布萊恩·L食堂 (已結業)

一打開Menu, 發現晚市主打手打新鮮牛肉漢堡扒，我同個FD 都係牛魔王，即時勁興奮於是，我地就叫左特盛火灸芝士100%手打牛肉漢堡扒同埋安格斯牛粒蔥花醬石鍋拌飯個漢堡扒好入味同好Juicy, 我地叫左7成熟，我同個FD 食完都覺得岩岩好，牛肉唔會太硬又唔會太生，係個鬆軟又大份既漢堡扒，同埋一定係手製，唔係機壓到又硬又實雖然係特盛火灸芝士，但食起黎唔會覺得肥膩，同埋溶左既芝士加上伴碟既薯條同蕃茄，薯條應該係即叫即炸，脆卜卜，兩者真係好Match; 蕃茄係塊扒茄，同樣Juicy 多汁個安格斯牛粒蔥花醬石鍋拌飯，一上檯已經俾佢牛肉既份量嚇親，好多牛肉粒係面，真係可以一啖飯同一啖牛咁食，個牛肉夠味，又唔”鞋”同靭，啖啖肉，拌埋個蔥花醬都幾有特色除左上面講果兩樣，我地仲叫左個芝麻雞翼，同樣都係熱辣辣新鮮炸起，雞翼皮到好多芝麻，食起黎有D芝麻香，一唔留神太熱既情況下會熱親個嘴最後一提既係，店員好貼心，好好禮貌，招呼周到，可能呢種就係小店既特色

公司系長沙灣附近d工廈,今晚接朋友收工,距話要去食burger,話公司附近有間高質小店值得一試!一於順下距意,間野叫"布萊恩·L食堂",主推手打牛肉!有burger啦,或者鐵板餐等等,另外仲有d小食啊,例如,雞翼,蛋卷,壽司等等,食物種類都幾多元化!大隻妹漢堡一定系食肉獸最愛!仲要系用5.5寸包,完全系巨型size ge漢堡!!入面有塊100%ge手打牛肉漢堡啦~厚厚的!仲有d生菜,番茄,車打cheese,洋蔥,青瓜等,最特別系呢款漢堡包有炸香蕉系入面,令到個漢堡食落有d甜甜ge果味,幾新鮮,增加味道ge層次感,仲有個5.5寸ge包,好香ge芝麻香,而且軟綿綿,同餡料好夾!漢堡旁邊系一d店家即叫即炸ge薯條,都好好食,厚切之餘,仲幾脆.布萊恩手打牛肉漢堡紫菜芝士飯卷幾特色ge一個壽司飯卷,系芝士牛肉漢堡飯卷,飯卷入面包住手打牛肉,然後用飯包住,外面再加多款芝士,仲有d wasabi添,入口幾得意,而且份量都幾抵食@@味道唔錯.鮮製香滑香蕉奶滿到瀉ge香蕉奶昔,好飲,香蕉味濃,而且仲有d cream系面頭,幾正.唔錯ge小店,漢堡真係好唔錯,下次想試下個鐵板餐,都好吸引.

已經好耐無食過burger了, 最近朋友介紹左一間自家小本經營既小店, 所以我就揾日去試試佢~ 果然係間用心經營既小店, 食物款式幾多, 價錢夠街坊價之餘食物係好大份!!!!餐廳距離地鐵站約五分鐘路程, 其實沿住元洲街一直行就揾到。餐廳面積唔大, 大約可容納十幾客人左右, 設計幾温馨好似屋企咁, 招呼客人只有一位店員, 所以都幾忙, 但佢好有禮貌咁係我地等一等佢, 服務態度好好。日式秋葵 $38秋葵咁健康既食物, 近年趆黎趆受歡迎, 通常都係中式菜先會食到, 究竟點為之日式? 原來係另上日本豉油同埋wasabi, 就咁點黎食, 原來秋葵可以咁食法, 感覺新鮮! 秋葵本身煮得時間恰好, 保持到青翠綠色表面同埋爽脆口感, 加埋豉油更有提鮮作用! 好快就清左想再叫多個呢~ 布萊恩自家製鮮甜冷木魚湯浸豆腐 $38個名真係好鬼長XD叫果陣見到木魚豆腐就叫, 食左睇返先知原來個名係無改錯, 真係如其名般鮮甜!!! 木魚湯清甜度令人驚喜, 平時大多都係熱飲木魚湯, 原來涷更能營造清新既感覺, 豆腐滑嫰, 配埋面既大量木魚碎, 兩種截然不同口感又幾相襯喔!! 重點係超級大盤, 呢個價錢本身以為得一小碟

又到星期六學琴後的大餐時間！餐廳就在教室附近，一條直路，約步行8分鐘便到達。我覺得從荔枝角站步行前往會比較近一點。漢堡包、薯條比較熱氣，所以點了十分健康的秋葵。秋葵的粘液不是每個人都喜歡的，我不是特別喜歡，但我能接受它。廚師削走了秋葵比較鞋的部分，因此它很嫩，爽口。沾點醬油跟wasabi來吃，味道更好。布萊恩麻辣雞中翼，味道香濃，麻辣的感覺很重，還好我們要求小辣，辣度還能接受。招牌大仔佬漢堡，只需$58（套餐要加15元）。漢堡扒是5成熟的，不會有血，牛肉好嫩滑、多汁。裡面還有午餐肉，有驚喜！用餐途中，我們聽到「噠噠」聲，店員告訴我是師傅在製作漢堡排。他們的漢堡是用鮮牛肉製成的，他們對食材質量很有信心，因此他們才建議客人選擇五成熟的漢堡排。在言談間，我能感受到店家對食物質量的信心及堅持。我們還點了香煎半熟吞拿魚，醬汁有蜜糖芥末醬及檸檬汁。味道不錯，沾芥末醬味道更好！朱古力味道正常，朱古力味道香濃。我十分喜歡這家的漢堡包，漢堡排製作用心，真的很美味！

男友情與結，之前話去布萊恩，佢死都話唔去，食拉麵無位，佢先話食漢堡好，天氣涼涼地改左叫石鍋飯，因為手打牛肉太吸引男友啦男友叫左雙份手打牛肉飯$78，2塊4安漢堡牛打牛肉，拌泡菜/昆布，想再好味點，加2蚊加韓辣醬，賣相都幾好下，男友以9秒9整整散左唔比我影相我自己叫左蛋蛋芝士手打牛肉石鍋飯$58，真係有得食有得玩，先落蛋漿係鍋邊，再係鍋邊加芝士，最後將所有食材攪均，店員話越均越好味，仲幫我一齊攪，真係好好味，千祈唔好加辣醬唔好食有漏加啡比出面平，跟餐半價22同25蚊，睇你要咩豆，遲點會入日本同印度豆小店通常8至10都唔招呼，呢度預先通知排過d枱記OK啦

是晚有點事辦出了長沙灣，呢一帶真的多了好多新食店，來到了店名有點特別的布萊茵L食堂，感覺有趣便進去一試。晚上八點多來到，食客不算太多，坐低後店員很快便送上暖水。看了看餐牌，選擇也頗多呢，有漢堡，鐵板餐之類，最後決定點石頭窩飯，天氣涼了就是想吃熱騰騰的飯。醬油芥末秋葵（$32）見石窩飯肉較多，便點一份蔬菜自我感覺良好一下，選了自己大愛的秋葵，一碗有六條大大條的秋葵，已炊熟，黏液都瀉下來了。隨秋葵付上醬油一碟同wasabi一支，哈哈，是自行調味的，秋葵很新鮮，加了少許wasabi更好味。香煎五花腩石窩伴飯（$56）+麻辣醬（$2）五花腩煎得十分香口，用熱力迫走多餘的油份，食落一點都不油膩，少許豬油好甘香。朋友選了加麻辣醬，加小辣而已，又麻又辣好刺激，跟五花腩好夾呢。流心蛋手打牛肉石窩伴飯（$58）+韓辣醬（$2）店員說牛肉漢堡扒一般是五成熟，但亦可以特別要求其他熟度，個人覺得五成熟很對胃，就不用刻意更改了。漢堡扒很軟腍彈牙，五成熟剛剛好程粉紅色狀態，牛味十足亦很有肉汁。配菜有泡菜，大豆芽，紅蘿蔔絲，紫菜絲等，感覺很韓風，所以選了加韓辣醬，甜甜辣辣的好正，喜歡吃飯焦的話就不要太快伴勻了。波子

看見到有朋友POST了一張大大碗鰻魚飯的相，睇埋LOCATION，原來係我屋企附近，咁近沒有理由不是試一下吧。餐廳不算大，可以20人左右吧。不過MENU選擇又都幾多，有BURGER有PASTA，又有日式中式的。火燒原條鰻魚石鍋拌飯($119)追加大啡菇($18)賣相十分澎湃的一個石鍋拌飯，大大條原條鰻魚，大到有一半都放不進碗內。除左大條，仲好厚身，食落啖啖肉。而且鰻魚稍為燒過，帶點焦脆，加上醬汁甜度剛好，不會太甜，所以味道十分好。鰻魚上還放了滿滿的芝士，熱力令芝士稍溶，做出十分邪惡的拉絲效果。因為用石鍋上，而且飯量實在太多，所以未食晒的話比較建議先拌好飯，否則就會太多飯焦。我一個人真的不太食得晒成個石鍋拌飯，因為份量之大，其實兩個人SHARE都得。追加的大啡菇是另上的，燒得好軟身，亦好香。咬落仲好多汁。招牌大隻佬漢堡($58)大隻佬漢堡睇個名已經知道又係大大份的，漢堡用上新鮮牛肉﹑芝士﹑煙肉﹑生菜和雞蛋，配上特製醬汁，最特別是有餐肉﹑紅菜頭，多肉得黎又有蔬菜平均一下。牛肉一般都做到5成熟，食落牛味比較香，又保留到濃郁肉味肉汁，又不會怕有血水滲出。生菜的份量都不少，感覺比較健康，又中和了

週末就是要鬆一鬆，小妹最近都醉心於桌球🎱練習前，當然要先把肚腩養飽飽♥️長沙灣，充斥著工廈與民居的一個地方，不論飯堂，還是小店都特別多！小妹今次就被一間純木製外型的小店吸引著，餐廳有著十數個位，餐牌卻藏著不少菜式！日、韓、美都有著不同選擇！小妹選了餐牌特別吸晴的29cm鰻魚石窩拌飯😱29cm到底是有多長？！鰻魚石窩拌飯到了，小妹便馬上瞭然，是原條上的鰻魚，目測比29cm還要長呢😱鰻魚燒得超香，魚肉肥美，而且魚油十分充足，沒有因為燒過而減少👍🏻不得了呀♥️All day breakfast，份量很足，連溫泉蛋都有♥️要數最出色的，一定是漢堡排了，香濃牛肉味，又不失彈牙！隨即問一問店員是哪個牌子？原來是廚師每天新鮮現製的！😱點了一客秋葵，是小妹近期大愛之選！這家秋葵十分清甜，而且超長一條！！香蕉奶是跟All day breakfast餐，香蕉味都不錯，不算太甜，感覺都幾refresh!這家小店的製作真的非常用心，就連飲品，也用玻璃樽可樂配冰底！這個組合真是賣少見少👍🏻

🍔🍔手打拉絲芝心牛肉漢堡$51🍔🍔牛肉要五成熟 真係做到入面粉嫩粉嫩咁💓以為得塊芝士係面 估唔到係牛肉夾咗拉絲芝士😚 漢堡包特別用咗帶甜味嘅洋蔥包🍞配上不少酸甜嘅秘製醬汁 洋蔥絲同生菜絲🌱食落真係唔膩 每個部分都好有心思😚$51成隻手掌咁高嘅漢堡 真心推薦👍👍.🍄🍄酥炸大啡菇配黑松露沙律醬$49🍄🍄必點呀必點呀 一上枱嘩咗聲😱係兩個大大大舊大啡茹 麵包糠炸粉咔嚓咔嚓但大啡菇係超級juicy 夠軟夠彈牙👏👏黑松露沙律醬都係店主調配 濃郁但不嗆喉點到冇曬🙊🙈🙊🙈.🍌🍌香蕉奶昔🍌🍌係好天然嘅香蕉奶昔 唔會好甜 加上忌廉 好濃郁💛.舖頭雖然唔太近地鐵站 不過在場仍然有好多熟客特意光顧🙆

這裡的午市套餐都幾經濟，有石鍋飯、burger等，韓式、西式多種選擇。點了較特別的香蕉奶昔，忍廉幼滑，奶昔味夠濃，至於香蕉味就未夠香。原條鰻魚石鍋飯原條鰻魚上好壯觀~~香噴噴略嫌醬汁未夠多，造成太多飯焦了，影響口感，而鰻魚肥美嫩滑，不錯。朋友點的凍朱古力，本來想點咖啡，不過程序繁複，還是免麻煩對方。凍朱古力不過不失，未算太濃。招牌大隻佬漢堡 $58好喜歡紅色格仔紙，薯條是炸粉炸成，味道一般。好貼心提供burger袋享用，分好buger就放入去享用。有啖啖肉牛漢堡、蛋、芝士、煙肉等，用料豐富。

朋友係長沙灣返工，知道有間食burger唔錯，所以今晚同我黎一試食下夜晚8點黎到，已經坐滿一大半，好彩我地坐埋最後一張枱呢到主要食手打牛肉漢堡，可以係鐵板，漢堡包或者石頭飯，每款都平均$70左右，仲有多款小食揀朋友推介食漢堡，佢揀左大隻佬漢堡，而我揀左漢堡扒鐵板餐，每個餐需等15-20mins落完order後係等得耐d，因為小店人手唔多，所以要體諒下，反正我地都唔趕時間大隻佬漢堡黎左先，好大份，淨係個包已經有5.5寸餡料豐富，有4安士既100%手打牛肉，紅菜頭，煎蛋，午餐肉，芝士，生菜等，滋味十足，另外加左$15轉套餐餐，跟凍飲(+$3)同薯條，薯條夠香脆由於大隻佬漢堡都幾誇張，但無手套供應不過侍應有俾包套我地，可以食得方便d我地跟住聽到鐵板咋咋聲，原來係我個100%手打芝士流心蛋牛肉漢堡扒漢堡扒披住流心蛋&芝士，賣相已經夠juicy呢塊漢堡扒有成寸厚，份量夠，大啖食牛味更突出更濃郁鐵板配出前一丁，我開頭以為一丁係另上，原來都係放係鐵板到，自己撈些少芝士&洋蔥汁，瞬間將佢變成芝士撈丁旁邊既蕃茄都好fresh，多水份當我地差唔多食完，侍應(應該是老細)問我地覺得d 食物點，閒談之間，佢話

長沙彎區茶仔林立，原來現在也出現了不少特色食肆，位於青華閣地下就發現了一間充滿熱誠的小店，雖然地點人流不算十分暢旺，但亦無阻布茶恩‧L食堂在發熱發亮⋯布萊恩‧L食堂裝橫簡約別緻，晚上街道稍為寧靜，但走著走著，也一定會從一個小舊區之中發現這間新開的小餐館⋯簡約的裝橫配上貼心的餐具，店員會為點了漢堡包的客人提供紙套，讓客人可以套著漢堡來吃，就不用這麼狼狽了﹗餐單正在不斷改良，加進不同種類的食物，除了漢堡外還有石頭鍋飯，還有壽司等韓日料理，選擇多多，而且全都份量十足，價錢相宜⋯⋯海鹽燒厚切牛舌串是必食推介，牛味濃郁，牛舌肉汁豐富而且有彈性﹗蒜香牛油雞中翼一碟有3隻，雖然是Normal size，但即場炸起，蒜粒金黃香脆，淡淡的牛油香味令雞翼整體更香口⋯雞翼外脆內裡仍有肉汁，不會乾身⋯招牌大隻佬漢堡(5.5吋)真的很巨大，高度和寬度的確跟5.5吋iphone一樣，非常壯觀，而且售價只是$58，絕對物超所值﹗大隻佬漢堡不單大隻，也很有內涵，內裡有100%新鮮牛肉、芝士、午餐肉、煙肉、生菜、煎蛋和紅菜頭，再配Bryan秘製醬汁，包身超多芝蔴，外脆內軟，煎蛋、午餐肉和煙肉看上去很港式，甚小漢堡會選用

今晚去左長沙灣果頭做義工，做完後朋友帶我到布萊恩·L食堂食飯～佢話果度價錢相宜，而且食物都係高質素！一開始一人叫左一杯野飲, 朋友要波子汽水, 我要做香蕉奶 ~ 香蕉奶真心香，飲落唔會好甜~ 點左個2碟火灸左口魚裙邊壽司，好好食，不過塊魚唔算切得好平均 ～ 另一個小食叫左泡菜芝士蛋卷，入面有大量芝士、泡菜餡，好豐富又多層次既味道！主食方面我要叫個雞煲(小辣), 入面有勁多雞、洋蔥、辣椒，份量好雞又緻，唔錯！而朋友點左個手打牛肉漢堡扒配出前一丁，塊漢堡扒係8安士，但都已經好大塊，肉味香濃，好食 =]OVERALL 服務好、食物水準高，下次一定會再來！

這天在長沙灣開完會在元洲街附近覓食， 有間餐廳名字幾特別-- "布萊恩食堂"，感覺似深夜食堂那些平民小店。 店內空間不大但裝修環境給人舒適自在的感覺。打開餐牌原來 是主打熱石鍋拌飯或漢堡扒鐵板。 這裏的漢堡標榜100%純牛肉或手打， 並連同熱石鍋一起上，再加上韓式拌飯的蔬菜，什有特色。睇完餐牌令你每樣都想試，  最後我們選了"100%純牛漢堡扒配太陽蛋石頭鍋飯$58"。  分量比一般韓式拌飯還要大一點。細心的店員提醒我们如不吃飯焦便要立刻拌勻， 皆因熱石鍋真的燒到熱哄哄的上檯， 隨時可以煮熟一件生肉。 純牛漢堡超滑，(選了五成熟 )不會調味過度又吃到很重的牛味。 最正係這漢堡牛是配石鍋拌飯而非一般薯條或沙律，適合飯桶型的人士而又愛吃漢堡牛， 这個價錢亦非常抵吃。另外我們也選了"火燒原條鰻魚石鍋拌飯(29cm)"。 $119的價錢有原條長足29 cm 的鰻魚確是非常抵吃( 仲要用石鍋上)。 我們沒有加錢選配芝士 ，因覺得配鰻魚汁會比較適合。 鰻魚肥大肉厚，燒得剛剛好，唔會有細骨又唔腥。 肥美的鰻魚輕輕介開，混和醬汁之後，再加上熱騰騰的石鍋"滋滋"声，真的好吃得無話可說! 份量都很大，如果

Date: 8Sept也不算隔了太久沒有來吃lunch，人還是一如既往的多，但menu已經完全不一樣了。多了一些小食和其他飯麵類的菜式，但石頭鍋飯的選擇只有之前吃的時候的1/3左右。lunch menu 內大部分的選擇不是牛肉就是辣的，由於暫時要戒口，唯有問一下能不能把牛肉換成雞或豬。不知道是不是店裏人手不足，唯一的一個侍應只是很「掘」兼很大聲地說「唔得！menu係咁就係咁！」說實在的，來過幾次，這是第一次遇到這種回應，不算生氣，但覺得很無奈。↑朋友點的溫泉蛋石頭鍋飯 (加拉絲芝士$10，加麻辣醬$2)↑朋友點的H12 餐↑雙重芝士手打牛肉石頭鍋飯：石頭鍋飯剛送到，朋友（跟鄰座點了同一個飯的客人）就覺得少了一種芝士，詢問之下才知道所謂的雙重芝士是指上面的一塊車打芝士和本身牛肉裡的芝心。大家都覺得名稱有點取巧（一心以為會加上拉絲芝士的），只是自己也沒有事先問清楚，也就算了。味道一般，而且感覺2位朋友的牛肉煮熟程度對調了，要7成熟的整塊牛肉都變了啡色，要8成熟的肉反而帶有淡紅色。↑醬燒雞扒石頭鍋飯：說實在的很失望，原本有的一系列芝士石頭鍋飯在menu上消失了，要吃拉絲芝士要加$10。$10