川府宴 (已結業)

星期五晚嚟咗我常常來食晏的永光中心， 頂樓開了一間新川菜館，供應小菜或火鍋，近來天氣咁凍，一於鍋鍋佢。雖然話食火鍋，之前都忍唔住點左一款招牌小菜，大大粒辣子雞，呢個一定要食，啲雞揸到好似台灣鹽酥雞咁，非常酥脆但唔乾，雞肉仲係好嫩，好食到停不了口，超正！叫咗個最完美的鴛鴦火鍋配搭，呢度最出名是麻辣小牛排鍋，食得多辣會怕熱氣，所以配埋個椰皇五指毛桃湯潤番就啱晒。椰皇五指毛桃好厲害，椰皇嘅香，全間餐廳都聞到，個湯好清甜，大家先有兩碗。招牌麻辣牛小排鍋，裏面有幾件靚牛排腩，好入味又腍。幼滑鴨血唔錯，逼迫脆口，與麻辣鍋味道好夾。手切美國雪花肥牛，肥瘦平均，紋理漂亮， 入口差不多即溶。桂花蚌拼珊瑚蚌，極之爽。田園雜菜好新鮮，金菇翡翠苗都脆嫩。你間店啲材料同味道都唔錯，值得再來。

鍾意食辣野嘅我成日四周圍搵各式各樣嘅川菜食，最近係開飯網搵到呢間開左無耐嘅「川府宴」，除左可以食小菜之外，仲有火鍋食添。不過我地因為怕熱氣嘅關係，所以都係選擇左叫小菜。餐廳位於銅鑼灣登龍街，地點相當方便，傍晚七點半左右到，都未要等位住，不過坐多陣就開始多人啦。店舖裝修非常新淨，簡約舒適，燈光柔和，都幾有情調。小菜嘅選擇都好多，有辣有唔辣嘅，適合唔同口味嘅朋友。原盅足料燉湯:是日燉湯係藥膳湯，個湯好清，幾乎一滴油都無，而且真係好足料，值得一讚。紅油抄手:紅油辣味唔重，雲吞餡料夠多，個皮仲好滑，入口好有鮮味，配埋四川辣油同芫茜等配料，真係無得頂呀。大大粒辣子雞:辣子雞一上檯時已經好香，碟上佈滿辣椒，顏色相當吸引。雞丁炸得香脆得黎入口仲好juicy，味道辣中帶點麻，一粒一粒食真係會食到停唔到口，用黎送酒食都係唔錯嘅配搭。麻婆豆腐:麻婆豆腐雖然唔辣，但係味道非常醒胃，最吸引嘅係D豆腐非常滑，用黎撈飯食就最好不過啦。水煮石班魚:超級鍾意食水煮魚嘅我，難得食川菜又點可以唔叫呢？水煮石班魚上菜時散發出陣陣麻香味，見到成煲辣椒都已經流哂口水。石班魚入口超滑，肉質鮮嫩，亦唔多骨，配料方面亦都有青瓜、菜同

近日天氣轉冷，男友說想吃點辣的暖胃，帶我到這餐廳吃川菜，環境乾淨舒適，服務員殷勤有禮，很是不錯！老火燉湯 (8/10) 飲一小口也已經感覺燉得十分夠火喉，大部分的雞骨也燉得淋掉了，龍眼肉也燉得很入味。紅油抄手 (8/10) 前菜先來一客四川馳名小吃，雲呑皮十分薄及滑嫩，配上紅油內含麻辣酸甜鹹香的平衡到位味道，吃罷也毫不覺得飽膩。干鍋花菜 (7/10) 白花椰菜很爽脆，用熱騰騰的干鍋盛著，香氣四溢，麻辣夠味的炒蔬菜。雞絲涼麵 (8/10) 帶點麻香，麵身軟硬度剛好，十分惹味開胃。大大粒辣子雞 (9/10) 主菜來了！先不要被紅噹噹的辣椒嚇唬到，店員聽我們不太嗜辣，準備給我們的是小辣，辣度只屬輕微。花椒很香，雞炸得外皮鬆脆，中間的肉質保持鮮嫩多汁，配上點點孜然粉的香味和麻子，正宗川菜味道，一口接一口。紅糖冰粉 (8/10)餐後來一客四川的甜品，嫩滑爽口，配上紅糖還有龍眼肉加上幾片山楂，解辣又香甜可口，吃後感覺清新店員十分有禮，除了推介食物，還不時替我們添茶，上菜速度也很快，實在是很舒服的一次進餐經驗。

開店不夠兩星期的村府言，是一間位於25樓的四川菜小店。主打以新鮮食材為主，不需要加上太多味精，能做到原汁原味之效。另外，令我好驚喜的是小店的麻辣能夠做到麻而不辣的效果，而且在一路食的時候並不會覺得好口乾。辣子雞見到咁紅真係令人心動，當炸雞粒而紅椒包圍着，睇到都流汗。但係食入口又唔覺咁辣，係以香口為主。花椒，干辣椒等炒香，加埋雞丁，色香味俱全。睇落去好辣，但係食落去反而係香味取勝。唔會食到個口麻痹晒，呢個先係麻辣嘅精髓。食四川野又點可以唔食擔擔麵？呢度嘅擔擔麵提議人頭做份量，細細碗，唔使怕食唔晒。擔擔麵喺呢度我遇上左我最鍾意嘅擔擔麵。同出面嘅當然唔同，這裏的擔擔麵是以拌麵為主，沒有加糖。而外面的擔擔麵通常都配以很重的麻醬和花生醬，但這裏的擔擔麵有四川的風格，加上花生、辣椒絲、肉碎等等的材料，令整個擔擔麵好麵。而麵條得好彈牙，細細碗令人好唔夠喉。紅糖冰粉這個甜品絕對能夠為這餐四川菜畫上完美的句號。冰粉好像寒天一樣的口感，透明的好特別，加上紅糖、山楂、葡萄乾等等，能夠減辣之餘，又有透心涼的感覺。之前麻辣感覺一掃而空。聽講呢度嘅火鍋都唔錯，用料都好新鮮，而且比出面用開嘅材料來貨價都貴，同場都有

嗜辣的我見到openrice有間新川菜出現，就即刻搵埋鍾意食辣既朋友一齊去品嚐一出𨋢門，已經好香麻香味有得打邊爐，又可以食四川小菜！我地今次食小菜，下次先品嚐個麻辣火鍋竹絲雞燉湯 $48呢個燉湯係店員極力推薦的，原本我地都無打算叫，但佢講到其他客人都為左呢個湯返轉頭，搞到我地不得不試，而且價錢都算合理飲過之後，真係超讚個湯好清，唔會好似煲湯咁濁，而且真係好足料味道甘甘地泡椒仙掌 $58鳳爪好淋，好易咬開，筋位唔會好硬味道唔太辣，食唔到辣既朋友都可以試下炒萵筍 $78比較偏油，不過炒得好爽脆，如果無咁油會更好水煮桂花魚 $458今次要左小辣，所以唔會太刺激，味道好香濃下次可以食中辣甜品：麥牙糖冰粉 $38第一次食冰粉，感覺似jelly, 而且味道好清甜，可以中和返之前充滿辣味既口腔原來冰粉係四川菜式黎嫁

第一度點小菜。辣子雞已覺得好好食，水煮味道一流，味道正宗，感覺比同區出色，加上服務好，新開業人不多，坐位好寬敞，坐得舒服，價錢合理，下次一定會再嚟試火煱！👍👍

琴日見凍凍地去食個辣野，太太想試新野，去左登龍街呢間試下！😆頭盤 手拍青瓜 $48 👍青甜新鮮，不太油，不太辣，太太喜歡😍😍😍燉湯。花旗蔘雞湯（靚仔老闆話新開張送😍）擔擔麵 👍$35第一次食到 擔擔麵是撈麵而不是湯，有新意而且個麵彈牙，麻醬香口😋大大粒辣子雞 $148 辣子雞食得多，通常比較乾身同咸香 ！呢度就好juicy ,而且有得㨂辣度，今次揀左微辣（其實，我想食小辣🙈） 一上抬已經好香！紙包牛肉 $268侍應姐姐即㘯剪開紙包，保持到個熱度正呀，牛肉夠牛味而有囗感！😍😍😍地方、裝修不錯，幾有私房home feel ，只是上菜比較慢（可能新店吧）

人情味與食物質素並重既餐廳不得不講呢間餐廳比我最大嘅感覺就係老闆同埋員工都好Nice，佢哋經常都笑容滿面而且你有咩要求佢都會盡快滿足到你。最深刻嘅一幕就係我哋食完臨走嘅時候，見到老闆坐低同啲食客傾計問返佢哋對於食物有咩意見，話最緊要大家食得開心，佢就會開心，廚師都會好開心。佢哋比我嘅感覺就好似好朋友一樣大家開開心心坐低食餐飯，好舒服。而且食物質素高，完全感受到佢哋對食物既認真同埋用心。我哋叫咗豬筒骨濃湯鍋拼招牌麻辣牛小排鍋，湯底好足料！最鍾意食牛小排，勁香青瓜好清爽，又多汁，開胃一流！安格斯牛肉 美國雪花肥牛作為牛魔王嘅我當然要試晒佢兩款嘅牛肉啦，兩款牛肉都極高質素，好重牛肉香味，而且佢切到好薄，放落去淥5至10秒已經可以食，但係個人比較鍾意美國雪花肥牛，因為佢脂肪嘅部份比較多，食落更加香口魷魚果然同佢餐牌寫嘅一樣非常新鮮，食落去係十分鮮甜，完全唔洗點醬油都得，而且好彈牙，鍾意食魷魚嘅千其唔可以錯過原隻花膠仔花膠好煙韌又滑，同個豬骨濃湯配合係一流，好鮮甜珊瑚蚌同魷魚一樣咁爽口彈牙仲帶d鮮味👍，如果d海鮮唔夠新鮮一定做唔到呢個效果醉雞上檯既時候嚇親，因為真係超級大份，雞好入味，可以食到淡

今日同男朋友來到呢度食火鍋 仲有啲川菜 Overall感覺真係唔錯 好正宗嘅川菜 材料新鮮 係久違嘅高質邊爐 睇得出店主用咗唔小心機落食物質素上面 加上員工服務真係好好 讚！我哋揀左鴛鴦湯底（招牌嘅牛小扒麻辣湯同埋豬骨濃湯），牛小扒湯入面嘅牛肉就算煲咗好耐都依然係咁肉質鮮嫩，係有成功surprise我💯肉丸全部都係手打新鮮，完全食唔到有粉喺入面，非常之彈牙、好味，尤其是係嗰個蝦膠丸！海參好新鮮同爽口，都幾推介！花膠好滑、好好食，一淥落去佢嗰個湯底嗰度呢，啲鮮味呀啱啱好夾到！最後仲有呢個紙包牛，真係好惹味、好香！重點推介！鋪滿曬辣椒，下面有一舊一舊惹味嘅牛肉 ，微辣中帶有濃烈嘅香味！就算係怕辣嘅朋友都可以不妨一試 ，真係好推介💯💯💯黑豚肉片好新鮮，又好香豬肉味，又唔會話一淥落去就好老喇，都係幾推介嘅一個餸。響鈴呢個係即叫即炸，送上檯嘅時候非常之熱，待應建議我哋可以放落去火鍋度淥一淥先再食或者係就咁生食都得。我兩隻食法都試咗，各有特色。怕油嘅朋友就可以放落去火鍋裏面淥一淥再食，都係一個唔錯嘅選擇！冰凍涼粉上面就有山楂餅、杞子，仲有啲糖漿。其實幾解頭先食咗咁多種鹹味嘢，係一個唔錯嘅甜品，清熱

<好味川菜川府宴 >🌶Cwb永光中心 樓上新開既川菜😆 甘鍾意食川菜既我要試下 入面環境枱櫈似川菜 但燈光暗淡好有情調 好搞笑😆🍴泡椒仙掌 58 蚊🐤🌶我點既時候以為係仙人掌 但黎到原來係雞腳😆 不過錯有錯著 簡單一味雞腳整得好好味 😍凍食既雞腳爽口彈牙 而且剝左骨 食落方便 醬汁甜酸開胃 加上充滿住泡椒同紫天椒既辣香味 好正既小食😍🌶🍴手撕包心菜 78蚊🌿一種類似椰菜既菜料 夠哂爽滑 而且菜味豐富😍 用辣椒炒十分惹味 好正🌶🍴紙包牛肉 268蚊🐮用靚牛腩滷過🐮令到肉質鬆軟😃 再炸到外表甘香鬆脆 最後連埋醬料 好似辣椒 胡椒 洋葱🌰🌶一齊炒 好正 ! 好香 好入味 而重點係炒完後會將所有材料放落牛油紙入面保住温度香味 一整開張紙 勁香牛同辣椒味令人食指大動🐂😋🍴紅糖冰粉 35 蚊🍧🍡傳統四川甜品 用紅糖做糖汁😃冰粉軟滑 上面放有提子乾 紀子 同山渣 夠哂甜口感 最啱 食完辣野再食😄Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value fo

時間尚早，都市人還未下班，已入座。店舖新裝修，簡約舒適，燈光柔和。店舖有小菜及火鍋供選擇。前菜: 手拍青瓜青瓜色澤鮮明翠綠，口感爽脆清甜，四川特色辣汁辣度適中，惹味香辣卻吃出青瓜鮮甜。前菜: 紅油抄手抄手皮滑不溜口，抄手餡豬肉鮮嫩，鎖住肉汁，蔥花灑在抄手面，配上四川辣油 香味四溢。朋友生病 本來點了雞絲粉皮走醬，但因發燒只夾了兩口就吃不下。店家後來幫忙加醬，外表味道不一樣了粉皮晶瑩剔透，口感爽滑，一口雞絲一口粉。川爆一字羊羊肉排表層鬆脆、肉質鮮嫩多汁、肥瘦相間。辣椒乾及花椒那獨特濃烈香味，配搭使羊肉麻辣而香氣逼人，惹味十足店家好客，把自己喜歡的紅酒送給 喜酒之人品嚐，紅酒散發果子香甜 口感輕盈易入口，滑溜如絲。與內地川菜館相比，店家更注重菜色口感及味道，避免菜色過於濃烈及油膩，吃飽也不會有燒胃或嗆辣的感覺。

Lunch Time嚟呢度超抵食，有好濃郁嘅湯，一個餸同埋白飯，水任飲，會為咗呢個湯過嚟再食飯嘅！好足料，個餸味道好食呀個環境裝修又好靚坐得幾舒服～會再嚟幫襯！食咗個蒜香骨我鍾意佢有乾蔥頭去炒好香～