布萊恩·L食堂 (已結業)

上星期已經係食lunch既時候都想試下食呢間架啦，不過上次咁啱無位，入唔到去。全間餐廳座位唔算多，最多廿幾個位，不過每次係lunch time既時候都坐爆人。今次好好彩，安排到3個位比我同同事，侍應生得一位女士，態度好好。可能係由於家庭式經營啦，男主內，女主外所以出食飯既速度略略稍慢，但質素來計以60蚊一餐既話已經物有所值個飯整體來講係唔錯的，塊漢堡排dry左少少，可以再改進，餐飲係杯凍朱古力，糖水太多，過甜如果改善到水吧就完美啦

火辣雞煲漢堡 Spicy Chicken Pot Burger $96(set)你無睇錯，雞煲同burger真係溝得埋架！炸到外脆內軟嘅雞扒好juicy，雞扒用香料醃製過，再淋上雞煲味既麻辣醬。醬汁好濃郁，有花椒香味，食幾啖已經覺得有啲麻，不過唔算辣。由於個醬真係雞煲醬，所以食落感覺好得意，明明食緊burger但又成陣雞煲味店員話辣道可以隨便揀，落order嗰陣講聲加辣就得架喇 而塊包就有成5.5寸，烘完後，麵包皮脆內軟，連埋大量嘅椰菜絲、洋蔥同雞扒一齊食，正！

之前新開張既時候黎過一次，個陣係試左個雞煲漢堡，覺得幾過癮，可惜一個女人仔胃得細細一個，想點多少少野都食唔落。今日放Lunch，又黎左呢度試埋上次想試既石頭窩飯。我點左100%純牛肉漢堡扒配太陽蛋拌飯。第一眼望落去有種homemade 既感覺，因為賣相好普通，無太過花巧或特別包裝，配菜排到好不規則。講下配菜，拌飯有青瓜絲，蘿蔔絲，牙菜，泡菜等等，上面有隻太陽蛋，漢堡扒同香草。篤穿雞蛋，蛋黄漿同配菜一齊撈勺，令到D飯粒粒好多汁，幾好味；漢堡扒好有牛肉味，結構唔會太鬆散，幾好。下午食拌飯，又多個選擇。

又係荔枝角既餐廳了! 係呢到返工成日都發挖到呢到好多幾出色既餐廳 ^_^前幾日同同事去左呢間係公司附近新開業既餐廳到食burger!雖然開業不久，但係我12點半去到，已經滿座了! 早前經過時，睇左個MENU幾眼，我最有印象就係一個叫「火辣雞煲漢堡 」於是，今次黎到一定要試試呢個漢堡味道如何!另外，我地仲叫左個招牌大隻佬漢堡 同100%純牛肉漢堡扒配太陽蛋石鍋拌飯 (女孩子的胃口不得輕視) 我地ORDER左之後，大約6~7分鐘已經開始上菜了! 上菜既速度係第一樣值得表揚啊!首先黎既係「火辣雞煲漢堡 」，我切開漢堡，雞汁已經悄悄地流出來，睇落好JUICY。我同同事分左一人一半食，兩人一齊食第一口都睜開眼睛，因為的的確確好似食落「雞煲」落肚，呢個雞煲漢堡有齊晒雞煲味既元素，咬落去好多肉汁，雞扒好香脆，食落去仲有少許麻麻痺痺的效果，辣度適中，再加埋生菜同洋蔥，令漢堡更加惹味! 另外，我地仲叫左「招牌大隻佬漢堡」我地order既時候，仲諗住兩個女人叫呢個大隻佬會唔會太舊，但最後我地睇到「招牌」兩字，都係叫左先... 結果，大隻佬黎到.. 佢真係好大..如果兩個細食既女仔黎呢到食野，叫一個招牌大隻

大隻佬漢堡足哂料又好味，佢加啲秘制醬汁真係冇得輸。鰻魚石頭鍋飯又係另一種特色，鰻魚同飯配合得啱啱好！份量係兩個女仔一齊食都有剩呀！最後要講下芝心牛肉漢堡，全部都係用人手打同攪勻既芝心牛肉！超正！可以食過返轉頭食多次

見佢新開張，又話自己專賣牛肉，想食肉既我就入去試下有幾牛。佢主力賣３種食品，鐵板免治牛、石鍋飯、漢堡。坐位大概有二、三十個吧，得一個侍應。去到時一個人都冇，任坐。一心諗住嚟食牛，點知佢是日推介係鰻魚。（又話專食牛既？！）雖然係推介，但鰻魚石鍋飯要９９蚊，而且我係想食牛，所以冇揀。餐牌話牛肉預設係５成熟，要等１５—２０分鐘，我以為人多先要等咁耐啫，點知。。。揀來揀去後，揀咗流心蛋鐵板牛肉。等咗好耐，真係要十幾廿分鐘。醬汁係另上既，鐵板上枱時，當然係影相先。影咗１０秒到，就將黑椒汁倒上面，但係塊鐵板一啲反應都冇，似乎係唔夠熱。而且所謂既「流心蛋」其實係窩蛋牛肉飯既「窩蛋」，並唔係半生熟嗰種！　十級失望，感覺被人呃。　整爛隻蛋用塊鐵板煮下，一啲效果都冇。結果隻蛋要生食！　鐵板餐既鐵板唔熱真係好令人失望。鐵板有跟mini-burger and french fries，所以基本上係夠飽既，只係嗰隻生蛋已經破壞晒心情。總括嚟講，免治牛味道係ＯＫ，唔會難食，但亦唔係驚為天人地好食，７８蚊哩個價錢唔包嘢飲就唔抵食。始終哩區咁多餐廳，一般都係５０蚊左右。而哩間餐廳樣樣都好貴，７０—１００哩個range