係同一個集團。裝修主要以日式和風木材風格為主調，內裏光線好充足，座位都幾舒適。夜晚有套餐提供，包湯/沙律，同埋咖啡/茶/汽水一杯，加錢仲可以有小食，唔算貴。精選角切魚生丼魚生飯好大碗，份量好足，入面有幾種唔同嘅魚生，三文魚就比較多，除此之外，仲有八爪魚、油甘魚、蟹籽、玉子等等，食落都新鮮。沙律沙律菜都新鮮，配有蟹籽同沙律醬，開胃。和牛壽喜燒配烏冬壽喜燒一向都係心愛之選，見有得揀當然試試。和牛牛味好足，份量唔少够厚，食落軟嫩，配上壽喜燒係最佳配搭。最後加埋烏冬，吸收和牛蔬菜等精華嘅壽喜燒湯，香甜美味，一流。呢個餐，仲叫咗個麵豉湯，暖笠笠。刺身拼盤套餐追加左刺身拼盤，包括厚切三文魚、北寄貝、八爪魚同甜蝦。唔算好抵，不過就都好新鮮，口感豐富肥美。厚燒鰻魚玉子跟套餐可追加小食，玉子燒幾厚，滑嫩嘅口感，包住帶點香甜嘅鰻魚，仲有蟹籽係面，另可蘸上黑松露蛋黃醬，畫龍點睛之作，好味！飲品另外仲配埋飲品，好滿足。

食日本嘢最緊要係精緻是要精緻、新鮮事要新鮮，除此之外環境氣氛都一樣重要，呢間餐廳果然冇令到我哋試新野嘅人失望！接近聖誕節，餐廳佈置得非常有聖誕🎄氣氛，燈光💡同座位🪑都比較舒適！可以令食客慢慢享受美味的晚餐。入座後見到餐牌有款式多多嘅晚餐🍱任君選擇，喜歡吃牛🥩的我一定會點石燒吉列霜降牛小排，見到餐牌已經被相片賣相吸引，朋友則叫了刺身大拼盤🍣試試日本野嘅質素！一頓完整美好嘅晚餐當然唔少得叫甜品啦！我哋分別叫咗焦糖燉蛋🍮，仲有即製疏乎厘併雪糕🥧，真係好味到無可挑剔！環境絕對是舒適，而且充滿聖誕節日氣氛！晚餐的丼飯同定食的確係抵食之選，而且可以追加小食，亦都有沙律同飲品。推介極上七品刺身，包括有三文魚、油甘魚、牡丹蝦、活赤貝、鮮魷魚、海膽。非常鮮甜美味，愛吃刺身嘅人必點！牛小排套餐非常抵食，配以一隻溫泉蛋、一碗白飯和蟹子沙律🥗，仲可以自己石燒，生熟度自己決定，牛肉有牛味之餘亦有吉列的脆口感，非常特別美味！燒茄子🍆燒得恰到好處⋯⋯廚師還很細心去皮上枱，免頭鋪了章魚絲，增加茄子香味！厚燒鰻魚玉子：蛋味濃郁、配合鰻魚入口令味道更加豐富，免頭鋪上大量蟹子和章魚絲，口感十足！焦糖燉蛋非常creamy ，

今晚難得同媽咪二人撐枱腳，於是就接佢收工，再喺佢公司附近覓食～知佢鍾情日本菜，於是決定帶佢食日本野😁- 石燒吉列霜降牛小排 ($158) 🌕🌕🌕🌕🌑吉列牛盛行左一段時間都冇同媽咪食過，所以二話不說點左一客試下。但賣相同相片同坊間食開有啲不同🤔肉嘅外圍略略帶熟，搞到視覺上顯得好細舊...-雖然賣相扣左分，不過味道上就好好。半肥瘦小排肉嫩味濃，吉列邊本來已經好香口，小排再經石燒後，牛嘅油脂甘香充滿口腔，好邪惡呀！點埋海鹽，更帶出牛味😛-優選刺身丼 ($248) 🌕🌕🌕🌕🌕有三文魚、油甘魚、八爪魚、甜蝦、帆立貝、赤貝、北寄貝、海膽、三文魚籽！刺身新鮮不在話下，當中不得不讚三文魚同埋八爪魚，前者厚切肥美，後者多肉彈牙，海膽同三文魚籽亦鮮甜無比，ichiban嘅呢！- 牛油果軟殻蟹卷 ($88) 🌕🌕🌕🌕🌕另外亦點左一款人氣卷物，一口size啱啱好可以一啖食哂，唔怕食到甩甩漏漏。牛油果嘅清新中和左炸軟殼蟹嘅油膩，好適合媽咪食👍🏻-平時好少機會同媽咪二人食飯，今次見佢食得咁開心，愛麗絲都好滿足🥰🥰

平時去旺角多數食西餐同打邊爐，人多又嘈雜，最近發現銀城廣場上面新開左間「日本野」，人少啲同朋友食飯傾計可以慢慢坐，仲有卡位同VIP房可以坐得舒服啲。餐牌上選擇也很多，有日式小食、大阪燒、刺身、壽司、石燒牛及丼飯等。我和友人點選了嚴選五品刺身、雜錦壽司拼盤、炭燒粟米及石燒霜降牛小排，來一頓豐富的聖誕前大餐。五品刺身有三文魚、油甘魚、八爪魚、甜蝦及北寄貝，很新鮮，剛好每款每人一片。雜錦壽司也不錯，最緊要係魚生夠新鮮。炭燒粟米很鮮甜，而石燒牛更是必食之選，美國Prime牛小排肉質鮮嫩多汁，以小石爐自己慢慢燒，要幾熟都可以自己控制！最後，甜品我選了水信玄餅，水晶啫喱內有粉紅花花，配上黑糖蜜汁享用，飯後甜品推介。

係香港食日本野相信有好多選擇，但要突圍而出一定要有噱頭！而呢一間位於銀城廣場既”日本野”就做到了！我同友人都係俾佢個名字而産生興趣黎到既！又見到網上評價一面倒咁好油甘魚(5件) 108油甘係我最愛既魚生，沒有之一！每次去邊間日本餐廳都必定會嗌既！而呢度係我食過油甘刺身中最大最肥美完全唔腥，入口個聞魚味出哂黎！雖然價錢有點點貴，但值得既！石燒吉列霜降牛小排 158呢一味係我見每一枱人都會嗌！咁我都唔執輸叫埋一份啦。賣相一流又配有4款醬料自由配搭，牛小排燒一陣好啦，5成左右食係最好食！牛肉味濃郁，口感唔算太韌和牛壽喜燒 配 烏冬 188普通係香港食壽喜燒見到都係用普通牛/肥牛，今次睇圖都知道係正野啦！和牛！？碌好耐唔韌，牛味比剛剛既更重。湯底同配料都屬中上水平！總結，去唔到日本食黎”日本野”食都唔會失望而回！

又係開餐找食的時候了，為了個經濟市道能夠上升，一於系旺區找食！今次來一間叫做「日本野」餐廳，真的，佢真的是叫做「日本野」日式餐廳，有壽司，烤肉，刺身等等，合我心意👍位置在旺角地鐵站E 出口，大約行二至三分鐘在商場商業大廈樓上九字樓，食飽之後還可以行下街消化下👍👍⋯⋯這間餐廳好特別，右面系一間西餐廳，而左面是日式餐廳，共用廚房，老細有諗頭，值得比個like.今晚主菜： 先來一個嚴選五款新鲜刺身：三文魚，甜蝦，油甘魚，八爪魚 ，北寄貝，鮮，甜味👍⋯⋯價錢合理$188。之後來過：牛油果🥑軟殼蟹卷，有八件，壽司面舖滿木魚碎，牛油果香味，壽司包住軟殼蟹。口感好特別。再加上少少沙律醬油。健康得來又野味。好難形容那刻心情。主角出現啦⋯⋯登登登登：石燒霜降牛小排。附送幾款醬汁，有海鹽，沙律醬，蒜蓉另配上特級醬汁，將牛小排放上🔥大約三十秒，不沾上任何醬，牛的油香留在口腔中，好甘香。另一款🔥法，放少許蒜容一齊🔥⋯⋯又上了另一層感覺，味道又唔同呀😋😋唔夠呀⋯⋯加過三文魚子壽司，大大粒⋯⋯咬落去，「LOK LOK」聲😂最後當然食過出名水信玄餅甜品來完成今晚晚餐！「日本野」真係唔簡單呀⋯⋯😋😋

日本野朋友話想食日本野，於是去search 下，真的有間餐廳名叫日本野，在旺角，很方便，不如一試！一進去，地方也不錯，冷氣大咗少少姐😂然後叫了石上燒肉定食及魚生丼定食，配雞翼及炒什菜。個牛肉好嫩，魚生丼魚生很多，什菜炒得很出色❤️，面頭放上漂移木魚，好有feel 呀💯另外再加剌身，好新鮮而且又夠肥，so fresh and a lot 😍加埋個軟殻蠏壽司🍣，無得頂仲有個蛋，好 thick 及有正正曼魚！招呼很好👍，價錢也非常合理😋

最近因為社會活動而少了去旺角，最近相比起之前算是和平了一點，終於有機會可以去了。就在人港密集的西洋菜南街，那兒的銀城廣場開了一間「日本野」，的確是日本餐廳無誤哈哈。這裡的食物款式並不多，晚餐來說大致上都是丼飯和定食，比較特別的有一份自選丼飯，刺身種類繁多。首先點的是飲品，不嗜酒，所以點了一渣雜果賓治，原來正宗的雜果賓治是粉紅色的，很大渣呢，果汁味濃厚，並且不會太酸，甜甜的。一般的雜果賓治都好似只有死甜的味道，能感覺到這裡的真的用鮮果弄出來。男朋友點了一碗自選丼飯，食材有三文魚、海膽、油甘魚和吞拿魚腩蓉，數種食材都十分新鮮！很久沒吃過丼飯，這裡的弄得很不錯呀，尤其是吞拿魚腩蓉和帶有一點日本醋味的飯混合在一起也很適合。接著點了這裡最有名的石燒吉列霜降牛小排，看樣子真的不得了呀，牛肉的條紋很明顯，側邊是脆炸的外皮。用小爐燒一會，便成了熟牛肉，經過大火燒後，牛肉口感有點煙韌，喜歡軟身的人可能就會感到一般。霜降牛小排連同脆炸的外皮也不會很油膩，反而是一種享受，從前的人已想到吉到牛這種食物嗎？真覺得日本人發明這種食物很神奇。厚燒鰻魚玉子是自選丼飯追加的小食，玉子的厚度確實很足夠，還有大量的木魚和飛

今次經朋友嘅介紹黎到旺角呢一間叫做日本野嘅餐廳食日本菜，今次小編同女朋友order左一份石燒霜降牛小排定食，牛肉10分新鮮，同時亦都可以比我地自由去選擇牛肉嘅生熟程度，另外小編同女朋友亦都order左一份魚生飯，魚生有三文魚、油金魚、海膽，同埋吞拿魚腩蓉，魚生10分新鮮，份量亦都10分足夠，建議鍾意食魚生飯嘅朋友一定要試。飲品方面，小編同女朋友選擇咗特飲「波斯貓」，呢間日本餐廳調製得相當好，大家嚟旺角行街嘅時候不妨試一試啦。