拉麵台風 (已搬遷) 新店位置

一期一會的台風週年紀念又到了！今年迎來四週年，限定拉麵是加入蟹元素的蟹道樂撈麵！ 十二月是拉麵台風的週年紀念月，早在個多月前，台風已經在其Facebook專頁預告今年的特別菜單是蟹道樂撈麵，限定400碗，價錢同樣只賣$50。所以早已預期，今年同樣會大排長龍！ 紮根荃灣四年，台風早已培養出一批區內區外的忠實顧客。說來慚愧，最近一年我也比之前少了來台風，但四週年這個大日子，還是要支持一下。謝謝友人Tubbyfellow幫忙排隊，我才可以多照顧一下小瞳小名才出來，真心感謝。 限定日全日只會供應一款拉麵，而且不設特別配搭，選擇簡單，趕快填好，就靜待入座了。 每年今天，らーめん台風三位元祖師傅都會同場，今天煮麵的工作主要由伊東さん和谷津さん負責，馬場さん則幫忙招待人客。 蟹道樂撈麵麵條同樣由南天製麵製作，特別加入了日本蟹粉末，特製成扁狀蟹麵，所以顏色和平常見到的完全不一樣。 等了一會，蟹道樂撈麵終於來了！和台風的招牌骨膠原撈麵有點相似，只不知味道又會如何？ 檸檬和骨膠原，好像已經成為拉麵台風的標記。除此之外，蟹道樂撈麵還加入了紅洋蔥和露筍，讓這撈麵變得更豪華，當然，也少不了慷慨的原隻溏心蛋。

我經常食台風拉面~就黎打篇食評支持下啦!~台風拉面我中意食佢既3號 暴風雨辣味~佢拉面有個特色就係真係好大份- - 如果加底我都唔太頂得順 我已經叫大食~半熟蛋超愛XD! 每次都加多隻~面底係粗面~ 口感比較爽口 ~湯底都係最中意部分 因為味好濃 份量本身又多~所以食落好滿足!價錢為80到~未算好貴 , 存夠3張單可以下次換多半隻半熟蛋!!如果中午去 會有野飲送~ 如果唔要野飲可以轉一份其他送菜 呢個我後期先發現- -"蠢左~宜加早D話俾你地知

好味荃灣店內感覺殘舊，不知道是否有意懷舊風？挺貼心的服務：女仔頭髮長又冇扎起侍應會送一條橡筋 以防進食時頭髮沾上醬汁湯底味道適中 面質選了硬身 叉燒厚切拉麵份量略多 女仔建議少面 以免浪費食物

同事知我喜歡日式餐廳，今天lunch即帶我試試這間正宗日本拉麵店~ 店不大位於大路旁，人流不多但排隊的人卻很多，排隊其間，店員給我們餐單，原來可以自選麵的粗幼／份量／醬油比例等等，十分貼心~骨膠原撈麵，麵質彈牙，豬軟骨軟腍而充滿肉汁，濃香豬骨味在口中化開，半熟蛋軟熟入味，再加上獨特味美的醬油，口味絕佳～最特別是加上檸檬汁，甘甜微酸，清新醒胃，除了中和拉麵的油膩感，味道更顯獨特～無糖可樂，隨餐附送飲品只有三款（無糖／有糖可樂／雪碧），選擇不多，建議可多加種類（如茶／乳酸飲料）同事則點了伊台風，試了一囗，番茄湯底濃郁鮮甜～味道＋服務很好，惜座位不算舒適，但$100有找唔使飛日本也嚐到地道拉麵包飲品算好抵！

第一次黎到，見到門口已經排左五，六個人，抱著試下心態，排隊期間，待應已經派左張落單紙俾我落單，點左個魚介豬骨拉麵，加$10加麵底，碗麵賣相唔錯，湯底夠熱，飲完唔會口乾，麵身我選擇普通，如果想食軟身麵，可以選擇軟身，個人喜好普通，已經夠硬，半熟蛋味道唔錯，豬肉略為比較凍，可能預左用個麵湯去整熱、有點美中不足，不過整體覺得值得一試，魚介湯底值得一試！

作為荃灣人，見到荃灣越黎越多野食都幾開心。而之前食過一次台風，事隔一年再黎比起之前多咗幾款拉麵，不過傳統既我都係食返豬骨湯拉麵，話晒都係拉麵中既王道！由麵質、配料、湯底一步步可以簡出最岩自己口味既拉麵。一般人可能鍾意食拉麵叉燒，但妹仔肚既我就鍾意食拉麵既半熟蛋同荀台風呢樣野真係做得唔錯，雪晒啲麵飲埋個湯，簡直係初冬小確幸呀。仲有個貼心位，就係女仔食麵既時候，店員會主動問你要唔要橡筋紮起頭髮，呢隻服務態度直頭好似去左日本咁！

荃灣的拉麵店數量雖不能比銅鑼灣的多，但可媲美其質素大有存在，例如台風拉麵。基本上開業多年，排隊的人龍 依舊川流不息。晚餐時分差不多要等30分鐘呢🙈不過為了好吃的我是可以接受。原本打算吃沾麵，可惜已售罄了，最後還是吃了「例牌」吃的伊台風。伊台風紅通通的蕃茄魚介湯裡撒上一大堆芝士條，紅黃色相當鮮豔 。蕃茄魚介湯頭十分濃厚，蕃茄與魚介相依，魚介不會奪去蕃茄的鮮味，且比一般湯不油膩，喝起來很舒服。叉燒非常豐滿，肉的厚度目測有1cm，面積也有掌心般大，愛吃肉的絕對會喜歡。叉燒肉嫩多汁，也很少肥肉，是我理想型的叉燒。至於糖心蛋同樣出色，蛋黃色澤怡人，半熟程度剛剛好，味帶甘香。筍乾經少許胡椒調味，豐富了拉麵的味道，魚鬆紫菜更增添拉麵的香氣。拉麵麵條彈性有嚼勁，配了芝士口美味可口。朋友不像我是大吃之人，所以她的拉麵份量減少🙈她非常喜歡這骨膠原拉麵，滿滿的骨膠原滋味，十分滋潤，加上檸檬酸微微令拉麵更加清新，她愛不釋口呢。她說豬軟骨肉質軟嫩易入口，麵條及豬軟骨吸收醬汁的精華，整體味道不俗。吃拉麵也不少得汽水~如果不愛喝汽水也可以喝店鋪提供的檸檬水。

之前都聽過朋友介紹呢間拉麵店黎到荃灣 順便去試一試鋪面坐位不多只有吧枱位置唯入座時鋪頭開左無耐 無咩人不過坐多一陣 因為lunch time 時間就愈黎愈多人啦我都幾鐘意坐吧枱因為可以望住師傅做緊乜目測只有十個位左右鋪入面牆上既圖案充滿日本色彩我地叫左紅色暴雨拉麵同沾麵沾面佢話限定30碗 唔知係咪真既呢？！佢有張紙俾你揀自己既喜好，麵既粗幼 、硬度等等之後我仲追加左蛋同紫菜食之前有店員俾橡筋女仔扎起個頭呢一點又幾貼心👍👍👍咁又係呀 係食麵唔係食頭髮隔左幾分鐘 拉麵就上枱啦呢個係紅色暴雨拉麵佢係用左店家秘製辣油整既湯底先黎飲一啖湯先，個辣味又幾過癮辣到喉嚨底，又未至於食唔到我覺得辣味岩岩好 搞到我都忍唔住飲多幾啖件叉燒望上去好似好瘦 其實食落又唔係咁韌仲有大量芽菜，正呀👍👍本人鐘意食硬身既拉麵 覺得師傅煮得岩岩好隻蛋梗係留番最後食呢碗係沾麵沾麵既麵底係凍既 同其他拉麵店不同感覺上麵會比較彈牙湯底係魚湯不過由於麵係凍，放入熱湯所以湯底食多幾啖好快凍左所以我都係鐘意熱湯拉多一點😀😀

當日收工有事黎到荃灣，搞掂晒ｄ野開始見肚餓不知道吃什麼好，於是用手機search下有咩好食見到這間拉面分數十分高, 加上好耐冇食過正宗既日本拉面於是便跟朋友一齊黎試下。差不多8點左右黎到,都要等一陣位。店內位置不多,裝修也挺簡陋, 但KEEP住都全店滿坐。係外面等左大約10分鍾就有得入座。上菜時間也不及其他拉面店快，听著店內播放著日本動漫主題曲，等了大約十分鐘也有拉面吃。我要了魚介豬骨湯拉麵，而朋友要了辣味魚介豬骨湯拉麵（台風拉面）。魚介豬骨湯拉麵拉面：是粗身的日本拉面，沒有簡水味，點了普通份量原來也很多，男生也會吃得夠飽。叉燒：兩塊厚片叉燒，的確是足料。叉燒有點肥，肉不算很腍，但味道還可以的。湯底＆魚粉：這碗拉面的重頭戲就是湯底和魚介粉。先是湯底很香濃，很重的豬骨和魚湯味。加埋紫菜上的魚介粉就更加香。這個食法比較特別，在香港暫時未咁食過。唐心蛋：很香滑和甜甜地，蛋黃亦不會有蛋騷味。台風拉面（普遍辣）湯底：其實跟魚介豬骨湯拉麵是一樣的，就是加了辣味。喜歡吃辣的這位朋友說程度剛剛好，不會太過辣而遮住了本身既豬骨湯味。小女試了一口，這個辣的程度對於我這些不能吃辣既人黎講就真係很辣。XD而辣

搵到一個隔一段時間，就好想好想食一次拉麵既姊妹，結伴去食雖然係平日，7:30pm去到竟然排左成45分鐘先有得入入面座位不太多。排緊隊既時候，waiter已經俾定order紙客人揀定餐，仲細心咁以著衫既顏色區分唔同既人，一坐低，熱騰騰既拉麵就上檯，果然有效率整體拉麵既湯底有魚介豬骨味，少油，無加味精，食完都唔覺太渴紅色暴雨拉麵只叫少辣便已夠過癮，但小心被芽菜嗆親喔至於份量方面真係超多，多筍片，細食既人最好提早叫少d麵以免浪費（本人仲後悔緊，浪費左）叉燒全片是肉，略嫌太瘦啦，梗係半肥瘦先好食架嘛雖然未到最好，不過咁既價錢味道ok又食到勁飽，係物超所值既，難怪咁多人排隊啦！

個人感受到真的是用「心」整的拉麵!:今次哎左「伊台風」$88晚市1. 麵量: 普通 -- 比出面真係多好多..最後係食唔哂~.~ sorry2. 麵質: 軟! 真係岩岩好! 比起漁場台風係軟極都仲好硬真係軟得岩岩好!3. 醬汁+醬油: 多! 好好味唔會過咸岩岩好! 蕃茄湯好濃但又唔會蓋左魚湯鮮味，perfect balance!4. 蔥: 有! 糖心蛋真係糖心過糖心風暴配料好足好多好豐富! 總括來說係各方面都比漁場台風優勝!

經常性荃灣揾野食頭十位內，話試左好耐，今日下午休息，一於試下。兩点左右去到，門口唔起眼，過左都唔知，唔使排隊，無咩人，直接坐底，望一望週圍同餐牌，跟住心入面只有XYZ中計，無裝修，得幾款麵，最平都78蚊，好有中伏感覺，但係坐底左無得走，反黎左，叫個最普通食啦，一食第一啖。。。。唔該，拖我出去打，外表裝修係無用架，好食當然貴啦，醒下啦豬脹粉。有幾好食？咩味？你去試下就知架啦

經常都聽人地談論呢間拉麵店，夜晚通常都會有一條小人龍排隊等位，難得平日晏晝得閒同唔見人龍，就決定試下呢間啦餐廳出面都無咩特別裝修，比較簡陋，如果唔係因為間餐廳出名少少，都可能會令人卻步入到去，啲座位都係吧枱為主，可能啲人未放晏，所以餐廳我同朋友姐，坐得一陣，餐廳就開始熱鬧起黎，差唔多座無虛席餐牌都幾簡單，唔係用食物嘅相，而係用一啲可愛嘅插畫做介紹，後面仲有貼心嘅食用方法添～揀好食咩就要填番張紙落單，同一般拉麵店一樣，可以揀麵嘅口感同湯嘅濃度等，由於無詳細睇插畫，以為無溏心蛋，所以我地都追加咗一隻之前亦有睇過報導，如果女仔唔將頭髮紥起，係會俾拉麵師傅鬧，唔記得帶橡筋都唔緊要，因為餐廳都有一大堆橡膠可以借俾你，不過就有啲唔太衛生喇..... 聞到香香嘅味道之後，紅色暴雨拉麵就黎喇，我地就要咗普通辣，因為驚會太過辣，而食唔到，原本以為湯底會係紅色，點知出乎意料之外，同普通湯底顏色無太大分別，但係味道係辣辣地，幾開胃口。而且上枱時都有啲驚訝，因為份量都真係唔惹少，底下有滿滿嘅幼拉麵，上面有兩大片日式叉燒、大蔥、芽菜、紫菜同一隻半嘅溏心蛋(追加咗一隻)，一個女仔應該會食唔晒。整體味道都唔錯，不過

鐘意食拉麵既我，好多時都會同朋友起香港周圍搵拉麵食！但好多時收工收得夜又唔想出去其他地方搵個陣，台風就係住荃灣既我必去飯堂。因為收工後番到荃灣都大概晚上１０點多，基本唔洗排隊就可以直接入去，所以都無特別影到相。入到去員工門已經用一口流利日本歡迎入座，感覺好似番到日本食拉麵咁。另外因為座位較高，好多時上坐後都會麻煩店內員輕輕幫忙，令自己可以坐得更舒適。餐牌上款色並唔多，只有四款，而沾麵更係限量大多只係中午去用餐時先會食到坐穩後，就立即點了台風的人氣拉麵魚介豬骨湯拉麵($78)魚介豬骨湯拉麵($78)台風既湯底相對濃厚，比較一般拉麵黎講較為杰身，而且味道十足鐘意味道較濃既人士更為喜愛。麵質放面相對有彈性挺身好有咬口，但叉燒口感不算嫩滑，可以呢一個地方略有小小遜色。不過至在拉麵份量十足，湯底濃厚可謂荃灣拉麵首選！

唔錯的每日限定沾麵，每日限定30碗既沾麵:1. 麵既份量比一般多1.5倍，揀「普通」都差唔多相等一般要追加麵底既份量。2.  配料都足料份量夠!3. 湯底略為少左d同可能對正冷氣位好快凍，但可以叫師傳加熱湯，味會淡左但都夠味，落小小蒜蓉更正!午市/下午茶時段飲品/小菜免費，CP值高!