川公所 (已結業)

屋企冇煮飯，於是一家人出去食。去左《川公所》食熱辣辣🔥四川菜。《川公所》係九龍灣牛頭角道77號淘大商場3期地下G286-288號舖。食辣野當然要有冷氣的地方啦，如果唔係真係一路食一路爆汗的。餐廳有冷氣，又係沙發座位，空間感超足夠，好舒服。我地叫左三道菜，麻辣小龍蝦和酸菜魚份量好多下👍💛麻辣小龍蝦🦞，份量好大的一大鍋小龍蝦。見到面頭的花椒，就知佢又麻又辣啦！未食都流晒口水呀🤤🤤小龍蝦啖啖肉，沾上麻辣汁，真係又麻又辣好刺激呀！💛干鍋田雞🥘，田雞炸到非常香口再加上辣椒🌶️和芝蔴干炒，超香口非常惹味，田雞肉質鮮嫩細緻。干鍋仲有大量芫茜配搭，同芫茜一齊食仲好味😋💛酸菜魚🐟，呢個酸菜魚足料又好味，金黃色的湯底好誘人呀！魚肉爽滑嘟嘟，酸菜好爽脆，仲有金菇和煙靭薯粉。湯底仲加左菊花🌼瓣，所以食落去有仲清香的菊花味，非常夾呀！