日本野 (已結業)

好姊妹生日, 係我既悉心安排下, 揀左旺角銀城廣場樓上舖一間食日本菜餐廳---日本野。店內簡潔整齊, 提供多款刺身、壽司、自選丼飯, 晚上亦推出dinner set, 每set跟湯/沙律+飲品。【石燒吉列霜降牛小排】HK$178係其他餐廳食過唔少次石燒吉列牛, 但今次真係食過咁多次最好食既一間!霜降牛小排外圍邊位為鬆脆吉列炸皮, 牛小排色澤嫩紅, 油脂比例均勻, 係石板上稍為每邊燒至半熟, 充滿肉香又不會過於油膩, 質地林而不起渣。非常推介!【脆味雞軟骨】HK$48雞軟骨爽脆, 表面乾身香口, 有些少鹽吊味, 點埋沙律醬食, 味道更加提升【豚肉大阪燒】HK$88厚厚大阪燒, 豚肉比例較少, 大量椰菜絲加上沙律醬、燒汁壓成餅狀。豐富層次, 椰菜清甜。【5品刺身】HK$188包括有三文魚、油甘魚、八爪魚、甜蝦、北寄貝魚類刺身均為厚切, 滿足口感。三文魚帶魚鮮味; 油甘魚甘香鮮味; 八爪魚+北寄貝好爽; 甜蝦鮮甜唔腥。【帆立貝壽司】HK$48【蟹棒壽司】HK$18【火炙芝士蟹棒】HK$22帆立貝肥美鮮甜, 整整把壽司飯覆蓋; 甜甜蟹棒上既芝士經火灸後未至於溶為一體, 令壽司多一份芝士鹹香。【

✨高質日本嘢🥩抵食石燒吉列牛😍✨—————————————————-以前去日本餐廳一定會叫刺身！但而家盡量少係街食生野😳冇高溫煮過真係唔安心😂所以今餐全部熟食同埋記住食乜前都要洗手！！呢間日本野都幾高質 座位又唔會太迫😛—————————————————-🥩石燒吉列牛定食 $178 (7.5/10)呢個set好抵😛有10片牛左右包飯 溏心蛋同麵豉湯 勁飽😋吉列牛我會煎到8成熟 就岩岩好鎖住肉汁不過石板唔夠熱 有時要燒耐d.🍳厚燒鰻魚玉子 $68 （9/10）足料 厚厚既玉子包住鰻魚🤤有蟹籽加木魚碎 口感好豐富.🍗柚子雞翼 $58 (9/10)必食😍雞翼厚肉又脆口好鐘意柚子醬 酸酸甜甜好正！.🍢炭燒牛舌串 $38 (6.5/10)油左少少 牛味唔算突出 .🥘豚肉大板燒 $88 (7/10)超厚身 有紫菜加木魚碎超正食到尾會有點dry 如果多d醬就好.🍡芝士年糕 $28 (8/10)年糕有咬口 外脆內軟 芝士都幾多😋—————————————————-📍 日本野 (旺角) @nihon.ryori.restaurant 旺角西洋菜南街2A號銀城廣場9樓.

較早之前同朋友去咗旺角銀城嘅日本餐廳食飯，環境舒適，同朋友吃飯傾吓計幾啱心。當晚我吃左個自選丼飯，揀咗玉子蛋、北寄貝、油甘魚、帆立貝和海膽，丼飯砌得十分整齊，刺身食落去都新鮮，海膽嘅份量很多，又甜美。配搭蟹子青瓜沙律，爽脆清甜。至於朋友就食蒲燒鰻魚定食，原條燒鰻魚上碟「噢」左咀，配搭溏心蛋、白飯同味噌湯，都係$118，非常抵食呀！燒鰻魚嘅肉質好厚，食落啖啖肉，最重要係骨絲被挑得乾淨，入口滑身很多啊！厚燒鰻魚玉子，呢個我覺得係必食呀！玉子滑嘟嘟，捲着厚厚嘅鰻魚肉，香滑可口。芝士年糕，年糕表層炸得金黃香脆，咬一口，芝士即時流出來，很甘香啊。和風柚子雞翼，雞翼先炸過，皮脆肉嫩，再用柚子醬淋在雞翼上，酸甜香嫩。食飽飯緊要來個甜品先滿足嘅，心太軟配抹茶雪糕，樣子同一般見到嘅心太軟有點不同，但流心朱古力夠濃郁，不太過甜。整體來講，呢間餐廳嘅食物都ok，在旺角區價錢亦唔太貴，欣賞的！

去「日本野」餐廳食日本野 ！餐廳的室內設計以木系為主調, 坐位寬敞舒適, 很有日式風格的。餐牌上有很多食物款式選擇, 有沙律🥗、小食、串燒、刺身、壽司🍣、卷物等等。//自選丼飯// 任選四款刺身, 刺身選擇了三文魚、油甘魚、甜蝦、蟹籽, 另加帆立貝。這個套餐還會配上味增湯或沙律菜, 另外, 還可以以低價追加一些小食。🌽 炭燒粟米 - 大大枝燒粟米, 很甜, 有牛油香。🍣火炙三文魚壽司 - 三文魚很鮮甜肥美, 壽司飯很軟熟, 火炙三文魚上還有沙律醬以增添味道。喜歡芝士的可以試試火炙芝士蟹棒壽司及火炙芝士三文魚壽司。煙三文魚藜麥沙律 - 裏面有煙三文魚、藜麥、粟米、生菜🥬、蕃茄、南瓜粒、紅菜頭粒。和風炒野菜 - 份量多, 裏面有翠玉瓜、菇、茄子🍆、西蘭花🥦、椰菜等等, 適合二人分享。

平時都喜歡吃日本料理既我，最近好友約在日本野餐廳吃晚飯，當然異話不說 say yes 啦！因為之前已聽家人説過日本野的食品非常美味，前兩日終於可以品嚐一下這裡的美食啦！餐廳裝修雅致時尚，充滿日式風格，而牆壁掛了閃爍奪目的裝飾，很漂亮！環境寬敞，地方潔淨舒適，這裡是非常好的聚會地點。餐牌上種類很多，包括石燒牛、丼飯、定食、刺身、火炙壽司、卷物、大阪燒、串燒、沙律、小食等，款式多樣化，真的很不錯。雜錦壽司拼盤     $208賣相精美的雜錦拼盤，包括牡丹蝦、海膽、帆立貝、活赤貝、油甘魚、三文魚，壽司鮮美，肉質爽滑，鮮嫩可口，很美味！蔥三文魚三文魚籽丼    $188丼裡盛載著滿滿的三文魚籽，口感脆脆，帶少少鹹，油份甘香，完全沒有魚腥味，非常爽口  ;  三文魚新鮮肥美，肉質爽滑，配合黏性高的日本米，飯味香，軟綿綿，非常好吃。和風田園沙律     $48以多種材料製作而成的日式沙律，忌廉芝士、南瓜、沙律菜、車厘茄、青瓜、粟米等，蔬菜翠綠新鮮，爽脆可口，加入日式芝麻汁，令蔬菜味道更有層次，越食越滋味。

近排出少左好多街, 但係成日屈係屋企都唔係辦法, 而我對日本菜既熱愛真係從來都無少過, 所以終於出左去食日本野!而間餐廳真係叫日本野食日本菜一定要叫盤刺身先, 7款唔同既刺身滿足哂我想過口癮既感覺, 仲要款款刺身都厚厚既, 十分新鮮, 不錯不錯叫了dinner set既壽喜燒, 和牛加甜鼓油既配搭相當唔錯, 隨餐附送既烏冬都好好食!剩係呢啲點會夠, 所以我同友人仲叫左兩款燒物: 燒牛舌同埋燒茄子! 牛舌調味差少少, 但係肉質算嫩, 而且唔會好難咬. 燒茄子係好貼心咁樣去左皮架! 燒出黎熱辣辣仲出煙, 相當好食!跟住仲試下佢既壽司, 火炙帆立貝同埋三文魚子壽司. 三文魚子壽司紫菜仲脆, 食落口好滿足!最後因為唔係好夠, 叫左個鰻魚炒飯, 好高質!! 鰻魚無散, 而且落既汁都好夠, 好濃味既炒飯! 勁正!最後埋單每位$500, 我覺得都可以試下既! 環境都舒服, 仲有酒飲, 可以同朋友係到吹水都唔怕!

/日本野🇭🇰/#sa旺角篇 #sa晚餐篇 ➖➖➖今晚就去食日本野啦🎌 之前去mini Friday 食野嗰陣發現隔離就係日本野～日本野除咗刺身壽司之外仲有燒牛肉、shabushabu、丼飯、甜品 幾多種類 樣樣都好吸引聽講依家帶任何筆去食野有優惠➖➖➖1️⃣和牛壽喜燒 $188 配細飯/烏冬 +飲品入面其實幾足料 有好多塊牛肉而且每片都好巨型 有嚼口 肉味濃仲有温泉蛋、蔬菜、豆腐、金菇湯底幾入味 不過會越食越咸🙈撇除咸 整體來講係唔錯👍🏻➖➖➖分數:7.8/10 ➖➖➖2️⃣石燒霜降牛小排 $148 配飯+湯 再+$18 其實都算划算～牛嘅油脂分佈都幾平均肉質頗有嚼口 調味分開 更加食到牛原本嘅鮮味🤤可以根據個人口味再點鹽、蒜點蒜係最惹味 鹽就會有啲咸～➖➖➖分數: 8.3/10 ➖➖➖3️⃣厚燒鰻魚玉子燒(3件) $38入面夾住鰻魚仲有拉絲芝士😆面頭有木魚絲同蟹籽👍🏻醬汁係黑松露 味道頗濃郁～鰻魚再大件啲就好🙆🏻‍♀️➖➖➖分數: 7.5/10 ➖➖➖4️⃣水信玄餅 $28 球體狀 入面有朵櫻花🌸 幾靚仲可以點黃豆粉食～口感有少少似蒟蒻 味道清淡唔會好甜💕➖➖➖分數: 7.2/10➖➖➖📍日本野 旺角

今次黎到旺角口痕痕想食下日本野，好想食壽喜燒，喺網上睇到咁多好評就去試下啦！.厚燒鰻魚蛋卷（三件） （套餐追加$38）個蛋整得好綿，口感軟軟地又留有少少蛋汁，係鰻魚份量就少左啲。.和牛壽喜燒 $188呢個真心不得了！和牛份量幾好仲要係大大片，壽喜燒真係冇得輸，和牛牛香好濃，口感入口即溶，牛香喺口度不斷巡環😋唔想食咁飽嘅可以試吓佢地嘅烏冬，呢個餐有得選擇配烏冬定飯！其實佢嘅配菜吸哂啲壽喜燒嘅汁真係配咩都好食😋🤣.石燒吉列霜降牛小排 $178呢間個吉列做得幾好！喺石燒完想要嘅生熟度後放入口都仲食到佢四周吉列嘅脆卜卜，而牛小排啲油脂經石板一煎牛香立即逼出，成個環境都有滿滿嘅牛香味！.水信玄餅 $28打卡一流，又靚靚！

今日同朋友一行四人相約旺角，搵到間係銀座上面既日本餐廳，除左壽司刺身，都有唔少熟食選擇先尼一個七品刺身，d三文魚厚切啖啖肉！牧丹蝦都好鮮甜，仲有海膽呀！依個吉列炸牛，d肉唔靱好林，濃濃既牛味，真係唔錯柚子雞翼，炸雞翼加上柚子醬，酸酸甜甜又開胃，竟然仲有三文魚子伴碟添呀三魚子壽司，都算鮮甜，咬去啖啖鮮味鰻魚炒飯，鰻魚既份量好多呀，最怕鰻魚好多骨，依碟係無咩骨架，炒飯既味都調得幾好芝士炸年糕，雖然好多地方有得食，但都唔係到到都好味，依間炸得幾好，唔怕太多油，炸得岩岩好焦蛋燉蛋唔好會味埋單都係9百幾，以食物既質素尼講，真係抵食架

之前食過主打西餐嘅Mini Friday都唔錯，原來最近佢開左條副線做日本菜，因為性價比幾高，所以都幾多人幫趁，見都有一排冇食日本嘢，就一於黎試下哩間日本野。日本野同Mini Friday嘅旺角店都喺同一層同一入口，只係鋪位分左左右兩邊，左邊係日本野，右邊係Mini Friday。日本野有散叫亦有套餐，想經濟啲可以叫丼飯或定食套餐，不過散叫就會多啲選擇，沙律、小食、大阪燒、串燒、刺身、壽司、石燒牛同甜品都有。冷泡水果茶($88/渣)飲品$58，我地兩個人就叫左一渣。水果茶酸甜度啱啱好，茶味夠但唔會太澀，都幾好飲。炭燒牛舌串($38)牛舌一客有兩串，雖然唔算厚身，但食落都彈口，鹹鹹香香幾惹味。壽司全部一份兩件，我點左三款唔同壽司。三文魚籽壽司($32)—三文魚籽每一粒都好圓，鹹鮮味十足，紫菜乾爽冇受潮變腍。海膽壽司($88)—每一件壽司都有幾多海膽，雖然夥粒唔算明顯，但食落都鮮味。火灸芝士三文魚($28)—三文魚好大塊，完全覆蓋下面嘅壽司飯，如果芝士可以燒到半融更加好。石燒霜降牛小排($148)牛小排可以散叫，亦可以加$18轉套餐加配昆布湯同白飯。牛小排雪花紋好靚，份量同賣相同餐牌內相片

自從去完日本之後，返到嚟香港都好想食日本嘢，搵咗間性價比高日本嘢食下先。好，坐低睇吓有咩好食先。蒲燒鰻魚定食，套餐可以揀沙律或者麵豉湯，大大條鰻魚好抵食，配糖心蛋，送飯一流。石燒吉列霜降牛小排，牛排雪花花紋整齊，放上石鍋燒至喜愛既生熟程度，牛排咬落柔軟，加上表面炸脆嘅外皮，好味。厚燒鰻魚玉子，厚厚嘅玉子包住鰻魚，咬落柔軟可口。芝士年糕，炸到熱辣辣，咬落裡面軟綿綿嘅芝士流出黎，正！刺身拼盤，有四款刺身，都幾新鮮而且抵食。跟餐飲品叫咗熱奶茶、凍檸茶。

#日本野 (旺角)食果時😏身份證有李／嘉／誠／萬／歲，其中3個字就可以有免費lunch/dinner set。兩個字有半價。🧐如果一個字match就有8 折優惠。🥳此舉真係向誠哥之前派發既援助金致敬。雖然我地名完全唔相關🤣只係想食下日本野。價錢方便無折扣都唔覺得貴。今日食好少少🤏，我揀咗一個 #嚴選五品刺身 $188 有章魚🐙、三文魚、油甘魚、甜蝦、北寄貝。各厚切兩片。🤩最有驚喜係章魚，咁厚都唔韌，仲爽爽甜甜。#炭燒牛舌串 $38 2串主要以黑椒味為主，🤓略嫌牛舌唔夠彈牙。#火焰芝士三文魚 🍣 $28 客飯上邊嘅三文魚好大塊，😋再加埋面上面微溶嘅芝士，一啖食哂好滿足。#石燒霜降牛小排 $148其實可以加少少錢配餐(跟飯同蛋)，我哋都唔想食飯，就揀咗就咁燒牛肉。😆好仔細咁樣係會有少少牛脂肪比你牛肉之前出啲牛油落鐵板。😁咁樣先出嚟會香d。煎完之後可以配醬料食，鹽/燒汁/芥抹蛋黃醬/類似辣泡菜咁既味既菜。

餐廳：日本野 (旺角)地址：旺角西洋菜南街2A號銀城廣場9樓上年11月誠哥為左打救香港嘅中小企，陪香港人渡過難關💪🏾，撥款資助左共二萬七千間中小企同小販經營者，估計旺角銀城廣場9樓呢間日本野都係受惠者之一，因為佢地做緊優惠，只要身份證上有「李、嘉、誠、萬、歲」其中三個字就可以免費享用午餐或晚餐😍；由1月1去到1月23帶枝筆去食野，第二份主食仲有半價優惠呀，相信大家都估到係咩事啦haha晚餐定食附送麵豉湯或者沙律🥗，溫泉蛋同溏心蛋都可以二揀一，仲送一杯茶飲☕️，都幾抵食，我同朋友叫左個石燒吉列霜降牛小排($178)同照燒雞扒定食($98)，不得不提嘅緊係呢個吉列霜降牛小排，用上美國Prime beef🇺🇸，清晰見到豐富嘅marbling🤤，每邊煎香1-2分鐘再放入口🔥，牛肉軟腍、吉列皮香脆，真係食過返尋味我地仲追加左5件和風柚子雞翼($58)同刺身拼盤($88)。雞翼搽上柚子醬同有零碎嘅柚子肉，中和左雞翼嘅熱氣，亦為雞翼增添淡淡柚子香😋；刺身拼盤有三文魚、北寄貝、八爪魚🐙同甜蝦🦐，每款兩件，食材新鮮今晚去同朋友食咩好？日本野啦😎！咩日本野先🇯🇵？旺角銀城9樓叫「日本野」果間日本野呀XD

個人推介指數 8分 （10分為滿分) - 很久沒出過分享了, 因為節日連連, 大多去朋友或自己家中參加派對, 也沒機會外出用餐. 新的一年, 希望食得精緻, 既能吃到優質的食物, 又能保持口腹健康. 說到健康, 第一炮當然是日本野, 無錯, 此店的名字正是日本野. 地方空間充足, 配以日式的簡約風格, 最岩我們這家日食忠粉. 因此, 我們對日食的要求也相當高, 此店子各方面也能滿足我們仨, 沒有太多可挑釁的地方. 新的一年, 我們仨人又出動揾食, 經一輪大搜查, 我便提議去食日本野. 現在我們外出的攻略都是盡量在非繁忙時間品嚐, 希望能好好享受一頓美 味和美好時光.是日我們在六點左右到達, 人流不多, 感覺份外舒適.到七點左右, 全店已滿坐, 不過由於坐位不太密, 感覺也是良好. ANYWAY, 人退我進, 人進我退, 是我們新一年的左右銘.坐下不久, 我們各自點選了自己喜歡的食物先來就是太太ORDER 的一個極上七品刺身所有刺身也相當新鮮, 份量也相當多, 價錢來說十分超值. 味道方面, 特別是那油甘魚, 以厚切方式奉上, 油脂香濃, 入口甘香軟滑.赤貝是原只新鮮起肉, 又爽又脆又鮮

今日喺旺角行街 行得好攰 於是就去食下啦石燒吉列霜降牛小排定食 成餐飯最期待呢味餸 之前喺日本食過一直念念不忘 上菜時嘅牛小扒外面包咗吉列炸皮 但係入面仲係生勾勾 放上石板上面自己控制生熟度 牛扒油花超靚 將佢燒到五成熟 等入面嘅油慢慢溶出 嚟簡直入口即溶 十分推薦呢個定食入面已經包咗一碗飯沙律同埋糖心蛋 溏心蛋整得十分好 蛋黃仲係流心 而且外面仲有淡淡嘅醬油味 用嚟送飯唔錯日本芝士年糕 外面脆身入面係軟糯嘅年糕 再加上香濃嘅芝士喺入面 咬落有爆漿效果 超級滿足 層次感分明朱古力心太軟 心太軟外形十分漂亮 朱古力味濃郁 一切開朱古力流心醬即刻湧出 嚟點上軟綿嘅朱古力蛋糕 簡直絕配