布萊恩·L食堂 (已結業)

長沙灣小店開張剛滿一年做緊優惠，主打手打牛肉漢堡，同老公講開不如星期五放工去食，唔想煮當然佢唔會推我啦！ 就係咁放工就過去，門口都有人等位，不過門外有櫈坐，等大約幾分鐘到我地。原來店內坐位有限，想食好野等一陣無妨。 招牌手打牛肉漢堡紫菜芝士飯卷 $58輕輕炙燒另芝士變微焦，芝士半溶夾著飯卷，特別滋味而內餡用上牛肉漢堡幾特別。大隻佬手打牛肉漢堡 $58材料豐富包羅萬有，繼本身手打牛肉漢堡扒外還有煙肉火腿餐肉煎蛋同生菜配自家醬汁。麵包滿滿芝麻份外香脆包心鬆軟。切開分享，蛋漿即時流出，火腿餐肉再加手打牛漢堡一次過食到多重口感，之於手打牛真係好有牛味同咬口。火燒原條鰻魚芝士石窩飯 $119 + 芝士$12 無得輸，論賣相都滿分💯, 鰻魚好厚身食到啖啖鰻魚肉還軟熟，還配埋mozzarella芝士，好驚喜。將芝士同飯搞拌同食超香口。值得一再推介，大滿足。提示想食有飯焦就等耐一點吧。香蕉奶新鮮打好香濃，天然香蕉甜同滑 ❣

今日黎到長沙環做義工再搵下附近有無啲咩好野食又真係比我搵到一間幾特別既手打漢堡因為價錢都唔算太貴所以可以值得一試有卡位所以坐得都幾舒服飛龍在天鰻魚飯卷 $128 呢個真係又睇得又食得仲可以分比唔同既朋友食所以好岩一班人黎食因為有鏝魚再芝士已經好吸引再加上有青瓜係入面會咬落脆脆地饅魚煎得都好香而且魚肉都好厚布萊恩手打牛肉漢堡紫菜芝士飯卷 $58入面有好香既漢堡外面就有一條一條燒過既芝士但芥末係好啲勁唔食得既一開始就唔好食咁多la12安士巨人布萊思手打純牛肉漢堡扒 $112 配珍珠米 加牛油大啡菇 $18真係超大一黎到嚇親我而且個醬都甜甜地好好食可以有淡淡口既口感而且唔會覺得好肥好膩凍香滑奶茶 $14係好好飲既奶茶茶味好香奶味好濃鮮製雜莓奶 $44超級好係真係好多真藍莓係入面。唔會好甜

小店內有十張枱度，可容納二十幾人，好彩訂左位，入店一陣已坐滿人，小店雖小，但款式好多，主打手打漢堡扒及漢堡包。先叫個小食，黑椒牛油巨型珍寶帶子$69，好大一粒，有兩大粒，每粒還可一開二，帶子夠鮮甜，面有啲香草黑椒調味，牛油煎香了令帶子微微焦香。另一小食叫了碎鰻魚芝士蛋卷$58，蛋卷好大份，內層芝士味濃，有多粒鰻魚，主菜叫了一份鐵板牛肉漢堡扒拼香煎鵝肝$148，已配了肥美薯條，黑椒牛油巨型珍寶帶子$6再追加$18要大啡菇牛肉漢堡精心泡製，全人手打，令肉質夠彈牙，厚肉，肉汁夠多，而鵝肝煎香配牛一齊食，豐富了味道層次，之後再叫了香蒜牛油雞翼$29，雞翼面層被香蒜味濃罩住，熱辣辣新鮮炸起，食起黎有牛油香，最後飲品可以半價叫特飲，就點了雜莓味既特飲，用純天然既雜莓攪拌而成的沙冰，上面還加上忌廉，莓味唔算酸，美味的特飲。見牆上還推介特價外賣漢堡 都係$19 超抵。離開時門口已有十幾人等位，超誇張，極受歡迎的小店。

今天約了住附近的朋友吃晚餐，他推介這間小店。店子不大，座位不多，幸好朋友已訂座，我們不用等位就能入內餐牌有不少必食推介侍應推介我們吃牛，又說這裏的石頭鍋飯很不錯！於是我們點了一份半熟安格斯牛扒配高熱石板，再來一份招牌原條鰻魚石鍋飯朋友想吃壽司，於是點了一件珍寶帶子壽司Size確是非常龐大！帶子真的很厚肉，而且味道鮮甜， 口感一流雖然＄38只得一件，但確是物有所值！原條鰻魚飯隨後就到了鰻魚比石鍋飯還要長，絕對不用擔心吃飯吃到尾沒有餸鰻魚雖然不算非常厚身，但燒得剛剛好，略帶焦香，魚肉保持嫩滑多汁隨後，安格斯牛肉就到了！先提醒我們石板非常熱，要很小心。石板熱力很足，把牛扒放上石板，jaaaaaa一聲，牛扒一瞬間就熟了！安格斯牛入口肉味濃，脂肪不多，肉質有咬口。牛肉已調味，但略淡，如果能加點蒜鹽黑椒等定必更惹味

好有心機經驗既手打牛肉專門店 除左牛肉係每朝新鮮運到之外廚師仲會親自泡製手打牛肉特盛鐵板芝士脆雞（無骨）（要襯熱食，脆卜卜，芝士又會有拉絲效果）Hot Items香脆粗薯條配黑松露沙律醬黑松露同沙律醬混合，又係另一番食法（黑松露迷一定要試）100%手打牛肉漢堡扒拼香煎鵝肝（餐配珍珠飯/ 出前一丁/ 薯條 & 牛油粟米& 燒厚切蕃茄）有份量之餘，漢堡扒仲係師父每日新鮮手打架，所以對肉質好有信心。漢堡扒預設煮到7成熟，可要求其他生熟度，中意食生啲又得，熟啲又得。黑松露大啡菇手打牛肉漢堡🍔切開個包，就見到一大堆原汁原味黑松露，絕對係足料漢堡。包邊脆卜卜，包底加左牛油，菇味濃郁同個包一樣大架，誠意推薦，店主細心到提供埋漢堡包紙袋比食客拎住食。服務好到，佢留意到我凍仲教細左個冷氣出面落雨仲會借遮比客人超讚又細心既一間食店，一定要再黎呀

新年去開深水埗，好多店鋪都仲未啟市，所以就轉左食呢間嘅漢堡包店。七點半嚟到，大約等左五分鐘就有枱～流心蛋手打牛肉漢堡加大啡菇同蕃茄不愧係漢堡專門店，個漢堡好好味～蛋汁、漢堡既肉汁、大啡菇再加上番茄既組合令到個包好juicy!! 而且性價比都幾高！芝士玉子燒味道嗰方面唔錯，如果更加熱就好啦！醬燒五花腩串五花腩肥瘦比例啱啱好，而且燒得幾香。慢煮牛展睇到係餐牌上既必食推介之一，所以對佢期望都幾大，可惜最後反而有啲失望，雖然厚切嘅牛展比起平時薄切嘅做法牛味更加濃郁，但係慢煮過後依然唔夠腍，可能店主要再增加慢煮嘅時間。火炙安格斯牛粒黑椒醬石鍋拌飯牛柳粒叫七成熟，燒得啱啱好，牛味非常濃郁，而且個石鍋夠晒熱，個飯食到最後都夠暖～推薦！火炙鵝肝壽司呢個壽司真係唔推薦都唔得，塊鵝肝好大塊，入口即融，好抵食呀～必食！！同男朋友叫咗兩杯野飲，叫漢堡或者飯都可以用優惠價追加，幾抵飲。凍朱古力好濃郁，而鮮製雜莓奶個莓味好真，而且唔會過甜，值得一試💕

朋友介紹一間超抵食嘅晚餐，地點在長沙灣近荔枝角附近。去到都差不多滿座，只剩下一張臺剛剛好我們就坐了。日式七味炸雞，$48炸雞有8件，伴上七味粉，沒辛辣味道但有椒香。炸雞啖啖肉，還有肉汁，大約兩啖才吃得哂呢，很大件。而炸漿薄薄的，勁脆口，咬下去是chop chop 聲。醬油芥末秋葵，$38熱吃的秋葵都不錯，反正是當造季節。芥末是挑選過的，香氣濃郁。我先把秋葵抹一片芥末，再放去蘸點醬油，點醬油時，秋葵的黏液開始流出來，吃得過癮。日式慢煮牛肉喜壽燒石鍋湯，$78本以為是日式醬油湯底的喜壽燒，來到是豆腐清湯。牛肉粒有牛根，所以吃下去時爽口又帶嚼勁。牛肉粒和豆腐粒都很多，很足料。100%手打牛肉漢堡扒，$78來主菜啦！ 漢堡上滿滿的黑椒汁，夠惹味！ 漢堡不會死實，是有厚度的八安士呢！ 牛肉超多肉汁，吃得滿足！這個價錢吃到真是超值！ 招牌大隻佬漢堡，$59漢堡有雞蛋、煙肉等等，增加漢堡濕潤度，而最讚的是那個麵包，鬆軟之餘，面層是脆的！都沒吃過烤得這樣出色的麵包！ 鮮製雜莓奶，$36（跟餐會半價）莓味充足，由鮮莓加牛奶打成，很滋潤。我覺得要下午來買一杯打包拿回公司飲，替代汽水。而店長不斷幫我們計算如

今日專程嚟食手打牛肉漢堡既！店雖細，但都舒服。燒卡爾帕喬左口魚裙邊大碟多件左口魚裙邊，好油好油。左口魚裙邊有一件既厚度，好足料。咬落好滿足，有咬勁！100%手打車打芝士流心蛋牛肉漢堡扒配薯條，牛油粟米同燒厚切蕃茄，叫鐵板食物可以半價飲品。手打牛肉7成熟，肉質好嫩好足牛味。流心蛋添加牛肉糊度，提滑左牛肉嫩度。車打芝士就係牛肉漢堡扒既長期將軍呀！仲好多粟米，甜！追加左牛油大啡菇幾多汁濃菇味，好清新。牛油多少岩岩好，唔好油，中和其他菜。火燒原條鰻魚飯都係半價飲品勁大條，勁正勁抵！原條鰻魚又長又厚肉，119蚊不得了！鰻魚肉香燒汁味，就算無加芝士都夠汁！鰻魚肉都算鮮而不腥。店員好細心教食唔食焦飯，跟住就食到，唔透露咁多先！粟米同飯係溝成一戶，好好食，粟米夠大夠甜，飯又唔乾，棒！凍朱古力同自家雜莓牛奶！估唔到加忌廉係上，會增加朱古力既滑度。自家雜莓牛奶紫色幾靚，藍莓味多d，淡淡牛奶味再上有忌廉幾creamy，幾好飲。有哂莓籽保證真材實料莓子。

去長沙灣搵完朋友經過呢間西餐廳幾特別就入去試下地方唔算大但感覺好warm，店員都幾親切 有推介menu既食物最後決定叫一個蒜蓉墨魚仔小食細細碟份量岩岩好 都有大約八至十隻墨魚仔 蒜蓉味十足 又夠凍唔錯之後叫左火炙左口魚邊壽司 同埋 海膽赤蝦壽司 火燒完係好香既 左口魚都入口即溶店員特別介紹個wasabi係好辣的 再三強調於是點小小黎試 係真係好攻鼻再一黎份燒牛舌 超香 又好爽 唔un 好味最後要一份鐵板牛漢堡加牛肉粒配薯條一上枱就好香黑椒汁味 配埋牛肉粒食真係好正 肉既口感岩岩好 唔un唔痴牙 食完啖好juicy唔全熟 紅紅地 好好味至於牛漢堡 因為個人麻麻地洋蔥 而漢堡入面有洋蔥粒最後朋友一個食哂一份都幾大份 兩個女仔食一份加幾樣小食就夠飲品就點左雜莓同埋香蕉味既特飲店員就介紹係純天然既果汁 唔加任何糖 純果糖 所以唔會特別甜感覺係好健康 飲落去都有果肉粒 而香蕉汁飲落去好似食緊香蕉咁 好新鮮總括來講都值得一食 如果有男士去食可試試漢堡 我見隔離枱好大個漢堡

同朋友去食好出名嘅黑松露大啡菇手打牛肉漢堡🍔原汁黑松露，正！最鍾意就係食黑松露，菇味濃同個包好大，我細食，我食唔晒，朋友係男仔，食一個啱啱好，服務同環境都OK！

之前在附近工作的時候經過，見到這餐廳有很多人在排隊，於是也 bookmark了想找一天特地來試試看～ 想不到平日晚上來吃也很旺呢先來跟餐的飲品，這杯是鮮製香滑香蕉奶🍌 上面是滿滿的Whipped Cream下面就是香蕉奶，賣相100分～ 店員說這飲品是用新鮮香蕉調製，非坊間用香蕉精調岀來的可比擬，甜度就看香蕉的成熟程度而定。我對香蕉奶這個組合絕對是情有獨鍾，這杯味道香濃幼滑，還可以喝到香蕉果肉，真材實料很好喝～必點！這是珍寶帆立貝壽司，好大一粒，帆立貝厚肉又鮮甜熱騰騰的鐵板鰻魚芝士蛋煎，上菜時店員細心的提醒要趁熱吃，芝士半溶的狀態味道最好粒粒鰻魚軟嫩非常，一口芝士一口鰻魚一口蛋正慢煮8小時的自家制醬煮牛展，好大一碟呢，牛展很有嚼勁，也可以加點檸檬汁提味主菜點了 H2 車打芝士流心蛋手打牛肉石鍋拌飯，加了 $18 大啡菇，店員推薦說加醬汁會更惹味，看到辣味&和風口味都好吸引呢！最後選了加$5的黑松露醬～ 上菜已經聞到好香，而且估唔到份量咁大！兩個人share都得手打牛肉選了七成熟，內裡帶點粉紅，非常Juicy又有肉味濃郁，果然是招牌！加左大啡菇同石鍋飯好夾～將海帶、紅蘿蔔、粟米、泡菜等等

今次朋友絕對無介紹錯， 呢間隱世小店實在帶比我無限驚喜，聽講呢度既手打牛肉好正， 仲有必食鰻魚飯！店舖地方細細， 但都吸引唔少人等位， 我地都要等一陣先有位， 裝飾佈置簡單舒適， 氣氛不錯。首先， 我已急不及待點了鰻魚石頭鍋飯， 鰻魚好大條， 成條長度仲大過石鍋， 仲超級肥美添， 食落唔會有好多細骨， 鰻魚份量驚人， 呢個價錢出面絕對食唔到， 所以絕對係超值之選， 另外， 飯焦香脆， 口感一流， 若果你不喜愛飯焦 就要早些攪拌飯粒。跟餐可選特飲只需半價， 呢杯雜莓奶昔， 香滑而且很fresh 既感覺， 可滿足到我視覺及味覺既享受另一道是芝士手打牛肉漢堡， 小店採用新鮮牛肉， 食得出牛肉鮮味， 手打既牛肉不用太乾身， 熟度為7成熟， 食每一啖都感受到豐富既肉汁， 加上香濃芝士， 配搭非常好最後 點了一個泡菜蛋卷， 蛋卷非常精緻， 泡菜味不會太強，蛋香十足

今晚同朋友去左呢間長沙灣小店，雖然舖頭細細，但裝修得有特色，舖頭職員招呼周到，對每樣菜色都描述得好詳細。12安士巨人布萊恩手打純牛肉漢堡扒$112上菜時熱辣辣，不斷冒出蒸汽，食落去簡直口感一流，好juicy!因為係手打，同平時食開既漢堡扒有分別，肉質好鬆化，溶化於口中。第一次食呢種漢堡扒，感覺真係好新鮮啊。半熟安格斯牛扒配高熱石板$188呢味菜令我感覺好似食緊鐵板燒。係上菜時就舖頭職員就會提供一塊已經預熱既石板比我自己燒，鐘意燒幾成熟就幾成熟。而且牛肉肉汁鮮甜，口感滑嫩，油脂花紋分佈平均，食到停唔到啊！日式海帶豆腐石鍋湯$58個湯用石鍋上，熱度維持得耐啲，係冬天飲碗熱湯真係舒服。而且呢碗海帶湯味道香濃，海帶份量十足，配合埋好似豆腐花咁滑既豆腐，真係perfect!

今晚喺元州街搵食嘅時候見到一間新野，手打牛肉專門店，好！就睇下你嘅手打牛肉有幾好。店內的的式式，大概可以坐到十多人左右，黑板上重推介當日嘅特色小食同甜品香蕉船。先來杯雜莓特飲飲到好多火龍果既子同埋好重嘅藍莓味道，味道唔錯跟餐仲係半價添漢堡包上枱嘅時候有啲似美式快餐店嘅感覺，紅白格仔紋嘅包裝紙，高度一隻手到站晒嘅漢堡包。個包入邊醬多肉厚，絕對冇偷工減料，食落去牛肉味唔濃但都好肉汁，因為我地order做嘅係七成熟，都算過得去亦都叫咗個小食蛋卷泡菜，Kimchi被蛋包住咁樣食法都係第一次唔錯唔錯，好快俾我哋食光。最後嚟咗個鰻魚石鍋飯，侍應好細心介紹呢個鰻魚石鍋嘅食法同埋如果鍾意食飯焦嘅人可以等去上枱之後等耐少少或者唔搞佢就會有飯焦嘅效果，師傅用咗真之味咬落去10分煙人，尤其是變成飯焦好似食米通嘅感覺。

今晚我個地膽friend話帶我去食好西，叫我收工即去佢主場深水埗。原來佢帶我去呢間連我唔係住呢區都識既人氣小店。呢間小店係係元洲街498號青華閣地下，搭地鐵長沙灣出口行黎會近d。話明係人氣小店就當然要排下隊啦。呢度地方細，自然座位都比較窄，但係裝修企理，氣氛唔錯。不過服務質素就有待改善啦，因為佢始終得一個店員，要照顧十幾二十人，忙到冇停手，係會有d出錯既。Menu呢度既主打係100%手打牛肉漢堡、100%純牛漢堡石鍋拌飯、火燒原條鰻魚石鍋伴飯等等...至於價錢就超級親民，難怪吸引大批街坊力撐。H8(8安士）100%手打牛肉石鍋伴飯$80呢個石鍋伴飯，上枱個時仲「炸炸」聲熱辣辣，食個時真係要小心唔好辣親。個牛肉漢堡食落啖啖肉，好有口感，仲好有牛味又唔會乾淨淨，咬落夠juicy tim。至於個飯，一d都唔馬虎，用左珍珠米，食落有嚼口，仲有少少起飯焦，好香口tim全部既石鍋飯都可以追加toppings，都只係$8起。M7 100%手打牛肉漢堡扒漢堡併香煎滑雞扒$99除左石鍋飯，我地仲嗌左個鐵板漢堡扒，呢個鐵板餐可以自由選擇配飯、出前一丁或者薯菜tim。難得食丁麵唔駛加錢就梗係食丁麵啦，雖然賣