巢私厨川菜 (已結業)

巢私厨川菜館，裝修帶點金光閃閃並不俗氣，有老上海風格；成個裝修佈局，我最鍾意個廁所，每一格都好闊大，以香港寸金尺土嘅原則嚟講，可以一格做三格廁所，出邊好多食肆嘅廁格，等D客人側身閂門，肥D都入唔到。。。洗手盆裝修亦優雅，令人出入舒暢。今午食左個好抵食嘅午市套餐，有酸辣湯/海米冬瓜湯二選一，春天濕濕地，飲碗海米冬瓜湯就至啱，湯未飮已見色澤香濃，飲落有金華火腿香味，冬瓜吸收哂湯料精華，最重要係飲完唔口渴，真材實料熬製；前菜三選一，清清地揀手拍黃瓜，瓜係切，唔係拍，有點失望，味道尚可；主菜十一選一，由$58-$78之間，配絲苗白飯一碗，先要講碗白飯，㷛得乾身粒粒分明，食落帶點煙韌；如果嫌其他菜式比較大路，可以好似我咁揀酸湯龍脷魚，有明顯胡椒嘅辛辣香，送飯一流。