日本野 (已結業)

堅食日本野！上網搵原來真係有間餐廳叫做日本野😂照燒雞扒定食大大塊照燒雞扒超級厚，雞皮煎到香脆，咬落仲有肉汁！鰻魚炒飯鰻魚汁滲入每粒飯粒，飯不會乾身仲好入味，鰻魚份量都好多啊！晚市套餐仲可以無限追加小食炭燒粟米攤銷果然係唔同啲，食落去小小嘅煙熏味加埋粟米嘅甜味，好juicy!刺身拼盤有三文魚、八爪魚、牡丹蝦。我哋仲要多咗個活赤貝，全部都好新鮮！厚燒鰻魚玉子見到就令我諗起喺黑門市場食嘅鰻魚玉子啦😍蛋嫩仲有小小軟心，加埋鰻魚，成個玉子唔同曬！

Once you leave the lift you will find that this place is divided into two restaurants. On one side it serves western food and of the other side it serves Japanese food. It’s a bit unconventional, but I thought it was cool that you can decide which place to go depending on your mood.We went with the Japanese side because we really wanted to eat sushi that day.We ordered a variety of Japanese cuisine because we were feeling quite hungry. We got a sushi platter, a sashimi platter and two of the set

本人呢排成日聽到日本野呢個名，雖然我個名無折頭～～但都慕名而來間野好新淨，野食種類都幾多，仲有晚餐set tim!極上七品刺身 - 刺身絕對係衡量一間餐廳質素GE指標，呢個刺身連八爪魚都咁厚身，海膽都超鮮香，就知有D料到石燒霜降牛小排 - 男朋友係食肉怪，叫左個石燒牛，雪花分佈平均～～牛味超濃，亦唔會好易燒焦和牛壽喜燒 - 本人係sukiyaki嘅粉絲，牛GE精華完全溶入湯中，醬汁濃中帶甜，冬天必食鍋物我個個係晚餐set，所以追加左個鰻魚玉子小食，蛋無過老，最值得欣賞係個美乃滋加左黑松露，有畫龍點睛的效果牛油果加州卷 - 感覺好似送左個蟹子蟹柳沙律俾我咁，性價比會否太高最最最令我驚喜GE係佢個甜品！！！日本野但整到好出色GE西式甜品creme brûlée + apple crumble - 最欣賞佢唔會太甜，而且賣相都令人心心眼

連鎖式日式餐廳真係食到厭，而我又想支持下d小店，見網上評語又唔錯，決定去試下，6點幾去到冇乜人，見佢地安排左我地細枱，諗住問佢可唔可以轉大枱，竟然話今日full晒，全部枱都留晒，之後發覺佢冇吹水，真係爆場，好彩我有book到位。餐牌有好多選擇，價錢非常抵，加錢仲可以有小食，而且份量唔細，仲包湯同飲品！石燒吉列霜降牛小排 : 依度既招牌菜，外面係吉列，入面包住未熟既牛小排，佢地會俾塊石頭俾你自己燒熟，要幾成熟就幾成熟。柚子雞翼 : 炸到好香脆，上面仲有d柚子蜜，剛好中和雞翼既油膩。鰻魚玉子燒 : 好滑好香蛋味，入面包住爽塊鰻魚，入口即溶。刺身井飯 : 刺身超級新鮮，三文魚子/海膽既味已經可以撈飯食，加上材料新鮮，唔駛落醬油都好好食。牛油果軟殼蟹卷 : 超級大條，軟殼蟹炸到好香脆，牛油果好滑。榴槤炸彈 : 外脆內軟，一咬落去，d榴槤爆晒出黎。梳夫里 : 好軟綿，唔會太空氣感。雪糕心太軟 : 一冷一熱，完美既配合。

我食日本嘢，梗係要來日本野度食啦，一嚟到已經感覺到環境好舒適，位置唔會坐得太迫，保持私人空間感覺，我佢哋主要係食壽司，刺身，刺身丼，再加有少少嘅定食，老公好鍾意食刺身丼，所以佢就帶咗一個嚟食，而我就叫咗個石燒霜降吉列牛小排嘅定食，因為我個人比較喜好石燒嘅肉，刺身丼就會有張紙俾你自選刺身，有啲比較上盛嘅刺身就要加錢，但都唔算話太貴，等左一陣，食物終於到啦，首先係石燒霜降吉列牛小排定食，樣子非常討好，店員會幫你開火，然後拎舊肥膏燒好塊熱石版先，等你燒嘅時候唔會咁易痴底，牛小排好軟身，味道一流，係幸福嘅味道，平時食唔晒一碗飯嘅我，今次自己一個可以食晒一碗飯，可想言之佢哋嘅牛小排係幾咁好味，至於老公嘅刺身丼飯，刺身非常之新鮮，件件都好厚切好大舊，仲有$1印有日本野字樣嘅蛋，非常可愛，當飯嘅份量適中，女仔來講的話我相信會啱啱好，但係男仔來講嘅話就會唔夠食，不過都好嘅，唔會話飯多刺身少，最後我哋叫多2款刺身，有三文魚同牡丹蝦，三文魚有5件，但係每一件都超級厚切，牡丹蝦就有一隻，亦都係非常之大隻，啖啖肉，但係亦都好新鮮，啲蝦膏好鮮甜美味，我餐廳食材非常新鮮豐富，誠意推介。

旺角日式餐廳日本野推出身份證優惠，由即日起至2020年1月23日，顧客身份證上只需有「李」、「嘉」、「誠」、「萬」、「歲」三個字，即可享免費 Lunch或Dinner Set；有其中兩個字，即享半價，有其中一字，即享 8 折優惠！我又去湊下熱鬧先😌｛極上七品刺身}七種不同刺身，包括甜美三文魚、爽甜牡丹蝦、軟嫩帶子、咸香日本馬糞海膽、超爽脆原隻赤貝、油脂油甘魚腩及煙韌八乏魚。款款刺身都解度十足，尤其係油甘魚同海膽，簡直欲罷不能。｛石燒霜降牛小排配白飯｝霜降牛小排肉與脂肪分佈平均，脂肪像雪花般誘人，侍應會同時奉上鐵板，雪花與鐵板相遇的一刻，滋滋的聲音，牛肉的香氣充斥了我的意識，直到食得才打破靜默，好重牛味，肉質軟嫩。｛和牛壽喜燒配烏冬｝寒冷的冬天配上熱辣辣的壽喜燒，和牛軟嫩，配上甜甜的壽喜燒既能減少和牛的油脂感亦能突出牛肉的鮮味。最後放入烏冬，把所有和牛蔬菜精華集於一身的壽喜燒湯汗吸取，淡淡都是精華所在。😋味道：8/10🙃點頭：7.5/10💰消費：$350

旺角真係好多隱世樓上餐廳，今日老公生日緊係要揾間好既餐廳同佢慶祝，俾我上網揾到間係旺角銀城廣場9樓既日本餐廳，個名好特別，叫"日本野",老公問食咩，我米話食日本野，佢一頭霧水，咩呀！佢去到就知，真係日本野，原來係餐廳名。晚餐有井飯，有定食,加幾十蚊仲有個小食，送湯+飲品，價錢最平唔駛$100就食到。唔夠喉，仲可以再叫小食。我點左個佢最人氣"石燒吉列霜降牛小排",佢係個外皮炸左吉列先，內裡全生，再俾塊石板你自己燒熟。塊吉列牛小排，外脆內軟，入口即溶。和風柚子雞翼:炸到好香脆，完全唔油，加埋面頭既柚子，解晒炸出黎既熱氣感覺。鰻魚玉子:玉好滑，好濃蛋味，啖啖都係鰻魚。牛油果軟殼蟹卷:個份量好多，牛油果好香，配軟殼蟹卷食好清新。火炙燒三文魚壽司: 入口即溶，燒得剛剛好，一份2件 都只係$26榴槤炸彈:身為榴槤控既我，點可以唔用佢黎作終結，依度係即叫即炸，雖然出面都食到，但即叫即炸既係特別好食。

銀城廣場最近又有新食店選擇，那就是日本野，日本野裝潢以日式木材風格為主，光線充足，滿舒適的，食物水準也不錯，相信會成為我們日後飯聚之選。吃日本菜怎會不吃壽司，我們分別點了三文魚壽司，甜蝦壽司和帆立貝壽司，壽司一份兩件，甜蝦壽司一看便知肥美甘甜，三文魚壽司脂香滑溜，嚐到最原始的魚鮮，帆立貝壽司誘人的彈力，濃濃的海味回味三分。剛吃完刺身壽司，我們意猶未盡，馬上追加火炙和牛壽司。我們此刻更愛火炙和牛壽司，因為它的油脂豐腴，炙燒後的和牛香氣俱增，脂肪與牛肉融合，連同酸美的壽司醋飯品味，妙不可言。海鮮大阪燒份量相當厚實，餅皮夾住蔬菜，蛋和海鮮，餅皮不薄不厚，這樣看用料豐富。經過鐵板熱炒配料，蔬菜清甜，蝦肉和魷魚有著彈牙鮮美，最後塗上特製醬汁，木魚絲及紫菜絲，味道層次多變，這是吃海鮮大阪燒幸福之處。厚燒鰻魚玉子燒咬下去有蛋的香甜，帶有微微彈性，玉子燒中間的鰻魚細緻無骨刺，配上蟹籽與木魚絲，玉子燒充滿日式風味，令人愛不釋口。咬下炭燒牛舌串，牛舌好不脆彈，之後漸漸感受到它的甜度與油香，朋友說原來新鮮的牛舌沒有調味，只是原始地炭燒是這麼好吃呢。我們深明光吃肉是不健康的道理，故多點一份炭燒茄子，保持均衡飲

小弟係牛魔王，知道一間旺角新開嘅日本菜有吉列牛食，即約朋友去食！我哋好早到，所以有位，被安排坐卡位，好舒適，職員好親切！晚市都有定食餐牌，壽喜燒同丼飯都好吸引！我當然選了石燒吉列霜降牛小排，定食套餐有沙律、溫泉蛋同飲品！有個石板，主要用來燒牛小排！定食來到了，真係好吸引，吉列牛賣相好好，有一舊牛脂肪仔，當牛油使用，放牛小排在石板上燒兩面大約十幾秒，不用全熟，就食得！外層的吉列皮好脆，裡面好軟稔，充滿牛香，非常美味！溫泉蛋汁配白飯都好好味！另外，再點咗海膽半板同極上七品刺身！海膽非常之鮮甜，感覺相當新鮮！口感軟綿！刺身有海膽、北寄貝、三文魚、帶子、油甘魚、牡丹蝦同八爪魚，帶子厚肉鮮甜，牡丹蝦蝦頭有膏，蝦肉好爽口！八爪魚一點也不會韌！整體好好！我地仲點咗炭燒粟米，燒得又香又甜！

旺角區餐廳林立，臥虎藏龍，有好多好野食。呢一日黎到西洋菜街既"日本野“食豐富既晚餐！先黎小食~厚燒鰻魚玉子！$38~玉子剛燒好就上碟，脹卜卜非常大份。玉子卷內有鰻魚作點綴，附以蟹子及木魚，口感多層次，加上黑松露沙律醬，味道豐富！極上七品刺身~$328刺身包括7種海鮮！三文魚，活赤貝，牡丹蝦，油甘魚，八爪魚，帶子及海膽！刺身非常新鮮甜美，牡丹蝦係我最愛之一。溫度掌握剛好，刺身不會冰凍。而海膽是另一之愛~~！入口香味濃郁，鮮味突出，入口即溶！石燒霜降牛小排~~$148石燒非常有趣，先用牛脂塗抹燒熱的石板上，再慢燒牛小排兩邊！收血水後就食得！當然生熟憑個人喜好。自己認為七成熟十分不錯，脂肪溶化中，口感頗佳！寒冬的日本餐當然少不了和牛壽喜燒！和牛，生蛋不但補身，壽喜燒還保暖~~食過後非常暖屈屈！餐廳還有一個非常讚我甜品部~以上是焦糖燉蛋~外表非常漂亮。

聽朋友介紹旺角開了間日本餐廳，朋友話質素不錯，所以我星期日就去試試！裝修帶點日本風，座位好寬敞，坐得好舒服！晚餐都有定食，而且定食選擇都幾多，我哋點了一個定食，再點些刺身和串燒！浦燒鰻魚定食定食還有沙律和餐飲，超大條鰻魚，帶點膠質又煙韌，層次分明，食落魚肉嫩滑，不會過於油膩。要一讚碗白飯，日本珍珠米脹卜卜，上面有紫菜飯素，還有一隻溫泉蛋，伴匀在熱飯之中，加一口鰻魚，美味！這個定食的質素確實不錯！極上七品刺身有三文魚、帆立貝、油甘魚、牡丹蝦、八爪魚、海膽和北寄貝，十分豐富！海膽質素好好，好鮮甜，三文魚肥美，牡丹蝦爽口彈牙！炭燒牛舌串燒得剛剛好，非常爽口，沒有筋不會鞋口！炭燒秋葵燒得好香，秋葵不會老，好吃！整體來講不錯，值得再去！

今日黎左間有個優惠好特別既日本餐廳，只要你個名有李嘉誠萬歲呢幾個字其中一至兩個字就會有折，哈哈😄雖然我個名就冇呢幾個字，但係餐廳有呢一個推廣都幾得意😛我地叫咗兩個2個set dinner。1️⃣精選角切魚生丼138原先以為魚生飯會好細碗，但係令到我有啲驚喜，因為佢份量都算幾多，兩個人share食都夠。入面有好多種唔同嘅魚生，三文魚特別多，仲有八爪魚🐙蟹子油甘魚等等，都算幾新鮮好味👍👍咁呢一個set我就叫咗麵豉湯。2️⃣石燒吉列霜降牛小排$178，呢個會有日本米飯同溫泉蛋或者溏心蛋，我揀左溏心蛋。d 牛既紋路幾靚，一睇就知係靚牛，食落都好juicy, 牛味重！I like it💕而呢個set 我就叫左沙津。3️⃣Set dinner仲可以追加小食，我追加左芝士年糕$28想講真係超好味！成舊都係芝士，熱辣辣軟綿綿，但食一舊就夠啦，食太多就會覺得膩😝😝4️⃣牛油果🥑軟殼蟹卷$88牛油果同軟殼蟹不嬲都係最佳嘅配搭，有估唔到有咁多舊🤣🤣太飽了！5️⃣豚肉大阪燒$88柴魚郁下郁下姐好搞笑，食親大阪燒都好鍾意望住啲柴魚，呢樣餸就不過不失啦！買單500幾，都算幾抵，因為份量係好多下！兩個人食得太飽啦，應該叫少一樣野哈哈😄

新開張不久的日本野喺旺角銀城9樓，睇 名都知係食日本嘢啦！新開張來說，有8成的入座率，做得不錯啊！刺身拼盤 $88晚市套餐追加的刺身，有北寄貝、八爪魚、甜蝦和三文魚，雖然不是名貴的魚類，但勝在款款都夠晒新鮮，不錯！石燒吉列霜降牛小排 $178套餐有齊沙律、溫泉蛋、味素飯、餐飲、同埋主角吉列牛，超大份！以牛脂肪於石板上煎出肥油，就可以開始料理吉列牛了！齋睇個樣都知係靚野，牛小排肉色有光澤，雪花位潔白均勻，煎好後入口外脆內軟，肉味香濃，仲跟咗燒肉汁、鹽、蒜蓉同埋蛋黃醬，更添惹味！和牛壽喜燒 $188塞滿了的鍋，跟烏冬和麵豉湯。烏冬已先烚好，可加快烹調的時間！牛肉片係超腍！其他配菜索晒壽喜燒湯底同埋牛肉嘅精華，格外香甜美味！餐飲可選茶、啡、或汽水。

好耐無去旺角食野趁住就黎聖誕節🎄出去買下禮物行到咁上下，就去醫肚先朋友話想食日本野突然間好想食刺身叫左盤有5款刺身試下有三文魚、油甘魚、北寄貝、八爪魚同甜蝦三文魚同油甘魚好厚切😍其餘個三款都好新鮮呢仲有左吉列牛試試來自美國牛小排外面香脆放係石板上煎香兩邊油花均勻，香濃肉味我地仲加左個珍珠米飯🍚好岩送飯食呀另外，仲叫左一份午餐有五件壽司同三件加洲卷沙律、烏冬同味噌湯質素一點都唔差👍🏻👍🏻

新開張有優惠，身份證有8字就8折，括弧內數字係8就可以免費食一客58蚊嘅食物，星期六中午一點去到，大約坐滿左2/3，地方感覺好細，同隔離好近，落單位侍應態度非常一般，食物大約10分鐘上枱，牛肉丼飯牛肉好入面，我覺得好咸，隻溫泉蛋穿左，好失望，滑蛋豬扒飯正常，凍飲好細杯，奶茶好苦聽到附近有一枱有個婆婆話食唔哂想打包，但婆婆應該係用8字優惠，個侍應態度麻麻咁講你用左優惠唔可以拎走，其實明白嘅，不過又係咪規矩要咁死呢？結果只會得兩個，一係變大哂鬼，一係佢磨爛席霸住你個位慢慢食埋佢，咁又何苦呢，所以成餐飯由一入去開始已經感覺麻麻，唔會翻兜啦～