巧得鍋 (已結業)

餐前小食有花生同蓮藕，蓮藕有少少麻辣香，加左少少白芝麻，口感非常爽口😛✨巧得招牌雞鍋（半隻）$158雞煲嗌咗半隻但份量絕對夠兩個人食😆 芫荽、辣椒、洋蔥、黃椒、紅椒炒埋一齊，調味好足，鹹度適中😙 因為唔算好食得辣，嗌咗BB辣，但雞件好入味😚 啲調味汁索晒入去，好惹味！而且雞肉都幾嫩滑，整體黎講係高質嘅雞煲～ ✨鵝腸 ｜ 脆鯇骨腩 （雙拼）$78鵝腸條條都有膏，新鮮同埋夠爽口🤓脆鯇骨腩有四件，每件都好多魚腩位，而且好大件。味道鮮甜，充滿魚嘅精華😍肉質彈牙同時油脂感豐富！✨汕頭牛丸 ｜ 鴨血 （雙拼）$63超級推薦呢款牛丸，一定要試下🐮‼️ 真係好好味，一咬開啲肉汁爆曬出黎，非常爽口彈牙😋 鴨血份量都幾多，厚切得黎好嫩滑～✨極上黑豚肉 $118黑豚肉有八件，件件都好大塊。豚肉肥瘦分佈好平均，厚度適中，豚肉味重🤩！✨紅薯粉 $28紅薯粉係幼身果種，擺落湯底度好快就熟，大家唔好隔咁耐先食。食完仲有免費嘅哈密瓜送😝

觀塘工廠區一向都多隱世嘢食，朋友介紹今日食嘅巧得鍋，到左樓下就開始有清晰指示，加上鄰近地鐵，非常易揾。餐廳入面地方闊落，枱面空間亦非常充足，唔會有種上菜揾唔到位放嘅情況，所以同朋友食嘢吹水非常一流。今日試左佢地嘅招牌雞煲，雞肉有口感之餘唔會韌。佢地有自家制嘅XO醬，好嘢味，食得辣嘅朋友一定要試下。之後打邊爐時點左手打芝心三色丸同韮菜安格斯牛肉餃，墨魚丸食落有墨魚鮮味，蝦丸亦有蝦肉爽口感，完全冇平時食丸時嘅粉味，加上入面包左芝士心，變左食落去唔單止鮮味十足，而且非常有飽滿感。水餃亦有驚喜，皮薄餡滿，食落有好多湯汁，非常有水準！順帶一提餐廳服務非常細心，食前已遞上佐料等你慢慢揀，加上全程基本上幫你較晒火，所以真係可以放心剩係負責食，值得再試！

🇭🇰巧得鍋 觀塘小雪嚟啦 突然想食雞煲暖暖胃 原來食開晏間餐廳晚市有埋雞煲打邊爐 一於trytry先🐥巧得招牌雞煲 大辣夠麻夠辣 雞有預先調味惹味十足😍/ 雞件份量多肉厚而嫩 啖啖肉/ 足料芫荽😋😋 芫荽控超愛 可以用嚟減輕油膩感/ 但整體偏油 建議轉煲打邊爐🦪椒鹽蠔仔加入椒鹽到炸漿 每啖都食到酥脆惹味/ 蠔仔粒粒脹卜卜 飽滿有蠔味/ 送啤酒一流🍻🎈九官格醬料欣賞細節位一啲都唔馬虎/ 從雪櫃取出 保持醬料新鮮度/ 各款不同 任君選擇😌ig #fsbigtummy

今日和朋友傾開好耐無打邊爐，天氣涼少少就想去打邊爐了，邊個話兩個女仔好難去打邊爐？！兩個人事實上好難叫很多火鍋配料，所以我幾喜歡這種主菜鍋再加火鍋配料的食法，我們先選了烤魚鍋，整條魚炸起再放鍋裡滾住食，裡面還有很多津白菜，木耳，蓮藕片，豆卜，相當豐富！湯底好惹味！吃完魚我們才選配料，有極上黑豚肉，雙併手打鮮蝦丸和自家鮮蝦水餃，豆腐唐生菜，真是剛剛好又飽飽的，好滿足😋烤魚的魚肉很滑也沒有魚腥，好好味！這裡還有很多不同款式的特色鍋，下次可以食雞鍋，酸菜魚，海鮮鍋，牛腩鍋，或者配鮑魚花膠等等…好多選擇🤤另外很想推介這裡的自家鮮蝦餃和手打蝦丸，用了新鮮蝦而且大大隻的蝦肉，好彈牙好新鮮，大大啖我好鍾意❤️黑豚肉也不錯，我自己比較喜歡牛肉，可惜朋友不吃牛，但朋友仔讚了這個黑豚肉三次，說：呢個豚肉好好味呀😂順帶一提🫢平時我好少食餐前小菜，但這裡的木耳和花生，我們清晒！最後還送了生果給我們吃，哈蜜瓜好甜👍🏻

喺工廠大廈入邊嘅火鍋店，湯底款式都好多，仲可以叫燒肉同埋刺身，可惜疫情期間刺身冇得再供應。鍾意食辣嘅我哋最後揀咗食雞煲，醬料有好多選擇，好欣賞有勁多瑤柱既XO醬，係比預想中辣。至於雞煲雖然半隻但係份量好多，而且肉質都幾滑，之前食過淨係得雞皮有味嘅雞煲，所以幾滿意佢煮得入味。食咗一半就加湯，另外嗌咗花膠鵝腸呢啲冇咁大路既餸，欣賞佢有得雙拼，所以一次過試咗蝦滑同墨魚滑，彈牙爽口有驚喜，而且花膠就算係雙拼都好大舊，所有料都好新鮮。至於肉嘅拼盤可以燒烤，亦都可以打邊爐，最後都係冇揀拼盤，而係叫咗一碟澳洲和牛，首先啲脂肪見到好靚，烚兩烚就即刻可以食，脂肪入口即化，好有油香。整體來講幾滿意食物質素，而且店員服務態度不錯，一有啲咩需要，唔使我哋講都會即刻留意到。

七八點的觀塘依然繁華熱鬧。今天加班,跟老闆來到成業街的火鍋店一齊吃火鍋。店裏的卡位寬闊舒服, 火鍋店的菜式林林總總,有酸菜魚鍋,牛雜鍋,牛腩鍋, 海鮮鍋,竹絲雞鍋,海鮮鍋等。我們點了酸菜魚鍋,用的是石斑魚, 晶瑩剔透, 肉色潔白, 顯得格外新鮮。鮮很快煮熟, 魚肉鮮嫩,配以酸菜湯底, 酸酸辣辣, 十分惹味。配菜點了牛肩胛, 牛肩胛一大盤鮮紅色,怖滿雪花,肥瘦均勻,每一快都新鮮,肉汁鮮嫩,富有牛肉味。配菜雙拼響鈴及牛丸, 響鈴吃火鍋必備, 輕輕一燙外軟內脆,而牛丸粒粒多汁彈牙,牛肉味豐富;炸魚皮, 新鮮即炸出來, 十分脆口, 鹹味足夠,當小食或輕輕一燙都可以。見到店員推銷有大閘蟹,今年的第一次大閘蟹便在這裏吃了。手掌般大隻, 掀開蟹蓋多糕, 蟹膏濃郁。飲料我點了一杯熱情果沙冰,不太甜, 帶少少酸, 打邊爐配沙冰,是絕佳的配搭,不但能解渴,也能清理口中的油膩感。

*餐廳名稱：* 巧得鍋 - 觀塘呢度嘅美食簡直多元化，有特色鍋底、火鍋同埋好多種類嘅煎烤物。前排食完佢哋嘅雞煲，今日又再嚟試吓其他嘢啦，今次食咗火鍋。1）前菜：炸花生、涼拌蓮藕片簡簡單單嘅前菜十分開胃，花生炸得好香口，蓮藕片酸酸地。2）巧得煎烤物$248： 安格斯牛小排、 澳洲和牛、 牛肩脊、牛柳粒各四件， 配新鮮蔬菜，材料好豐富呢！唔同部位都有香濃嘅牛肉味，煮一煮就有好多肉汁，記得唔好滾太耐。我最鍾意就係澳洲和牛，雪花問你清晰，入口好軟滑。而牛柳粒都好有咬口，口感一流！3） 巧得雲吞雞鍋 $198： 廚師準備咗半隻雞、四粒雲吞加沙爆魚肚。湯底又香濃嘅雞味，同時雞嘅鮮味同魚嘅鮮味都好突出，雞肉煲完都唔鞋口，唔錯。雲吞皮好滑，餡料充足，簡直係皮薄餡靚。4）冰鎮蜜瓜：最後餐廳仲送咗蜜瓜，極之爽口清甜。份量都幾多㗎，為呢餐飯做出完美嘅結束。值得一提是店員服務態度良好，令人有賓至如歸的感覺。#foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ig

天氣漸涼有啲入秋嘅感覺，哩個時間最仲意食雞煲加打邊爐啦。每次想食雞煲就會霖到哩間巧得鍋，所以今天又約左朋友一齊過來食雞煲～入到內食肆環境都係一如既往嘅乾淨冇油煙味座位又闊落令人食得舒服嘅同時又可以傾得舒服😌一坐低店員就會送上九宮格調料俾你，多種調味任你自己配搭，選擇豐富。巧得鍋招牌雞煲（半隻）次次過黎都鍾意叫招牌，因為哩個招牌雞煲味道實在太好味！兩個人叫半隻雞再加啲打邊爐嘅配菜食份量已經足夠。今次辣度揀左小辣，辣度啱啱好，又帶啲小小麻，醬汁非常惹味。材料亦都好豐富，洋蔥、青椒、姜蒜、芫西，最緊要係雞件好嫩滑又厚肉唔多骨，份量一啲都唔少。食完雞肉就可以叫職員加湯，開始打邊爐啦！手打鮮蝦滑蝦滑口感好好，爽口又彈牙，而且蝦味幾濃，每一啖都可以食到蝦肉，仲有蟹籽增加口感，好好味。牛肉丸拼鴨血牛肉丸非常爽口多汁又有濃郁嘅牛肉味，鴨血亦都好鮮嫩好滑！點上醬汁好惹味。皇帝菜拼冰菜叫左皇帝菜同埋冰菜，菜洗得好乾淨，食落感覺亦都好脆口一啲都唔會老。士多啤梨沙冰呢度嘅士多啤梨沙冰又大杯又好飲，我次次過來都鍾意叫上一杯，飲落口好濃嘅士多啤梨味！非常解膩。哈密瓜汁呢度嘅果汁沙冰都係即叫即整嘅，哈密瓜汁果味幾濃

在觀塘地鐵站附近成業街上班的食家好姊妹，她提議放工後在她公司鄰近的成運工業大廈一樓有米芝蓮級數的「巧得鍋」餐廳吃花膠雞煲和火鍋。雖然在工業區的樓上，但上到一樓走廊遠看已燈光照明，原來在「巧得鍋」店舖門外報置得生色不少；有一幅超大栩栩如生的錦鯉魚畫和多張圖文並茂令人垂涎欲滴的menu poster。歷史悠久的裝潢需然一般，但勝在座位舒適和食材新鮮，食客源源不絕。桌面上有烤鍋和火鍋的設備；迎合不同口味的食客。先來個小食爽脆蓮藕和香脆花生。至啱我們女士們養顏的花膠雞煲；侍應一端上枱巳香氣四溢，除了主角充滿黏性的花膠和雞肉入味有口感外還有綠色芫荽、爽甜黃色、紅色的西椒和紫色的洋蔥；令這花膠雞煲色香味齊全。街坊價錢的鮮嫩牛肩胛是火鍋的好配搭，再配上嫩滑的鴨血和脆口嚮玲是天衣無縫的配搭。最後店員送上清甜哈密瓜，為這豐盛的晚餐帶來完美的句號！

今天來了觀塘成業街探好姊妹班，我們來了巧得鍋吃午餐。一入門口，已聞到陣陣的雞煲香，原來這裡午市有二人雞煲餐，一於order 一個來吃先😋二人招牌雞煲午市套餐有半隻雞，辣度可自由選擇，我們叫了BB辣，雞煲惹味，雞肉嫩滑，廚師用了特製秘方烹製，口味非常地道。跟餐還有魚湯浸娃娃菜，魚湯底真材實料，入口清甜，及白飯兩碗。我們還叫了甜品紫心蕃薯丸，上枱時剛剛炸好，外表脆軟煙靭，內在的紫心蕃薯清香，美味可口。整體來說，二人套餐價錢$168，非常抵食，確是不錯的午餐選擇👍🏻

火鍋不單對鍋底非常講究，食材亦要求嚴謹；除了新鮮外自家製食物都很考㕑師實力。而新派特色火鍋更演變至火鍋烤肉雙爐齊下，務必給客人可一次過滿足所有的味蕾。今次友人帶我來到觀塘一工厦，內裹有不同餐館營業；我們入了其中一間食肆正好附合新派火鍋的條件。服務員送上自家製醬料盤，不論葱、蒜、辣椒和各種混醬應有盡有；而我最喜愛的XO醬都有。胡椒鹹菜豬肚鍋   $88我和友人皆喜愛惹味的湯底，所以揀選了它。當湯滾起時陣陣的胡椒香味真令人垂涎欲滴，忍不住飲了幾口。煱底材料十足，大量的鹹菜和豬肚食極都有。牛肩胛  (小)   $128擺盤精美，雪花均匀；份量唔少。只需畧畧淥一淥便可以食。牛肉非常淋滑和味濃，再吸收埋D胡椒湯底；更能提升其鮮味。嫩鴨血   $58嫩滑的鴨血用來打邊爐很多人都喜愛，所以原本係唔值錢的食物已越來越貴。炸響鈴拼台灣香菇貢丸   $63響鈴是卽炸的咬落脆口，用來索埋D湯更顯滋味。貢丸爽口彈牙，半份都有五粒份量算唔少。南瓜片拼炸豆串   $33南瓜都有很多件。炸豆串買相特別好似風琴，完全唔覺肥膩。唐生菜拼皇帝菜   $43兩欵蔬菜非常新鮮夠哂大份。生果   (送)哈蜜瓜很甜雪得冰凍，吃完

天氣開始轉涼，就梗係要同屋企人去食下雞煲，打邊爐，今次就約咗觀塘呢間食。咁喺呢度就係嗌一個雞煲，之後就可以散叫其他餸。咁喺雞煲嚟之前，仲有啲小食送，同埋有醬油自己落。聽講呢度就出名雞煲，咁就梗係嗌佢哋個招牌雞煲試吓啦。我同屋企人都唔係好食得辣，所以呢兩個人就嗌咗半隻雞同埋微辣。睇落都幾多雞煲醬，而每件肉質都幾嫩滑，基本上我哋三扒兩撥就食晒啲雞件。見到啲雞肉嘅色水就知幾入味。😌咁佢哋呢度嘅餸雖然係散叫，但兩樣兩樣咁嗌都會平啲。咁我哋嗌咗茼蒿同筍，睇得出都幾新鮮。🥳估唔到呢度都有鵝腸，就算烚熟咗啲鵝味都好重。另外我哋就嗌咗脆肉鯇，肉質都幾結實，證明都好新鮮。😝跟住就嗌咗啲豬肉同埋蝦滑，個蝦滑熟咗之後都幾彈牙，而個腩都幾重豬味但係唔會好羶。😎最尾仲有冰鎮蜜瓜送，因為插着啲冰，所以到冰凍㗎。😍如果遲啲想食雞煲，應該都會再嚟呢度。性價比幾高。😋😋

朋友介紹觀塘有家值得一試的火鍋店，地鐵站出口三分鐘內的路程，店面闊落坐得舒適，裝潢別緻，店員殷勤服務周到，選了性價高的二人套餐。👍🏻二人餐店員先送上滿滿醬料盤，應有盡有，再送上前菜，有麻辣雲耳和涼拌蓮藕，香口惹味不會過辣，炸魚皮香口，沾湯食亦可。招牌雞煲bb辣🌟上菜快速，吃得出是剛剛炒起的嫩雞，雞肉掛汁乾身，配菜足料豐富，微微辣味更過癮。牛肉拼盤🌟賣相吸睛擺盤，分別有安格斯牛肩脊，肩胛和牛柳粒，可以清楚看到其油花紋路，厚薄程度剛好，牛味濃厚肉質嫩滑。大拼盤帆立貝 刀貝 日本廣島蠔 蟹柳 蜂巢豆腐 手打蝦丸墨丸 菠菜安格斯牛肉餃 白菜鮮蝦水餃，一大盤迫得滿滿的。海鮮值得一讚，貝類新鮮肥美無沙粒，蠔最能展現新鮮與否，入口綿滑厚肉。手打丸吃出功夫，彈牙入味。菠菜安格斯牛肉餃口味特別，皮薄饀多。蔬菜盤蔬菜款式齊全，菇類菜類新鮮入味，南瓜冬瓜火鍋必備😉自選飲品除了汽水或茶外，特飲有驚喜。鮮榨哈蜜瓜汁原汁原味，鮮果特飲包含奇異果蓉，鮮雜果和薄荷葉調配，清新又解膩。🏖️最後還有清甜冰鎮哈密瓜，又淋又甜，火鍋後吃一流。整體環境舒適，食材新鮮，性價比不錯👍🏻👍🏻

星期六帶同親友外出享用午餐，去了一家位於觀塘的工廈火鍋店。火鍋店環境衛生清潔，枱大座椅舒服，冷氣足夠。店員有笑容，主動推介168元的特色午餐「招牌二人雞鍋餐」。 前菜是芝麻雲耳冷盤，雲耳爽口帶點辣味，開胃。雞鍋可以選走辣，雞鍋香氣撲鼻，雞皮甘香，雞肉嫩，配料有很多，色彩繽紛，配料主要包括有紫色洋葱、唐芹、紅椒、黃椒、綠椒和莞茜等，亦加入了香料，味道濃郁。白飯軟硬適中。魚湯浸娃娃菜，娃娃菜口感軟，味道鮮甜，湯底魚味不腥。鮮果特飲，大大杯，奇異果蓉新鮮，鮮雜果爽口，薄荷葉味清新，甜甜地，酸酸地，入口清涼。哈蜜瓜汁，為即榨果汁，沒有加冰，沒有加水，啖啖哈蜜瓜原味。熱玄米茶味道清淡。

經過朋友推介，之前已經係巧得鍋食過晚市雞鍋邊爐，今日天氣轉涼又心郁郁想食下雞鍋，決定再黎巧得鍋✨巧得鍋店面光猛企理，環境闊落，特別多大檯，無論一大堆朋友定兩個人黎都坐得舒服😳今日決定再黎巧得鍋係因為佢嘅午餐選擇多，而且價錢親民💰好多款都好吸引，已經決定下次再黎試下佢嘅四川麻辣紅薯粉🤣🔸特色午餐🔸🐓招牌雞鍋餐（$168）🐓招牌雞鍋半隻雞鍋煮熟上檯，一黎就可以食，而且有爐一路煲煮，夠晒熱辣辣🔥雞鍋醬汁濃稠惹味，可以包住每舊雞塊，雞肉多肉嫩滑，剪到大細岩岩好，方便食✨🥬魚湯浸娃娃菜套餐嘅娃娃菜可以選擇蒜蓉炒或魚湯浸🥬娃娃菜煮得夠腍，用魚湯浸吸收晒魚湯嘅精華🤤🍚白飯🍍菠蘿沙冰（+$8）🧋凍奶茶（+$3）巧得鍋嘅飲品一向大杯，菠蘿沙冰即叫即打，沙冰幼滑，酸酸甜甜夠晒醒胃✨奶茶奶味較重🧋