影片
更多
2017-11-15
42 浏览
已經好耐無食過burger了, 最近朋友介紹左一間自家小本經營既小店, 所以我就揾日去試試佢~ 果然係間用心經營既小店, 食物款式幾多, 價錢夠街坊價之餘食物係好大份!!!!餐廳距離地鐵站約五分鐘路程, 其實沿住元洲街一直行就揾到。餐廳面積唔大, 大約可容納十幾客人左右, 設計幾温馨好似屋企咁, 招呼客人只有一位店員, 所以都幾忙, 但佢好有禮貌咁係我地等一等佢, 服務態度好好。日式秋葵 $38秋葵咁健康既食物, 近年趆黎趆受歡迎, 通常都係中式菜先會食到, 究竟點為之日式? 原來係另上日本豉油同埋wasabi, 就咁點黎食, 原來秋葵可以咁食法, 感覺新鮮! 秋葵本身煮得時間恰好, 保持到青翠綠色表面同埋爽脆口感, 加埋豉油更有提鮮作用! 好快就清左想再叫多個呢~ 布萊恩自家製鮮甜冷木魚湯浸豆腐 $38個名真係好鬼長XD叫果陣見到木魚豆腐就叫, 食左睇返先知原來個名係無改錯, 真係如其名般鮮甜!!! 木魚湯清甜度令人驚喜, 平時大多都係熱飲木魚湯, 原來涷更能營造清新既感覺, 豆腐滑嫰, 配埋面既大量木魚碎, 兩種截然不同口感又幾相襯喔!! 重點係超級大盤, 呢個價錢本身以為得一小碟
餐廳距離地鐵站約五分鐘路程, 其實沿住元洲街一直行就揾到。餐廳面積唔大, 大約可容納十幾客人左右, 設計幾温馨好似屋企咁, 招呼客人只有一位店員, 所以都幾忙, 但佢好有禮貌咁係我地等一等佢, 服務態度好好。
日式秋葵 $38
秋葵咁健康既食物, 近年趆黎趆受歡迎, 通常都係中式菜先會食到, 究竟點為之日式? 原來係另上日本豉油同埋wasabi, 就咁點黎食, 原來秋葵可以咁食法, 感覺新鮮! 秋葵本身煮得時間恰好, 保持到青翠綠色表面同埋爽脆口感, 加埋豉油更有提鮮作用! 好快就清左想再叫多個呢~
布萊恩自家製鮮甜冷木魚湯浸豆腐 $38
個名真係好鬼長XD叫果陣見到木魚豆腐就叫, 食左睇返先知原來個名係無改錯, 真係如其名般鮮甜!!! 木魚湯清甜度令人驚喜, 平時大多都係熱飲木魚湯, 原來涷更能營造清新既感覺, 豆腐滑嫰, 配埋面既大量木魚碎, 兩種截然不同口感又幾相襯喔!! 重點係超級大盤, 呢個價錢本身以為得一小碟…
蒜香牛油雞中翼 $28
朋友喜歡雞翼, 所以點左呢個雞翼小食, 廿幾蚊有三隻雞翼, 煎炸得好香脆, 內裏既肉汁依然充足, 上面鋪滿左炸蒜粒, 令邪惡度同惹味度大大提升。
特盛日式麻醬煙三文魚沙律 $68
有二人份同四人份量, 不過二人份量已經好大盤, 沙律菜唔係一片片而係絲狀, 比較少見呢種, 三片煙三文魚捲成玫瑰花狀幾厚肉, 配埋日式麻醬又係清新開胃, 份量黎講幾抵食, 不過個人中意生菜作為沙律菜多過椰菜絲。
大隻妹Burger $58
主角黎喇!!!!同大隻佬burger不同係呢個配料會相對健康,無左煙肉果d~~ 一上枱終於明點解叫大佬妹, 因為真係好大個!!!!
入面有100%手打牛肉、生菜、蕃茄、車打芝士、青瓜、炸香蕉、紫洋蔥 , 配料款式實在好多呢!!!我再加左燒菠蘿更加鮮甜, 幾推介大家加埋呢個配料。胡麻醬平均混和於配中, 生菜蕃茄等都新鮮, 普普通通啦, 反而個牛肉叫得100%手打牛肉, 店員話因為淨係用左牛肉無加任何其他野, 以本地新鮮牛自家打成, 所以真係好香濃牛肉味!!4oz實在唔夠食 相比起我之前食出名既burger店牛肉反而乾身欠肉汁, 另外麵包好厚!!!!如果可以烘得香脆d相信會更好!
食左咁多野都只係二百幾蚊, 真心係街坊價小店, 想試佢既漢堡鐵板餐, 見隔離枱個個都叫, 好大份吱吱聲, 重點係舊牛係8oz大過burger~ 同埋店員親切態度亦係令我會再來幫襯既原因!
张贴
