川公所 (已結業)

原來淘大廣場呢度都有川菜食，呢間叫川公所，果名夠晒易記，一睇就知係食川菜既。我地首先試下呢度既酸菜魚🍲份量十足，好大盆，夠晒4-5個人食，金黃色既湯底好濃好香，味道好有層次，酸得黎有啲麻辣，酸菜好多好爽脆，辣枝同花椒都多，仲有啲菊花碎提鮮添🌼魚片好滑好嫩，仲好多塊添，超級抵食呀！跟住我地試埋蒜蓉燒扇貝，扇貝好大隻，啲肉又爽，蒜蓉燒出黎好香好惹味，好新鮮超正呀😙最後叫埋大盤花菜🌶️🥦，椰菜花係我既至愛，用上辣椒干燒勁香濃，想菜花爽口鮮甜，加上辣椒爆炒出黎既辣味，完全食到停唔到口！