拉麵來 (已結業)

話說上次蘿拔兔去錯了大坑另一間拉麵店，今次終於來對了啦>.<! 拉麵來的大門已經非常有日本老店的特色，對比起附近摩登的外國食店甚有風味！進店後甚至覺得自己不是身在香港，因為日本來的拉麵師傅、店內的木製裝修、懷舊的日本玩具poster和播放的音樂，都讓我們切實感受到這是很日本的風味！蘿拔妹每次試一間新的拉麵店，都會盡量試原味豚骨拉麵，為求原汁原味試試那湯底究竟有多大吸引力！拉麵來的湯底都算幾杰，喝下去立刻嚐到濃濃的豬骨味，而且還挺黏口的，證明充滿骨膠原嗎xd？總之喝下去非常順喉，不會太鹹，盡是豬骨精華！麵蘿拔妹點了超硬，質感是剛剛好，有些chewy又不會太生。麵條比其他拉麵店的細麵粗一點兒，掛湯能力只屬可以，但整體來說麵條加上湯底是非常不錯的。一般來說都覺得一碗拉麵的麵條和湯底是最重要的，但拉麵來的叉燒卻又搶鏡非常！叉燒大概是半肥瘦，但無論肥肉或是瘦肉都煮得鬆化入入口即溶，簡直是不用牙咬肉已經鬆開，而且豬味甚濃，超好吃的！青蔥和木耳兩者都爽脆，為拉麵整體帶來清香。追加的溏心蛋也很滿意！雖然外層的蛋黃有點熟，但內裡還是保持非常流心。這裏的蛋黃是比蜜糖稍稀的質地，但也是非常甘

一直好喜歡大坑這個小市區，2014年卻極少在這裡出沒，舊地重遊，舊食店消失，新的取而代之，這間拉麵來屬於後者這個名太熟了，卻一直想不起在哪裡看過，原來黑布街都有分店(上一次經過就嚷着要試)。難得又來到這店，當日排隊的人又不多，所以我就跟隊啦!店員已經準備好menu，先讓排隊的我們看一下，再畫紙仔，金木水火土拉麵，我最後選了北海道味噌豚骨拉麵，所以只需要在紙仔空白地方寫「北」，然後店員會問你要唔要牛油，原汁原味，即使好怕肥，但...我也要了(我怕蒜味，所以走蒜，我亦走了麻油)好不容易入座了，店內窄窄的，牆上掛滿舊日本玩具，播着日本歌曲，80年代日本風潮，就好比現在的韓潮，可以想像，當年的年輕人，今日40至50歲的中年人，聽到這一首又一首耳熟能詳的日本歌曲，定必勾起心底的記憶(still young的我，當然沒有這個感覺啦!)我被安排坐在bar枱，看着師傅在我面前準備拉麵，聽着旁邊估計是40出頭的男人跟着音樂哼歌，感覺好特別!不得不提，麵質相對煙韌，蔥好香，起初沒有將牛油浸往熱湯，湯好甜，放了牛油就有少少膩啦! 無可避免的膩..我還加了味付玉子!!來一個close up吧!!蛋呀!! 流心

就是愛著拉麵來之簡單樸實。店裡店外沒有硬銷廣告以作招徠，年中無休，不停播放，就是要把好想吃拉麵的情緒滿滿注入你腦海中，著實令人有點吃不消。週六晚九時，人潮不多，約等候十多分鐘，已可入座。掀開暖簾，店內彌漫著傳統日本拉麵店風情，懷舊佈置，燈光微薰，只設吧座，雖略為狹窄，但感覺輕鬆自在。於落單紙上選取了原味豚骨湯麵，追加玉子及香筍。一會，熱騰騰拉麵上桌，呷一口湯，湯底經豬骨長時間熬炖而成，味道濃厚帶點油脂，不會過鹹，呷了幾口方可停下。再咬一口麵，自家製拉麵口感柔靭，份量適中。叉燒略帶脂肪，肉質軟嫩，油脂輕泛於湯面，忍不住又來一口湯。香葱及木耳份量亦不少。半熟玉子雖然沒有精美賣相，但滲入熱湯送進口中確實美味。香筍略嫌過於軟腍，感覺不夠新鮮。 抱歉，剩下幾片香荀靜置於碗中。 呀，吃麵之餘，請細看他們之手繪餐牌，畫工細緻，帶著一點人情味。

朋友係天后呢頭返工 甘岩我係天后有野做就順道找佢食個午飯 行左一個圈大坑 最後鎖定目標黎左呢度舖面較細 但都幾骨緻 我同朋友都叫左最basic 豬骨湯拉麵另外再加隻蛋~ 五至十分鐘度就黎喇我要左硬麵 睇落好似size普通 但係對女仔黎講就岩岩好有突喇! 飲啖湯底 唔會死咸 飲左亦唔會好口渴叉燒肥肉部份唔會食到成口油 而且冧冧地隻蛋就非常正吖 流心好味 呢間店雖然淨係得拉麵 但因為專注一樣野可能更好唯一唔好既係 此店門冇裝玻璃 出面有人食煙會好大怎味所以呢度扣左啲分呀

同友人约好去大坑揾食,之後去嘆咖啡，享受一個好天氣的萬聖節下午。朋友想食拉面，入左呢間，門口寫四点半休息，當時四点正。也不想阻人休息，想轉身離開時，有店員出來話末休息，所以入去試試。當然店內無其他客人，但亦見四位員工已加緊忙碌，清潔及準備收工。坐下快速点了雞百湯麵$88另加温泉蛋$15.麵質選了普通。因為bar枱對正麵鋪，所以清楚見到店員一面清潔，一面"認真”地為我們準備好兩碗拉麵. 見到煮麵的時間已經有怀疑，亦都見不到他們有用timer.果然，我第一口麵是硬到好似沒有煮過，加上湯亦都不夠熱。湯麵兩大忌中哂,然後我就跟店員講話d麵好硬，忘於清潔落場的店員都面有難色。眼見他們放下清潔工具，把我碗的麵條夾起放回水中再次加熱。我在想，正宗的拉麵店是否應該再煮新的一碗？之後我的“再做"拉麵是如何，我想我不用多寫。

拉麵來在香港中也算是享負盛名的一間拉麵店，難得有朋友主動找我說吃拉麵，又怎能放過這個機會呢？是日晚上六時多左右到達，天色已黑，以木為主的店鋪營造舊式氣氛，加上幾盛明亮照人的電燈使它縱使顏色深沉卻還是能令人遠方都足已看見。店內就只有吧枱位置與收銀機旁的兩三個小座位，抬頭看是一堆舊時孩童玩意，例如女孩最愛的「煮飯仔」玩具。在店中處處均有大量裝飾或貼紙，加上店鋪小小的，更有日本拉麵小店風情味。枱上設備也是一應俱全：冷水、筷子、點單紙、調味料、紙巾和牙籤等等……調味料有幾款，分別是芝麻、辣雪菜、醋和還有一瓶胡椒似的？這個我忘記了試。不得不提的是這個醃漬好的雪菜！帶點辛辣又爽口的雪菜添於麵中更添辣度和刺激味覺！好讚但好辣啊！！餐牌上的拉麵是以五行命名－－金木水火土。其中土有分四款，價錢亦有平有貴，由最低消費的$78普通豚骨或雞汁拌麵乃至到最貴的$108白松露豚骨湯麵，豐儉由人。單紙很清晰，香味油我原本是不要的，但想了想最後還是叫了師傅替我重放香味油，這次真的麻煩了師傅了，真的很抱歉。金·厚味豚骨湯麵 $78評分 : 7/10硬麵·濃湯·有青蔥·走蒜·有香味油論價錢來說這裡的基本豚骨湯是很便宜，它

星期五的晚上，比預期中多人等候位子。跟友人等了大約20分鐘，幸好點餐安排不俗。店員早已給我們餐牌及點餐紙，進店鋪後可以立即點餐，等待大約五至十分鐘便有熱辣辣的拉麵。這次我繼續點了黑蒜油，油的濃度依然，麵的份量其實可以多一些，但因湯底濃厚的緣故，這個份量也十分足夠了。至於友人點了骨膠源湯底的拉麵，所以湯底十分濃厚，吃畢會相當飽肚，喜愛清新口味的朋友可能會有點抗拒。拉麵來向來有質素保證，以後會再來吃的。

呢間位於大坑既拉麵來店鋪面積較少，位置唔多，所以都等左大約25分鐘左右！呢到既裝修好特別呀好靚！我地今次係坐bar枱可以望住佢地整。呢到可以自己揀加多啲配料同濃D/淡D湯底.可以就番自己口味，填完張表就等佢煮啦！豬骨湯味十分香濃豚肉既味道略嫌不足，只食到淡淡既豬肉味。拉麵軟硬適中，一口拉麵一口湯，十分perfect池！食慣大堆頭既我當然覺得份量好少，近80蚊一碗既拉麵份量有點令我失望！女仔會夠食，但男士們肯定唔夠食囉！

每星期最少食一餐拉面，今次到大坑呢間食金—豬骨濃湯，加一隻蛋即使選擇濃度最高，湯底依然剛剛好易入口最好食既就係叉燒，十分之香，有肉味至於個蛋味道就好普通，寧願點多個叉燒反而更好

虎蝦湯蝦球拉麵-$98 - 打開餐牌，大約有十個選擇，由於筆者keep緊 fit，夜晚唔想食甘肥膩，所以點左呢個。由於食店面積細小，再加上都幾有名氣，所以排左一陣先有得食，不過伙計會一早收定點菜紙，顧客入到去就可以快d食。回到正題，呢個虎蝦湯驚喜不少，嗅到的是海鮮湯既味道，食面首先飲一啖湯--鮮蝦既甜味加少少蕃茄味，感覺清新，一d都唔油膩,極力推薦呢個拉麵俾keep緊 fit又想食好野既朋友，剩係呢個湯已經值98蚊。蝦球配上一湯匙甜湯，是不用解釋既味道，然後係麵條，都係幼身、黃白，拉麵上有d碎紫菜，吸左湯再一啖啜入口，感覺絕配！筆者再貪得意偷左朋友既竹筍黎食，食左一條之後，自己都點左一個，竹筍鮮甜，好“林“，岩哂筆者既口味，而且份量多。因為呢個拉麵非常健康，筆者推介佢俾keep fit又想食好野既朋友。

位於大坑的拉麵來，店鋪的裝潢可謂眾多拉麵中數一數二，氣氛一流。店內裝修是昭和日本風，掛著大大小小的兒時玩具和極具昭和風的海報，雖然店鋪不大，只能容納大約十多人，但感覺十分溫馨。至於拉麵，今次點了黑蒜油拉麵，果然沒有令我失望。湯底十分濃郁，而蒜的分量也恰到好處。黑油的吸引之處在其濃厚，而拉麵來則做到這一點，值得一讚。

和老公去大坑撐枱腳，上OpenRice  search 記得節目有介紹呢間拉麵店，特意去試試在門口已有位帥哥幫我們落單十多分鐘就有位，很快Standard 地有數款湯以供選擇湯濃淡麵軟硬我點了海老加蛋老公則點了白松露豬骨湯我們都點了濃湯一試湯味已覺有水準👍👍再試麵條，份量和口感剛好最刺激係隻蛋😍一筷子夾落去己經感覺到有heart煮得剛好的是流心蛋咬左半粒，一定要分俾另一半試下👍👍另一樣令人覺得震奮的當見到隔離跟我差不多年紀的爸爸，帶住兩個囡囡自己叫左一支，兩個囡飲水，唔捨得同囡囡分享但呀囡亦唔識欣賞既樽裝紛達😍😍太感動了，童年回憶呀水都好飲架👍係檸水😍還有些很別緻的芝麻夠辣的菜菜子👍👍(右)好味呀😊這次很滿足，老公話，以後見到其他拉麵都唔想食喇😝

今日晨咁早打完波，有位外國返黎既朋友話想去食返之前食過好好味既拉麵。既然係咁，我地就一齊去試下佢所講既好好味拉麵，再滿足埋佢臨返去之前既願望喇。黎到大坑，我地發現呢度只有一行吧枱，我地1行咁多人，等位好似有點難，但waiter哥哥好好，話有人差唔多食完，仲比定晒menu同點單紙比我地揀。係我地等既同時，我地又揀下揀下食咩好，哥哥又介紹下咁。唔覺唔覺，好快我地就揀好食咩，同有位坐了。入到去，即刻落單！我揀左外國朋友介紹既（土1）極上海老吟釀湯麵。周圍望下，呢度好得意，細細間，但佈滿左好多好舊款既玩具，公仔書，超人公仔，亦都播住一啲好為人熟悉既舊舊舊日文歌。我地坐係吧枱，望住2位師傅係面前整呀整，好快手，一齊夾手1次過做3~4碗麵，各自做自己的部份，但又唔會阻到對方，好合拍！睇下睇下野食就到了，我個碗一黎到，坐旁邊既朋友即刻話好香蝦味！一貫既作風，我先試下個湯。嘩！個湯好濃，好甜，超強勁蝦味，我仲講笑咁話，蝦敏感啲人如果聞到可能會痕，哈哈哈哈。呢度麵比較幼，容易夾容易食，一邊食，一邊飲湯，個感覺就好似每一啖都食左幾10隻蝦落肚咁，真係好誇張。但美中不足既地方，錯左係3隻蝦度，一擺落口，明顯

最近網上見到宣傳，又係openrice見到食評大多正面，於是特登黎大坑食拉麵。傍晚近七點去到，岩岩好唔洗等即刻有位。我地被安排坐係近門口、面向牆既位置，坐左兩分鐘唔夠已經覺得熱，於是問可唔可坐入d，諗住多d冷氣；跟住一調就調到去成間鋪最入，近住廚房既位置。坐左一陣就已經死心，個冷氣根本完全唔夠強，坐邊都係咁焗。餐牌選擇唔算特別多，我叫左個黑蒜油豚骨拉麵，朋友叫左個豆腐擔擔冷麵。黑蒜拉麵聞落幾香，但其實食食下就係得個咸字（湯底濃度=普通），料亦唔係特別多，叉燒兩小塊，食左都唔覺；個冷麵就不過不失，無乜驚喜。我地覺得野食唔係差，不過實在無其他食評講得咁好食，可能期望過高，所以落差有d大。野食固然重要，但更令我地失望既係服務質素同餐廳環境。冷氣唔夠都算，店面裝飾令人有種寧濫勿缺既感覺；枱面痴立立，杯都唔見得好乾淨；更令人倒胃口既係廚房外貌，望落又逼又亂又熱。雖然平時餐廳都一定係咁，但如果要比人睇住自己既食物出爐，至少都應該執番靚少少個樣...一路望到都唔太想食...服務方面，我地知道好難同日本地道拉麵店比，但如果鋪頭係想營造地道感覺既話，員工實在應該要有番日本餐廳果種親切同有禮貌。服務欠奉之

極辛豚骨湯麵賣相很特別，好此有個紅色嘅雪糕球係面咁嘅款，真係估計唔到，呢個咁可愛嘅雪糕球都幾真係一如其名，很辣很辣很辣。哈哈，我因為佢超快飲完罐可樂。基本湯底是較濃的豬骨湯，味道係唔錯嘅，麵既軟硬度好好，湯加麵一口一口咁放入口，極度滿足！配菜都幾多，特別記得嘅係啲蔥，蔥好新鮮，切到細細粒，香味沈入啲湯到，爽爽地又清新嘅口感。相反叉燒就好此無咁出色，不過豬骨湯同麵都足夠另我再次幫襯啦