拉麵台風 (已搬遷) 新店位置

難得今日星期六放假，就出黎荃灣辦點事.....反正一場都出黎荃灣，就順便起openrice睇下呢度附近有咩出名既野食下見到無大品牌援助也風山水起、評價甚高的拉麵店突為而出見到12點先開門，就慢慢HEA住行過去....點知去到搵都唔使搵，因為見到遠處有條長龍.....嘩~~~~都好誇張下....咁受歡迎既排隊個陣仲聽到兩父子落街食個麵既口吻，果然都有一班忠實粉絲喎一見到個點餐紙有每日限量就毫不猶豫地點上一場咁旱黎到就當然要食啦~~麵量可以自己點，少既程度可以1/2, 1/3, 1/4咁，岩曬我呢種食量少既人.....店的師傅都是日本人，唔使指意會明佢講咩，反正店少少有成3個人服務員招待....唔使擔心裡面的裝潢都睇得出大家都好喜歡日本漫畫.....幾靚的餐牌.....畫到令你知道每一碗麵的分別....終於黎來...我碗沾麵.....沾麵的基本就是熱湯配冷麵凍冰冰的天氣見到一片片豚肉，一堆的肉粒，會覺得凍.....不是啦~~~因為有一碗又香又濃的湯底俾你沾住食~~~個流心蛋係我對日本拉麵的膜拜之一.....好晶瑩剔透的蛋黃心...流心出曬黎滷過的蛋真係又甜又香....不得不概嘆日本的材料真

今日去荃灣印卡片，一轉彎就見到有條龍，好記得時間係早上11:55，點解咁記得，因為我八到條龍係等緊間日本拉麵店12:00開舖，睇個勢我應該可以食第一輪，即排，入到去坐低至知間舖唔係好大，得20個吧櫈，日本味十足，廚師都係日本人，侍應都日文英文了得，禮貌非常。佢哋款色唔多，得五款拉麵選擇，但分量同味道有得自己話事，我叫左碗伊台風，加左半熟蛋、特製辣味芽菜及紫菜，嚟到超大碗，我無意識碗拉麵原本有半隻半熟蛋，但我無後悔叫多左一隻，因為後加半熟蛋係無切開，原隻上，我一咬入，嘩！同食切開一半嘅囗感好唔同，隻蛋黃向我齒夾中爆開，蛋味直入味蕾，好正👍🏼追加紫菜都好多，我食到咁上下鍾意用紫菜挾住麵色，佢俾我D分量，我可以挾到半碗麵，抵食👏🏼👏🏼特製辣味芽菜我就食唔到辣味😓但清爽，好夾碗麵。最後想講下D麵，分量我揀左普通，對我嚟講係多左少少，好彩當日好肚餓，用左D力同時間都食得哂，我下次會叫少麵；另外麵嘅囗感，我選左普通，碗麵一上枱食第一啖，我覺得偏硬左，但食左三分一至四分一左右，我就覺得D麵就好好食，唔林又唔硬，食到最後嗰啖都好食👍🏼呢D唔知係唔係叫食物數學呢？！

喺荃灣食晏，12點經過呢度見到未開門已經有人排隊，直覺呢間野應該唔錯，排隊入去坐bar枱，叫左個每日限量30碗嘅沾麵，想食飽啲，所以加左紫菜同埋义燒，上檯嘅時候有兩碗嘢，其中一個嘅大碗𥚃面放左伴菜，有紫菜丶洋葱絲丶菜絲，至於主菜嘅有义燒丶半隻流心蛋丶麵條，全部都喺冷嘅，另一個細碗啱啱相反，裝左熱嘅沾麵醬汁，食嘅時候將冷面放入熱汁𥚃面撈一撈，再啜入口，又好玩又好食，想講每碗嘅份量都唔少，絶對食到飽飽。

🍜🍜暴風拉麵$83 拉麵台風🍜🍜(普通辣度+250g叉燒+少1/2麵量)成日排曬長龍 今次平日3點去 點知都滿座叫咗少一半麵都仲好夠😱見隔離冇少麵嘅真係好大碗係豚骨湯底 唔算濃稠👀紫菜上係魚介粉 要撈混食🙆加上秘製辣粉 真係幾辣 但辣得好爽😎個人更鐘意加蒜泥 重口味😏😏佢嘅辣係快黎快去 唔麻唔落喉嚨 所以會吸引你keep住食😚加量嘅叉燒好滿足😍半碗都係叉燒 瘦肉多過肥肉 肉質軟熟入味 但多啲肥肉應該會令油香更出👍溏心蛋非常滿意 蛋黃比坊間更加濃香🍳仲有芽菜同荀條💁午餐仲可以更配菜/飲品👏👏價錢公道啊 值得食💓💓.一入小店就好有日本feel 對住日本師傅整麵🎋而且服務細心 麵嘅份量可以揀減1/2,1/3,1/4 辣度都有3級揀 沾麵仲可以中途換熱啲嘅湯👍👍

之前經開荃灣一間拉麵店一定要排隊，我其實已經多想消費可惜未遇到適合時間，有日途經這裏食個lunch!可能尚算早，人就不係大多。台風拉麵我來呀！主要售買魚、辛辣或芝士拉麵，仲有撈麺同沾麵，我見圖畫好吸引，仲見到每日三十碗限定沾麵，真的要一試。佢張點餐紙都會跟據個人喜好去調較個人喜好味道。我要普通可以，但要增量叉燒，我是肉食愛好者。最窩心間拉麵店有準備橡筋圈比有需要女士們。原來有另一牌仔簡介如何進食不同款式麵類。我的沾麵到la,叉燒看似多到有點兒誇張，我小心翼翼將凍沾麵沾上熱湯汁，真的好夠味，大啖大啖吃有莫名奇妙快感。夏天食會更滋味。佢麵份量一些不少，大男人都夠飽，叉燒厚切入味可囗，因為我加肉關係，我有五大片叉燒仲有些碎肉。充滿骨膠原。糖心蛋好滋味。我本人覺得已經好夠味,不用額外胡椒粉或蒜蓉。我見到出面開始有人排隊，我要快些食，比番張檯間拉麵店。

呢間拉麵店長期排隊， 今日中午想食就即管黎排下隊， 就快排到時就會幫你落埋單， 真係好有效率。揀左個魚介豬骨湯拉麵同沾麵。入去坐低， 如同其他拉麵店一樣， 係有點迫既， 不過我係呢方面要求唔高。 廚師好似唔多識廣東話， 大概是日本人吧。 由於客人可以選擇麵條的硬度， 所以廚房有幾個timer計緊時間， 日本人做野果然夠認真！豚肉拉麵黎先， 飲左啖湯， 又唔太覺得係豬骨味， 魚介即係紫菜上果啲粉， 用筷子沾左點入口，呢個幾香魚味， 但唔識分係咪味精。將個魚介撈埋係湯裡面。 湯既味道豐富左好多， 但亦未能令人眼前一亮。塊叉燒幾大片， 可惜味道只是不過不失。沾麵每日限30碗， 我梗係要試下啦! 望落同豬骨拉麵好似樣，只是個湯分開上。飲左淡湯都幾濃， 但個麵沾沾下又唔算掛到好多汁， 會唔夠味， 仲會彈到隔離， 所以我食食下就成個湯倒埋落碗麵到， 真係懶到出汁。其實個湯只係豬骨湯濃板。 除了叉燒之外， 有一堆肉碎， 口感好滑好嫩， 應該係魚肉， 呢堆魚肉好好味， 好味過叉燒好多。出名既拉麵店我都食過好多間， 呢間食完都唔覺有咩特別，真係唔明點解要排隊， 下次試埋附近又係排隊果間。

可能之前很好，但我試過之後, 除了大大碗高份量，價錢平一點，我也不覺是一碗好拉麵⋯⋯，還有基本嘅副食品的芽菜, 也要另外付款， 但是有一個優點, 店內的服務員非常好，除此以外我也覺得沒有什麼特別

咁啱經過見到咁人排就試吓呢間拉麵～～我哋已經食唔到最多人推介嘅沾面，因為一日淨係賣好少，係限定嫁！我哋兩個人嗌左一個魚介豬骨湯拉麵同一個紅色暴雨拉麵！唔知係咪因為臨收工嘅關係，兩款水準無我想像中咁好......先講魚介街豬骨湯拉麵，湯底豬骨味唔算濃郁麵比較粗，但係麵質好硬，唔知平時都係咁定係個別例子，個心好似有啲唔熟添！！兩塊叉燒好厚好大塊，不過就好銀，有啲難咬但係個糖心蛋就整得幾好食，同埋個湯底都尚算掛湯，所以都還可以嘅。。。呢個紅色暴雨拉麵嘅配料就同之前嗰個一樣所以唔多講，個湯底明顯比魚介豬骨湯拉麵濃郁，我個人覺得可以再辣啲，因為食到底辣味就冇晒喇！不過呢間颱風拉麵嘅服務真係好加分！一嚟佢又會幫你拉椅仲會幫你推埋去，又會話俾你知邊度有得掛袋，長頭髮嘅仲會比橡筋你問你使唔使紮頭髮！

又係荃灣，又係拉麵，今日經過衣間有唔少媒體介紹過，咁啱唔使等位，一於試一試佢！入到去環境幾似日本地道的拉麵店，即係勁細同埋得吧枱位😅牆上有好多壁畫，幾有特色，不過講真就坐得幾唔舒服，但服務又幾好咼，會主動俾個勾你掛袋，客人長頭髮又會俾條橡筋佢扎起，員工都好熱情好有禮貌。見到有沾麵，仲要每日限量30碗，作為沾麵愛好者無慮即決啦。原來午市送汽水或者一款配菜，於是我揀左加半份叉燒。等食其間，發現店中的拉麵師傅都係講日文，即刻對碗麵充滿期望見到碗麵第一個感覺，好多肉！除左數塊叉燒，仲有好多切碎左嘅叉燒，淨係食晒d肉都飽飽地，早知唔加半份叉燒除左叉燒，仲有半隻溏心蛋，蛋黃稍為熟左小小，不過都好食，其他配料仲有紫菜同筍等，好豐富！其他店的沾麵通常都無咁豐富配菜麵條粗身，掛汁一流，非常彈牙；沾麵汁唔太杰身，唔會好咸，但完全食得到魚介同豬骨味，就咁飲都覺得好味浸一浸d麵再加埋d碎肉一齊食，好正！d叉燒係傳統戈款，無燒過但煮得好稔同好香豬油味！隨麵仲有一塊檸檬，加幾滴檸檬汁可以食落無咁膩。不過我覺得這個麵食完一d都唔覺膩，亦唔口渴，非常出色，甚至勝過上環的沾麵名店！總括來說，同我尋日食過另一間同區商場內

平時豬骨湯食得多，今次選擇了蕃茄芝士湯底 （伊台風），香濃同較傑既蕃茄湯底，再配合輕輕燒過融化左既芝士，加上幾片新鮮蕃茄，令整個湯底非常濃郁而不膩！麵質軟硬度方面雖然我已選了普通，但比出面拉麵鋪較硬身較有嚼勁

唔知大家有無發現，其實香港人都好鍾意食拉麵呢～好似每逢拉麵店新開張，總是人流湧湧，大排長龍。而小編其實已經愛上拉麵好一段時間啦，仲記得去日本既日子，每日都必須有一餐係拉麵架！！【台風】呢間餐廳小編其實已經注意左好耐啦，每逢搭bus經過荃灣或者去福來村食野都必經此處，但係由於地理位置較為偏僻，難以停車，舖頭開左好一段時間小編先食到佢。【台風】係一間真真真正正實實在在的日本拉麵店，無論店內店外都散發著古舊老店的感覺，話說如此，但招牌採用鮮豔的紅黃色，即使古舊，仍然極度吸睛。一般，由正統日本師傅打理的拉麵店都有兩個個特色，第一，選擇少，通常得2-4個選擇，第二，慢工出細貨。我就第一次食啦，店員就建議係麵量、口感、配料量、湯濃度等個人化設定上選擇正常。Q勁十足，麵湯濃香得來酸酸甜甜，一開始還挺擔心加上番茄的拉麵，畢竟拉麵應該是偏重口味，鹹度重的東西。但是沒想到，這口味並沒有帶來味道上的衝突，相反，更加融合呢～此外，年內煮食範圍開放式，眼見十分乾淨，整齊，可能是日本人的作風吧，店員也十分親切，還幫你推椅子呢哈哈～

對於拉麵台風，外間評語和品質皆無可置疑是上乘之選，但是得我歡心: 獨特濃厚魚介粉要狂喝水、肥人坐高櫈論論盡盡又動彈不得、綿綿盡的排隊人龍等等，都令我為之卻步，要來食麵就只得在下午5時30分要到附近等待，前陣子5週年記纪念台風推出黑松露豬骨湯拉麵，黑松露這款食材太霸道會奪走其他氣味，加上超長人龍，沒膽去試。今天卻是幸運一天，晚上約七時半經過，在同一條大馬路兩旁，拉麵台風、豚道樂及麵屋丸京外出都是同樣的兩三個食客在等候，當然如果以均等機會計算，當然排拉面台風的隊是有賺了。等了十二分鐘可以入內了，期間日本裔的店員以流利的廣東話招呼排隊的人，遞上表單及紅筆，圈了沾麵，還要加麵底。肥人入內坐上高櫈最麻煩，又要顧住坐穩還要勾起隨身背囊，之後一路食一路可移動，相當麻煩，坐得不舒服。兩間台風注重裝修，荃灣台風有點殘舊，食慾不會因此大振，唯一的好處是與拉麵師傅相當近，看見他們的煮麵手勢。由於師傅要同時處理幾碗拉麵及沾麵，十分鐘才送來我的沾麵，雖然非常大碗，但是……很快便掃光一空，麵底估計有280克至330克，說話雖然說不得歡心，但身體卻比語言誠實，沾麵是好吃的。話雖如此，要彈的亦有，就是沾汁太快

今日又黎食拉麵啦，拉麵台風可以話係我最鐘意既荃灣拉麵店，相較另一間，簡直係無得比啦。魚介豚骨湯拉麵$78話明係最推介既拉麵，果然係好多客人都食！湯底係魚介豚骨湯，紫菜上放左好多魚介，見到都開心。魚介粉味道好濃，拌勻豚骨湯，味道既層次即時提升升華，又濃又甜，質素好高阿。拉麵條粗身，囗感佳有彈性，麵條份量極多，食完好滿足，飲埋湯就係對廚師的最好禮物啦！......................荃灣大河道81號寶成樓地下7號

位於荃灣的拉麵台風，是一間人氣超高的拉麵店。餐廳的位子不多，往往要大排長龍才可以進舖阿。曾吃過一次沾麵，麵條令我念念不忘，是晩是平安夜，我來再次光顧啦。沾麵$83+$25+$15限量30碗的沾麵阿，幸好時晩我又能吃到哦。沾麵的份量本已夠大，但平安夜沒吃聖誕大餐，所以便把沾麵加多點餸 $25叉燒 $15半熟蛋當聖誕大餐哦沾麵有大叉燒，叉燒碎，半熟蛋，荀，紫菜，椰菜，沾麵條，沾麵湯。沾麵湯是熱豚骨湯，湯頭濃郁，帶點沙沙囗感，又鮮又甘甜，正哦。麵條是粗身曲麵，較香港的拉麵店粗厚一點，囗感更佳，煙靭度高，彈牙感十足，掛上濃濃沾麵條，麵條是我最愛，有機會我一定會再來哦。

將簡單變為唔簡單其實好難, 係荃灣開左五年既D間拉麵台風就正正做到D一點, 食完終於明點解咁多人排, 排隊去食是值得的門面比較簡單, 但都幾鮮明易認排隊期間都唔怕悶, 有好多拉麵既資料睇, 見到有每日30碗限定沾麵, 即刻好緊張咁問下帶位小姐仲有冇, 好彩係仲有, 好開心係BAR枱前面有幾本書係度, 好特別好好笑, 但又不會破壞成間鋪頭既氣氛叫麵係可以根據你自己既口味去比廚師幫你煮, 我都唔知點填好所以填晒普通沾麵個麵我冇加到底, 但都已經好大碗, 個麵質食落已經好高質, 超有咬口, 但又唔會好似有D麵咁咬到牙都軟埋, 好高質；叉燒啖啖肉, 有肉味得黎唔會太咸；半熟蛋真係半熟, 貨真價實, 好好食；個湯底味濃郁, 唔算咸, 有少少辣, 但如果可以熱返D個湯就好啦!最後飲埋可樂, 爽呀!總結黎講成間鋪頭雖然幾多人下, 坐得唔算舒服, 但食物, 服務都唔錯, 而且基本$100可以埋到單, 特色拉麵黎講算不錯了