巢私厨川菜 (已結業)

一年一度年宵花市開，當然想來熱鬧下，所以來左銅鑼灣揾地方食飯，突然想食啲刺激嘅嘢，所以朋友揾左呢間四川嘢，見到都覺得辣，未食都覺得刺激，哈。我地一早就上左來，所以有好多位可以選擇，裝飾得都不錯喔。 有種高級嘅感覺睇下有咩食先，個餐牌好大好紅。 好多嘢食，都好吸引咁叫左個我至愛的四季豆，雖然簡單，不過真係好好食，每條豆都好入味，香口好惹味，送飯一流，夾住一點點麻辣香，超正。我獨自叫左個蟲草花燉烏雞超甜，蟲草同鳥雞超夾，飲完暖暖的，感覺好保身咁。 俾個圖吸引住，叫左呢個酸菜桂魚，好大碗呀，酸酸辣辣的，令人好開胃，桂魚好滑本人係出面試過炒土絲之後，就愛上左，又係一款好簡單的菜式，不過原來咁樣炒，係好好食，配四川麻辣一齊，超惹味，送飯必叫。 最後仲叫左個甜品，超有驚喜，高力流心香芋，外面鬆軟，一咬所有香芋都流出黎，超香，好似食緊香芋雪糕咁，超好味最後還有水果送上，真貼心。 食飽飽，滿足地去行年宵lu 。

今日發現左間位於銅鑼灣主打川菜既餐廳。呢度既環境十分有設計感，有中國特式之餘亦好時尚，好適合家庭/公司聚餐。而且餐具都配合餐廳主題，用左雀鳥為主題，好可愛。嚟到咁有中國風既地方，當然要品茶，我地要左普洱。留意番呢度既茶錢會收$10位咖。主食方面，因為只係下午時間，我同朋友唔係要左太多野食。首先一人要左一碗粉面。我就要左嫩雞煨面，真心好好食! 佢既雞湯好濃雞味，加上菜粒同雞肉粒，配滑身既幼面，係好舒服地成碗湯同面清哂。而我朋友就要左擔擔面，辣油同麻醬比例岩岩好，而今次用上粗面，可以索到更加多湯。但唔食得辣既朋友真係要好好考慮先叫，因為真係幾辣! 最後share多個口水雞。手撕雞肉已去皮去骨，食落啖啖肉。而醬汁辣得黎好惹味，配上青瓜絲既爽脆同清新既味道可以中和辣味。加埋花生粒同芝麻粒更加有口感。最後竟然仲送左D水果比我地解辣，仲要係高質水果! 無論係士多啤梨、密瓜同提子都超甜超juicy!估唔到香港都搵到正宗既川菜味道，唔駛下下番深圳都食到好味川菜!

這間過江龍 - 巢私廚主打食川菜，在北京及石家庄均有分店的，口碑不俗。雖然門面不太吸引，但餐廳內的布置及餐具卻很精緻，座位都坐得舒服闊落，因為我們太早的關係，人流並不是很多，所以環境都很清靜。大大本紅色的餐牌十分搶眼。這裡最出名辣子雞、水煮魚，美容豬蹄等經典川菜，聽說辣度也頗強勁，在餐廳間中會有陣辣椒、花椒、八角的辣味傳出，不過份量太大了，為免浪費食物，今晚我們2 個人就沒有點這些名菜了。我們今晚只是簡單的點了一個酸辣湯，好夠酸，辣度比平時食得到的較辣，但我還是接受到，材料十足。小食要了巧手鴨眕，鴨眕又名鴨腎，擺盤精美，鴨腎切得薄身爽口，調味不錯，微微的辣，很開胃。嫩雞煨麵，看似是普通清湯麵，它的配料變化較少所以著重於湯底, 雞湯的質感比一般的湯麵濃郁清甜。肉絲炒年糕，份量頗大，比一般年糕厚身，配上大量椰菜絲及肉絲，很飽肚。因為餐廳做的是正宗川菜，不會過份將就香港人的口味，所以會比較濃味及油一點。最後仲有小小的生果盤送上。

見餐牌有句slogan「百鳥歸巢 美味無界」，加上餐廳嘅用心設計同佈置，都睇得出盡力提供一個舒適嘅環境，煮好嘢食～～蟹黃豆腐 $98好多人推介呢個蟹黃豆腐，我哋都要試一試。一上枱見到佢滿滿的黃色蟹黃，視覺上已覺得好靚。食一啖，原來係加咗鹹蛋黃，又原來鹹蛋黃同豆腐係咁Perfect match，唔會過鹹，但充滿鹹香，真係好好食。秘制土豆燒茄子 $88土豆與茄子配以秘制嘅醬汁， 每一塊食材均沾满濃濃而獨特的醬汁味道，這道菜適合以白飯同吃。油脆皮雞 $168/半隻開頭睇介紹以為係普通炸子雞，後來發現佢比普通炸子雞更加正。首先，外皮脆脆的，炸得嚟完全唔油膩，食嘅時候都冇乜油。而且雞肉入晒味之餘，仲好嫩滑，正啊！豆腐魚羹 $32/位由筍絲，豆腐絲，魚肉等配製而成的豆腐魚羹，食落去有淡淡的胡椒香味；配合嫩滑嘅豆腐同埋魚肉，適合作餐前暖胃湯羹。高力流心香芋 $68/4件必食！實在太美味，無諗過香芋咁正。一嚟好香芋頭味，二嚟唔甜，三嚟凍咗都仲有流心，好得！

💁🏻‍♀️巢私厨川菜 (銅鑼灣)🍴-銅鑼灣真係好多好野食，最近同朋友去左一間好高質嘅四川菜館，雖然係樓上舖，但入面環境舒服，擺設精緻，食過返尋味！今次叫左勁多野，特別推薦：蟹王豆腐（$98）係同鹹蛋黃同蟹肉做伴料嘅豆腐，一上菜就香氣四溢，而且豆腐亦好滑，🥰送飯一流！酸菜桂魚（$328）🐟必試！📣📣📣想冇咁多骨記住要叫桂魚，啖啖肉！我地今次叫左小辣，剛剛好，唔會太over，亦有四川獨特嘅麻香😍😍我覺得佢好岩香港人口味，另外仲有薯粉系底，老闆話專程係系四川入貨，好有心啊香妃葡萄（$62）🍇呢道菜嘅名係混淆視聽🤣🤣唔好睇佢好似提子，其實佢係浸左紅酒🍷嘅冬瓜！精緻到不得了，食落仲要真係有酒味架👍🏻高力流心香芋（$68）超級精緻嘅甜品，擺盤靚到好似幅畫咁😚😚呢個甜品一啲都唔會甜到漏，入面仲有香濃嘅芋頭蓉，記得襯熱食啊酸辣湯（$37）我覺得好飲過四川嘅酸辣湯🤣唔會太重口味，已經亦好足料！值得一提呢到仲會免費送果盤，有韓國草莓🍓、蓮霧、提子同泰國大樹🌳菠蘿🍍，好俾貨啊-📍巢私厨川菜 (銅鑼灣)#銅鑼灣 謝斐道496號金利文廣場1樓#小丸子搵食記#小丸子銅鑼灣-#hkig #hkigfood #hkfo

有時選擇餐廳，原因可以很直接，就是被其特別的名字吸引。這間四川菜館叫「巢私厨」，聽落已令人產生好奇，決定上去看過究竟。店子位於銅鑼灣鬧市，地點便利。上網搜尋資料，原來餐廳在內地頗有名氣，為求將傳統川菜的精髓展現在香港客人面前，部份原材料專登由大陸運來。走進餐廳，佈置落足心思。與店名「巢」相呼應，裝修滲入鳥籠、蝴蝶、花草等元素，富有自然氣息。摒棄舊式川菜館老氣橫秋的霸燄，這裏時尚、華麗、高雅，環境乾淨企理，沒有辣氣充天的景象。座位有足夠空間，全無壓逼感，坐得很舒適。細緻的是，就連餐具也是度身訂做，茶杯印有鳥兒圖案，那隻雀仔筷子托確是可愛。安頓後喝口普洱($10/位)，茶味頗濃。首先喚來一道冷盤打開胃口。花雕醉雞($118)賣相美觀，雞肉以熱水浸製的方式處理，顯現粉紅色澤，可見只是剛剛熟透；亦因如此，肉質極之嫩滑，並充滿馥郁的花雕香氣。雞皮黃澄澄、立立令，雖知膽固醇爆登，也忍不住試了少許，果然又爽又滑，個人極推這個菜式。由於昨晚吃過麻辣火鍋，今午決定收斂一下，只敢柯打辣度最低的椒鹽排骨($128)。椒鹽排骨鑊氣十足，送上時熱氣騰騰，差點燙壞嘴巴了。由於排骨採用全肉部位，吃時非常方便，而且肉

今次行到銅鑼灣呢頭我就揀左巢私厨川菜呢間餐廳😋😋估唔到真係食到餐唔錯嘅川菜😆😆不過聽講呢間嘅魚係最好食，可惜我因為呢幾日食得太多餐魚所以就無揀到，所以就淨係揀左三樣望落都幾好食嘅菜宮保雞丁佢嘅宮保雞丁真心好香同好入味🤤雖然望落好多辣椒但食落又唔係好辣，反而係香得黎有微微嘅辣味再加上佢啲雞肉勁嫩滑🤤🤤🤤所以相信唔食得辣嘅人一定會幾鍾意呢個😍😍宮保雞丁茄子土豆呢個係我全晚嘅最愛❤啲茄子同土豆都炆都好入味👍👍👍完全吸收曬佢本身嘅醬汁😋而且食落又好香好惹味，用黎送飯真心一流蟹黃豆腐呢個都係一個令我都好驚喜嘅菜😋佢啲豆腐煮得真係啱啱好，唔會話好似其他餐廳咁煮到爛曬👍👍再加上佢嘅蛋黃味真心好重，食落啖啖都有濃郁嘅蛋黃味🤤🤤呢個都係果句，用黎送飯真心一流P.S. 呢間餐廳嘅服務質素真係超級好，啲服務員好有禮貌又會推薦唔同嘅菜品比我地，最後仲會送上曲奇同水果❤係呢度我真係食得幾開心

每次要想晚飯到哪裏吃的時候總是想得頭也大，好像都吃厭了，於是便大膽一試這間開張不久的餐廳，出乎意料的不錯。初次嘗試，這間餐廳的裝潢不錯，地方很寬敞，即使一班朋友來也有很長的梳化靠座，不會很擠的感覺。雖說是川菜餐廳，但這裏的菜式選擇非常豐富，而且特別，即使不吃辣的朋友也絕對不用怕，因為也有不辣的選擇，很適合一班朋友來吃。最近非常流行的酸菜魚和水煮魚這家店也有提供，可是友人想試試這家店的特色，所以就沒有點了。我們點了蟹粉豆腐，鎮江肴肉和貴妃葡萄，我要特別推介貴妃葡萄，就只要這家店才有的前菜。起初我們是抱著一個試伏的心態，試這個以冬瓜和紅酒做的，外貌真有幾分似葡萄，試了一顆，是很有驚喜的而且味道不錯，酒味不會很濃，甜甜的，口感就比葡萄爽口一點，非常特別。

我同朋友都好錢意食辣，所以我地不時都會搵好多吾同既川菜去試。最近搵到依間係港島區，而且係新開既川菜餐廳，就決定去試下。一上到去個感覺都好中式，而且格局都比咗一個好舒服既感覺我。一打開佢個menu真係款式多到我同朋友吾知點選擇，佢有一啲比較高級既菜式，好似鮑魚、龍蝦。而且，佢都有一啲川菜必有既菜式，好似醉雞、擔擔麵。我地決定叫咗3個菜式加兩碗白飯。首先嚟既係貴妃葡萄，我地比佢個名吸引咗，好好奇究竟葡萄點樣煮成一個菜式。最後，我地試完就知道佢其實吾係葡萄，而且浸咗紅酒既東瓜，因為得浸咗紅酒，所以佢既表面淋咗，好似葡萄咁，而且因爲有紅酒，所以有淡淡既葡萄味。之後叫咗陳醋肴肉，依個菜式都係偏酸，岩岩比大開下胃，而且佢淨係下面黑色個部分酸，所以食起上嚟都會混和翻。叫咗白飯，梗係叫埋撈飯必叫既蟹黃豆腐。豆腐非常嫩滑，而且咸蛋黃既味道真係想撈多幾碗飯。最後，餐廳仲有水果送，服務好好。

第一次同朋友一齊食川菜,平時同三五知己聚會，多數都係食放題火鍋咁。我地今次5個人黎食，個個放完工成隻餓鬼咁，都叫左幾多餸食。happy firday 當然叫酒飲，開心暢飲下😍🍺前菜叫左兩款，其中一個係貴妃葡萄🍇見menu 好得意就叫左。開頭以為真係提子🍇，但一咬就知唔係🤣，味道特別，都幾開胃。熱食叫左幾多款酸菜魚陳醋肴肉糖心蛋賽旁蟹蟹皇豆腐勝瓜煮魚湯膽膽麵個酸菜魚好好味，魚肉多，個湯底好岩餸飯，唔會太酸。🐟陳醋肴肉，我個friend 推介，話好食，不過我個得肉同醋比例，肉可以多啲，醋少返啲，會更夾。🐖糖心蛋，好味，好想食多隻🥚🍳同埋叫左幾款辣野 都好正 我鍾意個膽膽麵同蟹皇豆腐，好夠味，好香。個湯係可以飲咁😍👍🏻🤙🏻而個豆腐麵好足料。整體食麵覺得呢間野環境同食物都好，職員服務都好態度。 會再黎食

今日同朋友聚會，我地黎左銅鑼灣既樓上餐館，今餐真係超高質。餐廳既環境好靚，feel到係用心設計過，連廁所既鏡都係好特別既。我地就叫左前菜先，呢道菜叫香妃葡萄。我地全部都以為係提子，食完之後都覺得真係提子，因為佢真係有提子既香甜味，點知侍應同我地講原來係冬瓜，真係好surprise!另外，前菜仲有餣小黃瓜，好爽口。黎食川菜，當然要食返啲辣野啦！我地點左手斯口水雞，口水雞撕到好幼細，呢個口水雞都算辣，但係呢種辣令人停唔到，好吸引，另外，我地亦都點左酸菜桂魚，我地叫小辣，酸菜魚啲湯好好味，酸酸辣辣，而桂魚亦都好嫩滑，而且完全無骨！呢度既蟹黃豆腐好正，濃濃既鹹蛋黃碗滑滑既豆漿，送飯一流！黃金炸饅頭係必點既，酥脆既外皮點上媡奶，好滋味！仲有酸辣湯同擺得好靚既蒜蓉白菜仔啊！甜品：高力流沙芋頭再送精美既生果盤！

銅鑼灣鬧市內既一間川味菜小店 舖頭唔算細 有唔少卡位，長枱，十幾人黎幾話都坐得落唔逼，店舖新裝修，樣樣野都幾新幾靚，衛生一流，乾淨企理除左環境唔錯之外，野食都好吸引，本人就唔係好食得辣，所以叫左全部餸都小辣，做開譚仔十小辣既應該都食到卓卓有餘，所以都唔洗驚太辣食唔到。最推介係佢個川味豬手（唔記得係咪呢個名），炆得好入味，軟滑。酒浸提子都推介，酸酸甜甜，解辣一流。最後仲送左個生果盤，d生果幾甜幾新鮮。鐘意川味既朋友 可以黎銅鑼灣試下

對川菜的印象就是辣，但朋友極力推介這間餐廳，一到埗就被餐廳的佈置吸引，看出佈置的心思，裝潢設計都呼應了店名。餐牌有圖片和簡短文字說明，方便點菜。4個人叫了頗多菜式，前菜叫了貴妃葡萄（$62），單看外表確實與一般葡萄無異，味道也與葡萄八成相去無幾，但原來是假扮葡萄的冬瓜！味道、賣相皆非常有心思。主菜叫了手撕口水雞（$138）、秘製酸菜桂魚 （$328）和蟹黃豆腐（ $98）手撕口水雞去了骨，方便食客。桂魚切成薄片，有小量幼骨，進食時要注意。兩種菜的辣都各有特色。手撕雞可選擇辣度，因為我們都不能吃太辣，故選了小辣。手撕雞的小辣層次豐富。入口容易，但咀嚼一會就嚐到後勁的麻辣，會食到有點冒汗和出鼻水，但同一時間又覺得這種麻辣很香很吸引，令人想再吃。秘製酸菜桂魚的湯底都很出色，酸辣的比重剛好，不會太酸或太辣，還嚐到魚的鮮味，非常開胃。個人還待別喜歡湯底的麵條，據店員介紹是特製，不會煮得糊爛 ，口感是彈牙又有點煙韌，並滲透酸辣魚湯。另外蟹黃豆腐配飯一流！表面鋪滿一層香溢的蟹醬，很吸引。甜品點了高力流心香芋（$68），外皮烤得香脆而裏面是流心的，甜而不膩。餐廳還贈送水果盤一碟，據店員介紹草莓是來自日

星期六男朋友收半就接完男朋友後去左銅鑼灣行街夜晚兩個人都突然想食川菜於是上網搵左依一間巢私厨川菜去食晚飯餐廳環境開闊 裝修華麗富特色 兩人被安排左坐卡位 座位舒適 menu選擇非常多秘製酸菜鯇魚有唔同辣度可以揀 我地揀左小辣鯇魚肉一片片 份量十足 新鮮嫩滑湯底酸酸微辣 好開胃 酸菜唔會太重口味易入口仲有彈牙粉麵 一盤兩個人食好足夠賽旁蟹叫左盤酸菜魚 所以加多碟小菜就夠四邊各有一棵西蘭花 面上有生雞蛋滿滿既蛋白裡亦有粒粒瑤柱 炒得十分香 好味道凍檸茶最特別係茶底 茶味清香 唔會苦澀 經理話我地識揀 原來一日只係會煮幾杯選用靚茶葉 另外有糖水分開上我覺得可以唔加 味道已經好好最後仲會奉上水果作收結有提子、士多啤梨、蓩蓮同菠蘿樣式豐富 而且唔似其他餐廳咁只得蜜瓜西瓜同男朋都食到好飽好滿足

朋友愛食辣，我們成日都會四出走動，搵下有冇好食既川菜／辣野食食！今次經過銅鑼灣見到呢間新開既川菜，我地一行5個人，就入去試試！裝潢好華麗，通風設施做得好好，唔會一入去就有陣川菜味，衛生程度良好，店員都好落力，一開始已經有個好印象！自己選擇了一些菜，店員又介紹一下自家好菜，最後叫了以下菜式：前菜：貴妃葡萄唔講以為真係提子拆皮既形態，原來係將冬瓜浸在紅酒中一段時間，冬瓜清甜，完全吸收紅酒嘅味道，一吃時酸酸甜甜，後勁有一股紅酒嘅味道湧出來，作為開胃前菜最適合不過！陳醋肴肉未見過這樣做法！出面食的只會有肴肉部分，另加醋去點來吃。呢度將醋整成果凍，成為肴肉的一部分，唔使點汁食，醋果凍又好凍口，食起上來好過癮。巧手鴨珍終於有一道辣嘅前菜了！伴碟好靚，又有三式椒同芝麻舖面，更顯心思。鴨腎又有咬口，唔算太辣，麻同辣味剛剛好。酸菜魚每次食川菜都必叫酸菜魚，當中或有朋友唔太食辣，叫呢個就能滿足所有人慾望，唔太辣，又可以送飯。魚好滑，份量多，唔會一味得個酸字，有辣之餘有丁點麻，層次分明，湯底濃郁，酸菜唔會太硬太稔，正！坦坦麵坦坦麵每個地方既做法都有偏差，唔試過真係唔知邊度適合自己。本人就唔太喜好重花生味又杰