川府宴 (已結業)

我果兩個豬朋狗友最鍾意打邊爐, 成日辰周圍試唔同的火鍋, 無論係港式, 日式, 台式定川式今次就娼銅鑼灣行完街, 響食街 (登龍街) 搵左呢間 川府宴首先, 店員好好招呼; 餐廳睇落座位唔多, 枱與枱之間好闊落, 坐得幾舒服亦因為枱唔多啊, 記得要訂位, 還好今日早黎, 就算 walk in 都畀到枱餐牌精而簡, 有前菜, 小菜, 火鍋, 好多款一心黎打邊爐, 唯有唔食水煮菜式, 留返下次再黎醬油配料, 但 so far 無咩點用過豉油, 湯好夠味叫左鴛鴦湯底 麻辣牛小排 + 豬筒骨濃湯麻辣果邊有牛肉粒, 豬筒骨濃湯有兩大件豬骨同粟米姐姐先幫我地倒左碗豬骨湯飲, 好濃啊手切安格斯, 肉好嫩, 唔夠喉呀推介的黑柏葉好不錯!!! 半條石斑起左魚片, 新鮮, 好味四竇丸分別有蝦丸, 墨魚丸, 鯪魚球同豬肉丸, 四款都好正另外仲叫左菜籃, 今豆苗, 皇帝菜, 生菜, 娃娃菜成4款菜湯底好, 火鍋料質素高, 夠新鮮

新年前朋友book咗銅鑼灣嘅呢間川菜食團年飯，食完順便去行埋年宵。想到去呢間餐廳，地方雖然唔太大，但係裝修好靚，好高檔，好適合一家人上嚟食飯靜靜地，又唔洗同人迫，但最緊要book枱。今次我哋多人食飯所以都買咗好多個主菜，但係其實人少少都好多小菜適合，另外好似仲可以揀食火鍋。第一樣上菜嘅係冰菜沙律，出面好少地方有得食。生嘅冰菜再加埋麻醬一齊食，冰菜好爽口，麻醬配合埋好好味，就算係生嘅菜都唔會有菜青味，好鍾意食呢個沙律。第二道就到麻辣手撕雞，其實佢唔算太辣，有朋友唔食得辣都覺得可以接受，仲好鍾意，因為好香好嘢味。手撕雞配埋好多蔥花，再加上旁邊炸左嘅芋頭絲，脆卜卜，全部撈起一齊食，香辣脆口好好食，多人黎一定要叫番隻，我地秒速食晒成盤（其實好大碟）。之後小菜陸續有來，夫妻肺片當然係去食川菜不可缺少嘅一環啦，個個部位都好食，亦都好入味。呢個爆寸香骨唔好睇佢好似冇乜特別，但係味道簡直不得了。好香口，肉質嫩滑，夾埋大蔥一齊食，香口野味，原全停唔到口，送飯一流。之後就到我地期待以久嘅酸菜魚，其實本身想叫水煮魚但係比朋友阻止（因為佢唔食得辣），唯有叫酸菜魚補數啦。睇佢都會有啲紅色辣椒但係其實辣味唔算話好

登龍街近年係飲食新街，今晚想食火鍋！本來有朋友食辣既，就話去川府宴啦！我嚇一嚇，我小辣咋喎，得唔得嫁？佢實牙實齒話得，去啦咁。椰皇五指毛桃湯 $158 湯料有粟米 紅蘿蔔 椰皇 五指毛桃同豬骨，未滾起已經好香。滾起就比我地飲啦！飲落唔算濃，但好清好甜。椰皇味好留齒留香，正。紅蘿蔔咬落仲硬硬地，但好甜。唔通因爲椰皇？食下椰皇，好似食小食，有d脆同好清甜，好食！每人飲左3碗湯，終於落水開始火鍋！澳洲白玉海參 $108仲有腸衣係入面，處理下就落鍋！好快食得，白玉海參都夠厚肉，好似食啫哩硬硬得，好好食感又q彈！點d醬油更鮮味！起骨爽脆羊腩片 $138 肥瘦肉，好好血水，幾嫩肉，蘇蘇的。另外美國肥牛 $128，靚色水，大塊有牛香，少少油脂juicy！田園什菜 $68 有粟米、生菜、津白、油麥菜、豆苗同皇帝菜，份量足！粟米不太甜。但菜處理得乾淨同新鮮既。豆苗同津白特別配個椰皇五指毛桃湯，好似有d奶香咁。皇帝菜就岩愛濃愛重味既人，哈哈。紅薯粉條 $48幾粗條，仲以為係街上一條條好似麵條個隻。放落湯煮耐d都無所謂。佢咬落有口感彈牙既，掛湯能力都不錯，吸到椰皇香椰味，清香。自家響鈴 $68 即炸上枱，豆

邊食川菜邊睇風景，都幾寫意。銅鑼灣新開四川府宴，可打邊爐可叫小菜，我地就選擇左後者。夫妻肺片，每次食川菜都忍唔住要嗌既冷盤，呢到都整得好食，辣油辣得香麻，兩款肉都好入味，表面既芝麻替菜式加上芝麻香。重點推介！大大粒辣子雞。平時食辣子雞，雞塊都切得超級細粒，隱藏係辣椒堆中，揾極都揾唔到佢岀黎，仲炸到非常乾身，無哂雞味。但呢到唔同，雞塊大大粒，炸得香脆之於仲保持肉質嫩滑，而且非常惹味，好重香料味，並且都幾辣下，所以好食好爽！回鍋肉，唔知係唔係正宗既食法，揀既部位都係好肥既位，我就唔係幾食得慣。擔擔麵，以為係湯麵，點知竟然係撈麵。一人份量，不防一試，因為味道似炸醬麵多過擔擔麵，幾特別。

自從上次吃過水煮魚後對四川菜有點改觀、以前總覺得那是一味死辣的菜式、但原來它的辣中帶麻、酸辣的菜式味道可以很有層次。即使吃得頭頂冒汗、還是忍不住一口接一口的吃下去。今晚帶一位比我更吃不得辣的好友來川府宴品嘗四川菜。餐廳裝潢雅緻、帶點中國色彩、有別於一般川菜館的喧鬧、這裡可於朋友邊吃邊舒服地聊天。先來一碟雞絲海蜇作前菜$58，冰涼爽口的青瓜絲拌以混入麻醬的嫩滑雞絲、清爽不膩。驚喜的是海蜇亦十分爽口、灑上大量芝蔴粒更香口。推介這個前菜！家常炒萵筍$68之前只是吃過作涼拌的萵筍、原來炒萵荀也十分好吃。拌以辣椒和洋蔥爆香、萵荀爽口惹味。因為餐廳侍者說水煮魚也真的挺辣、所以他推介了酸菜石班魚$358。美美的藍白瓷鍋送上、紅紅綠綠的顏色很鮮豔、看上去像魚湯不太辣、好吸引！先呷一口湯、魚湯很鮮帶點酸辣、不吃辣的朋友絕對可以接受。石班魚片嫩滑、配上酸菜一起吃很不錯。底下的紅薯粉是亮點、吸收了酸菜湯的精華、更有辣勁、滑溜又美味。甜品是紅糖冰粉、透明的冰粉像蒟蒻、口感滑而Q彈、紅糖水清甜解膩、吃完辣以這個作甜點一流！

前排天氣咁凍，好想食D辣野暖下胃。我同朋友都好鍾意食辣野，個日係銅鑼見到間新開嘅四川菜就去左試下。哩間餐廳環境好舒服，不過唔算好大，所以可能book位好D。餐廳有得選擇食小菜或者麻辣火鍋。因為我地得兩個人，所以就揀左小菜。店員好友善，好有耐性咁同我地推介佢地嘅菜式。前菜我地揀左雞絲粉皮 ($48)，佢最特別就係用麻辣嘅醬汁整，佢唔係用平時雞絲粉皮嘅麻醬，非常開胃同惹味！之後叫左個家常炒萵筍 ($78)。佢有用辣椒炒，不過就唔係幾食到辣味。萵筍好清新同爽口，好好味！如果覺得其他餸太辣可以食哩個中和返。            主角就係餐廳推介嘅水煮石斑魚 ($358)。佢係用原條石斑起骨切片，D魚好新鮮好滑，入面仲有好多薯粉、萵筍同芽菜，好足料！而且佢比起出面其他水煮魚冇咁油膩，我地食晒成鍋！最後店員仲推介我地食佢地自家製嘅紅糖冰粉 ($38) 做甜品。冰粉質地非常滑，上面有幾粒杞子同山楂餅，好冰涼又唔會太甜，好正。食完辣野叫哩個做甜品真係一流！我地點個幾道菜都好好食，下次黎好想試辣子雞同紙包牛肉！

冬天最岩打邊爐同埋食麻辣火鍋，由於同行友人唔太食得辣，於是揀左個雙拼湯底:招牌麻辣牛小排拼花雕藥膳醉羊鍋$198上湯底後,侍應話呢個花雕藥膳醉羊鍋可以趁未落火鍋料前飲左先~冬天補身一流~我同朋友都各自飲左一碗,藥膳味好香,但冇奇怪同苦澀藥材味,不過原來花雕酒精都幾勁, 朋友酒量麻麻,飲完有D醉醉地~哈哈~重點係湯底有幾多羊排,好淋好入味,記得食埋~至於招牌麻辣牛小排鍋雖然有好多辣椒,但其實入口唔算好辣,帶麻,朋友都食到呢~湯底亦都有好多牛肉,好足料自家製響鈴$68自家製響鈴,食落同出面現成既分別極明顯。入口唔油膩,好脆口,初時仲覺得兩個人會唔會太多,之後大家係搶住食既田園什菜$68有4款菜(椰菜,生菜,皇帝菜,豆苗)同粟米,居然會有貴價菜豆苗!好驚喜手切美國雪花肥牛$148雪花分佈平均,厚薄適中,一啖一片剛剛好~入口牛味濃,嫩滑無筋,質素高紐西蘭幼嫩鴨血$58寫明係紐西蘭鴨血,食得安心,唔怕係用不明產地既鴨血秘製手打四寶丸$98墨魚丸、蝦丸、魚丸同豬肉,新鮮打起,食落鮮味彈牙,每款一人一粒,岩岩好

天氣反反覆覆，今日急跌幾度又著唔夠衫返工，凍凍地...麻辣控既老公提議食四川火鍋，諗起前陣子喺永光中心見到間川菜館，就試吓我地坐窗邊位望到Times Square幾開揚，加上每張檯空間較大，坐得幾舒服。比左4種調味,但其實豉油都無咩點過好啦~先揀湯底，由於我唔太食到辣，所以揀左雙拼($198) :麻辣牛小排鍋 拼 椰皇五指毛桃湯。湯滾啦侍應姐姐先裝一人一碗五指毛桃湯，料足，味道似住家湯無味精，飲完再幫我地添多碗先開始打邊爐，因為放左食物個味就唔同哂㗎啦~ 至於麻辣鍋, 辛辣度我都接受到 (可以加辣既) , 入口麻味香,有層次~ 鍋入面既牛小排, 煲到好入味, 比老公食哂手切美國雪花肥牛($138)油脂比例平均，兩邊起雙飛，淥3吓就食得，肉質粉嫩。鱔片($108）點少得至愛既鱔片, 新鮮肉爽又唔腥 炸響鈴 ($68) 呢個真係必食, 即炸上檯, 未點湯先咬一口 , 超~鬆~化~ 凍豆腐 ($48) 店長介紹既,用黎放麻辣湯吸收哂D湯,夠香田園雜菜($68) 有豆苗,皇帝菜,唐生菜,油墨菜,粟米 ,都算大份食完四川野點少得冰粉($38) 質感似透明啫哩, 清甜幼滑,加埋紅糖,山楂餅, 杞子

弟弟最愛吃川菜，他今天興高彩烈地和我說放早，他訂了銅鑼湾的川府宴請我吃飯，好吧，今晚就吃過痛快吧!川府宴坐得很舒服，而且用簡單的四川面譜做装飾，更顯特色!首先我們点了夫妻肺片，又香又辣，而且十分入味!雞絲海哲又爽口，又入味，而很海哲十分咬口，我們都吃得津津有味!酸辣土豆絲又酸又辣，而且土豆絲很夠鑊氣!藤皇麻香雞也夠特別，麻香雞很入味，真的夠道地呀!弟弟說這川菜很道地口味呀!爆寸香骨很有蒜香，而且排骨很鲶很香，我們都很喜歡!雞絲凉面很有麻香，而且凉面也很咬口，今晚我們二人也吃得很滿足呀!

川菜是中國四大菜系之一，以麻、辣、鮮、香為特色，川菜的「七滋八味」中，麻辣最聞名於世，其實川菜並不只有高於一般人能接受程度的辛辣菜式，只是工人階級的移民先到深圳及香港，具濃厚的鄉土氣息農家川菜先流行，現在不少人開始富起來，新開的川菜館子開始走官家川菜路綫，香而不過辣，樸實清新，甚至精細別緻，月初到過尖沙咀的映水芙蓉，大開眼界；搬遷了的駿景軒依然高雅有實力；今晚我找到一家位於銅鑼灣食廈，名叫川府宴的，更是價錢親民，平實中見功夫，是家常便飯之好選擇！ 以紅與黑為主色調，四川面譜作為裝飾，店內別富巴蜀文化神秘詭異的氣氛。 位於商廈高層，並不走中高檔路線，$88 午餐，該區的合理價錢，而且仲送滋補燉湯，相信吸引附近白領麗人。 餐牌簡單易明，火鍋小菜兩大類別的選擇。 我們先吃三款爽口小吃，有辣有唔辣，好讓味蕾熱身。麻辣雞腎 急不及待先吃辣，但其實麻辣程度輕微，反而香氣十足，雞腎肉質結實爽口，白芝麻添口感，非常適合做佐酒小食，可惜今晚我們不飲酒。 冰菜沙律  胡麻醬汁調味的冰菜沙律，酸香爽脆，非常稱職的前菜，亦有助中和辣菜。 雞絲海蜇  海蜇、青瓜絲及白芝麻，爽口香辛的配搭，就是

去銅鑼灣就一定會去登龍街覓食。今日走去位於永光中心樓上25樓的一間川菜餐廳吃晚飯。原本以為格局會像一間酒樓，但原來環境舒適得很。雖然燈光較為昏暗，但又感覺幾有feel。今晚還有一大班10多人行的年輕人在這裏吃火鍋，的確是相聚的好餐廳。這裏感覺像私房菜，環境不算大，但是店員感覺親切，更有不少熟客來吃。來得這裏就一定是喜歡辣的人！我和媽媽也自稱「小辣椒」，當然就要叫它招牌的酸菜石斑魚！聽落都很惹味！前菜就點了雞絲海蜇和泡椒仙掌。泡椒仙掌＄58所謂仙掌其實就是無骨鳳爪。用上了泡椒腌製，酸酸甜甜，帶有微辣，感覺開胃。這個小菜吃得很過癮，因為鳳爪沒有骨，啖啖肉，而且帶有些幼筋，有口感，又有嚼勁。味道超級入味，鳳爪吸收了泡椒和醋的精華，令我和媽媽吃個不停。喜歡辣的朋友也不妨試吓泡椒，很惹味。雞絲海蜇 $58這個材料有雞絲，青瓜絲和海蜇，加上芝麻和香蔥，香氣十足。那個麻油和芝麻是畫龍點睛的地方，把整個香氣完全帶出。青瓜清爽，海蜇彈牙，雞絲嫩滑，三樣融為一體，口感十足，豐富味蕾。酸菜石斑魚＄358這個真的是必點的招牌菜！石斑魚新鮮，肉質嫩滑，入口順滑順口。魚皮爽彈，把酸菜的湯汁完全吸收，惹味非常。湯底

凍天食辣野就最開心，因為食完最苙𦲷，知道銅鑼灣永光中心新開左川菜館，即刻拉埋我個無辣不歡嘅好朋友黎似似佢。呢到有小菜亦有火鍋，我地兩個女仔就緊係揀小菜啦！首先首先，平時已經少飲湯水，所以我地都叫咗個老火炖湯，係豬𦟌圓肉南北杏，飲落冇味精味，同埋都幾足料。 呢個冰菜沙律係我大愛之一， 冰菜外表好似有層水珠咁好得意，同埋食落好爽口，連埋芝麻醬食一流。 酸辣土豆絲又係川菜必點之一，呢個土豆絲比起出面食嘅多左鑊氣，而且酸辣得宜，食落好香口。主菜出場啦，全晚就係為咗食水煮，今次我地放棄平時食開嘅水煮牛&魚，點咗水煮黑豚肉，原因呢到嘅老板大力推介佢地嘅用上等黑豚肉，而且專登調較到個辣到適中而又重可以食到本身嘅用味。 的確呢個黑豚肉砌嘅厚度適當，食落幾淋同有肉味，而個水煮湯底夠惹味但又啊會蓋過肉味，都幾好。又面仲有薯粉係到，煙韌彈牙，正啊！最段清清食番個紅糖冰粉，夠晒完滿喇咁就。

冰菜沙津.第一次試的冰菜 外表好像有一顆顆的水珠 咬下爽脆多汁! 本身沒什麼味道 加上胡麻醬汁 清新開胃😌雞絲海蜇.雞絲嫩滑 調味充足! 海蜇爽爽的 是個做得不錯的前菜大大粒辣子雞.看到辣椒堆就感到興奮了! 炸雞塊外層脆口 內裏juicy 充滿辣椒香氣! 但又不會辣得過份啊 毛血旺.毛血旺集豬肉/鴨血/豬皮/黑栢葉/大腸/魷魚/萵筍等於一身😍味道不算好麻好辣 但是能嚐到鮮香的! 如果底下能加上薯粉 就更好了🤤紅糖冰粉.吃完麻辣 一肚子火辣辣的 來個冰粉解解辣降降溫就最好了🤤 滑溜溜的冰粉 加上甜甜的紅糖又不會過於甜膩 作為飯後甜點一流呢!

地點位於銅鑼灣，店鋪唔算大，但裝修好有格調，環境亦都好整潔，重點有個落地玻璃窗望住時代廣場添。想食得grand d ，唔一定食西餐，黎依到食川菜都得！-口水雞（$88）雞肉本身好嫩滑，鐘意佢嘅醬料唔似普遍得個死麻同辣味，醬料本身帶點鹹香，咬落先慢慢滲出麻香味，食落惹味又開胃！-川爆一字羊（$248）咬落口感酥脆，表面沾滿孜然味同辣味，食落唔辣，而且好香，孜然同羊肉係絕配，羊肉味香，冇被配料香味搶走，配酒一流！-酸菜石斑魚（$358）鐘意佢嘅調味較濃，食落味道夠哂酸，後勁帶麻香，飲埋佢個湯，愈食愈開胃！魚肉採用左石斑魚，肉質較厚實彈牙，同時亦好嫩口，黎到一定要叫！

本身黎到想食川菜，但怕媽媽唔太食得辣，所以簡左火鍋，不過慶幸呢餐都幾滿意。🍲雙拼鍋底 $198🐖椰皇五指毛肚豬骨湯一個健脾、祛濕、清肝潤肺既滋陰湯底，因為椰皇關係非常清甜，味道鮮美，我同媽媽每人都飲左兩碗。🌶招牌麻辣牛小排鍋無想像中甘辣，濃濃麻香味，牛小排肉味濃、肉嫩。🐂手切美國雪花肥牛 $138雪花均勻，肉味濃郁，食落滑溜，呢個價錢有呢個味道超值。🥢自家製響鈴 $6 8響鈴係師傅自制，外脆內酥，索哂湯底食，好味。🥢田園雜菜 $68 雜果非常豐富，有好清甜既粟米，生菜、 油菜、豆苗、皇帝菜、娃娃菜。全部都好新鮮，而且可以咩菜都食下，滿足。🥢黑柏葉 $108黑柏葉新，清脆爽口，「索索」聲。🥢凍豆腐 $48吸收左湯汁，咬落爆漿口感，放落麻辣鍋惹味，豬骨湯則鮮甜。