巧得鍋 (已結業)

在觀塘樓上舖有間日式木系裝潢的火鍋店，店內特色是同一個鍋有一半是火鍋爐，一半是燒烤爐，像是砌拼圖一樣可讓客人自由選擇不同組合，店內坐位更設有免費充電的插蘇頭位置和盒裝紙巾很貼心～客人一到時候，店員便會送上九格調味料讓客人自選配料。招牌雞煲（半隻）$158雞煲可供客人選擇辣度：大、中、小、BB辣雞肉肉質鮮嫩多汁，火鍋醬汁味道夠濃郁，有洋蔥香、黃椒、紅椒等配料，做到色香味俱全澳洲和牛（小）$198牛肉簿切，油花分布平均，牛味油而不膩，落鍋後幾秒左右已經可以吃，煮過的牛肉質嫩爽口，令人想一口立即接一口大扇貝$48新鮮扇貝連殼放上碎冰遞上，扇貝肉質鮮甜，口感彈牙，店員建議煮三分鐘左右的時間最後，餐廳更會為吃飽的客人送上水果心意，不知道是否每次也是蜜瓜，窩心的禮物令人甜入心～

放工在觀塘附近覓食，看到這家有沙爹鍋底，天冷了，好想打邊爐。.看到不但有傳統火鍋，還有雞煲、骨頭煲。我們這次先試樂沙爹，鍋裡本身都有豆卜，芽菜，金菇，藕。湯底濃郁.我選了蝦丸新鮮Q彈，蝦仁雲吞更是包著大個蝦！好好味！炸芋頭直接吃都很好吃，粉粉糯糯。貢丸非常紮實！.另外還選了一些素菜，皇帝菜，竹笙，豆皮，和沙爹鍋底好搭配！.另外想說的是調料，種類豐富，我比較喜歡xo醬，稍微有點辣，加蒜蓉和芝麻醬，再加芫荽

今日收工後與友人相約在食肆林立的觀塘區聚會，朋友推介說到成運工厦的巧得鍋食雞煲和打邊爐，一次過可以滿足兩種不同味的口腹。到了店門前見到光亮的門面，餐廳裏面的枱椅擺放得夠闊落，因此坐得也比一般其他的火鍋店舒適些，而且枱面沒有油膩，給人很整齊和乾淨的感覺。坐下在看著餐牌的同時，店員首先奉上蓮藕片和花生小食， 雖然是小食但藕片入口爽、脆、甜，因有芝麻咬落並且散發其香味。花生亦炸得非常脆口。隨後再放下一個九宮格的調味架，上面放了九個小盎，而主打的是他們秘製xo醬及後又拿來了一枝冰凍的豉油，據說是他們特製，而為了保鮮所以放在雪櫃中冷藏。🐔首先是大大鍋雞煲上枱，見到顏色配搭很搶眼，紅紅黄黄的西椒絲、青綠色的芫茜、粉紅色的洋蔥絲，加上了淡黄色的薑蒜，因為我們要了bb辣，所以拌和少許的花椒、八角，鍋一放下已經傳來了陣陣的香濃雞煲醬味，挾了一件雞入口，少許麻辣的感覺刺激了味蕾，頓時引起了大家的食慾，沾滿了濃郁醬汁的雞肉鮮味嫩滑，雞皮又不會太厚而變得油膩，隨著開鍋之後一邊煮一邊傳來了嗞嗞的爆香聲，真的食不停嘴。😋因為食雞煲時鍋底有點燒焦，店員就很稱心地為我們換過一鍋上湯用來打邊爐，澳洲和牛肉切得很薄而且質

好耐冇吃過雞煲和火鍋，趁拎咗消費券同另一半去吃豪啲，他提議到觀塘地鐵站只需行幾分鐘到一座成運工業大廈，一樓的巧得鍋吃雞煲和火鍋。餐廳佈置需然簡約，但勝在地方寬敞和座位舒適，牆壁掛上一大幅顏色鮮艷的錦鯉魚。鍋物有巧得招牌雞鍋、烤魚鍋、牛雜鍋、雲吞鍋、鮑魚雞鍋、也有多種火鍋配料、還有牛肉系列、海鮮系列、巧得特式小食等，種類繁多。首先來一鍋巧得招牌雞鍋半隻，雞肉味濃郁，配料有青、紅、黃椒、紫洋蔥和大蒜，加上秘制香料，香氣撲鼻！吃完雞煲換上一鍋娃娃菜和大豆芽菜的清湯。配上頂級本地手切牛腩頭，只放在清湯內拖兩拖，淋嫩多汁！再加肥美鮮甜大蟶子。最後餐廳每枱食客都送上爽脆清甜的哈密瓜，令這個豐盛的雞煲和火鍋添上更完美的句號！

其等已久嘅秋天終於見面啦，涼涼地仲唔快D開動火鍋引擎，又黎咗呢度啦送上涼伴蓮藕及脆花生，一路食一路睇吓食咩開初諗住散叫，但見到有呢個巧得SET，$298位，兩位起，岩晒二人撐枱腳唔駛諗都幾多嘢食架，先嚟個鍋物，多款選擇中(有雞鍋/烤魚/豬骨/牛雜/酸菜魚)，我哋要咗招牌鷄鍋 (半隻)辣度要小辣，加入大量洋蔥，薑片，蒜頭及芹菜，再用惹味鷄煲醬汁一齊炒，鷄件索入醬汁，一件駁一件食唔停口。呢個香脆魚皮送嘅，作為餐前小食又或係陣間火鍋時間都咁岩食餐飲兩位，除咗果汁要另加$12，其餘嘅特飲都可以叫，我就叫咗呢杯檸檬青蘋果夢幻梳打特飲，香甜有氣................CHEERS!完成鷄煲再加湯，就正式進入火鍋環節.....套餐肉類選擇有牛/豬肉拼盤，除非唔食牛，否則見到呢個牛肉拼盤，就知道係無懸念勝出。成個拼盤係由安格斯牛肩脊，牛肩胛及牛柳粒所組成牛肩脊雖然薄身咗少少，但入口相當夠肉味，一轉色就食得。而牛柳粒食起黎相當有口感，軟身中帶點兒嚼口。之得有個大拼盤，每樣都有D啦海鮮類有帆立貝，日本廣島蠔，蜆隻帆立貝堅厚肉，鮮甜.....仲有丸及餃類，每人都有1隻/1粒手打蝦丸及墨魚丸幾彈牙;

一直都想發掘觀塘apm以外嘅餐廳，於是就同朋友去左依間離開地鐵站3分鐘嘅樓上鋪。雖然餐廳位置喺工業大廈，但大廈走廊燈火通明，亦乾淨企理，非常易搵。店員好有心安排靠邊嘅四人檯俾我地，座位闊落，冷氣充足，加上熱鬧嘅氣氛令我地都好享受個環境😍。坐低後，店員隨即送上免費小食同埋好香嘅麥茶☕️，等我地可以食住小食，嘆番杯茶先嗌嘢食。小食方面餐廳提供花生🥜同木耳。我個人幾鍾意個木耳少少辣，同埋食落爽口。巧得鍋招牌雞煲🐔（半隻 $158）(⭐⭐⭐⭐⭐)話明招牌就梗係要試下啦！果然冇令我地失望，個煲睇相都覺得足料，雞件厚肉又唔多骨，最重要係皮薄，女士們都唔洗怕肥！味道方面，雞肉好入味，我地揀左唔辣，雖然唔辣，但味道一D都唔遜色，因為配料超級多，花椒八角、薑、蒜同紫洋蔥，相信仲有自家秘製調味。食到我同朋友都要留起D汁準備點火鍋食物！極上黑豚肉🐷（$118）(⭐⭐⭐⭐⭐)師傅薄切豬肉，所以煮完出黎好稔身。唔好以為得肥牛先有濃濃肉味，餐廳既豬肉都令我同朋友十分驚喜！唔只有肉味，仲係唔會好肥，唔會鞋口，煮大概20秒就剛剛好。沙爆魚肚🐟 拼 極上羊肉🐑（$88）(⭐⭐⭐⭐⭐)魚肚爽口彈牙，冇腥味，而且厚身質感吸晒

雞煲愛好者又出動喇，第一次喺觀塘嘅工廈食雞煲，另有一番特色餐廳嘅外圍係木製嘅裝修，入到去好闊落，每一張枱都有足夠嘅位置擺嘢食除咗有特色雞煲之外，都有好多唔同嘅火鍋湯底選擇一坐低店員已經會攞佢哋，獨有嘅九宮格調料俾你，自行調配左自己鍾意嘅醬料先瑤柱辣椒醬，既特別又香口前菜涼拌蓮藕同炸花生，蓮藕好爽口，帶點酸辣味，開胃小菜，炸花生外面包裹咗層鹽，鹹鹹地又脆口巧得鮑魚雞煲主角嚟啦，大大隻嘅鮑魚雞煲呢度嘅雞煲係用炒煮嘅方式，唔係好多醬汁嗰種甜雞煲，食落辛辣味會重少少，雞肉乾身得來又唔會話好鞋四隻大鮑魚，咬落去爽口彈牙，除咗有本身鮑魚嘅醬汁味之外，仲索咗雞煲嘅汁，雙重口感龍鬚菜拼唐生菜出面少有嘅台灣蔬菜，龍鬚菜好新鮮，第一次食，食落去係會比較清甜爽口少少，就算煮阻左都唔會話好淋自家太極墨魚釀冬菇拼鮮蝦雲吞淨係聽菜名都已經覺得好特別，一上碟好驚喜，真係將滿滿嘅墨魚釀左喺冬菇入邊，放入去煮嘅時候仲會自動浮喺面，變咗脹卜卜一啖咬落去，墨魚汁流喺口入邊，除咗打咗嘅墨魚滑之外，仲有粒粒彈牙嘅黑魚喺入邊，加埋冬茹有三層口感鮮蝦雲吞，有好多蝦肉係入邊，而且好新鮮白蘿蔔拼粉絲蘿蔔同埋粉絲都係最索湯汁精華嘅食物，

巧得鍋天氣漸涼， 疫情和緩，食返個雞煲火鍋， 最後揀左雞煲加鐵板， 聽到滋滋聲就開心， 哈哈觀塘放工落左去成業街上一樓揀左巧得鍋。。。因為播住謝霆鋒的歌。。服務員態度好好， 介紹下菜單，試左新菜單的雞煲 可以配烤魚/牛雜/花膠/鮑魚/雲吞鍋底。。（$268）雞鍋：雞件大小適中，無碎骨， 味道小咸小辣，夠香口下次挑戰中辣，應該更惹起。。鮑魚：四隻都好厚身，好夠淋， 滑doodoo，光澤咖啡色，鮑邊細。巧得一 （$248）牛雜 牛小排 和牛 牛柳粒各4切色澤鮮， 油脂分佈均勻用生菜包來吃，罪名會少些。。自己味自己調有電動黑椒同鹽研磨器真係大鄉里出城...味道昇華百倍

相約朋友黎到觀塘搵食 喜愛食辣 又鍾意雞煲的他就揀左巧得鍋 試下有幾得坐抵先點左 招牌雞煲半隻 158價錢合理之後店員就上前菜 有花生同爽脆蓮藕跟住預備醬料 葱蒜辣椒都係必要既海鮮 肉類 配料 都有好多選擇飲品 都有特飲 梳打果汁 我地點左杯麻辣特飲 挑戰一下味蕾先上雞煲 店員好好 已經打點好一上枱就可以食得 雞份量足 味道我點左中辣 好夠味 會食完一件接一件配料有甜椒 洋蔥都係好味呢杯麻辣梳打 真心岩我 佢好解辣 啖啖都有菠蘿味雖然有辣椒絲 gimmick 得黎係正既食完雞煲打邊爐 點左牛肩胛細份都新鮮 肉夠軟雜菜盤 有3款菜 2款瓜 3款菇好新鮮大件魚皮同蜂巢豆腐 好係可以雙併點同價錢配料試多幾樣 魚皮如果大塊多些 更加正食飽飽 店員送上生果 ~~~哈密瓜好甜!埋單500幾蚊 抵食 好坐又好味既一餐

下晝心血來潮想食雞煲，知道呢個諗法都幾癲，食晏得一個鐘點食雞煲估唔到公司附近比我發掘到呢間巧得鍋，雞煲2人餐都係$168，包左飯，前菜同一個蔬菜仲有好多唔同款式既午市套餐，但係我嘅目的就係要食雞煲 一放上枱已經好香，又大中小辣可以揀，個雞煲醬好惹味，雞件煎香特別正，又滑又唔會有雪味，仲有紫洋蔥，煮腍左吸收埋雞煲醬汁勁入味又甜，份量黎講2人食好足夠蔬菜我地揀左上湯娃娃菜另外我地額外叫左2杯飲品，係鮮榨西瓜汁同士多啤梨沙冰，西瓜汁真係即叫即榨無添加糖水，個士多啤梨沙冰好透心涼，估唔到午餐都可以食到快靚正雞煲

這天晚上我約了家人在觀塘吃晚飯，經過朋友的介紹，我們便決定來到這間雞煲火鍋試一試，店內環境十分寛敞和清潔衛生，坐得十分舒服，給我一種很舒服的感覺巧得鮑魚雞煲半隻BB辣($268)鮑魚非常軟彈煙韌，煮得十分淋，雞肉非常嫩滑細密，非常新鮮，焾得多淋，味道微辣中帶一點鹹，十分入味，芫莤，洋蔥，份量非常多，十分抵食，先吃雞煲然後加湯再打邊爐澳洲和牛小($268)和牛油脂分佈很平均，賣相十分吸引，看得出質素非常高，和牛十分新鮮和香稔軟嫩，價錢可以接受萵荀唐生菜($43)萵荀清鮮甜美，唐生菜爽口微彈，十分新鮮，份量廷多整體來說，食物的質素非常高，食物的選擇十分多，食物的份量非常多，食物的用料非常新鮮，食物的賣相十分吸引，食物的定價可以接受，點菜前，員工會給種類十分多的火鍋醬料給客人選擇，餐廳提供熱玄米茶給客人，十分健康，吃完火鍋後，餐廳提供免費的飯後水果，哈密瓜十分清甜十分新鮮，而店員亦有良好的服務態度，所以我認為這間餐廳是值得再去惠顧

「巧得鍋」這名字改得真好！它的環境、火鍋可供選擇的湯底、食物種類、員工的服務態度，以至「混醬」的配料都「好得」！先說環境：這裡每張枱椅都很寬敞，客人坐得很舒適。再說「混醬」，侍應先端上九款醬料供客人自行調配味道，單是看「陣容」已很興奮！至於食物：先生和我並沒有點套餐，我們分別點了鴛鴦鍋（四川麻辣鍋+皮蛋芫茜鍋），並點了手打芝士墨魚丸拼手打芝心鮮蝦丸、蔬菜盆、鮮枝竹拼蜂巢豆腐、萵筍拼芋絲、極上羊肉、安格斯牛肉拼盤和炸豆串。首先「雙拼」這想頭實在太好了！這樣既可以避免浪費食物，又可以讓客人試多一點點其他款式的食物。一舉兩得。讚！牛肉拼盤和羊肉水準沒話說，不要沾太多醬汁會更能吃到肉的鮮味。手打丸口感也足夠彈牙，要是怕肥膩的食客建議可以不用點芝心。另外，蔬菜類的食物相當新鮮，炸豆串配四川麻辣鍋實在一絕！此乃必吃之選！另，萵筍作火鍋食材亦相當鮮甜。（在外的火鍋店很少吃到）值得推介！最後，飯後又有生果送，幫助消化，店主確實想得周到！先生超愛吃火鍋，他今晚尤其滿足！哈哈！

☺️位於觀塘工廠大廈內的巧得鍋，是小廚神與大吃貨不斷回訪的餐廳，已公開這個絕密的食店給大家，希望以後不會難以訂位。觀塘由一個美食沙漠，變成了美食林立的地方。當中有連鎖食店、也不乏地方小店。是次的巧得鍋是位於觀塘工廠大廈內的一間餐廳，不細心留意，很容易錯過餐廳。😅👍小廚神與大吃貨點選了他們的火鍋套餐。我們可以由頭盤先吃，配以火鍋湯底及刺身或鮮牛肉為主菜，再有其他配料和蔬菜盤，最後還送上甜品和飲品，取價公道合理，約三百多港元一位。🙈由於小廚神與大吃貨非常為食，我們除了基本套餐外，還另外加點了不少食物。大吃貨很愛吃海鮮，我們加了脆肉鯇片、海鮮拼盤、美國大桶蠔等不同的海鮮。🐟🦐🐙🦞🦑可是，這個海鮮環節令我們非常失望，因為海鮮不太新鮮之餘，亦處理得不太乾淨。大吃貨心想，以後還是乖乖點套餐算了。😂😍反之，這裏的牛非常出色，不是一般的冰凍牛肉，而是鮮味十足而且十分容易咀嚼的新鮮牛肉。🐮❤️特別值得一提的是他們的湯底，我們都會先喝兩碗湯，然後才後續吃火鍋。因為湯底非常清甜，感覺好像媽媽在家裏煲的老火湯。也是這店的一大特色。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️地址：觀塘成業街15-17號

我都算係一個雞煲控，去開觀塘有朋友叫我試吓呢一間特色雞煲. 由於喺工廠區，間餐廳都唔算難搵。環境都算OK，特別要讚的是他們的服務，好有禮貌😂我哋叫咗鮑魚雞煲，大約有四隻鮑魚，估佢唔到咁大隻，雖然應該係罐頭，但夾雜了雞煲醬嘅味道非常之好😂雞件都唔少，叫咗BB辣，非常之野味，有雞味，雞肉嫩滑細密，好入味。雖然半隻雞，但過量都唔少，兩個都食完都差唔多飽，但點都要叫少少嘢打邊爐。點了羊肉卷，蝦滑，同一碟菜。羊肉嫩身，冇乜羊鬚味，其他都不過不失啦

巧得鍋今晚食盡觀塘，去到一間比個名深深吸引嘅火鍋店，座位都幾闊落，以火鍋配料給其他菜式都非常多選擇，可能有少少選擇困難症之下，見到一個叫做巧得SET，所以唔使多揀即刻叫呢個。麻辣雲耳：當晚可能冇晒雲耳變咗花生，不過花生都非常脆口涼拌蓮菗：蓮藕煮得非常爽口，感覺係新鮮蓮藕。巧得招牌雞鍋（半隻）（BB辣)：我哋揀咗雞窩，有半隻雞。雞肉新鮮而且好入味，因為我哋唔算食得太辣，所以BB辣就完全合適。食到咁上下可以叫職員加湯，變做火鍋。巧得牛肉拼盤：呢個拼盤真係唔錯，有四種牛肉，全部都質素幾高，有安格斯嘅牛肩、牛柳粒、牛頸脊和澳洲和牛，牛肉味濃而且幾稔，最正莫過於澳洲和牛，我同朋友一食互相對望，做到入口即溶。巧得大拼盤 （机立貝，刀貝,日本廣島蠔，日本蟹柳,蜂巢豆腐，手打蝦丸,手打墨丸,菲菜安格斯牛肉餃,自製鮮蝦水餃）：拼盤份量真係不少，質素好高。蠔真心大隻且creamy，正！基本上樣樣都好食！巧得蔬菜盤：蔬菜款仲有金菇，同其他菜加埋嘅份量又係唔少。飲品：飲品叫咗兩杯沙冰，好飲而且大大杯，解除打邊爐嘅油膩感覺。雖然今次唔係任食，但係呢一個set足以令到我同朋友飽到上心口，仲要質素唔差，所以值得推介