川公所 (已結業)

今日嚟到呢間川公所，覺得菜式都幾特別同幾有特色所以想同大家分享下。魚：重慶豆花烤江團魚🔥呢味菜我覺得幾特別，因為個豆腐都整得幾好。喺一個鐵盤裝滿辣汁，然後就浸入咗魚肉同埋豆腐。我幾欣賞佢個豆腐，因為真係有好香濃嘅豆味，外面少少硬身，食落去好林滑，索曬辣汁之後就更加正。當然條魚先係主角啦，咁條魚嘅肉質都係好鮮滑嘅。蝦：麻辣小龍蝦🌶️成日聽國內朋友講好鍾意食小龍蝦，今次見到呢度都有就即管試下。呢味菜我最欣賞嘅係佢嘅賣相，用嚟裝小龍蝦嘅碟係一個筒嘅形狀，畀人嘅感覺就好似一個桶入面裝滿咗好多雙小龍蝦，有一個好豐富嘅感覺。至於小龍蝦嘅質素呢都係幾唔錯嘅。豬：小酥肉🍖最後嚟返啲小食。我哋就揀咗個小酥肉，細細粒啖啖肉容易食。外面非常脆口，亦都充滿鹽酥嘅味道，咬落去非常juicy。

環境：💜💜💜💜💜賣相：💙💙💙💙💙味道：💚💚💚💚💚❤️‍🔥❤️‍🔥❤️‍🔥❤️‍🔥❤️‍🔥酸菜魚🐟酸菜魚好大兜好滿，大大份好足料！好多魚食，唔係只係得個好大既碟呃人🤣🤣湯底係香濃既麻酸辣，愈食會愈麻辣，酸味就一直好突出，酸菜好爽，想鮮味啲仲有啲菊花碎幫到你！魚片就唔駛講好出色，又厚又滑，仲唔會好易夾散，神級酸菜魚黎！😍😍😍🤤🤤🤤❤️‍🔥❤️‍🔥❤️‍🔥❤️‍🔥❤️‍🔥❤️‍🔥重慶豆花烤江團魚原條江團魚去做既烤魚超級抵食，江團魚價格比較高，因為肉質相對較好，好嫩好滑，呢度既麻辣汁好濃，超級好食，成條魚都好入味吸汁，加上滑滑既豆花一齊食，口感好好，辣度滿分🌶️鮮味滿分💚💚💚

放工同男朋友食飯，佢話想食小龍蝦🦞。咁就一齊去《川公所》食啦！《川公所》係九龍灣牛頭角道77號淘大商場3期地下G286-288號舖。餐廳招牌用霓虹燈造成，非常搶眼，空間很足夠，座位係沙發座，所以坐得好舒服。工作人員的服務態度亦非常好👍麻辣小龍蝦🦞，呢個應該係招牌菜，我見幾乎每檯都有佢的蹤影，不過我哋的目標都係佢就係啦！份量好大的一大鍋小龍蝦。見到面頭的花椒，就知佢又麻又辣啦！未食都流晒口水呀🤤🤤小龍蝦啖啖肉，沾上麻辣汁，真係又麻又辣好刺激呀！大盤花菜🥦，大盤花菜係炒白椰菜花🥦和炒豬腩肉🐖，上面再擺上炒干辣椒🌶️。花椰菜爽口清甜，豬腩肉肥瘦適中，仲有辣椒的香味，真心好好味😋呢2道餸用黎配白飯真係好一流！

天氣凍凍地又吊起我想食辣嘢嘅心癮，近近地就去左九龍灣呢間新開嘅川菜餐廳《川公所》。餐廳入到去環境設計已經好有傳統嘅感覺，用左紅、綠色設計，充滿格調。酸菜魚我成日都食，但正宗嘅酸菜魚真係唔易搵，反而呢間我有驚喜。酸辣味道剛好，唔會偏酸偏辣，兩者味道好夾。仲要魚肉定酸菜配料都份量足料，魚肉味道都好好，入口無骨又滑嫩。涼拌鮮魚皮用嚟配啤酒一流，魚皮入口煙煙韌韌，口感好好，同埋佢係涼拌嘅形式，食落透心涼。另外，仲叫左杯西柚特飲，最啱食辣嘢嘅時候飲，酸酸甜甜好開胃，又可以解辣解濟🤭環境:⭐️⭐️⭐️⭐️⭐️（5星滿分）食物:⭐️⭐️⭐️⭐️⭐️（5星滿分）服務:⭐️⭐️⭐️⭐️⭐️（5星滿分）

淘大商場一向多野食，今次就試下呢間食川菜既餐廳，鋪頭細細但質素好好。我地先整個麻辣小龍蝦，大大盤既小龍蝦一上枱就聞到好香，落足花椒，勁惹味，每一啖都食到麻辣味，龍蝦肉又爽，正呀！🤟🏻之後再整多個麻辣牛展，又係麻辣味十足，牛展整得好腍好入味，香香的，惹味呀！🤞🏻最後食多個小酥肉，唯一一樣唔辣既野，小酥肉係炸豬肉粒，豬肉粒好香好脆，炸得好鬆好酥，本身已經有調味，滿滿既孜然味，勁香口勁惹味！👏🏻呢度雖然鋪頭唔大但啲野好好食，超級出色呀！

本人並唔係川菜常客，但係都食過一啲好食嘅川菜。本身諗住試下佢自稱全港最好食嘅烤魚，7點45分左右入餐廳已經話賣晒，所以今次最後就叫左個麻婆豆腐同酸菜魚先講講個麻婆豆腐，豆腐唔滑，冇麻冇辣冇香，個菜上到枱並唔係出煙嘅，只係暖。到個酸菜魚，個酸菜冇炒過就用嚟煮個湯底，個湯底淡而無味，同樣個魚亦都唔係熱嘅。人地就色香味俱全，佢就全無。直頭可以話呢間係我食過數一數二又貴又難食嘅餐廳。一句到尾就係不知所謂，以後唔會再幫襯亦都唔建議去試！！

禮拜六難得打算屋企人一齊食，六點鐘去到餐廳拎位，排到八點才有位。因為鋪頭四人檯多，所以四人位啲籌入得極快，反而五人檯同六人檯就一動不動⋯因為有兩個小朋友，所以多次主動同職員溝通，話有四人卡位的話都可以，不一定要5人位。但職員只係咁叫等多陣😮‍💨其實睇到餐廳入面根本四人檯好闊，加張凳安排各人數籌入座已經可以靈活好多。有張六人檯甚至係5點幾拎飛七點半先有得入⋯ 岩岩開業，其實鋪頭可以考慮下用餐時間唔洗110分鐘⋯得晚市有烤魚食，6-10營業，萬一每檯都食足兩個鐘😅我地入座時仲有好多人等緊。等左咁耐，食物味道心理上已大打折扣。可能等過左半年熱潮過去再食啦，花兩個小時等真係唔值得

好耐冇食過咁好食嘅串燒同烤魚啦，自從疫情開始之後，就冇得出國，冇得返大陸，久違嘅食咗個有風味嘅燒烤，同烤魚，同係大陸食既味差唔多👍🏻最重要係佢嘅價錢平，同出面嗰價唔同，無咁貴，而且份量好足❤️為一個缺點就係冇得外賣如果唔係呢個價錢呢個份量嘅燒烤，我都想外賣好多，拎走食❤️完全唔明，啲人點解話唔好食囉，雖然呢間啲位比較少，而且要排隊等好耐，但我覺得值得喎

川公所，位於淘大商場的一間新開張的餐廳。下班途經，有位，不妨一試。交通很便利﹑內裡格局有點擠迫。等帶位時，感覺餐廳有點混亂，都是新開張的餐廳常見的事情。看餐牌後，打算點：干鍋肥腸﹑水煮田雞﹑小酥肉﹑黑糖糍粑，不過用手機點菜時出了點問題，重新再點菜的時候，停一停﹑諗一諗，還是先點水煮田雞﹑干鍋肥腸﹑黑啤﹑白飯，味道合格才繼續點菜。菜餚很快送上桌，每一個餸都熱氣騰騰地上桌，讚!先說最便宜的--白飯，不合格，是想讓顧客有在四川地道餐廳的感覺嗎？白飯的質地很「榦」﹑無飯味，差。干鍋肥腸，用鍋連加熱爐送上桌，加熱爐沒有點火。肥腸炸得過火了，除了辣汁外，只有乾身的口感，乾身到柴皮的感覺。味道除了辣味外，不夠香，肥腸的豐腴感覺一點全無，失敗之作。水煮田雞，用料不錯﹑份量亦足，香﹑辣﹑滑﹑嫩兼得，做得好。只是田雞肉香辣嫩滑外，其他配菜卻不用心，水煮田雞，雖然田雞是這道菜的重心，然而廚師卻不能忽略配菜有畫龍點睛之效果，今次的出品，因配菜的失敗，不只失了互相配襯﹑提升的效果，而且成為破壞，使得這道菜大大失分。啤酒杯是室溫，對我來說不會因此而有好的感覺，只是不加分而已。另外，不得不提的是餐廳的店員不重細節，

我們等位等了1個多小時，因為九龍灣附近沒有川菜吃所以一開始想著第一次，難得有川菜可以吃，排位1個小時也照排。而川公所是主打烤魚的，我們在外面排隊的時候，大約20:30被通知已經沒有烤魚了，希望這裡之後店家可以備多一點貨。當終於到我們入座了，店家是用手機點單的，點單過程體驗不是很好，我們是成功送出單的，但店家那邊只收到我們的部分菜品訂單，並且點單過程中不止一次掃code進不去。關於菜品，我們叫了辣子雞，螞蟻上樹，酸菜魚，尖椒皮蛋，乾鍋肥腸，包菜炒回鍋肉等。總體來說不夠川菜味，尤其包菜回鍋肉和螞蟻上樹做法應該不是川菜做法，菜品太濕，不夠香。尖椒皮蛋也只是皮蛋切塊，加碎青椒，皮蛋只有皮蛋味，沒有味道。雖然沒有吃到烤魚，但對於等了一個多小時得來的用餐體驗有點失望。估計短時間不會再光顧，可能是新開張，需要一點時間再改進。

九龍灣新開左間川菜，諗住試下。事緣佢冇得book位只可以walk in。咁我哋六個人就7:00過嚟攞位，點知等咗成個半鐘8:30先入到。但係我睇見到有兩位人客等咗5分鐘就可以入去，於是乎我就問門口店員仲要等幾耐先到我哋，佢話就快。終於8:30入到去，喺門口掃安心出行嘅時候，被店員告知於9:30截單，10:00閂門。我真係覺得好嬲，咁難得嘅family gathering 全部用晒係排隊到。成個餐廳嘅運作好亂，我哋未嗌嘢食已經有一碟辣子雞上咗枱，唔知想點。

淘大新開左一間「川公所」，日日晚上好多人排隊，大大隻招牌寫明「可能係全香港最好食嘅烤魚」，咁招積，一要搵日早啲去試吓先。環境裝修都幾有特色。一入去侍應已經講明用餐時間1小時，手機自助下單。大大本菜單，圖文並茂，款式真係多元化，除咗烤魚，仲有涼拌菜、辣子雞、回鍋肉、水煮系列、乾鍋系列、小龍蝦、波士頓龍蝦🦞、白酒煮花螺、炒飯系列、甜品、啤酒🍻、串燒、燒蠔🦪、燒扇貝、燒鮑魚……….真係選擇多多。兩個人簡簡單單，要咗「重慶豆花烤江團魚」$348江團魚份量不算大條，魚肉肉質細嫩，味道鮮美，配菜不多，只有四塊豆腐， 四塊薯仔，三片蓮藕，烤魚味道不算辣，有少少酸，應該適合香港人口味。大杯鹹檸七$36 ，真係好大杯，兩個人飲應該足夠。一個鐘頭用餐時間，一條烤魚加一杯鹹檸七，連加一服務費，兩個人埋單$423 。自助形式，手機下單，有需要再叫侍應。可能新開張，侍應和經理都有少少手忙腳亂，食完自行攞單去收銀處買單。晚上七點食完出嚟，門口還有很多人排隊。總括來說，烤魚的質素和味道還是不錯的，但$348，價錢有少少偏高了，到底是不是「可能係全香港最好食嘅烤魚」，就真係見仁見智。餐廳中午有午市套餐，價錢比較相宜，

川公所開咗大概一星期，嗜辣的我當然要試一試。午市客飯套餐 辣子雞 $58午餐價錢嚟講份量足，做到辣而不躁且味道足，麻同辣味平衡，唔會越食越咸雞丁炸得乾身香脆，唔會係啖啖肉果隻，係正常乜部位都會有啲同有骨，只有小部分大雞丁會內軟有肉汁。店員冇問要咩辣度，正常版大概係米線小同中辣中間左右半價追加小食 青椒皮蛋$21份量約一隻皮蛋，若果係以半價追加正價份量就不值皮蛋呈流心，但都流走了擺盤可再花點心思，面頭擺滿青椒粒，底下幾片薄薄參差不齊嘅青瓜塊味道不俗，第一口會有豉油同醋味，而青椒辣味會漸漸滲出個人會喜歡有點麻味襯托餐飲約兩點嗌外賣，水吧突然話冇曬檸檬，只好轉奶茶奶茶正常最後我拎到外賣時，啲檸檬貨先送到😂可見新餐廳員工嘅運作，餐廳配套仍未穩定同齊全，整體尚可

酸菜魚嘅魚比較偏鹹， 口水雞唔夠香味叫杯熱奶茶温度不是熱的，飲入口是溫的。叫服務員跟進， 態度敷衍冇跟進 ，而且午餐没什麽選擇，只有簡單套餐，想叫左一樣小食都冇，總體感覺真係好一般