川府宴 (已結業)

天寒地凍吃四川菜是個好選擇位於登龍街質素應該不錯吧先來一盅是日燉湯暖胃材料有烏雞味道清潤回甘喝罷身體也會跟著暖起來冰菜沙律拌麻醬緊接而上冰菜表面有結晶顆粒吃下來口感爽爽脆脆非常適合作涼拌和沙律家常炒萵筍用蒜泥辣椒快炒萵筍炒得非常爽口味道可口惹味干爆肥腸是重口味之選一大盤辣椒非常壯觀豬腸炸過沒有油膩感再來是我最愛的麻婆豆腐看到花椒油浮面便知道是良品味麻香辛是白飯的頭號殺手突然有種感覺想到四川親身體驗

I arrived this restaurant at noon but the restaurant has not opened yet.Interior was very dark which I didn't like. I had discount apps that's why we went. So I asked which menu can be used discount before we ordered. We both heard that we could have discount the lunch. At the end when we payed, he said only dinner menu offered discount. We had no discount at all. Also his attitude was very bad so we won't go back this restaurant.

銅鑼灣永光中心 曾經係年輕時去飲酒玩樂的酒吧勝地 依家變左成幢都係食肆了 和老公舊地重遊，都勾起好多回憶 (當年佢成日收工後就黎呢度接我回家架啦~HAHA) 今日去左最高的25樓打邊爐 昏暗的燈光加上華麗的現代中式裝修，幾有情調 好適合2口子黎撐下枱腳 仲有一間房間，適合家人朋友一齊來包房，隱私度即提升~ 名叫川府宴，當然係以四川菜為主 呢度有得打邊爐同食小菜架 不過天氣咁凍，當然打個邊爐開心D 餐牌有中英對照，密密麻麻地，係昏暗的燈光下睇得有D辛苦~XD 呢度開左無耐，餐牌有可能只係臨時的 呢度環境裝修得咁靚，餐牌要整番靚D襯番嘛~ 呢度的打邊爐醬料會每枱送上，每款都好新鮮，切得細細 比起公家一齊用的，呢個感覺較衛生，乾淨 不過未必個個都食，可能有少少浪費 叫左個雙拼湯底 招牌麻辣牛小排鍋/花雕藥饍醉羊湯 花雕藥饍醉羊湯初上時有濃濃的酒香，飲左啖，仲有少少的花雕味 滾耐左，酒精揮發後，湯頭變得更鮮甜, 飲落暖意直抵胃部 藥饍味同羊味好夾，最正係入面有幾舊帶骨的羊腩 吸左湯的藥味，食落仲好有嚼頭，唔羶唔韌 至於招牌牛小排 麻辣湯底初喝未算很辣，但很清香，甚至食到有D蕃茄湯

聽朋友介紹有間食四川菜唔錯見平時都好少機會食到四川菜, 就黎試下上到黎, 餐廳雖然唔係好大, 但感覺寧靜舒適, 對面望住Times Square一入黎, 已感受到侍應好有禮貌同笑容睇左餐牌後, 發覺好多野啱食, 價錢亦好合理原盅足料燉雞湯, 真係好足料, 有雞/杞籽/ 圓肉等, 湯頭濃又唔油膩, 飲完好滋潤泡椒仙掌, 即係鳳爪, 已經起哂骨, 清脆爽口味道唔算辣, 酸酸辣辣非常開胃生津雞絲海蜇, 佈滿芝麻香海蜇清凉爽口, 做涼菜最啱, 配合埋雞絲&青瓜, 好有口感擔擔麵, $35 大約係一人份量, 我地叫既時候以為係有湯個種, 原來呢到既擔擔麵係拌麵, 只有醬汁加肉碎拌勻黎食, 麻辣味較重, 非常惹味, 同食慣左既有湯擔擔麵相比, 另有一番風味爆寸香骨黎到時勁香, 勁有鍋氣, 聞到師傅既真功夫每件排骨都唔會炒到乾哂, 肉質軟腍, 仲幾juicy連蔥頭都好香甜老闆仲話師傅好有心機炒呢碟菜架大大粒辣子雞, 份量足, 菜名無改錯, 係大大粒辣子雞表面酥脆, 炸得乾身唔油膩, 一咬就咇出汁, 雞肉仲好嫩滑就算擺凍左, 都依然仲好脆口係我食過最好食既辣子雞食左咁多肉, 食返個手撕包心菜, 睇落雖

受身邊朋友影響，在香港和內地都嚐過幾次川菜，印象最深刻的一次是吃水煮魚和夫妻肺片，受不了那種強勁的辣，結果嘔了好幾次，自此對川菜的印象，只流於永無止境的辣。今日天氣轉涼，竟想起川菜來，相約朋友在附近吃川菜。登龍街附近已有幾家川菜飯館，這家餐廳位於商廈頂層，裝潢頗有氣派，高雅的吊燈，牆邊設有不少玻璃鏡，使空間感大增，設有圓檯和方檯，餐廳雖小，但擺位不侷促，與一般的川菜館很不一樣呢！餐牌很簡單，有不少四川特色前菜、主食、主菜和甜品。這裏的店員態度親切，在她的幫助下，我們點了好幾款菜式。我們先嚐一嚐這裏的普洱，入口甘香順口，少了一股苦澀味，有別於坊間的普洱，見微知著，對這裏的菜式也有種期待。⭐️原盅足料燉湯$48這裏的湯品不時更新，今天是滋補的花旗蔘烏雞湯，非常足料。以杞子、烏雞、瘦肉燉煮，花旗蔘的幽香襯托雞的鮮味，入口清甜馥郁，沒有味精的湯品，教人滿意。⭐️冰菜沙律$48店員端上冰菜後，才在我們面前淋上芝麻醬，讓我們享用新鮮的滋味。我第一次吃冰菜，感覺很新奇呢！冰菜表面彷彿黏附了一朵朵冰花，燈光照射下，閃閃發光，賣相甚佳。入口爽脆，搭配芝麻醬清甜可口，我很喜歡。⭐️手撕包心菜$78小炒也相當不錯

銅鑼灣開了一間新的川菜館，朋友介紹訂了位試一試。但是最近天氣忽冷忽熱，所以當晚我有啲喉嚨痛。店員知道之後，就悉心為我點了幾度菜式，以及吩咐廚房特別調製口味。第一道前菜，冰菜沙律。冰菜喺香港餐廳度好少見有得賣，用於川菜館，更加是少之又少。一般都是從外國或者內地入口，是貴價菜一種。蔬菜表面有如結晶般的透明物質，在餐廳燈光照射下反射光線，就像冰晶一樣，非常好的賣相。營養價值豐富。加少少芝麻醬，冇需要調味就已經可以食用。這一道沙律口感特別，非常爽脆，口味清新，唔單止適合正在喉嚨痛嘅我，而且非常能夠襯托之後嘅菜式。第二道，是紅油炒手，啲皮整得好滑，一咬落去肉就會好自然分成兩份，唔會黐牙。主菜，酸菜桂花魚。魚湯香氣迫人，即使喉嚨痛，好快就忍唔住裝左一碗湯，飲咗啖湯。魚湯予我第一印象，係強烈嘅魚鮮，而唔係單單嘅酸辣味。 而且店員，因應我的需求，把辛辣的感覺調低，我能夠更加容易入口，而且品嚐桂花魚味。另外大家唔好忘記，桂花魚湯，下邊有薯粉吸收左魚湯嘅味道，千祈唔好放過。最後一道菜色，更加是非常有心思。店長知道我今天不能吃太辣，點了一道青花椒煮雞給我們。青花椒，同平時見到嘅紅花椒唔同。只產於重慶，除了麻

又約fd 黎cwb 行街食野，好彩cwb 餐廳眾多，今次行完街去左間新開無耐餐廳醫肚。位置好方便，係登龍街永光中心25樓. 路痴如我終於唔駛搵n 年先去到，而且環境幾闊落，感覺幾舒適主打川菜同邊爐，川菜menu 選擇多而且都好吸引，不過最近皮膚不太好所以最後都係決定打邊爐雙併左椰皇五指毛肚豬骨湯同花鵰藥膳羊湯 $198。上菜時候waitress 建議我地飲左湯先，之後落其他野湯就無咁純. 先講個椰皇五指毛肚豬骨湯，湯底有切絲椰肉同大大舊豬骨. 豬骨肉我地到最後先食，雖然肉唔多但好軟腍，筷子輕輕一夾就已經分開. 湯呈乳白色，豬骨湯濃厚再帶椰香，飲落感覺好滋潤. 更抵贊係湯面毫不油膩，亦無多餘離質. 我同朋友飲左兩碗先停手花鵰藥膳羊湯截然不同風格但同樣出色. 湯呈微褐色，一上放上枱鼻腔已充斥濃郁花鵰酒香. 相信最後才落多轉花鵰酒，所以剛開始第一碗湯酒同藥材香同樣濃烈，辛辣入口一路滑入喉，一瞬間有胃都有點熱起來. 隨著酒逐漸揮發，湯味道就更溫和易入口，藥材香帶淡淡香醇酒香，個人更喜歡呢個時候味道。半邊湯有大概5，6舊羊腩肉，份量唔算多但幾好食. 羊大概8成瘦，中間帶一層薄薄油脂和筋膜，食落口

近日工作沉悶，想追尋日一啲刺激。而川菜既辣，正是舌尖之刺激。呢間餐廳標榜嘅係新派川菜，唔係一味死辣死咸。傳統川菜食得多今次就同女友試吓新派味道如何。餐廳位於商業大廈，屬於樓上鋪，格調高尚，帶點私人會所感覺。我哋兩個人就叫咗三個餸，包括傳統常見既麻婆豆腐、水煮桂花魚，同埋佢哋嘅自創招牌菜紙包牛肉。首先上枱嘅係麻婆豆腐，麻香甚重，有睇得見嘅花椒粉。豆腐非常嫰，必需要用匙羹，否則用筷子一夾即散！豆腐咁嫩但係上枱依然一件件好靚仔，可見師傅功力十足！肉碎味道香濃，辣度終於bb級。呢道菜送飯一流，立即叫返一個白飯同女朋友開心share！之後紙包牛肉就到，賣相好大一包相當有特色。侍應細心係我地面前剪開，麻辣孜然五香味一擁而出，引到人口水都流埋。辣椒麻椒多到~睇得咁足料!一開始見唔到啲牛肉，因為比辣椒海淹沒咗。牛肉係估唔到咁大件，足1cm厚，原來係用腩位做！外層極之香口惹味，而且牛腩相信炸之前一早已經滷過，內裏亦十分入味，難怪成為招牌菜。水煮桂花魚份量十足，比傳統水煮少紅油，感覺健康~擺盤令人以為魚係原條煮，哈哈！其實一早已經切成魚片。魚肉細嫩唔多骨，湯底輕微帶酸，感覺比傳統嘅更加開胃。除咗桂花魚片之

川府宴的老闆原來以前在大坑開川菜店 聽完街坊議見後 衝出了大坑來到銅鑼灣 不建議大家食太麻太辣 推出香噴噴的食物滿精緻Lunch Set $88 Per泡椒仙掌 $58 不講也不知是無骨鳳爪，還以為是仙人掌，味道滿特別的，似泰式鳳爪味但也有泡椒味道冰菜沙律 $48 冰凍的冰菜配上芝麻醬，非常爽口原盅足料燉湯 $48 花旗參燉湯，一人份量可分到兩碗 紅油抄手 $68 有少少普通，太油膩 擔擔麵 $35 乾身擔擔麵，第一次見 花生醬味太濃  麵質彈牙干鍋花菜 $88 花菜非常爽口不會因為用煲上太油太乾 配上四川臘肉紙包牛肉 $268 上枱時先剪開紙，立即聞到香噴噴的孜然粉和辣椒味牛肉是用上牛腩，用慢煮方法令牛肉入味 口感外脆內嫩，不失牛肉原本的味道紅糖冰粉 $38  在香港好少地方食到冰粉，甜甜的用來解辣 配上杞子，山渣 非常特別的甜品味道賣相衞生服務抵食推介

地點係登龍街，方便易搵。環境燈光昏暗。呢間川菜食物正宗，菜單有火鍋同小菜兩頁，食物選擇不多。雞絲涼麵雞絲好多，紅油份量剛好，唔會油淋淋。辣度係幾樣之中最高。麵質彈牙，好味。可惜份量唔夠兩人食。家常炒萵筍平時小機會食萵筍，呢度一份有好多，厚切，爽甜嫩綠好好食。睇落清淡但食落好有鑊氣，正 酸辣土豆絲土豆切得好細，熱炒爽口唔會過諗。少少酸，香辣，都好大碟。大大粒辣子雞侍應一放下來立刻香氣撲鼻，孜然粉夾雜著辣椒香，頓時胃口大增。一口雞粒外皮香脆、肉質鮮嫩，還是即炸的！配上一大盤乾辣椒，好看又好吃！紅糖粉皮吃過重口味的主菜後，叫你叫飯後糖水！晶瑩剔透的粉皮上配上山楂餅、提子乾和杞子。清涼的口感頓時舒緩了剛才的辣氣！值得一試！

好辣物既我向來會留意下川菜餐廳，今次係朋友口中得知呢間新開既川府宴，就約埋呀媽一齊去食同呀媽一齊少不了叫下啲湯水飲，呢個烏雞湯真材實料去煲，飲落清潤，一盅湯價錢亦唔貴，可以一試！冰菜沙律配上左芝麻沙律醬汁，口感清爽，適合作為前菜！泡椒仙掌無骨，食落方便，而且相當開胃，同樣係前菜既好選擇，呀媽超鐘意呢個呢～擔擔麵呢度既擔擔麵係撈麵，第一次食味道份量香濃，尤其帶有麻香，麵條亦好細滑彈牙！好食麻婆豆腐我全晚既最愛反而係看似平凡既家常菜麻婆豆腐本身我係一個好鐘意食豆腐既人，呢度既豆腐一試就愛上，超級滑溜，配上惹味肉醬唔會膩之餘仲勁送飯呀大愛大大粒辣子雞呢個係望到陣離枱嗌我地忍唔住嗌埋一份，不過高估左自己既食量，因為份量都多，最後食淨左小小呢度既辣子雞係大粒而保留肉汁既，同平時細粒炸得乾身既感覺好唔同！碟上面鋪滿辣椒，看似好辣，但食唔到辣既人盡管放心order!為咗遷就香港人嘅口味，餐廳預設嘅辣度比較輕微，食辣既記得落單時order大辣！

個人向來非常喜歡食川菜， 嗰種又辣又麻嘅味道真係會令人胃口大開， 今次難得約到一班都係鍾意食辣嘅朋友， 就嚟咗呢間非常值得一試嘅川菜館到食。餐廳係新開嘅， 店員好熱情咁向我哋推薦咗幾道菜。知道雞絲海蜇簡直係超水準， 海蜇非常有咬口同爽脆， 加埋青瓜以及雞絲， 再配合埋特有嘅調味， 酸酸地咁又有花生醬香， 非常之惹味同開胃。涼拌茄子亦都非常唔錯， 清甜蕃茄仔配合埋特有嘅醬汁， 亦係令人胃口大開。冰菜沙律亦都係開始定餐前 一個非常唔錯嘅前菜， 冰菜質感爽脆獨特， 加埋店舖特調嘅沙律汁， 感覺非常清新。麻婆豆腐亦都係非常之出色， 食落麻度同納度都適中， 豆腐帶有淡淡嘅豆香同肉香， 非常嫩滑，入口即溶， 送飯一流。臘肉炒椰菜花亦都相當之有驚喜， 椰菜花食落除左右陣陣嘅麻辣香之外， 仲有濃郁嘅臘肉香味， 惹味得嚟又有鑊氣，一定要試!辣子雞亦都係非常值得一試嘅菜式， 麻味同辣味非常充足， 雞肉外層非常香脆惹味， 入面肉質嫩滑， 令人食到停唔到口。水煮魚係我最期待嘅菜式， 結果亦冇令我失望。 我哋揀咗價錢較貴嘅桂花魚， 水煮魚味同辣味都非常足夠， 桂花魚魚肉嫩滑無骨，食得出係非常新鮮。最後呢個甜品簡

你一間新開嘅川府宴一想到去就見到個景色非常之靚，可以直望到去時代廣場。老闆仲話佢啱啱今年嘅倒數，好多朋友都嚟到呢度大家一齊望住時代廣場倒數，完全唔使同人迫添，真係正。呢度除咗有川菜可以食之外，仲會有川味嘅火鍋。今日嘅天氣有啲凍，所以我哋都係揀咗食熱辣辣嘅火鍋。但我覺得超好嘅就係佢呢度可以有鴛鴦嘅火鍋，一邊我可以揀惹味嘅麻辣火鍋，令一邊我就可以揀滋補養生嘅羊肉湯底。呢一個羊肉湯底我非常之推介，佢會有藥材嘅味道，有酒香，亦都會有羊肉嘅香。湯一滾左之後你就可以飲，會愈滾愈甜，所以由頭到尾我起碼飲咗四碗有多。火鍋小菜入邊佢其實同出邊嘅差唔多，但係我覺得佢比較有心思。好似一個平平無奇嘅午餐肉咁，佢都會將去炸完先出嚟再打邊爐，整個味道完全同普通即開嘅罐頭爭好遠，香口好多。牛肉用上靚靚嘅安格斯，味濃，有口感，絕對同肥牛無得比。仲有自家製嘅響鈴都係需要提一提，即叫即炸，又熱又脆。仲要大大卷，多層，沾湯後，外熱內脆。呢度嘅火鍋配料一碟嘅份量剛好，唔會太大，兩個人食就算點多幾款唔同嘅嘢都會食得晒，可以試多d。

銅鑼灣川菜新店，有火鍋同小菜。咁凍梗係試個火鍋先😛鴛鴦鍋底=麻辣牛小排x藥材羊腩，竟然每邊都有六嚿肉，好豪爽😱出面麻辣鍋賣成兩嚿水都係得一鍋紅油，呢度$198真係勁抵😭火鍋配料性價比合理，響鈴即炸👍🏼担担麵爽彈味濃但分量稍嫌太少。Ending甜品叫碗冰粉解辣啱啱好，兩個人食唔到小菜～留返下次可再試😋

今日同前同事聚會 知道銅鑼灣開左間新既四川餐廳，所以專登去朝聖下！睇落都幾似私房菜嘅一間餐廳，環境好舒服，適合一班人去傾計。初時都好擔心食唔到辣嘅朋友，但係最後都好放心咁樣叫左不同的食物！冰菜沙律平時食飯前食沙律都食得多，但食冰菜沙律都係第一次！夾脆嘅冰菜表面有d如水珠嘅天然鹽份液體，味覺清新之餘仲有視覺效果。而且加上少少芝麻醬，令人喺食麻辣菜前食呢個冰菜沙律好開胃！原盅燉湯呢個藥膳雞湯好足料，有雞、花旗參、杞子同圓肉，味道甘甜。即使加入雞去燉，但不會油膩，感覺好養生，尤其適合冬天飲！味香，又不太辣的紅油抄手！我係好雞之人，職員推介左呢個辣子雞，一上枱見到整碟都係辣椒! 都想象到應該要係咁飲水 流哂汗 食落發現呢個辣子雞係有驚喜，外皮鬆脆，肉好嫩口，而且吾係太辣，同埋有麻麻既感覺，正！而且好大碟，值得一試之後叫左麻婆豆腐，味道好正宗！豆腐好滑，不會好辣，立即叫左碗飯食 好滿足紙包牛肉一剪開張紙，香味湧出黎！辣椒、花椒、洋蔥堆中的牛肉幾有特色，因為牛肉有炸過，但層粉好薄，食落唔覺得好熱氣或者口喝，亦唔會辣到無左牛味，幾有特色！干鍋花菜花菜看起來有點似平日家常小菜會食到的椰菜花，但莖部翠綠