布萊恩·L食堂 (已結業)

元州街真係好多又平又好食的餐廳，今次朋友話想試呢間出名CP值極高、標榜手打牛肉的餐廳!可惜咁岩有少少唔舒服唔想食牛，唯有試下其他野食先，估唔到都幾好味。我地首先點左個海帶豆腐石鍋湯，石鍋入面有滿滿的海帶令到個湯味道非常清甜好飲，開胃一流👏🏻之後我地仲叫左一個醬油芥末秋葵，絕對係健康人士至愛，醬油調味都非常夾，再加上芥末帶來的刺激感，呢碟秋葵真係食到人越食越感動，好想再叫多幾碟慢慢食至於主菜我地揀左芝士石頭鍋飯同埋大啡菇田園漢堡，講左芝士石頭鍋飯先，呢個其實都係牛肉以外的餐廳招牌菜之一，食果陣都幾特別，餐廳會預先整熱個石頭鍋飯，但就留返蛋漿同埋芝士唔落住，上菜時再分開一齊端上，等客人自己落蛋漿同芝士快速攪拌，睇住芝士響石頭鍋中慢慢熔化，真係色香味俱全，絕對值得一試另一個素食的香煎大啡菇田園漢堡🍔，有大蘑菇、芝士同蓄茄等等，份量非常大個非常抵食，仲可以以套餐價+$16有埋薯條🍟同汽水，見到好多其他客人都有叫漢堡餐就知真係非常抵食。呢間餐廳CP值真係好高! 同朋友食飯期間一路都有客人絡繹不絕咁要響外面等位，而且店員服務好貼心招呼得好好下次經開呢度附近都可以食返呢間，真係好抵食...唔錯唔錯

收工去咗朋友介紹既一間餐廳食晚飯雖然鋪頭細細，不過食物種類都幾多，最出名既係手打牛肉，仲有日式韓式食品，每款都好想試，不過又食唔曬一次過滿足到我幾個願望鮮製香滑香蕉奶 $32一開始以為上面係忌廉，原來係有小小雪糕+忌廉既口感，仲要超級濃郁既香蕉味，我勁中意下面係新鮮打既香蕉奶，好fresh，飲完仲想叫多杯，太好味喇火炙左口魚裙邊壽司&火炙鰻魚壽司 $38x2 老闆叫我地試下個wasabi話會有一剎那既感動又真係幾感動下，比出面食到既更重wasabi味壽司方面，用料好足，厚而有質感，燒一燒令左口魚&鰻魚味道更香，依個價錢好抵食火炙鵝肝壽司 $78我最中意食既鵝肝，賣相已經贏曬，又厚又大片，唔算油，鵝肝外層燒到小小脆口，啱啱好連埋飯一齊食，真係高級享受煙三文魚芝士卷 $68老闆每日/一段時間就會係黑板寫時令&推介菜式，如果反應好就加入主menu，希望客人都可以食到自己鐘意既食品，依個芝士卷就係今期黑板推介，煙三文魚好香，加上芝士、青瓜，口感冇得輸12安士巨人布萊恩手打純牛肉漢堡扒 $118最出名既手打漢堡果然名不虛傳，肉質保持嫩滑&超多肉汁，香濃牛味，仲要勁大份量加埋飯一齊食，超級滿足

今晚去左明愛探阿嬚，之後同老公去了附近的布萊恩·L食堂，這間主打食手打漢堡的餐廳，在青山道與元州街交界。小店細細但人流多多，最好就訂定枱，如果唔係就可能要等下。大部份食物都是以手打牛肉為主，還有多款小食。除此之外，還有每日精選，不是常推，可以一試。煙三文魚沙律是有西生菜、紫椰菜及青瓜片，配上日式麻醬，沙律爽脆，加上香甜的麻醬，煙三文魚摺成花狀，美觀又好味。之後再點了一個精選小食，煙三文魚芝士卷，老闆說這個精選小食會經常轉換，每日都會不同，這個煙竹三文魚卷其實就是壽司卷物，以珍珠米包著煙三文魚及水牛芝士，味道又幾夾，煙三文魚咸同水牛芝士的creamy口感很特出，加上另人一殺那感動的山葵，味道不俗。我點了一個黑松露大啡菇手打牛肉漢堡，漢堡份量大個，漢堡包是烘過，所以麵包很香脆，裏面的大啡菇十分juicy，同黑松露醬互相輝映，主打的手打牛肉要了七成熟，牛肉肉濃郁亦不易鬆散，充滿牛肉汁，另外再配埋炸得香脆的粗薯，這個價錢有此質素絕對有驚喜。老公的雙層芝士牛魔王漢堡，巨型得大誇張，裏面全部材料都有雙份，芝士半溶，牛肉厚身，加上有點黑椒汁，食完就係飽到唔使食下餐，女士應該唔會食得哂。最後老公點了個

今日和朋友往長沙灣布萊恩.L食堂食宵夜。我們點了特盛鐵板芝士脆雞, 招牌大隻佬漢堡和凍奶茶。特盛鐵板芝士脆雞, 脆雞是無骨的, 特盛鐵板芝士脆雞賣相吸引,上菜時被鐵板上的聲音及芝士稍多而吸引, 芝士份量適中,足夠給全部脆雞點上, 入口時會慢慢散發出少許奶油香, 味道香濃,脆雞食落香脆, 金黃色好吸引, 雞肉食落肉質鮮嫩,要趁熱食,否則脆雞腍了就不脆, 脆雞混上芝士時口感豐富, 香脆之餘又食到濃香芝士, 好味的特盛鐵板芝士脆雞；招牌大隻佬漢堡果然包如其名, 大大份, 好似大隻佬份量十足, 材料有新鮮牛肉,芝士、餐肉、紅菜頭、煙肉、生菜、蛋和餐廳秘製醬汁, 食落去牛肉新鮮肉質鮮甜, 芝士味道香濃, 招牌大隻佬漢堡最有特色竟然有餐肉和紅菜頭, 餐肉食落煎得金香有油花, 紅菜頭味道適中, 能中和牛肉和餐肉的油膩, 煙肉食落乾身惹味；生菜新鮮爽口；蛋好滑好香和餐廳秘製醬汁食落酸酸甜甜好醒胃, 整個招牌大隻佬漢堡份量豐富, 食落惹味。招牌大隻佬漢堡可升級薯條和凍奶茶, 薯條炸得乾身, 入口不會太油膩；凍奶茶茶味香濃, 飲落香滑。餐廳食物美味, 而且賣相一流,份量十足, 價錢合理,食了一頓豐富宵夜。

對鰻魚好像有種情意結，特別係原條睇落更有視覺上衝擊🤣 前排去過tst 元組沾麵食原條鰻魚蛋包飯,雖然睇落似模似樣但鰻魚好多細骨，唔肥美sauce 又做得麻麻，勁失望. 決心搵過另一間滿足下我突然而黎鰻魚癮.之前其實食過長沙灣味道樂鰻魚飯，其原條鰻魚其實都幾肥美唔錯，但其他野食就差d. 所以今次決定試下同區另一間布萊恩。menu 選擇好多，日西式都有，而且價格平易近人。聽聞布萊恩其實主打burger 同漢堡，所以除左鰻魚飯仲order 左個signature 大隻佬Burger 同芝士蛋漢堡店細細間不過上菜超快，話咁快就上齊哂先講今行終極目標鰻魚飯，鰻魚長到折起左🤣其實總長度有1.5倍石鍋直徑. 而且好肥美絕對滿足我鋪鰻魚癮. sauce 唔算好多，只係夠cover 哂成條魚. 一開始見到覺得唔夠，因為平時食饅魚飯總要request 多d sauce for 食哂條魚就撈係飯食 😂 但今次鰻魚份量係夠啖啖肉咁食，推薦石鍋仲幾熱，waiter 好有耐性咁講解如果飯再放耐d 唔攪拌就會有飯焦，個人覺得多一層脆口感唔錯. 不愛飯焦不斷自行攪拌即可.+$15其實可以加cheese, 但一向覺得c

雖然曾經喺長沙灣出沒過，不過竟然最近先發現呢間高質小店！小店有西式日式餐點供應，主打「手打牛肉」，漢堡包配上自家製醬汁，好出色！除此之外，呢個鰻魚石頭窩飯亦係熱點之一，將飯撈勻，啖啖都係芝士同鰻魚汁，仲有脆卜卜飯焦，好幸福呀！ ▲火燒原條鰻魚石鍋伴飯 ($119) 鰻魚足足有 29cm長，另加$12蚊可以配拉芝芝士，而且仲係舖滿晒成個面，飯底入面本身有少少粟米粒，將飯同芝士撈勻加埋鰻魚汁，口感同味道都超正！鰻魚亦都好肥美，絕非行貨。整個伴飯份量頗多，兩個女仔Share食都好足夠！  ▲招牌大隻佬漢堡 ($59) 配料好豐富，除咗自家製手打牛肉之外，仲有芝士、餐肉、紅菜頭、煙肉、蛋，仲有最重要嘅「Bryan秘製醬汁」，有啲似甜甜地嘅沙律醬，整體配起上黎好好味！小店仲會提供一個紙袋仔，等你可以切開拎住食，好貼心呀！▲蒜香牛油生炸雞中翼 ($29) 有三隻，面上有大量炸蒜，肉質亦算嫩滑！另外因為叫咗石頭窩飯，可用半價加飲品，所以就試咗個 鮮製雜莓奶 (半價後$17) 雜莓奶味道偏淡，因為店主只用天然的生果材料而製，嗜甜嘅朋友可以選擇點香蕉奶！ ▲除咗固有Menu，佢地仲每日有唔同嘅限定Men

今晚來點新意，不去朋友家樓下吃越南菜，去試新東西吃漢堡，開心星期五嘛，不應一成不變，哈哈。布萊恩L食堂超多人光顧，而且店員都很貼心，食客們問店員有何推介，他們都按照食客所想吃的進而介紹，服務不錯。在等待期間我已經上網搜尋有何推介，網民都推介牛肉類食物，所以我都全點牛肉小食和主食，至於朋友則隨心點，當然最後我們都是分享吃。先來醬煮牛展，餐牌說牛展慢煮8小時，這點已經非常吸引我。醬煮牛展肉切得滿厚的，肉的軟硬度恰當好處，咬下去能感受到牛展筋部的彈性，牛肉部份則軟腍。布萊恩手打牛肉漢堡紫菜芝士飯卷光看金黃的芝士表面漂亮得很，加上我超愛芝士，看見這更加要吃。壽司卷著滿滿的手打牛肉漢，口感蠻特別的，再混搭新鮮的蔬菜，美味可口。蒜香牛油生炸雞中翼被香酥的炸蒜鋪天蓋地隱藏了，我們挖呀挖，將酥脆的雞翼夾出來。蒜香牛油滋味發揮得淋漓盡致，雞肉細嫩，肉汁豐盈。火燒原條鰻魚石鍋拌飯何其壯觀，鰻魚肥美碩大醬汁濃郁，結合邪惡的芝士，然後石鍋裡的粟米飯烤得滋滋作響時，我們把飯翻一翻，底層的飯變成酥脆的飯焦，一次盡享多重豐富的口感。今晚焦點一定是大隻佬漢堡，份量真的不小，漢堡配料層層疊疊，高如小山丘。我超喜歡生菜與

食物ok!漢堡好味，但如果share就麻煩！石頭飯都ok好味！但雞翼無味！（所以無影到）我第一次遇到咁既情況😡服務態度有待改善我坐低無幾耐就要我換張圓櫈坐，但我見到其實有多餘方櫈（有i pan)坐😡其實我見到有一枱六人枱食哂d野坐低係度傾計，無趕住收佢地碟，相反但我地三個人食飽想坐左一陣，但不斷收我們d野，連杯野飲未飲哂，佢都想收！😡收左d野之後，就放低張單，其實如果你講聲唔好意思，出面有客人，可唔可以幫幫手，我會理解！我明白地方細，大家要將就，但可唔可以一時同人d!不如全部轉哂圓櫈，地方大d!!

放工時間，又係啲諗食乜時間。公司附近大部分都食到厭。咁就行遠少少望下有咩好食。見到有間手打牛肉專門店，就一於試下。點知有驚喜，店員既熱情招待令我不得不大讚一下 推介不在下話，每款食物既不同食法都一一介紹。特盛鐵板芝士脆雞，又係芝士控既至愛。濃烈嘅芝士配上無骨嘅脆雞，簡直係絕配。店員話一定要趁熱食，都未講完我哋已經食晒因為實在太好味。海鹽燒厚切牛舌，半生熟感覺，唔會太老不錯不錯。100%手打牛肉漢堡扒拼火炙安格斯牛柳粒，特別講一講 呢間店既肉扒係本地新鮮牛肉即日新鮮手打，五成熟會比較juice。同一般係街食到嘅係唔同，因為呢間係手打，不錯。喜歡食牛嘅朋友可以不妨試吓，一試難忘！

呢間係長沙灣既小店，標榜自己用本地手打牛肉做漢堡，名堂未響，但已經吸引到身為饕餮既肥柑子。帶住柑太到長沙灣搵食，假日既晚上入座率唔高，小店靠近長沙灣工商區，平日專做寫字樓客生意，所以選了假日晚上免卻了等位之苦。店內環境優雅，座位不多，但寬敞舒適，打開大門內已經一陣陣鐵板牛肉香氣撲面而至，座下後打開餐牌細閱，發覺他們以漢堡為主，以漢堡包、石鍋飯以及鐵板三款漢堡扒食物的套餐為主，我和柑太分別點了12安士漢堡扒，再額加一個大啡菇，以及一份流心蛋手打牛肉石鍋飯。另外點了一串五花腩串燒以及煎紐倫堡腸，另外柑太看到飲品有一款叫新鮮香蕉牛奶，一問之下發覺原來是用鮮香蕉混和牛奶打出來的，便點了一杯。五花腩串燒得不俗，肉身夠厚很有口感，面上的蒜粒可以帶起肉香，刺激食慾。香煎紐倫堡彩肉質很滑，食落很多汁而且不太油膩，表面煎得剛好，食時有外脆內軟的口感，實在出色。新鮮香蕉牛奶，並非出面現成的香蕉牛奶，而是真的用香蕉加新鮮牛奶打出來，飲落又香又滑且半點不帶香精味。流心蛋手打牛肉石鍋飯加入韓式醬，令飯身帶點微微辣，漢堡肉多汁，牛肉味很重，因為石鍋溫度極高(300度)，可以輕易煎出飯焦，如果不太喜歡食飯焦便要不斷

聽朋友講，呢間餐廳好唔錯，叫我行開呢頭就trytry，咁啱今日黎附近搵朋友，就黎呢度食。我地好肚餓，嗌左好多野食，兩個飯，兩個小食，一個湯。先講下呢個流心蛋手打牛肉石鍋拌飯，我好好好中意食蛋xd 同埋好想trytry手打牛肉，所以就choose jor xd 我地仲加錢配埋個辣醬。佢個蛋撈埋真係好好味，好中意佢個手打牛肉，牛味十足，泡菜又正。呢個辣醬辣得好過癮，加埋係飯到撈，好正！不過真係辣，如果唔食得辣，仲有其他醬揀，加幾蚊就有個醬xd我朋友嗌我一定要try this，所以我就嗌左呢個火燒原條鰻魚石鍋拌飯。佢真係好好好大條，好長，睇落極邪惡好吸引😂加埋chinese，個鰻魚雖然咁大條，但真係燒得幾好，完全冇overcook，食落又香又好味。不過真係好飽，幾個人share會好d。跟住就上左個日式海帶豆腐石鍋湯，呢個湯我同朋友飲唔停口😂，好好飲，呢個湯清得黎又好夠味，d豆腐好滑，海帶又好食，下次會再嗌！小食我地就嗌左韓式泡菜芝士蛋卷，佢個芝士味幾濃，個雞蛋卷好有韓式家庭個種感覺，入面d幾滑，不過如果個泡菜多點會再好味d xd另一個小食我地就嗌左鹽燒厚切牛舌，佢真係好厚，好香，不過如果再爽

長沙灣青山道嗰度有一條街好多餐廳 今日就嚟食下呢間布萊恩l食堂 個名好得意望落似係食西餐 但原來竟然係食石頭鍋飯同漢堡為主 六點左右嚟到餐廳 只係得我哋一枱客人 坐檯檯凳凳好似以前中學嘅書枱 好得意 不過坐得就唔係太舒服 蒜香燒豚肉串 串燒上面有超級多嘅蒜蓉 下面就係串燒豬腩肉 豬肉好林 而且有淡淡嘅胡椒同埋鹽味 加埋舊薄薄嘅肥豬肉 真係忍唔到口 鰻魚芝士蛋捲 入面有鰻魚粒同埋半熟嘅芝士蛋 外面嘅蛋皮煎到好香 蛋捲上面有濃沃嘅鰻魚汁 加埋一齊食好夾 蒜香牛油雞翼 佢係雞翼上面加咗炸蒜粒 同我預期嘅唔同 不過都算香脆 呢到萬眾期待嘅主菜 芝士流心蛋手打牛肉漢堡扒配飯 店長話呢個牛肉係每日用新鮮本地牛整嘅 重要係五成熟 好多肉汁同重牛味 呢間舖頭仲係靠呢樣招牌菜起家嘅添 所以必食 另一個就係原條鰻魚石頭鍋飯 加12蚊仲有拉絲芝士㖭 完全冇諗過芝士有咁多 簡直好似瀑布咁 好興奮 鰻魚亦都大條 有成十吋 特曬出嚟 鰻魚外面加上鰻魚汁好香 而且啖啖魚油 加埋芝士一齊撈飯 真係好好食 不過要趁熱食 如果唔係就會越嚟越多飯焦㗎啦 跟餐野飲仲有半價 叫咗香蕉牛奶 係呢度新鮮整嘅 淡淡嘅香蕉味 唔係死甜

公司有新同事加入, welcome lunch就試咗呢間布萊恩。 見到佢啲石鍋飯好似都幾抵食, 另外又有啲意粉咁。 首先講個環境, 我就覺得邊位有少少窄。唔知係唔係張櫈太大舊。 跟住我哋就叫咗唔同嘅嘢食啦, 有個同事就食burger, 另外有兩個同事就食石鍋飯, 我就叫咗個意粉。唔知係咪太旺場, 等嘅時間有少少長, 如果快返少少好啲。我食咗個類似係帶子黑松露忌廉汁意粉。 以呢個價錢嚟講黑松露嘅份量都算幾大方, 帶子好新鮮食落好鮮甜, 個意粉可以話都幾好食, 係食到底有少少漏。

這間餐廳，值得一讚是服務質素：店舖細小，只有一位樓面，仍然能夠提供好既服務，確實難得少見。 在有限空間竟然主動提供櫈給我們擺放手袋。上石鍋拌飯，他們亦會了解客人是否鐘意食飯焦，再講解食法配合客人口味。結帳時，亦會主動介紹將有新menu，新菜色去迎合冬天。服務⭐⭐⭐⭐⭐食物⭐⭐⭐⭐芝士牛肉漢堡扒石鍋拌飯 $58手打牛肉漢堡，厚實味濃。其他配菜亦很足料韓式泡菜芝士蛋捲 $48濃濃芝士味，但芝士味蓋過了泡菜。但本人係芝士愛好者，所以係覺得好食既!韓式甜辣醬脆雞 $78 這個菜色麻麻，普通炸雞，只是表面加上韓式甜辣醬。外邊比較咸，而裡邊比較淡環境⭐⭐⭐⭐簡潔舒適

對於係荔枝角返工既打工仔黎講每日lunch諗食咩真係好困難 因為實在太多選擇啦！而呢間店既手芝士打牛肉石頭窩飯係我至愛之一真係超級超級好食 價錢又唔算太貴牛肉好靚 5成熟岩岩好石頭窩飯又大份 次次都食唔哂另外我d同事又叫另一款手打牛肉飯呢款就唔係石頭窩不過多隻流心蛋佢地都話好好食嫁不過間店太細啦 容納唔到太多人Lunch hour 想一大班同事出去一齊食就要早少少去霸位啦!暫時未試過食晚市 下次有機會食再分享下有咩好食！