川公所 (已結業)

慶祝朋友生生日，一行四人去左《川公所》食四川菜，過一個火辣辣生日夜。麻辣小龍蝦🦞，見到面頭的花椒，就知佢又麻又辣啦！小龍蝦啖啖肉，沾上麻辣汁，又麻又辣好刺激呀！佢的份量真係好大呀。好彩我地多人食，真係未食都流晒口水呀🤤🤤干鍋田雞🥘田雞炸到非常香口，肉質鮮嫩細滑，再加上辣椒🌶️和芝蔴干炒，非常惹味。干鍋仲有大量芫茜配搭，同芫茜一齊食仲好味😋我係芫茜控啦！小酥肉🐖，其實就係炸豬肉。呢份係一個唔辣的菜式，但非常惹味香口。把豬肉分成細細件再炸，一口一件小酥肉，真係好快食晒😂小酥肉外層香酥可口，腌料粉量控制得好好，食幾多都唔膩。重慶霸王雞翼尖🐔，大大盤雞翼尖，用醬汁浸住，再灑上芝蔴，又香又辣，配上芫茜獨特的香味，令雞翼尖的味道更豐富。又汁又雞又芫茜，引唔住叫左碗飯食🍚。