捌壹壹 (奶路臣街)

营业中

休息中

🌶🐟🌶🐟🌶🐟好耐冇食過酸菜魚啦，今次喺旺角食川菜先，星期日嚟到都幾多人，店內座位不算多，幸好都仲有位·✨冷鍋酸菜魚🌶🐟 $188（係熱食架）可自選辣度，揀咗小辣好多魚，比想像中多，幾足料，仲要大舊、好滑、冇骨🤤滑到要小心夾，唔係就好易爛🤣好多酸菜，酸度足夠，不會過酸過淡😚唔食得辣嘅朋友可以嚟到夾走啲辣椒🌶️(其實都可以走辣)估唔到入面有寬粉，透明煙韌仲有啲芽菜、金菇咁食哂啲魚仲可以加湯打邊爐添😎·✨鴨血 $35冇諗過$35有一大磚鴨血，都有成十舊，抵食，夠彈牙，但略嫌口感硬咗少少😂·✨夫妻肺片 $58揀咗bb辣，賣相幾辣，但唔食得辣嘅朋友都勉強食到嘅🙊入面有牛𦟌、牛脷、金錢肚金錢肚爽口唔韌，牛𦟌牛脷都好腍幾嫩口😋配料好多花生、芫茜·✨黑糖糍粑(細) $30熱辣辣嘅，食落煙煙韌韌，點黑糖食我都未試過，幾得意😛·✨蜂蜜雪梨茶(凍) $25有雪梨肉，唔太甜幾好，廿幾蚊又ok喎😌·🌟鍾意食酸菜魚嘅朋友，呢間我都幾推薦🤟🏻·📍捌壹壹旺角奶路臣街33號地下F號舖·多謝你睇到呢度，歡迎追蹤 @eat_better_worldwide ✈️·👇🏻#eatbetter旺角 #eatbetter中式

🐟 必食冷鍋酸菜魚酸菜魚幾入味小辣不會太辣夠惹味不過不知道有沒有人跟我一樣以為冷鍋就是冷盤？😂但其實是熱食食完酸菜魚仲可以加料打邊爐～！-🐮 手切安格斯雪花肥牛雪花肥牛夠厚身～配埋酸菜魚火鍋底食完好想再食🤤-🍲 夫妻肺片比想像中辣不過都幾惹味-🦑 爆墨魚餅🍜 烏冬另外點了小食同飲品不過不失就不特別介紹了

最近開始愛上吃辣，周圍試吓自己的程度( * ॑˘ ॑* )麻辣、烤魚那些都很過癮。看到這家可以選辣到所以挑戰一下。餐廳環境細小，座位舒適，午市都有lunch set，星期日都有很多人～另收+1服務費#bb辣 #烤魚 #原條魽魚 #麻辣#重慶麻辣火鍋魚 $278火鍋keep住煮熱騰騰～原條中形魽魚，小心魚骨～適合二吃，肉質厚實，湯味濃郁，BB辣不會太辣也不會很麻，微辣可接受。還有豆卜、金菇、芽菜等少量配菜，配菜入晒味很惹味和辣。越食越鹹叫咗碗白飯（$10）記得覺得鹹的時候叫職員加湯。可以另外叫配菜、火鍋材料和麵等跟朋友一起圍爐取暖🤣#柑橘青檸蜜 $25 凍飲鹹檸桔的味道( ◡̉̈ )#荔枝沙冰 $38甜甜的荔枝果汁，冰涼透心，推介#紅糖桂花冰粉 $23淡淡桂花味，不會很甜。還撒了甜甜的提子乾服務質素：7/10環境舒適度：6/10ᶘ ᵒᴥᵒᶅ個人口味評分：6/10

冷鍋酸菜魚 $188個鍋有大量酸菜🥬，令成個湯底夠晒酸夠晒開胃，而且落咗花椒一齊煮，偶爾食到會有麻嘅感覺，整個湯底味道層次豐富，非常唔錯。😝至於主角，魚片有好多片🐟，有魚味，夠大片又唔會散，過足食魚癮唔錯唔錯😋除咗酸菜魚，其實配料仲有芽菜、金菇、寛粉，全部都係吸湯大笨象🐘夾埋個惹味湯底一齊食就啱晒啦😛📍最後，補充少少網上資料搜集。「冷鍋」其實代表，酸菜魚會在上枱前在廚房煮好才上枱，待吃完鍋中主食後，可再開火打邊爐的一種食法。此法一則確保魚的肉質能保持質素及鮮嫩，二則免卻客人需要自己動手，又有機會令魚肉「散修修」的情況。*如有錯請指教🤣手撕雞涼麵🍜 $58俾一般坊間涼麵幼，口感有啲似炒麵，雞肉份量質素正常🐔，撈埋紅油同花生🌶，整體味道都👌🏻夫妻肺片 (牛展,牛脷,金錢肚) 🐂$58每樣嘅味道都唔錯👍🏻，不過份量比較細👯，如果一班人食會建議試吓其他菜式😆黑糖糍粑 (細) $28推薦大家要試！類似炸日本年糕咁，糍粑外脆內Q，點黑糖醬加上黃豆粉，簡直match 到暈！🤩😍而且出面餐廳都唔係成日見到有！😚Overall 雖然酸菜魚我哋無再加配料，但已夠我哋兩個人食飽，而且食物質素唔錯，是可以一戰

位於旺角後街，有間看似不起眼，但實質勁多人光顧食酸菜魚既鋪頭，食辣既我梗係要試試冷鍋酸菜魚 $188肉質嫩滑，而且骨唔多，可以放心大啖食，味道方面都非常好，酸酸辣辣，配合得岩岩好，唔會太酸或太辣，惟一係入面啲粉淥得太耐，一夾就斷口水雞無骨嘅雞肉，岩曬懶人，食落啖啖肉，雞肉都好鮮嫩，唔會鞋颯颯，而且唔同出面有啲口水雞咁，好多味精，食完要猛咁飲水，值得一讚手切肥牛 $88賣相一流，而且唔係切到好薄一塊，食落口感一流，唔會過肥或者過瘦，兼且非常好食，淥一淥就食就岩岩好，食完覺得半碟都唔夠，再想叫多一碟

✅捌壹壹早排見到好多人介紹佢既川菜同酸菜魚終於有機會去試下啦午餐都有唔少飯餐選擇 仲可以食到一人份既酸菜魚同水煮魚👍🏻佢既招牌菜係雞煲同冷鍋酸菜魚我就當然要試酸菜魚啦🥰🔆必食冷鍋酸菜魚 $188冷鍋魚同火鍋酸菜魚有好大既分別冷鍋魚係廚師會預先烹調好 一上枱就可以品嘗魚片 食完再慢慢加配菜食火鍋！所以佢既魚片係食到好嫩滑既感覺👍🏻份量都好夠多！入面仲有唔少配菜例如大豆芽菜 水晶寬粉 金菇 仲有大量既酸菜！佢個味道酸酸辣辣 好開胃！酸菜亦都唔會死咸 係酸酸甜甜咁！好食到食左好多🤣呢到亦都有幾款唔同辣度選擇 可以迎合食辣同唔食辣既朋友仔🤣我哋揀左中辣既味道好啱我口味 辣度剛好 下次會再食！😋😋味道: 4.2/5賣相: 3.8/5🔆水煮肥牛 $168試左酸菜系列 都想試下水煮系列😆呢個面頭就已經有好多紅油同辣椒🌶️不過佢既辣度就係麻居多 始終都有唔少花椒八角😆個味道係輕輕既麻 而且好惹味😍呢個鍋我都好鐘意😍肥牛份量都頗多 而且都算好嫩👍🏻配料就有大豆芽菜 水晶寛粉 寛粉跟呢個湯好正 超掛湯好吸味！👍🏻鐘意麻辣既一定要點水煮系列！味道: 4/5賣相: 3.8/5🔆炸小饅頭 (6個)

近排日日都係social media見到人地食呢間，小編都忍唔住，好想食佢個酸菜魚😚點知去到先知仲有得食雞煲打邊爐，所以即刻轉軚😂呢間餐廳真係好鬼正，有曬小編鍾意食嘅嘢，炸饅頭呀川菜全部都好想試，搵日再去先🥰.🥩重慶麻辣雞煲 (半份) $168半份雞三個人分都算夠食，每人都有4-5嚿雞🥳微辣對小編嚟講啱啱好，有辣個種香味又唔會食得好辛苦，唔食得辣記住揀微辣😎啲雞都幾多肉，仲幾滑🤩.🥩手切肥牛 (細) $88呢個超級推薦🥂咁大碟牛都只係80幾蚊，好似食極都食唔完咁，淥極都仲有😂同埋超級鍾意陣肉味，好新鮮😍.🥩午餐肉 $48午餐肉又係好意外，竟然係煎過再上枱😱有冇人同小編一樣打邊爐必食午餐肉😈.🍽味道: 3.7/5 🏙環境: 3/5‍👨🏼‍🍳服務: 3/5💧衛生: 3/5💰價錢: 4/5

冷鍋酸菜魚其實冇酸菜味真係唔好叫自己做酸菜魚魚肉算多算嫩但有碎骨 食個時要小心但真係冇酸菜味你可以食完個酸菜魚打邊爐但係我嗰日冇揀打邊爐夫妻肺片麻辣味唔夠香味都唔夠芝士豆腐之類好普通純粹好似嗰啲魚豆腐有少少芝士餡麻辣土豆絲完全想像到嘅味道唔需要特別形容入面超熱冇開冷氣咁樣啲位勁迫仲要有打邊爐嘅枱唔明點解咁都五開哂啲冷氣食完仲要見到出面啲人排隊其實我好想叫佢哋返屋企唔係好值得等待

叫左酸菜魚、炒四季豆，2人食飯，上菜速度很快，座位舒服，亦有得預先訂位，份量適當，味道都很平均，辣度可以再自己自由選擇，可惜糍粑當天已冇得叫賣曬，整體性價比頗高

《性價比高酸菜魚🐟》✨酸菜魚食來食去都係嗰幾間，今日有機會試呢間小店，價錢唔貴之餘味道都唔錯～🤍必食冷鍋酸菜魚（例）（$188）酸菜魚都可以選擇辣度，分別係由BB辣到大辣，我哋叫咗小辣，不過感覺上都唔係真係十分有辣味，下次應該會再試辣啲。味道方面，酸菜魚唔算係好入味，但係勝在魚肉夠鮮嫩細滑，就算我哋再加熱左一段時間佢都依然可以keep住個肉質，而且份量仲非常之多，啲魚好似夾極都仲有咁～🤍芝士豆腐（$39）一份有八件，比起想像中多，芝士豆腐唔會好吸到酸菜魚個湯底，但係因為本身嘅芝士味已經好香濃，所以依然好味🤍水晶寬粉（$32）另一個飽肚抵食之選，而且可以好吸到酸菜魚嘅味道，不過煮嘅時候要注意唔可以放喺個湯底度滾太耐，唔係淋咗就好難夾起🤍黑糖糍粑（細）（$30）煙煙韌韌幾有咬口，細份都已經好足夠2個人share，黑糖醬可以根據個人喜好點🤍芒果沙冰（$38）相對上有少少失望，因為佢嘅芒果味唔係十分新鮮，而且味道偏甜，但係好欣賞佢嘅沙冰刨得好幼細，消暑解渴，好適合夏天🤍炸小饅頭（$38）炸饅頭同煉奶一直都係絕配，見到呢間餐廳有得食炸饅頭都覺得有啲驚喜，饅頭新鮮炸起，唔算太油膩，不過煉奶嘅份量對

冷鍋酸菜魚 $188Pickled vegetables fish魚片🐠切得大塊、厚肉質地嫩滑👏🏻無骨無腥味可以大大啖咁食🤤酸菜🍋🥬份量好多口感偏軟淋酸味🍋唔太出😹湯底🍲比較清無咩油🍾因為嗌左小辣🌶辣味唔算好突出迎合返香港人口味但同行朋友認為唔夠惹味🤔配料有少量水晶寬粉、豆芽同金針菇水晶寛粉要早啲食煲耐左會太淋💡豆芽爽脆金針菇吸曬啲湯，幾正😇黑糖糍粑 $28sticky rice cake with brown sugar糍粑外脆內軟口感層次豐富👍🏻軟糯既糯米糰裹上黃豆粉同黑糖好味😋熱食比較痴牙攤凍食會煙韌啲😻整體而言，哩間餐廳食客好多但個人認為冷鍋酸菜魚未至於十分出色🤭湯底唔夠惹味唔知其他菜式，雞煲、小炒等會唔會正宗啲？

味道吾錯，酸菜魚，口水雞，脆耳，夫妻肺片滿足我吃辣的需求，配上冰凍的啤酒一流満足當然也充滿邪惡的感覺，超標的晚餐值得必需要點的黑糖糍粑，吾食就等于沒在此留下足印，雖然份量有點小，但絕對好味，尋回久遺的味道菜單上還有期待已久的烤魚下次再約的菜式也選定了位置也好找，旺角東站B出口，行3-5分鐘就剄，方便像我這樣的路痴避免等位，最好的選擇就是提前訂位，這樣就能在合適時間美美的品嘗美食🤣🤣下次要試試那種挺別志的飲品黑糖糍粑川菜配啤酒，一絕

上次行波鞋街經過見倒呢間捌壹壹嘅酸菜魚餐廳坐滿人好似幾吸引，請左半日假攪證件順便同媽咪食個late lunch。餐廳喺波鞋街附近，麥花臣場管對面，舖位好大好遠已望倒！過左午飯時間去唔算人多唔駛等位，坐位濶落舒適，環保落單唔錯！🌶️🐟冷鍋酸菜魚 $188 🍲（可揀辣度，我地點左小辣🌶️🌶️🌶️） 一來到咁大個鍋真係超驚喜！跟住就聞倒超香嘅酸菜味！先飲一啖湯，酸酸辣辣清爽而唔油膩！酸度同辣度都剛好刺激味蕾唔會太over！主角魚肉 - 啖啖魚肉肥美嫩滑仲冇骨，滑到可以唔駛咬咁濟，而且索哂湯嘅香濃酸辣味，超入味！配料除左有特多酸菜之外、仲有勁夾嘅水晶寬粉、金菇，豆芽等蔬菜🥬好豐富，成個鍋份量好足！推介！👍🏻👍🏻👍🏻 🔥🍲冷鍋酸菜魚最勁嘅地方係，食完D魚… … 仲可以打邊爐🍲🍲🍲！真係太正啦！食魚食到咁上下，店員就會開爐同加返小小湯！我地點左打邊爐必吃小菜，包括：🥬糖生菜 $35、🍡芋絲 $35、🍢炸嚮鈴 $35，同埋🍜出前一丁 $15. 第一次用酸菜魚湯打邊爐，湯頭酸酸地特別好胃口！樣樣小菜價錢親民，份量好足！飲品點左烏龍茶黎解下辣！媽咪話下次再來要試重慶麻辣火鍋魚！見倒隔離枱食太吸引了！

近排見好多人都去食酸菜魚，自己都好掛住酸菜魚嘅味道！今次試咗呢間位於旺角嘅川菜，幾抵食✨❤️🐟招牌冷鍋酸菜魚 ($188)必食！餐廳好貼心，提供左五款辣度，仲可以走辣添！❤️ 今次試咗唔辣嘅版本，一樣咁正🥳 最surprised係魚既份量真係非常多，好足料，食極都仲有hahahaha🤣 食完仲可以用個湯底打邊爐！可以追加火鍋配料～不過今次兩個人去食已經食到好飽所以淨係加咗個水晶寬粉 ($38) ✨寬粉吸曬啲湯汁，配埋酸菜同埋魚食真係一流🥳🍞炸饅頭 ($38)💯 既炸饅頭！！🥳🤤 識我嘅人都知道我係炸饅頭嘅忠實fans🤣 而好多地方嘅炸饅頭都令我好失望☹️有啲外皮完全唔脆，有啲就太油🥺 呢間嘅炸饅頭外脆內軟，炸得好香但係唔會好油，啲油完全冇滲落個包裏面！🤣 份量超級大，一份有六件🙊，好邪惡好好味🤤🐓口水雞 ($78)🌶我自己係嗰啲好鍾意食辣但係又食唔到辣既人，所以就揀咗BB辣😆 辣既程度啱啱好！雞非常滑✨ 份量亦係非常慷慨🤣 食到嗰口麻麻地所以就加左杯凍蜂蜜柚子茶🍯 ($25)，幾好飲唔太甜🥳下次要再去試埋其他涼菜😍

同best friend 見過面傾下偈 ，所以揀咗呢一間啦捌壹壹 因為我哋兩個都鍾意食魚🐟囉😁近排又興食酸菜魚喎咪試下呢一間囉 188蚊冷鍋酸菜魚🤔咩係冷鍋呢🤔我諗緊係咪凍食嘅呢🤣🤣嘩好大煲呀好多魚呀😋😋冷鍋意思係唔使開火，個鍋系熱嘅裏面啲嘢係熱嘅食食仲可以叫其他配料，開火打打邊爐啦！Yeah 咁我哋兩個女仔唔會食得好多嘢，其實一鍋酸菜魚巳經勁多魚勁多配料有寛粉有、金菇、酸菜已經可以食到好飽飽㗎喇但係呢我哋點都鐘意有打邊爐感覺嗰種感覺😁😁所以叫咗個出前一丁、響鈴、芋絲同埋生菜 個酸菜魚真係大件夾抵食呀我哋都食唔曬原來仲有寬粉，d寬粉都好多呀根本就唔使叫公仔麵囉😅😅不過用酸菜魚煮出嚟嘅公仔麵又真係好好食㗎喎同埋好味，唔使用其他辣椒醬呀豉油已經入曬味啦😋😋😘👍👍簡直係perfect呀下次同愛人一齊嚟試麻辣酸菜魚先#katkatFoodies