日本野 (已結業)

2019年最後既一個星期日，以一年由年頭黑到落年尾，仲有2日就到2020年啦，當然要去食返餐好既，希望來年會更好。今日去日本野食我地至愛既日本野。餐廳位於銀城廣場9樓，格離行完街就可以直接上去啦。石燒霜降牛小排-亦可追加昆布湯、日本米飯、糖心蛋/溫泉蛋牛小排厚薄適中，油花均勻，先用牛脂塗抹石燒上，然後將牛小排放上石燒燒至自己喜愛既熟成度，牛小排牛味濃郁，肉質軟腍，口感好juicy，一路慢慢燒，一路食，好滋味嚴選五品刺身-刺身有北奇貝、三文魚、甜蝦、八爪魚、油甘魚，刺身新鮮，八爪魚清脆彈牙，油甘魚厚實滑嫩，刺身厚切，口感好滿足海膽（半板）-海膽，肥大肉厚，入口隨即在嘴裡化開，味道濃厚甘甜，鮮味十足芝士煎餃子-芝士超級邪惡，仲有拉絲效果，芝士味濃，配埋餃子食味道又幾夾