捌壹壹 (奶路臣街)

营业中

休息中

最近見到好多朋友仔都去咗試呢間餐廳，佢主打嘅酸菜魚除咗可以就咁食之外，湯底更加可以打邊爐變成兩種食法好得意，所以去同朋友試吓見真章！佢哋店舖主打冷鍋酸菜魚，我開頭以為冷鍋係凍食咁解，原來佢嘅意思係煮好左之後唔需要再煮滾可以就咁直接食用，然後再叫配料加入湯底打邊爐，呢個食飯我都覺得幾創新。我哋今次嗌左小辣，湯底超級香濃有花椒嘅麻辣味道，而且酸菜唔會太酸入口唔會乸喉嚨，佢嘅魚都好滑溜唔會一口油既感覺，而且本身鍋底嘅材料都好多，金菇寬粉等等嘅配料都一應俱全，CP值都幾高。我哋另外嗌左萵筍，手切肥牛同埋響鈴做火鍋配料，萵筍煮滾左之後好入味，而且入口唔會有渣，肥牛牛味都好濃郁，配合返酸菜魚湯底入口好清爽唔會油膩。口水雞麻辣味十足，入口都幾滑，帶少少骨，送飯一流。最後甜品當然係唔少得啦，我哋叫咗個黑糖糍粑，佢入口QQ好軟糯，配上黃豆粉同埋黑糖超好食，為呢餐做咗畫龍點睛嘅作用。今次呢間餐廳我同朋友仔都好滿意，大家如果有興趣都可以試吓！

本身好鍾意食酸菜魚…不過而家疫情無得上大陸…經過呢間川菜餐廳幾多人。就貢人黎試下…一入門口就已經聞到好香川菜味…好吸引…坐低望下餐牌…見到招牌菜既冷鍋酸菜魚同冷鍋麻辣魚…最後點左冷鍋酸菜魚…其實冷鍋唔係凍食…只不過師父將魚煮到啱啱好用鍋上…咁就唔怕自己控制時間唔好浪費左D魚啦。好肚餓所以就加左冷麵…蔥爆牛肉…炒土豆絲…再加多個腐皮先黎涼麵…個樣得唔錯…麵質幾煙韌…個汁麻麻酸酸辣辣好開胃…炒土豆絲…酸酸地…帶微辣都唔錯蔥爆牛肉…個樣好夠鑊氣…份量好足又多牛肉又多京蔥…好味主打冷鍋酸菜魚到…熱辣辣…魚肉好厚又夠滑…問左原來用左生魚肉…平時都以鱸魚…桂花魚多…生魚都唔錯…入面仲有粉皮…金菇好多配菜。個湯都好好飲…酸度啱啱好…點左中辣…飲到標哂汗。食到咁上下開爐落埋腐皮…呢度所有野都好夠份量…差d食唔哂整體野食唔錯…下次會試下個麻辣魚

繼續酸菜魚/水煮魚嘅美食之旅，見到有食友推介捌壹壹，即管試試佢。酸菜魚要做得好食，最重要真係酸菜、魚，味道要夠酸夠辣，魚肉要又鮮又滑，咁樣先可以好食。必食冷鍋酸菜魚 $188店員推薦嘅招牌菜，雖然叫冷鍋但唔係凍嘅，而係大廚炮製完後上桌，唔駛開火再滾都食得。魚肉無骨又滑，仲有酸菜、芽菜等等，食完魚仲可以打邊爐，再凍啲食就正，有BB辣到大辣，辣度可以按個人喜好而調節。手切肥牛（細） $88係酸菜魚店叫手切牛肉有少少驚伏，好在賣相同味道都無失望。最估唔到係淥一淥，牛肉立即吸哂酸菜湯底精華，好入味。麻辣金錢肚 $55小辣都充滿辣味，麻辣唔會一味死辣，金錢肚夠彈牙，仲有好多小食揀，要多啲人先試到。黑糖糍粑（細）$30唔記得叫後上，所以未食哂鹹食就到。上桌時都係熱嘅，煙韌口感，記得蘸少少黑糖食。菠蘿沙冰 $38食辣嘢點可以無解辣飲品？估唔到呢度會有沙冰，甜甜酸酸可以解辣，仲夠哂冰涼！椰青水 $18唔飲汽水可以試罐裝椰青水，相當解渴。仲有好多嘢食，可以睇下餐牌。

捌壹壹 今日約左朋友去旺角睇戲，我好耐冇食辣野😚（雖然唔係好食得辣😂），但好喜歡少麻辣個陣香味，所以去左食烤魚❤️重慶麻辣火鍋魚 $278可自選辣度，因為朋友比我更唔食得辣，我地揀左BB辣🙆🏻‍♀️其實唔食得太辣的朋友仔都可以試下❤️份量十足，魚質鮮嫩紮實，配合麻辣味，濃郁香口❤️仲有芽菜、金菇、豆卜等配菜，絕配🙆🏻‍♀️火煱加配料炸響鈴 $35每次食火煱都必叫的炸響鈴，冇得輸❤️米線$28喜歡配搭米線食，都是可以索哂d醬汁的麵類🥰飲品蜂蜜柚子梳打$32柚子醬十分足夠😍飲到尾都仲好夠味❤️Somersby crush $36外表已經好吸引，有埋變色燈在杯裏，好夢幻🙆🏻‍♀️甜品紅糖桂花冰粉$23解辣精選❤️食親川菜都必食的冰粉，唔係度度都有😋桂花紅糖味冰粉真係一流！黑糖糍粑（細）$30即叫即炸，外脆內煙韌，加埋黃豆粉及黑糖漿，甜而不膩❤️地址：旺角奶路臣街33號地下F號舖整體評分：5/5味道：5/5抵食：4/5環境：5/5

今次去左一間好就腳既川菜餐館食晏，無論旺角東站，抑或旺角站，都好方便到達😆。🐟 必食冷鍋酸菜魚 （價錢： 188）評分： 4/5酸菜魚份量超多🥰，食極都好似食唔完咁，而配料一樣豐富，有酸菜、芫茜、金針菇、寛粉、芽菜，配菜吸曬湯汁，非常開胃😋。初嚐酸菜魚，辣度點選左小辣🌶，辣度剛好，無遮蓋左魚味。 魚肉非常嫩滑，容易入口，平時食親魚最忌食到魚骨，今次食既酸菜魚挑走左魚骨，服務貼心好抵讚❤️。🥩 夫妻肺片（價錢： $58）評分： 4/5夫妻肺片有牛𦟌、牛脷、同金錢肚，辣椒醬油既香味同辣味慢慢滲出👅，食慾大增。🐖 麻辣脆耳 （價錢： $55）評分： 4/5麻辣脆耳口感非常爽脆，兩款涼菜都叫左中辣🌶，豬耳配埋火辣既麻辣汁，令人垂涎欲滴🤤。🍹 蜂蜜雪梨茶 （價錢： $25）🍸 柑橘青檸梳打 （價錢： $32）食重口味食物無理由唔叫返杯飲品，2杯飲品都好解渴，柑橘青檸梳打飲落有好似咸檸梳打🤣小編會推介俾鍾意食咸濕野既朋友仔，飲落好清涼🧊。🌟 以上價錢未計加一服務費。————————————————————————🐷 整體食物： 4/5🐷 環境：4/5🐷 可達度： 4.5/5

旺角選擇超多四川菜🌶雖然覺得辣野好香 但又唔食得好辣😢如果你同我一樣咁呢間餐廳都好岩你！基本上所有野都分左5種辣度 小至走辣到大辣🌶我地就揀左BB辣 唔食得太辣嘅我表示剛剛好.🎈必食冷鍋酸菜魚 ($188)呢到既魚片既份量可以話係非常慷慨😍起碼都十幾廿片 食極都食唔完 好抵食酸菜湯味道不錯 酸味麻味都足夠係湯底會見到花椒 辣椒 芫荽等配料配菜仲有我最愛嘅寬粉 唔怕會唔夠飽😋.🎈酸辣炒土豆絲 ($65)土豆絲亦都係一道我好鍾意嘅川菜🤤除咗調味非常重要之外 土豆絲都好重要！因為粗細不一就會令到受熱唔平均 而呢道菜嘅精髓在於土豆絲要炒得爽脆 時間過長就會淋哂 證明師傳手勢唔錯🤤.🎈麻辣海蜇 ($38)呢個我地叫BB辣就失左少少預算🧐佢本來個汁係超香麻油味 醬汁帶微酸 相對嚟講個底比較清淡 所以建議大家可以叫高一個辣度呢個都不失為一個開胃嘅涼菜.🎈黑糖糍粑 ($30)呢個都係每次去中菜館對我嚟講必點嘅甜品😋一份有五條 以井字擺盤上碟外觀上都可以話唔錯啦 打卡必備😎外層香脆入面煙韌 再加上黃豆粉同黑糖漿超惹味！.🎈芒果沙冰 ($38)食辣野又點少點一杯解渴嘅飲品真係超大一杯 好清新嘅感覺😋係夏天

旺角嚟講，呢間幾抵食酸菜魚，三至四人份都只要百幾蚊，份量都夠多，如果唔夠都可以加啲火鍋料，繼續用酸菜湯底打邊爐。魚起碼都有十幾舊，魚肉質鮮嫩，食得出係新鮮嘅，亦都入味食得出酸酸同小小辣。酸菜部分亦都唔少，不過就比較多梗，有啲梗比較難咬入。個煲底都仲有一啲芽菜，寬粉，寬粉份量就唔多，不過都煙韌好食。整體飲食體驗唔錯，酸菜魚有得揀辣度，可以適合返每個人嘅需要，之後仲追加咗個牛肉同埋響鈴打邊爐。牛肉都有牛肉味，唔係雪到柴嘅肥牛。響鈴就正常打邊爐貨色。

🐟必食冷鍋酸菜 - BB辣 ($188)🐟🐠魚既份量好足料, 有超過20塊, 😎肉質都好嫩滑爽口! 🌶同埋呢個辣度對我呢講啱啱好, 因為之後會越食越辣, 🍜底下仲有水晶寬粉, 金菇同酸菜, 真係越食越開胃!👅🥧炸小饅頭 - 6個 ($38)🥧⚱️炸到金黃色既小饅頭外脆內軟, 配埋煉奶食, 正啊!🤪🥟炸三鮮餃 - 6個 ($32)🥟👄脆皮餃子食落好香口, 咬開個餡料都有肉汁流出, 推介推介!💁🏻‍♀️🍢黑糖糍粑 ($30)🍢💠長條形既糍粑口感煙煙韌韌, 🧂表面灑左黑糖粉至餘, 再點埋黑糖醬食, 唔錯既!👌🏼🍻Somersby crush ($36)🍻🍎用蘋果酒配酸菜魚食係解喝既, 🧊而飲到最尾發現佢有兩粒冰係LED發光冰塊, ✨真係第一次見, 幾特別啊!🧃🥤冬瓜茶 ($14)🥤😋總體 (味道, 性價比, 環境, 服務態度) : 8/10——————————————————————————————🐟Pickled Vegetable Fish - BB Spicy ($188)🐟🐠The pot was of big portion and there were more than 20 pi

🌶旺角必食川菜酸菜魚 — 捌壹壹▫️呢間位於旺角嘅捌壹壹主打水煮魚、酸菜魚、香鍋同其他川菜小食。星期六中午去係差唔多滿座，中午有午市套餐優惠，例如有：必食酸菜魚、招牌水煮魚等菜式可以選擇，仲要送白飯同埋指定飲品，真係好抵食。而下午茶時段仲有85折優惠添，最平$50有找😱性價比真係高！▫️必食冷鍋酸菜魚($188)湯底簡左小辣，真係夠晒酸辣！小辣係啱啱好，鍾意食辣嘅朋友仔，下次可以轉中辣挑戰下🤩湯底係絕對係想令你一飲再飲 魚好嫩滑、好新鮮，重點係冇骨！👍🏻 芽菜索曬啲酸菜湯汁一齊食好正！寬粉係好爽滑，不過有啲黐埋咗一舊，而且浸得來會淋咗，冇咗種煙韌嘅口感🥺食完仲可以加料打邊爐！▫️手撕雞冷麵($58)佢落去有啲似雲吞麵嘅幼麵，比較普通🤭▫️黑糖糍粑($30)細煙煙韌韌幾有咬口，細份都已經好足夠2個人share，可以過下麻糬嘅口癮🤪～▫️地址：捌壹壹旺角奶路臣街33號地下F號舖▫️為食指數:7.5(10分為最多)抵食指數: 8▫️#goeat旺角#旺角美食#旺角酸菜魚#川菜#四川菜#旺角四川菜#酸菜魚#麻辣乾鍋#四川火鍋#旺角打邊爐#水煮魚#旺角川菜#川菜火鍋#黑糖糍粑#冷鍋#寬粉#麻辣寬粉#麻辣鴨血

最近同朋友都想試下川菜 就去左呢間位於旺角既捌壹壹~必食冷鍋酸菜魚 regular size $188我地叫左BB辣🌶份量都幾多 魚肉質嫩滑又冇骨仲有其他配料 水晶寬粉、金菇、豆芽等如果酸菜多番少少就更好食完仲可以加配料 打邊爐~日本廣島豪 $78/6隻唐生菜 $35准山麵 $28Meko 椰青水 $18Total $402 （連加一服務費）整體黎講價錢合理 食物質素都ok但員工態度。。。🙈捌壹壹地址: 旺角奶路臣街33號地下F號鋪

小編經過旺角見到這間專門食冷鍋酸菜魚的餐廳，聽落幾特別於是入去試吓。原來冷鍋就是指不需要再加熱，上枱已經煮好的意思，以保持魚肉嫩滑，而不是冷食😅，又長知識了。🌶招牌冷鍋酸菜魚$188酸菜魚辣度可以自選👍🏻，份量足夠二人食，魚肉嫩滑幾厚身，不過有少少骨。配菜有水晶寬粉、金菇、芽菜和酸菜。食完魚仲可以加水變打邊爐，小編就加了一份烏冬$28撈埋酸菜湯食😛，非常滿足。 🌶清炒萵筍片$65炒得萵筍很脆嫩，清甜鮮美。🌶黑糖糍粑(細)$30 第一次食黑糖糍粑，外面脆脆地，裡面有啲煙韌，表面灑上黃豆粉再配黑糖漿食，口感幾特別。

重慶麻辣雞煲 （bb辣 ）半份 $168店員啱啱將鍋蓋掀開 麻辣醬汁嘅香氣四溢 （真係好好好香）❤️❤️店員仲貼心咁為我地攪拌 (●’◡’●)ﾉ雞肉嫩滑入味 有洋蔥 三色椒 蔥 等配料即使作為一個唔係好食得辣嘅 醬汁惹味到就算食到眼泛淚光 我依然堅持食左好多！😍

今日約咗朋友嚟旺角食川菜。實不相瞞，我哋兩個都未食過川菜，今次係我哋第一次食，所以我哋帶着又興奮又緊張嘅心情踏入捌壹壹餐廳！必食冷鍋酸菜魚 $188店員俾Menu我哋睇，我哋發現餐廳主打冷鍋酸菜魚，仲寫住必食，咁我哋梗係要嗌啦！餐廳有好多種辣度可以揀，由走辣到大辣，一定有一款啱你口味！我哋嗌咗regular size同BB辣。原來regular size都好大碗，起碼要三個人先食得晒！個鍋面頭有好多芫荽，好香。重點嚟㗎，入邊有好多魚肉，啖啖肉。魚肉好大塊，又厚又滑，滑到連筷子都夾唔住🤣🤣！魚肉沾滿又酸又辣嘅湯底，好惹味！識識吓，我哋發現底下有好多配料，除咗有酸菜，仲有芽菜、金菇同寬粉。炸小饅頭（六粒）$38我同朋友都好鍾意食炸饅頭，我哋讀中學嗰陣小賣部有賣，我哋成日食😹。雖然寫住小饅頭，但其實佢係正常size。炸饅頭金黃色，炸得好酥脆，外脆內軟，點買煉奶真係一流！炸墨魚餅 $55再嚟多款小食！墨魚餅一共有六舊。墨魚餅好彈牙，仲會食到一粒粒墨魚粒。配上甜酸醬，酸酸甜甜，味道一流！蜜桃沙冰 $38 + 荔枝沙冰 $38天氣太熱，我哋又驚個鍋太辣，所以嗌左兩杯沙冰。兩款沙冰都好大杯。蜜桃沙冰

最近食到嘅味道都差唔多，想試下口味刺激啲嘅。諗起呢間叫捌壹壹，最出名係佢地嘅冷鍋酸菜魚，希望佢可以俾到我衝擊嘅味蕾。冷鍋酸菜魚（小辣）冷鍋酸菜魚原來就係經店家煮好再上枱，唔使翻熱就食得，而且魚肉嫩滑唔會過老。湯底可以自選辣度，湯底酸酸地好飲。酸菜魚嘅份量好多，魚肉大塊厚肉，口感嫩滑，最重要係無骨，酸酸辣辣好開胃醒神，食得過癮。配菜份量仲好多，有寬粉丶金菇丶大豆芽等。寬粉大條，口感煙靭，麵條索哂酸菜嘅湯汁，好入味。食完個酸菜魚仲可以用湯汁拎黎打邊爐，勁惹味。無骨口水雞口水雞雞肉厚肉，食落口感嫩滑，呢度好細心咁去埋骨，啖啖雞肉配上自家製麻辣油同芝麻，層次好豐富，另外上面嘅花生好酥脆，令人食到唔停口。黑糖糍粑糍粑即點即炸，口感外脆，食落內裏煙韌，配埋黃豆粉同沾上黑糖，味道好香甜。炸小饅頭小饅頭外皮酥脆，內裹香甜可口，點埋煉奶食味道甜甜地好夾。

-✨ 捌壹壹 📍 旺角奶路臣街33號地下F號舖———冷鍋麻辣魚 $188無骨口水雞 $78麻辣海蜇 $38蜂蜜雪梨茶 $25柑橘青檸蜜 $25話說本身我想食酸菜魚，然後唔小心叫咗麻辣魚😂不過其實我兩樣都食，亦都可以試吓啲新嘢，錯有錯着🤫麻辣魚份量都幾多，啲魚片幾滑，基本上都係無骨🥰 麻辣魚嘅香料都落得好足夠，有大量嘅辣椒乾同埋麻子🔥雖然叫咗小辣，但係唔知係咪因為一直煲住佢，食到最尾都真係幾辣(定係我weak?😂)同埋鹹咗少少，可能因為食到最尾啲水蒸發咗🤭 然後要不停飲杯嘢飲😂 係個底度會有水晶粉，嗰啲粉已經索晒成個煲嘅精華，幾惹味。入邊仲有啲好多芽菜同埋青瓜(?)但係我哋已經食得好飽所以冇食晒🤭 話說以為冷鍋係凍嘅嘢食，原來只不過係上嘅時候係”凍”，用個電磁爐就可以整熱佢。口水雞幾好食，辣度適中(都係叫咗小辣咋)，雞都幾嫩滑🥰 仲會有啲花生喺上面，份量足夠。海蜇爽脆，仲有啲青瓜絲係隔離，作為前菜來講幾好👍🏻記得一定要叫嘢飲！同埋我仲有額外叫咗碗白飯，配埋麻辣魚食。