影片
更多
2019-03-05
33 浏览
香港嘅私房菜越來越多，但係要高質又好味嘅其實要落啲心機去搵下(｡･ω･｡)ﾉ，銅鑼灣雖然有好多食店，但係好多都已經食到厭晒，因為太多連鎖店啦！今次我就喺銅鑼灣搵到一間四川私房菜，真係唔錯！其實好多人一聽到四川私房菜會覺得入面所有嘢食都係辣嘅，但係就冇諗過原來自己可以選擇辣度，揀啱自己嘅口味再嗌，就可以食到好滿足！依一間私房菜喺樓上鋪出左地鐵站之後行一陣已經到啦，我係俾佢嘅環境吸引着，所以選擇晚餐就喺度食！好少一間私房菜係營造一種金碧輝煌嘅環境，一到去你會覺得除咗係華麗你仲可以見到有金絲雀嘅吊燈，喺牆上，都有唔同特色嘅公仔或者擺設，係與別不同嘅感覺！睇到餐牌真係胃口大開，因為我本身就好鍾意食辣，香港嘅四川私房菜又少之又少，今次真係一個好難得嘅機會比我遇到有一間咁正嘅川菜私房菜！當然先來一碗酸辣湯先啦，開下個胃，再食其他嘢！我完全係冇諗過原來酸辣湯可以咁足料，而且價錢相當平宜分量十足！真係好抵食！裏面有鴨血絲豆腐絲肉絲，等等嘅配料，食完之後你會發覺個胃好暖，而且真係好開胃！佢同我喺出面食嘅酸辣湯完全唔同，如果同依一間比較出邊嗰啲可以講係酸辣湯水，依間就係真正嘅酸辣湯！一碗湯就令我對私房菜刮
其實好多人一聽到四川私房菜會覺得入面所有嘢食都係辣嘅，但係就冇諗過原來自己可以選擇辣度，揀啱自己嘅口味再嗌，就可以食到好滿足！
依一間私房菜喺樓上鋪出左地鐵站之後行一陣已經到啦，我係俾佢嘅環境吸引着，所以選擇晚餐就喺度食！
好少一間私房菜係營造一種金碧輝煌嘅環境，一到去你會覺得除咗係華麗你仲可以見到有金絲雀嘅吊燈，喺牆上，都有唔同特色嘅公仔或者擺設，係與別不同嘅感覺！
睇到餐牌真係胃口大開，因為我本身就好鍾意食辣，香港嘅四川私房菜又少之又少，今次真係一個好難得嘅機會比我遇到有一間咁正嘅川菜私房菜！
當然先來一碗酸辣湯先啦，開下個胃，再食其他嘢！
我完全係冇諗過原來酸辣湯可以咁足料，而且價錢相當平宜分量十足！真係好抵食！裏面有鴨血絲豆腐絲肉絲，等等嘅配料，食完之後你會發覺個胃好暖，而且真係好開胃！佢同我喺出面食嘅酸辣湯完全唔同，如果同依一間比較出邊嗰啲可以講係酸辣湯水，依間就係真正嘅酸辣湯！一碗湯就令我對私房菜刮目相看！
我更加推薦佢嘅酸菜魚，雖然酸菜魚食過好多次，每次都有唔同嘅感覺，但係依一間真係好特別，我揀咗中辣酸菜魚，鯇魚，價錢係二百幾蚊，但係冇諗過佢份量係咁多，而且咁大碟！
佢嘅份量真係完全估唔到，我係冇諗過佢係有碟底到碟面全部都係魚肉，佢嘅魚好新鮮，完全冇魚腥味，雖然預咗會有魚骨，但係我食嘅時候如果係好少，所以完全唔使擔心，佢旁邊嘅酸菜真係好開胃，一啖酸菜一啖魚肉，真係另一番嘅享受！
一碟餸令我驚喜嘅係，食食吓魚肉會發覺有麵，麵質好似烏冬，但係好煙韌好有咬口，烏冬嘅味道係完全吸收晒酸菜魚嘅精華，真係令人流連忘返！！！٩(˃̶͈̀௰˂̶͈́)و
另外我都推薦肉絲炒年糕，價錢平！而且份量大，又係一碟抵食嘅餸，炒年糕嘅份量好多所以一定夠飽！我最近愛上煙韌嘅感覺，依個嘅年糕真係完全合我心水！我以前喺出邊食過一次炒年糕，出邊落嘅油份量可能過多左少少，但係呢一間私房菜，佢對油嘅份量真係相當恰當，食落去唔會有膩嘅感覺，而且好入味，好夠火候！
食完嘢我哋準備走嘅時候，店員竟然同我地講仲有生果盤送俾我哋☆彡，我起初只係以為可能係西瓜片或者橙，估唔到係驚喜！有大大粒嘅士多啤梨蓮霧菠蘿青提子，真係令我相當驚喜因為真係超好味！我係第一次食到咁驚喜嘅生果盤！
我真心推薦♪(´ε｀ )呢間私房菜，有驚喜之餘，更加令你刮目相看！
张贴
