張公館

营业中

休息中

天氣涼返少少，又到左食蛇同食蟹既季節，今次朋友介紹，試一間高質中菜，位於銅鑼灣V point，靚景之餘仲可以滿足哂兩個願望。花膠雞絲菊花燴蛇羹餐廳非常好，可以一碗咁叫，唔駛驚食到好飽食唔到其他野，用花膠雞做基底，味道濃郁，亦令到蛇羹口感更豐富。蟹粉小籠包皮薄料多，滿滿湯汁，蟹黃同豬肉好夾，非常滿足。蜜汁西班牙叉燒拼燒腩仔叉燒厚切，軟淋啖啖肉，肥瘦適中。燒腩仔皮脆，一口Size，越咬越滋味。臘味炒芥蘭配料有臘肉、臘腸、潤腸，油潤香濃，芥蘭爽口冇渣。秘製醬乾炒九肚魚河粉九肚魚脆炸，上枱熱辣辣，最厲害既係炒完都冇散開，河粉乾爽入味，食既時候加少少辣椒醬就更正。綠豆爽清心丸 甜度適中，清心丸煙煙韌韌，解膩一流。鮮磨蛋白杏仁茶 杏仁茶香滑，底下有一層蛋白滑上加滑，鍾意食杏仁既就會愛不適手。