川府宴 (已結業)

開店不夠兩星期的村府言，是一間位於25樓的四川菜小店。主打以新鮮食材為主，不需要加上太多味精，能做到原汁原味之效。另外，令我好驚喜的是小店的麻辣能夠做到麻而不辣的效果，而且在一路食的時候並不會覺得好口乾。辣子雞見到咁紅真係令人心動，當炸雞粒而紅椒包圍着，睇到都流汗。但係食入口又唔覺咁辣，係以香口為主。花椒，干辣椒等炒香，加埋雞丁，色香味俱全。睇落去好辣，但係食落去反而係香味取勝。唔會食到個口麻痹晒，呢個先係麻辣嘅精髓。食四川野又點可以唔食擔擔麵？呢度嘅擔擔麵提議人頭做份量，細細碗，唔使怕食唔晒。擔擔麵喺呢度我遇上左我最鍾意嘅擔擔麵。同出面嘅當然唔同，這裏的擔擔麵是以拌麵為主，沒有加糖。而外面的擔擔麵通常都配以很重的麻醬和花生醬，但這裏的擔擔麵有四川的風格，加上花生、辣椒絲、肉碎等等的材料，令整個擔擔麵好麵。而麵條得好彈牙，細細碗令人好唔夠喉。紅糖冰粉這個甜品絕對能夠為這餐四川菜畫上完美的句號。冰粉好像寒天一樣的口感，透明的好特別，加上紅糖、山楂、葡萄乾等等，能夠減辣之餘，又有透心涼的感覺。之前麻辣感覺一掃而空。聽講呢度嘅火鍋都唔錯，用料都好新鮮，而且比出面用開嘅材料來貨價都貴，同場都有