巢私厨川菜 (已結業)

呢間川菜坐落銅鑼灣，平時講開食川菜一定係講食辣，但我同女朋友決定今次反其道而行，去川菜餐廳偏唔食辣😎入到間餐廳都睇到呢度裝修得唔錯，餐桌都幾寬敞舒服，環境幾好。呢度既menu印得好大份，圖文並茂，算係幾清晰貴妃葡萄呢款貴妃葡萄賣相好吸引。佢係一道由冬瓜做成既涼菜。佢外表晶瑩剔透，加埋葡萄甜酸醋真係幾可亂真。而咬落去更加感覺到冬瓜既個種清爽同香，食完真係好開胃。陳醋菠菜呢味菠菜都係酸酸地既冷盤黎。佢比啱啱食既貴妃葡萄再酸少少，菠菜表面更撒左一堆香脆花生，食落又開胃又惹味。蟹皇豆腐呢味菜簡直係就係戲肉。唔好睇佢賣相好似平平無奇咁，道菜一傳上已經香氣四溢，食慾大增。蛋黃既香，蟹膏既鮮，再加上豆腐既滑，用黎餸飯真係一流。 高力流心香芋平時食開上海野都會有鋪癮食高力豆沙，反而好少見到有芋頭餡，見到佢咁新穎緊係試試佢先。佢表面其實同高力豆沙真係無分別，但個餡先係精粹...流心啊，流心既香芋啊！咬落去真係要小心唔好比流心芋頭汁流到周圍都係。最後餐廳會送上款生果盤，為呢次美食體驗劃上完美句號。

喺北京同石家莊都有分店，呢間係香港開的第一間分店，雖然講食川菜，其實都有好多唔辣嘅選擇，裝修都幾時尚，當中有幾張大卡位，坐得好舒服1）貴給紀葡萄$68，幾特別的涼菜，其實係冬瓜浸咗紅酒同提子汁咁，質地爽硬，甜甜中帶酸，都幾香提子味，係提子糖的提子味，幾開胃2）醉鵝肝 $198 - 份量不少，有8大片加埋頭頭尾尾，應該有足一個鵝肝的份量，入口非常香濃的酒味，質地棉密軟滑，味道濃郁，有鵝肝的馥郁，但無鵝肝的油膩感，簡直係大愛😋😋😋😋🥰，食完一口要緊接一口，食完口內簡直係繞樑三日的感覺3）十三香小龍蝦 $220，小龍蝦係呢度招牌菜，小龍蝦有好多汁，所以店員一早預備口水肩同手套俾你食，味道似豉椒mix香辣，辣得嚟幾惹味，小龍蝦好多膏，幾香，肉質都嫩滑，😋😋不過個人就覺得花費好多功夫先食到少少肉，好攰😂😂4）香辣美容蹄 $ 128,招牌菜之一，豬手炆得非常軟淋，好多骨膠原，唔怪之得叫美容蹄，睇番介紹原來用咗白醋軟化豬手的膠質，用薑蔥淡去豬的腥味，用咗四川頂級花椒源大紅袍，七星小米辣，食落麻同辣香味恰到好處，又唔會太辣 😋😋😋5）陳醋菠菜 $88 - 都係涼菜，菠菜切到細細的，好易食，酸酸地幾開胃

好一段時間冇食川菜，今次我地就黎左北京同石家庄都有分店嘅聞名川菜-巢私㕑，黎試一下。貴紀葡萄 - 主要用冬瓜紅酒 製成、外表似脫了皮的葡萄，咬落爽口 ，味道酸甜 ，好清新嘅冷盤極之啱熱熱地嘅天氣作為開胃菜去食。醉鵝肝- 實 在 太 出 色 啦！ 濃郁嘅花雕酒加埋鵝肝嘅香味，係喉嚨渾之不去，好食到唔停口。呢個真係必食！香辣美容蹄- 豬手好淋 ， 佢係用白醋軟化過 ，蔥姜去腥，花椒大紅袍 、七星小米辣。辣得黎又有花椒香，味道好有層次。十三香小龍蝦- 小龍蝦係國內人至愛，但我自己就未食過，香港都少地方有得食。第一次食 ，估唔到小龍蝦d 肉咁滑。雖然肉唔多 ，但大隻嘅都有蝦膏，加埋香辣又惹味嘅醬汁，密密手咁好快食晒。食時伙記好細心比左圍裙我地 ，因為真係好易比汁濺到。陳醋菠菜-陳醋比較醇香多於酸，所以易入口，加埋菠菜煮到爽而不淋。好醒胃。

見朋友食過都讚好，坐得舒服，d嘢好食，今晚就嚟試下裝修不錯，梳化皮的卡座很舒服，訂枱時記得request😚紅噹噹的餐牌，睇見插圖都流口水。油脆皮雞菜如其名，外層香脆、肉質嫩滑, 甘香撲鼻, 比那些出名大酒樓的炸子鷄還勝一籌蟹黃豆腐這道菜剛上桌, 已傳來陣陣鹹香撲鼻, 白滑嘅豆腐粒, 蓋上金黃色嘅衣裳, 豆腐嫩滑, 味道可口, 堪稱色香味俱全香辣美容蹄這道美容蹄, 夾起來的時候已感覺她的皮層軟濡, 咬下去時豐富的膠質溢满嘴巴, 卻沒有肥膩嘅感覺, 加上香辣調味, 整道菜開胃醒神, 值得一試高力流心香芋吃過香蕉, 豆沙涵的高力豆沙, 比較少見的是芋心,這款高力流心香芋, 有鬆軟的蛋白外层, 包着紫芋流心, 别樹一幟

近期經常發掘香港既川菜館，朋友都知我好川菜所以經常滙報新開或者好食既川菜餐廳，今次有朋自話係銅鑼灣開左間新餐廳帶我去試下。餐廳好新淨佈置得好靚環境舒適餐牌估唔到咁大而且紅卜卜上面印有一隻餐廳招牌公仔圖樣。醉雞花雕酒味香一上枱就聞得到，雞肉浸過花雕酒後好滑嫩浸得夠時間所以雞肉完全吸盡了酒香。辣子豬腸除左酸菜水煮外辣子都係特有既川菜，豬腸經過餐廳醃製同炸過後完全清除晒豬腸既膻味食落似帶辣既椒鹽味，豬腸口感外層內軟，麻花脆卜卜唔油膩帶少少香辣。酸菜魚有分2種魚分別係桂魚同鯇魚，嘴刁既我地當然係揀桂魚，桂魚肉比較滑嫩又少骨安心咁大大啖食。一份酸菜魚足3-4人食酸菜香而不鹹及酸，酸菜精華完全融入湯內再加上底層有特別既麵條吸晒整窩酸菜魚既精華，麵條唔係薯粉白色圓柱狀既麵條比想像中煙靭又彈牙平來以為會好似粉漿咁又淋又漿口，十分喜出望外外層好滑溜浸住係湯好耐唔會淋。炸饅頭食完辣野食一啖沾滿煉奶既饅頭十分解辣，饅頭好軟熟輕盈唔會咬落成實實。

在銅鑼灣這一家中國餐館吃中午飯，進去以後發覺這裡的裝修是走一種高調高規格和raw的混合路線，有很多漂亮的黃金金屬裝修，又有水泥牆壁的裝修，再加上大型的中國國畫作為牆壁的裝飾，但是出來的效果也蠻不錯。在餐牌裡看到貴妃葡萄🍇，外型看起來就跟紅葡萄一模一樣，上桌的時候發覺跟相片的效果真的差不多是一模一樣，非常吸引，原來他是用冬瓜混了紅酒做成這麼漂亮的效果，入口的味道也不錯呀。在叫了一道葱油脆皮雞，上桌子的時候他的presentation真的很吸引人，跟他這裡高規格的裝修很配合，🐔吃進口發覺外皮炸的又薄又脆，美味可口。另外叫了一個甜品，就是高力流心香芋，上桌子的時候他裡面的香芋真的是有流心的效果，又可觀又好吃。

香港嘅私房菜越來越多，但係要高質又好味嘅其實要落啲心機去搵下(｡･ω･｡)ﾉ，銅鑼灣雖然有好多食店，但係好多都已經食到厭晒，因為太多連鎖店啦！今次我就喺銅鑼灣搵到一間四川私房菜，真係唔錯！其實好多人一聽到四川私房菜會覺得入面所有嘢食都係辣嘅，但係就冇諗過原來自己可以選擇辣度，揀啱自己嘅口味再嗌，就可以食到好滿足！依一間私房菜喺樓上鋪出左地鐵站之後行一陣已經到啦，我係俾佢嘅環境吸引着，所以選擇晚餐就喺度食！好少一間私房菜係營造一種金碧輝煌嘅環境，一到去你會覺得除咗係華麗你仲可以見到有金絲雀嘅吊燈，喺牆上，都有唔同特色嘅公仔或者擺設，係與別不同嘅感覺！睇到餐牌真係胃口大開，因為我本身就好鍾意食辣，香港嘅四川私房菜又少之又少，今次真係一個好難得嘅機會比我遇到有一間咁正嘅川菜私房菜！當然先來一碗酸辣湯先啦，開下個胃，再食其他嘢！我完全係冇諗過原來酸辣湯可以咁足料，而且價錢相當平宜分量十足！真係好抵食！裏面有鴨血絲豆腐絲肉絲，等等嘅配料，食完之後你會發覺個胃好暖，而且真係好開胃！佢同我喺出面食嘅酸辣湯完全唔同，如果同依一間比較出邊嗰啲可以講係酸辣湯水，依間就係真正嘅酸辣湯！一碗湯就令我對私房菜刮

巢私厨川菜館，裝修帶點金光閃閃並不俗氣，有老上海風格；成個裝修佈局，我最鍾意個廁所，每一格都好闊大，以香港寸金尺土嘅原則嚟講，可以一格做三格廁所，出邊好多食肆嘅廁格，等D客人側身閂門，肥D都入唔到。。。洗手盆裝修亦優雅，令人出入舒暢。今午食左個好抵食嘅午市套餐，有酸辣湯/海米冬瓜湯二選一，春天濕濕地，飲碗海米冬瓜湯就至啱，湯未飮已見色澤香濃，飲落有金華火腿香味，冬瓜吸收哂湯料精華，最重要係飲完唔口渴，真材實料熬製；前菜三選一，清清地揀手拍黃瓜，瓜係切，唔係拍，有點失望，味道尚可；主菜十一選一，由$58-$78之間，配絲苗白飯一碗，先要講碗白飯，㷛得乾身粒粒分明，食落帶點煙韌；如果嫌其他菜式比較大路，可以好似我咁揀酸湯龍脷魚，有明顯胡椒嘅辛辣香，送飯一流。

今晚在銅鑼灣謝斐道496號金利文廣場1樓,巢私廚川菜舘食晚飯,環境相當自然,座位坐得舒服,沒有壓迫感覺,播放着音樂,見到天花吊着雀籠,好有特色,先來酸辣湯試一口,的確好味酸和辣恰到好處,材料有鴨血.竹筍絲等等非常好食水煮牛肉麻辣味夠香配牛肉霖霖地,我已經食到有汗出秘制酸菜鯇魚(中辣)先飲一淡湯好有酸菜加麻的味道吾錯,鲩魚好滑好新鮮,有麵條,這麵條吸收晒酸菜魚的精華精品毛血旺有鴨血.午餐肉,牛肚絲,牛栢葉,大腸材料都好豐富肉絲炒年糕,年糕(煙煙韌韌)幾特別爆炒腰花,腰花鎅得好靚,好夠鑊氣又爽口四川担担麵估吾到做得,想像之中還要好,湯底麻辣味好夠,麵不是一般好霖,有煙韌有咬口還有驚喜有生菓盆送,有士多啤梨,青提子,菠蘿,天桃都是好有質素。

很久也沒有跟友人去吃私房菜 這次透過網上的介紹 看見位於銅鑼灣謝斐道有一個不少好評的川菜餐廳 因此我們也抱着期待的心情到該此餐廳享用我們的晚餐 而最終並沒有令我們的期望落空 我們也十分滿意這頓飯 首先在前菜方面 我們點選了一客酸辣湯 售價為32元 而這碗酸辣湯的份量相當足夠 也為我們整頓晚飯加上了一個序章 然後我們叫了一大盆水煮牛肉 酸菜桂花魚 毛血旺 雜菜炒年糕 辣炒腰花 而腰花即是我們所稱呼的豬腎 沒想到味道居然適合我們的胃口 正當我們把所叫的菜都吃光時 經理便跟我們說 不如吃完水果才離開吧 而且這些水果也非常高質素 韓國士多啤梨 泰國菠蘿等 可見店舖相當重視我們每一位食客 我誠意推介大家嘗試 感謝店舖當中的溫暖吧😋😋😋😋😋😋😋

成日都有條食辣既引，特別係食四川野～呢日嚟到銅鑼灣，又想食辣野，見到有間新開嘅川菜，於是乎就入去試吓啦！個招牌都幾有四川feel雖然我未去過哈哈！餐廳嘅環境非常之乾淨，服務員係咁幫我地加水！非常之照顧周到！呢個好似提子咁樣嘅菜式，其實係酒浸冬瓜！即刻去非常之有酒味而且係凍既～做開胃嘅頭盤就非常之岩啦！之後就係酸菜魚！我哋叫咗小辣，不過呢度嘅小辣同出邊嘅小辣有d唔同，呢度既小辣偏冇咁辣，如果食開惹味d同辣d既人就應該叫中辣～不過小辣都非常之惹味！呢個豆腐湯羹，非常之咁足料同好飲～仲有芫荽係上面吊味！簡直係神來之筆！之後就到呢個辣子炸腸～又係好香口同惹味，食完感覺得好滿足！你個豬手真係不得之了！豬手滷得非常之入味，而且入口即溶！感覺到充滿晒骨膠原！呢個炸饅頭又係水準之作！點埋練奶簡直一絕～食咗咁多嘢最後仲有生果送添啊！將啲建議大家經過銅鑼灣又想食埋野真係可以試吓！

我很喜歡這間四川店首先裝修實在很華麗✨水泥牆、金屬裝飾擺設、中國風餐具都係我喜歡嘅元素😍店內細節十分講究...所以食嘅時候都份外慢活和享受😆原來這所四川店有三間分店兩間在國內，一間在香港所以食物風味和質素都有保證👍🏻餐牌都很有心思和吸睛😆每道菜都有味道偏向，例如甜、酸、辣等方便選擇👍🏻☝🏻爽口藕尖味道清新、充滿水份、新鮮作為前菜一流👍🏻☝🏻酸辣湯偏向辣，材料十足👍🏻菜膽松茸螺頭炖豬展超足料，味道濃郁，不加味精，正！👍🏻干鍋有機菜花菜花來自成都，香港沒有的，很有特色！菜花充滿水份，抄得很鮮甜，菜花有少少鹹味，整體非常出色!☝🏻楊州炒飯份量十足，夠晒鑊氣🤣☝🏻附送生果拼盤店員服務殷勤有禮，食得非常滿意和舒服👍🏻✨

本身我唔多食得辣，所以對川菜不抱大興趣。但咁啱嗜辣的朋友極力推介，就試吓〈巢私廚川菜〉，點知就令我對川菜印象完全改觀！！！首先，由巢私廚的裝潢已經睇得出店家的認真！從店名招牌、採用的傢具裝飾、鳥籠燈箱、到牆壁的山水掛畫等，無一不滲透著絲絲的舊中國傳統氣息，將我們瞬間由現實中抽調至品嚐川菜的好心情。😍圖1-4當晚我們點咗若干碟餸菜，前菜有：巧手鴨珍（$78）滷水滷製的鴨胗十分入味，爽脆且具有嚼勁的口感令人想一件件接著食，再加上紅黃椒的伴襯，顏色豐富更刺激味蕾。🤤圖5貴妃葡萄（$58）貪得意嘅我們見到貴妃葡萄的名字十分特別，就叫咗來試試！原來貴妃葡萄是指用洛神花水加砂糖煲滾的冬瓜球，煮後拼湊成葡萄的模樣而得名。食時覺得它酸酸甜甜，亦有點酒味，以為是用紅酒釀製，之後上網一查才知道那特別的味道是來自洛神花水。喜歡酸甜小品作前菜的就不妨叫來試試喇～圖6之後到熱食主菜部分：蟹黃豆腐（$88）其貌不揚的蟹黃豆腐簡單以蟹黃鋪面，豆腐被收藏在下。當我以為那只是普通的一味常菜，豈料被蟹黃的鮮、豆腐的嫩、兩者融合的妙所制服，至今仍然回味⋯⋯😭😍圓7秘製酸菜桂魚（$298）因我不太吃得辣，所以同行朋友只好忍痛

川菜，給人麻辣辛香的感覺。其中麻與辣都能提升人的味覺。促進食慾。而香港的川菜館也甚多，位於銅鑼灣謝斐道496號金利文廣場1樓的這間(巢私厨川菜館)。令人回味無窮，好有驚喜。餐廳環境乾淨，高背沙發舒適。再配上悅耳的音樂。禮貌的服務員招呼周到。令整個用餐時段舒適自然。抵讚👍醒胃酸辣湯32元，用料豐富。毛血旺例牌198元，辣的程度食客可以自由選擇。惹味的湯底令將食材均勻包裹。爆炒腰花例牌148元，只看賣相已令人食指大動。厨師精心泡製的腰花嫩滑無比。水煮牛肉例牌168元，份量十足。食香味俱全，用來下米飯，一流四川擔擔面58元，有嚼口的面條配上特製的擔擔醬。黃金炸饅頭，28元三只。可以自選一半蒸一半炸。配上甜奶，感覺香甜。味蕾享受最有驚喜的免費水果盤，韓國的士多啤梨，泰國菠蘿，台灣蓮霧，美國青提。高水準，好正

前幾日天氣又涼左，天氣一涼最岩就係食辣野暖下身。晏奏去梗係要叫番個飯啦！揚州炒飯，一睇就知入面有好多料啦！炒飯入面個有大蝦，而且啲大蝦仲切左粒嫁。有飯當然要叫麻婆豆腐啦！麻婆豆腐食落唔係好辣但係麻味較重，食完之後個口重卑卑地！擔擔麵我揀左中辣，唔係講笑，中辣都已經覺得好辣喇，我同朋友食到一半就已經放棄左。食得辣嘅朋友真係要黎試下！手撕雞，雖然手撕雞本身已經有調味，但食落辣之餘仲好重雞味，食落好似鮮雞嘅味咁！食完麻辣重口味嘅野仲有水果清清味覺，好細心