巧得鍋 (已結業)

下晝心血來潮想食雞煲，知道呢個諗法都幾癲，食晏得一個鐘點食雞煲估唔到公司附近比我發掘到呢間巧得鍋，雞煲2人餐都係$168，包左飯，前菜同一個蔬菜仲有好多唔同款式既午市套餐，但係我嘅目的就係要食雞煲 一放上枱已經好香，又大中小辣可以揀，個雞煲醬好惹味，雞件煎香特別正，又滑又唔會有雪味，仲有紫洋蔥，煮腍左吸收埋雞煲醬汁勁入味又甜，份量黎講2人食好足夠蔬菜我地揀左上湯娃娃菜另外我地額外叫左2杯飲品，係鮮榨西瓜汁同士多啤梨沙冰，西瓜汁真係即叫即榨無添加糖水，個士多啤梨沙冰好透心涼，估唔到午餐都可以食到快靚正雞煲