川公所 (已結業)

辣酒煮花螺🌶️🌶️呢個既辣度有兩粒星，一開頭唔係太辣，但愈食就愈辣，仲有啲麻添，啲螺大大粒，好有咬口，吸晒啲辣酒既味，又香又濃，一盆份量都唔少，正！小酥肉🔥🐷脆脆既炸豬肉粒，豬肉粒炸到好香好酥，一粒粒好易入口，全部都係一口size，啲豬肉既炸粉又唔會太厚，薄薄一層包住少少肥既豬肉，香嫩無比，超級正！重慶豆花烤江團魚🌶️🌶️🌶️🌶️呢度辣度有四粒星，一上枱就望到大量辣椒花椒，淨係聞都覺得辣，但啲辣係食得出炒香過既辣，所以特別香濃，原條魚咁去烤都唔會烤到魚肉好老，反而魚肉仲好滑好嫩，好多肉，吸晒啲湯既辣味，加埋滑滑既豆花，好正好爽！酸菜魚酸菜魚🍲酸菜魚可以夠幾個人分黎食，好大盆，酸菜都鋪滿湯面，就咁睇都知足料！另外麻度辣度都好夠，一個好有層次既湯式，魚片係鮮魚片，好爽嫩，魚皮都滑滑的，好好味(^o^)

今次黎到牛頭角，發現到有好食嘅川菜喎，最後食得好豐富好滿足，所以都好想介紹下。👅主食1我見呢度招牌菜都應該係“重慶豆花烤江團魚”，所以當然一定要嗌下啦。好鍾意烤魚有個鐵爐裝住，一路燒住一路食，保持到熱辣辣。魚肉同豆腐都完全索曬汁，好入味好正。👅主食2麻辣小龍蝦都係啲大路嘢。呢度都幾特別嘅，係用個桶嚟載住幾有特色。每一隻小龍蝦肉都充滿鮮味，食落去小小爽口彈牙，充滿麻辣味道。食唔到辣嘅人就食唔到啦。👅蔬菜類最後大盤花菜都幾值得一試。每嚿菜都滲入曬辣味，應該就係炒嘅時候已經連埋啲辣汁一齊炒起令到佢有偏黃嘅顏色。上面仲有點點嘅小辣椒碎點綴，除咗好睇亦都增添香味。好味指數：😋😋😋😋/5

今日菜單⬇️1️⃣燒茄子🍆2️⃣ 辣酒煮花螺🌶️3️⃣ 大盤花菜🥦4️⃣西柚特飲🤤燒茄子🍆簡簡單單嘅燒茄子，加上蒜蓉同埋香蔥，都已經令人胃口大開。而且蒜蓉🧄味香濃🤤🤤🤤啖啖蒜蓉mixed with茄子🍆爽呀！啱曬蒜蓉迷ssssss而且好香好正好惹味❤️‍🔥❤️‍🔥💯🌶️辣酒煮花螺💛必食推介⭐️花螺一碟份量都唔少，重點係啲花螺好鮮甜，配埋酒一齊煮，同埋獨特嘅辣味，真係一款好出色嘅小菜👅👅❤️‍🔥❤️‍🔥🌟🌟💯💯大盤花菜🥦花菜切到每舊都好大舊，面頭鋪滿辣椒，好香，辣椒同花菜一同爆香，成碟都好惹味，菜花晚菜頭好爽，花既位置好嫩，好味呀！💚💚💚💚💚💚💚💚💚💚食蔬菜健康呀！西柚特飲最啱食辣嘢嘅時候飲，酸酸甜甜好開胃，又可以解辣解濟👅👅👅🤤👍🏻

有時都幾享受食下辣野，雖然唔係好食得辣嘅我好易就食到流鼻水🙈 不過有時食下覺得幾開胃幾過癮，邊食辣邊思考人生😹 今次搵左間食川菜嘅餐廳挑戰下😎 見到有「辣酒煮花螺」好似幾正就諗都唔諗叫左😛 份量岩岩好，唔會話太多，辣辣地幾得意，當個小食，好開胃好滿足👍🏻  個人特愛呢個「酸菜魚」，大大份，好多魚😋 好易入口，魚肉又淋又滑🤤   仲有不得不提呢個「干鍋田雞」，田雞真係好香口，香香辣辣😍 一啖食落去好正，雖然有骨，但都好易食😙 

想食辣野？不如試下呢間新派川菜餐廳《川公所》，新開無幾耐但估唔到食物味道真係唔錯！仲要好岩香港人嘅口味。食川菜梗係要食海鮮，必食好介紹~~🍷辣酒煮花螺辣酒煮花螺辣得嚟仲有啲酒香味道，同埋花螺都非常之新鮮，入口一啲沙都冇，花螺啜啖仲有啲辣汁係入面，好正🤤🦞麻辣小龍蝦真係唔係不得了，面頭已經有滿滿嘅辣椒，辣味擁埋嚟真係未食到流晒口水，加上小龍蝦到肉質都好彈牙！仲要好入味添🥰食完咁正嘅海鮮，仲叫咗兩份蔬菜~~🍆燒茄子蒜蓉加上茄子一齊燒，真係十分之好味，特別係茄子香滑嘅口感，加上蒜蓉獨特嘅香味，真係令人食到停唔到口。🥦大盤花菜食完咁多辣嘢，梗係要叫盆花菜食，解下辣。

今日兩個人食飯想食下啲小菜又唔想太飽，記得上次同朋友食過川公所唔錯，有好多選擇，所以今次有同男朋友一齊試下啦。👩‍❤️‍👨🌟麻辣小龍蝦🌟都算係我哋今次嘅主菜。佢每一隻都算幾大隻同幾多肉。鮮紅色嘅外殼裏面啖啖肉，麻辣味十足。跟住嗌返少少脆口嘅小食🌟小酥肉🌟。每一嚿都炸到好香脆，每一嚿都好有鹽酥嘅味道，鹹鹹地咁又唔會太油。如果想試下啲新鮮嘅海鮮可以試下🌟蒜蓉燒扇貝🌟。啲肉都幾大舊幾鮮味，蒜蓉呢完全滲入曬裡面，而且仲帶有微辣嘅味道。最後食埋呢個🌟干鍋田雞🌟就剛剛好飽又唔會太飽。好鍾意佢上面滿佈芫茜，令成個菜式都添上香味。每一粒田雞肉細細粒容易入口，脆脆地，味道亦都充滿麻辣香。絕對值得回頭再試嘅餐廳！

賣相不錯，好大兜，但係好多大舊五花腩 ，我覺得好奇怪(知道既話我唔會嗌），毛血旺好夠辣，但係唔夠香（感覺可能D乾辣椒唔香），得個辣，下次午餐再試其他，毛血旺應該唔會再嗌

原來淘大廣場呢度都有川菜食，呢間叫川公所，果名夠晒易記，一睇就知係食川菜既。我地首先試下呢度既酸菜魚🍲份量十足，好大盆，夠晒4-5個人食，金黃色既湯底好濃好香，味道好有層次，酸得黎有啲麻辣，酸菜好多好爽脆，辣枝同花椒都多，仲有啲菊花碎提鮮添🌼魚片好滑好嫩，仲好多塊添，超級抵食呀！跟住我地試埋蒜蓉燒扇貝，扇貝好大隻，啲肉又爽，蒜蓉燒出黎好香好惹味，好新鮮超正呀😙最後叫埋大盤花菜🌶️🥦，椰菜花係我既至愛，用上辣椒干燒勁香濃，想菜花爽口鮮甜，加上辣椒爆炒出黎既辣味，完全食到停唔到口！

慶祝朋友生生日，一行四人去左《川公所》食四川菜，過一個火辣辣生日夜。麻辣小龍蝦🦞，見到面頭的花椒，就知佢又麻又辣啦！小龍蝦啖啖肉，沾上麻辣汁，又麻又辣好刺激呀！佢的份量真係好大呀。好彩我地多人食，真係未食都流晒口水呀🤤🤤干鍋田雞🥘田雞炸到非常香口，肉質鮮嫩細滑，再加上辣椒🌶️和芝蔴干炒，非常惹味。干鍋仲有大量芫茜配搭，同芫茜一齊食仲好味😋我係芫茜控啦！小酥肉🐖，其實就係炸豬肉。呢份係一個唔辣的菜式，但非常惹味香口。把豬肉分成細細件再炸，一口一件小酥肉，真係好快食晒😂小酥肉外層香酥可口，腌料粉量控制得好好，食幾多都唔膩。重慶霸王雞翼尖🐔，大大盤雞翼尖，用醬汁浸住，再灑上芝蔴，又香又辣，配上芫茜獨特的香味，令雞翼尖的味道更豐富。又汁又雞又芫茜，引唔住叫左碗飯食🍚。

環境：🌟🌟🌟🌟🌟食物：🌟🌟🌟🌟🌟服務：🌟🌟🌟🌟🌟回頭率：🌟🌟🌟🌟🌟涼拌鮮魚皮評分5/5❤️‍🔥❤️‍🔥❤️‍🔥晶瑩剔透嘅魚皮，入口爽滑，又脆仲好有嚼勁💯💯💯好爽口彈牙🤤🤤口感好正！😍😍😍麻辣小龍蝦🦞大大盤既小龍蝦一上枱就聞到好香，落足花椒，勁惹味，每一啖都食到麻辣味，龍蝦肉又爽，正呀！🤟🏻😍😍😍干鍋田雞💜💜💜💜💜干鍋田雞辣味感覺又麻又辣，好啱飲酒餸白飯。田雞啲肉質特別細嫩，啖啖肉口感確實唔錯👍🏻🤤🤤👅🌟王老吉涼茶好耐無飲過了，以前細個飲完隔咗好多年了！老字號👍🏻🌟懷舊😌😌😌係童年回憶呀！😌😌💛西柚特飲好正！酸酸甜甜咁非常開胃！👅👅👅飲完可以食多幾碗飯啦！😂😂😂

《川公所》係一間主打的新派川菜餐廳，當中以四川、重慶菜式的味道基礎，然後會再按本地口味再微調。餐廳多達70款以上嘅川菜，愛食辣嘅我當然唔會錯過，今次叫左以下四款人氣必食川菜。❤️麻辣牛展❤️牛展口感煙煙韌韌，切到薄薄一片，麻辣味十足，越食越上癮。❤️辣子雞❤️辣子雞真係好出色！入口外皮好鬆脆，啲雞肉又嫩，加上香噴噴嘅香辣味，真係令人一試難忘😍❤️酸菜魚❤️酸菜魚嘅酸、辣味道兩者好平均，掌握得岩岩好。而且有大量酸菜加埋大大塊魚肉塊食，仲要飲埋湯🤩好滿足。❤️辣酒煮花螺❤️沙螺好新鮮，一啲沙都冇，食落啖啖肉仲有好鮮甜嘅味道，仲要有好香嘅酒味加埋辣味，兩者配合得非常之好😆無論味道定環境都十分滿意，今次呢間餐廳嘅回訪指數係⭐️⭐️⭐️⭐️⭐️五星😍😍😍！

今日星期日放假，諗住同屋企人開開心心出街食餐飯。知道淘大開咗間新嘅川菜餐廳就去試吓啦。 我係啲平時唔寫食評嘅人，但係今次咁差嘅體驗，我真係好想同大家分享吓。一入到去間餐廳，我已經覺得個地下非常之污糟同冷氣好大。間餐廳係用電話點單嘅，個系統亦都唔難用。點完單15分鐘後，一啲聲氣都冇，咁我就問吓個侍應，先至發現原來冇落到單。佢話有時候網絡唔好就會咁。咁算啦，我就再用手機再點單，然後問待應要等幾耐。佢同我講條烤魚要等25分鐘，因為今日幾個爐都壞咗。我本身想取消，食其他餸，屋企人話想試吓佢個烤魚，所以就冇改。1）手撕包菜 絕對唔係手撕，味精非常非常重，味道非常之辣，難以入口。唯一優點係分量大，但絕對唔會食到，因為實在唔係好好食。2）麻辣烤魚係落單嘅時候，我有特別備注所有餸菜要B B辣。如果廚房做唔到改變餸菜嘅辣度，其實可以同我講，然後我會嗌一啲唔辣嘅餸。但係佢哋冇同我地交流，亦冇留意個備注。烤魚出到黎，上面鋪滿晒辣椒。我食之前已經夾開咗所有辣椒，但係個湯都係非常之辣，又極重味精，湯又鹹，完全難以入口。既然你餐廳嘅餸菜唔能夠改變辣度，咁點解點單既時候要有備注嘅功能呢？成餐飯最正常係碗白飯。啲嘢食

屋企冇煮飯，於是一家人出去食。去左《川公所》食熱辣辣🔥四川菜。《川公所》係九龍灣牛頭角道77號淘大商場3期地下G286-288號舖。食辣野當然要有冷氣的地方啦，如果唔係真係一路食一路爆汗的。餐廳有冷氣，又係沙發座位，空間感超足夠，好舒服。我地叫左三道菜，麻辣小龍蝦和酸菜魚份量好多下👍💛麻辣小龍蝦🦞，份量好大的一大鍋小龍蝦。見到面頭的花椒，就知佢又麻又辣啦！未食都流晒口水呀🤤🤤小龍蝦啖啖肉，沾上麻辣汁，真係又麻又辣好刺激呀！💛干鍋田雞🥘，田雞炸到非常香口再加上辣椒🌶️和芝蔴干炒，超香口非常惹味，田雞肉質鮮嫩細緻。干鍋仲有大量芫茜配搭，同芫茜一齊食仲好味😋💛酸菜魚🐟，呢個酸菜魚足料又好味，金黃色的湯底好誘人呀！魚肉爽滑嘟嘟，酸菜好爽脆，仲有金菇和煙靭薯粉。湯底仲加左菊花🌼瓣，所以食落去有仲清香的菊花味，非常夾呀！

今日黎到淘大商場，呢度真係好多野食，我地就食川菜，辣一辣個人暖啲🥵重慶豆花烤江團魚原條江團魚去做既烤魚超級抵食，江團魚價格比較高，因為肉質相對較好，好嫩好滑，呢度既麻辣汁好濃，超級好食，成條魚都好入味吸汁，加上滑滑既豆花一齊食，口感好好，辣度滿分🌶️鮮味滿分💯辣酒煮花螺我最中意食既川菜之一，花螺口感好好，好爽好煙韌，超級新鮮。酒香加上麻辣汁，呢螺唔止食到本身既鮮味，仲有其他香味，好爽！🔥麻辣牛展啲度既牛展唔太厚，薄薄一塊但份量好多，每塊都好入味，又麻又辣，好正！✨

今日同幾個朋友來呢間川菜餐廳聚下食下野，本身都係誤打誤撞諗住試下，點知有意外驚喜！大推，未試建議快試！ 睇見個“麻辣牛展”都夠吸引，食落真係冇失望，好爽口好香好正！“重慶霸王雞翼尖”都幾得意幾好食喎！雞翼尖整得少少辣，好香好正，果然係重慶霸王！ 另外叫左個“重慶豆花烤江團魚”，中意食烤魚嘅我真係覺得食到好感動，魚好香，魚肉勁好味，辣辣地好過癮！ 佢仲有d配菜，例如豆腐，入味到不得了，好鍾意食吸晒湯底既豆腐，寧舍入味！呢到餐廳環境都幾唔錯，都岩同朋友來食下野傾下計，野食又正，下次都會來幫襯試下其他款菜式！