岩浪天扶良日本料理 (已搬遷) 新店位置

呢間餐廳服務水平好高,好似平時已經有好多人READY晒招呼你咁!餐廳環境靚同優雅,帶小小日風!和牛刺身,肉質好靚,入口即溶, 軟軟的,老實講我真係唔太會食生野!只有我信得過既高級餐廳,呢間係其中一間, 質素有保證!呢到d刺身海鮮都好新鮮,三文魚多汁得黎都好鮮甜!呢到稻庭都幾特別! 以偏身型麵身,口感帶小小爽口的感覺,同擔擔麵有dd似~黑豚好食, 其實呢到d食物都搵唔到咩係整得唔好呢到豬係一食落去已經知肉質高級,同普通餐廳d豚肉不同..壽喜鍋,湯味濃,我地比較中意湯底,仲想直接飲晒佢,材料方麵都係雜菜為主~食得太多肉都係要清d好~

因為女朋友就嚟生日，決定同兩個人去食餐好，之前係Instagram見到有D KOL係呢間餐廳慶祝生日，好似好開心咁。所以諗唔到食咩我哋就決定都係廚師發板唔使諗比較好。我哋就選擇「金」食物未嚟到之前會俾咗我哋熱毛巾同埋技豆，我哋就一路欣賞師傅喺度準備食材。前菜：左起有靖魚，蟹肉水雲髮菜，螢光魷魚靖魚炸過嘅，入口鬆脆，加埋少少汁同洋蔥一齊食冇咁熱氣；然後中間嘅係水雲髮菜加蟹肉，係海藻嘅一種，口感特別少少彈牙，加上啖啖蟹肉，而且酸酸地十分開胃；右邊係螢光魷魚，睇落好似冇汁冇乜味，但其實入面有濃濃嘅醬汁，咸咸地又彈牙，絕對唔係平時出面食好硬咬唔開個種魷魚。冰菜沙律入面有冰菜，蕃茄同無花果，加上酸酸嘅沙律醋汁，十分開胃，無花果十分清甜，蕃茄食落似青厘茄，完全冇平時食蕃茄個陣草青味，最特別一定係冰菜，第一次食冰菜，口感似冰粒，而且又唔會有草青味，係非常易入口嘅沙律菜。刺身：有海鰻，綢魚，水八爪食鰻魚類嘅刺身，佢入口係好黏韌，好軟嘅肉但又好好嚼，唯一係同平時鰻魚一樣都有少少軟骨，但好夾酸酸地個柚子酸汁，有咬口；平貝用竹炭鹽＋炭火燒，十分鮮甜；水八爪+吸盤配岩鹽，外型十分特別而且新鮮，而且非常彈牙，。

前排係銅鑼灣開完會搵食,係得銅鑼灣就別無他選一定係食日本菜,原因好簡單就係CWB日本餐廳比七仔還要多, 哩間裝修有點舊,食物水準用平穩來形容, 因沒有太大驚喜,食材尚算新鮮!

今日行完希慎又唔想食foodcourt, 於是喺openrice search到附近呢間樓上式比較高檔嘅日本餐廳，見到食評話主打係食神祕，即係揀一個價錢就由當晚廚師安排十幾款菜式😏😏😏 叫做"Omakase"，而且食材喺香港稀有，感覺幾得意就去試下。上到去見裝修十分企理，場中有個師傅陣，食客就圍住師傅陣坐，亦都有卡位。收銀處設有酒櫃放滿林林總總嘅清酒梅酒。我地2人揀咗每人1300嘅餐。每款菜式都以每人一小碟上台，賣相精美，而每次上台侍應都有簡單介紹及食法，依家就逐一講下。前菜:1、薯容蠶豆、魚春、水雲（海髪菜）秋葵 （的骰前菜由左至右，由清至濃，味道唔錯)。2、凍蟹肉腐皮配滑菇(都係淡口為主，但配搭帶出蟹的鮮味)刺身：1、真子鰈 (魚肉晶瑩剔透， 用酸汁搭配，清爽彈牙，從未試過如此爽口嘅魚刺身)2、間八魚，深海池魚，北寄貝 (間八被燒過後，再加咗小小岩鹽喺魚皮上，而且肉質嫩滑，又係另一個層次；池魚肉厚甘香；原隻北寄貝砌成數小件，每一個部份都好鮮甜，無雪味)3、池魚，野生拖羅 (杯中有多塊嬌小嘅脊骨位池魚肉，顯師父一流去骨刀功；拖羅甚為肥大，油脂充斥口腔極滿足)海鰻昆布清湯(昆布味清香

真係好耐沒有好好對待自己了……我是極之喜歡Omakasen, 但大家都知, 品嚐一餐優質的Omakasen的確唔平, 點都要過千元一席, 點可以時時都咁豪呢? 不過, 間中俾自己豪一豪都不是好過份, 就今晚啦! 在一位朋友Facebook中, 經常看到他刊登和一班好友在這間日本餐店品嚐美酒佳餚的相片, 他是一個懂得享受的人, 對飲食很有要求, 故他到訪的餐店都應該有一定的水準, 有他的推介可放心。甫進內裏, 的確擺放了很多不同種類的日本酒, 可惜今晚朋友沒有和我一起來, 否則便可向他請教一下。餐店設計簡約平實, 以深啡色為主調, 牆上掛了幾幅畫, 優雅脫俗, 還配上和風的木框架, 裝潢帶些和風色彩。店子地方不大, 有一張卡座、三張二至四人枱、一間貴賓房, 當然不少得大型的 “L” 形的吧枱, 雖地方不算大, 但骨子企理, 感覺很舒適。既然是吃Omakasen, 當然要選坐吧枱, 既可欣賞師傅們的製作, 亦可與他們交流, 這是令我極之喜歡Omakasen其中一個原因。餐牌簡單清晰, 只有四款Omakasen, 分「鉑」、「金」、「銀」和「鑽天」,價錢由$1,000-1,500, 而且還可

戀愛是一種感覺，不能夠逼出來，亦不能夠買回來，每一對戀人都有屬於他們的故事，很多人說戀愛是一種學問，我認為不是這樣複雜，其實兩個人相處，如果彼此有愛，自自然然就會為對方付出、包容，有種人的確會去愛人，但，當某些事情發生了，他/她只會用盡一切方法去保護自己，不等於他/她不愛你，只不過是這一種人，其實最愛的就是他/她自己「愛」當然會分程度，每個人無論對死物生物，面對自己最愛的，當然會最珍惜最守護，對我來說 (當然不能夠為其他人代言)，所有對戀人作出的舉動，不論好或不好，全都是建基於愛的程度，如果有足夠的愛，大概那種會傷害對方的行動根本就不會發生突然有感而發，還是搬回正題，細細回味那一頓OMAKASE我對OMAKASE的「愛」絕對不少，從我認識到它那一天起，我就被它深深吸引著，愛的程度相信都不低，因我會特地到不同的地方尋找它，其中我喜歡的一點當然是廚師會將當日最好的食材呈現出來說到這裡，突然發現了一種東西，原來對死物的愛是可以說出原因，但人與人之間的愛卻非如此簡單這一次的到訪，最主要的原因就是知道餐廳是得到米芝蓮推介，雖說我一直都覺得外國人的口味跟我們有點不同，但這一個推介仍然有可信的地方，

有時識到個富貴朋友都係一件好事，因為佢會請我食晚飯。是次佢揀左間米芝蓮日本餐廳去食晚飯。格局好舒服，我地選擇坐私家兩人枱，方便吹水。而餐廳既另一邊係鐵板燒位置，客人可以望住個廚煮野食。間餐廳有好多擺設，好有藝術氣息，D員工話係D熟客送架，我估依度應該有好多熟客。冰菜蕃茄沙律﹕沖繩冰菜、日本蕃茄，配上酸尾尾的沙律汁，飯前開胃前菜。口感有趣，咬冰菜時發出索索聲。特上刺身盛﹕佈置精美，係時令當造的刺身，由日本直送。今次有章紅魚、牡丹蝦、八爪魚、赤貝等等，刺身肥美且油香滿溢，入口即溶。水八爪同赤貝爽口，另外，WASABI好新鮮，辛辣刺鼻。特上壽司拼盤﹕有帶子、鰻魚、三文魚籽、海膽、玉子、甜蝦、吞拿魚腩、吞拿魚蓉卷等等。食材好新鮮，飯有醋味，口感腍腍的，配搭一流。十分欣賞玉子，一層層的，同出面其他店舖不同，除濃郁的蛋味外，甜甜地。海膽壽司甘甜，入口即溶，很久沒食到這種甘甜的鮮味。創作壽司比特上壽司黎得更精緻。金目鯛創作﹕炙熱表面的鯛魚，魚面上有吞拿魚蓉同三文魚籽。放入口的感覺，三文魚籽爆了，鹹鹹的三文魚籽汁混合油脂香的鯛魚同吞拿魚蓉，感覺好食到形容不到。燒和牛壽司﹕同樣炙燒迥過的牛肉，油脂極重，

去食日本料理，識食一定係食師傅發板，因為只有師傅先知當晚有乜係最好食最新鮮，閒話少說，一齊黎睇今晚食乜先。先黎前菜三式：海膽啫喱、螺、燒鯖魚（蠶豆） 將海膽放於啫喱內，海膽不失本身鮮味之餘，鮮味亦散發喺整舊啫喱之中。 而啫喱既質感，令食客有更深一層既觸覺享受。汁煮大螺，磯燒既風味，無令食材失去本身既鮮味之餘，螺肉既味道更加濃郁，而且口感彈牙。炭燒鯖魚，炭火令鯖魚既水份稍稍抽乾，令鯖魚既魚味更加濃郁，再配合炭燒既香味，整體味道變得有層次。沙律：冰菜、粟米、蕃茄、 無花果 本來唔喜歡食無花果，因為好怕嗰種果甜味，但配上粟米同蕃茄，中和左嗰種可怕既甜味，再加上冰菜既爽口，帶出左一種清新自然既感覺。沙律清一清喉嚨之後，師傅就為我地準備左六款刺身。石鯛魚、梭子魚、象拔蚌 間八魚、拖羅、鯖魚 頭三款味道較淡。石鯛魚配豉油蘿蔔蓉，石鯛肉質感覺水份較高，口感特別，味道較為清新。梭子魚口感彈牙，少少煙紉，味道較石鯛清甜。後三款魚味爆發。象拔蚌肉質爽口，本身味道比前兩者較甜。間八，肉質厚實，有彈性，新鮮，紋理清晰。拖羅，油份均勻，油香味甘。鯖魚，魚味最濃，after taste 持久，而且肉質結實。刺身過

今日突然好有興致食日本野，想食好少少又坐得舒服d，因為已經好耐無豪食一餐！友人就推薦呢一間位於銅鑼灣既岩浪日本料理。位置都好方便，sogo一出隔離就係，超方便。一入去，暗暗的燈光，日式既裝修，都幾浪漫。通常呢種餐廳都係食西餐多，所以呢度都幾特別，情侶慶祝紀念日或者朋友慶祝生日黎都唔錯。佢既野食係超級特別，唔同出面其他日本餐廳，全部都係一式一樣既菜式。出面既已經食到好悶，想試下新野呢度都係一個唔錯既選擇，而且睇得出每樣都係經過用心制作。我地叫左一個set，另外再散叫左d壽司同熱食。首先個左個前菜 有三種冷菜蕃茄栗米 海草海膽 酸酸甜甜都幾開胃。 跟住就上刺身 有金倉 石鵰 間白魚 野生拖羅 北寄貝 象拔全部都好新鮮😍😍再黎上左個蟹肉煮蘿蔔，蟹肉既鮮味完全滲入蘿蔔，再加上蘿蔔本身既鮮甜，簡直就係perfect match👍🏻之後上既壽司都好好味，其中不得不提就係海膽壽司，有一個杯碗裝住，底層既飯用海膽調制既汁包裹住面層再放上一層海膽，每一啖都充滿住濃濃既海膽味😋😋散叫既菜色都非常出色，燒三文魚腩肥美得黎唔油利，啖啖都食到魚油香。牛油露荀香口得黎食到露荀既鮮味。海鮮釜飯用料十足，海鮮既鮮味完

朋友之前呢個話好食，所以我哋今次再嚟食夜晚 。今日大約七點鐘左右嚟到 ，因為可能有訂位關係，坐喺四人枱都好舒服，而且侍應好快畀咗茶同埋餐牌我哋 。最後我哋決定散叫，然後share嚟食。特上壽司$380： 黎都已經十分吸引，份量都唔少有 ：油甘魚，沙甸，吞拿魚，蝦，鰻魚 ，當然仲有我最愛嘅海膽同魚籽喇。 食落去好新鮮，特別係海膽好鮮甜，而且份量係好 多。壽司刺身肉厚身和 分量多， 鰻魚同平時食開嘅鰻魚有少少唔同，味道冇咁甜但係鰻魚味好香 。沙甸係第一次食，冇諗過薄身嘅魚肉可以有咁濃味， 我哋一人一舊，其實以壽司盤嚟講都食得幾飽肚價錢都ok。油甘魚刺身 $160： 冇諗過會遲到咁 厚身 ，食落去 味道濃郁 ，但如果多少少油脂會更加好。冰菜蕃茄沙律$70： 第一次食冰菜， 原來冰菜食落去有少少脆口，而且一點點好似冰嘅物體口感好特別 ，加上少少甜同酸嘅豉油好開胃。清酒煮大蜆$90： 分量超足料，而且冇諗過隻大蜆真係份量咁大， 仲好新鮮食落去蜆肉仲有少少海水味 ，不過清酒味就偏淡。鐵板和牛厚燒 $380： 你都已經聽到沙沙聲 ，侍應都叫我哋小心隻碟因為都好熱 ，之後我哋食落去覺得牛肉味都算濃郁，

之前小妹食過一次omakase 雖然好貴 但真係一級享受！由廚師根據當日有嘅優質食材為客人安排食物 而且菜色比menu上嘅更有特色 亦較少喺一般日式餐館品嚐到... 呢日為咗慶祝友人出pool 決定再次破費由於洗手間設在門外 小妹方便埋先入座... 想不到一個小小嘅洗手間已先聲奪人！乾淨企理不在話下 仲體貼到有埋衛生巾、牙籤牙線、棉花棒、化妝棉等等供應 價位高確係有道理！當然 大家唔好諗住免費就盡情使用啦 始終係為咗方便客人不時之需嘅座位有預先放好嘅餐具 客人入座後 店員很快送上熱茶和熱毛巾 更不時主動更換茶水（注意：是換上新茶 而非在室溫茶添上熱茶）首先係三款前菜 要由右至左順序食呢味叫「水雲酢」 「水雲」即係水髮菜 用甜甜酸酸嘅凍味噌汁浸住 舗上一條海膽 醒胃又香甜！然後係「秋葵海老」 海老已經煮熟、褪穀 配上秋葵和醬油味嘅粒狀啫喱最後係「澤蟹唐揚」 「唐揚」係日本一種烹調方法 簡單嚟講係炸 XD 有迷你炸蟹和炸蓮藕片 蟹仔無咩肉 主要係蟹殼 由於細細隻 都算易咬又唔會吉親口跟住係「冰菜粟米番茄」 冰菜係香港唔常見 小妹都係第二次食咋 葉身有一定厚度 佈滿「水珠」 咬落去爽脆多汁

午市時間，見咁耐冇食日本料理，朋友來呢度食過又極力介紹所以打去Book咗枱想同朋友兩個人撐吓枱腳。朋友同餐廳職員都幾熟，而且服務同埋食物質素都非常之好。所以我決定俾個好評佢哋店舖內有廚師發板嘅位置，亦都會有其他枱。睇完佢嘅餐牌我哋就點左幾款嘢食。冰菜番茄沙律：佢入面有蕃茄、冰菜。冰菜爽口，有小小脆嘅感覺。番茄又甜又有鮮味。火炙左口魚邊金目鯛創作兩件都係我極喜歡之作，入口嘅感覺留香，而且入口即溶。日生熟程度拿捏得非常好，肉質鮮嫩，而且有牛味。每一口都係一種享受。（完美無瑕）海膽貝柱撈飯簡直係人間極品。海膽嘅味道留喺口入邊，非常新鮮嘅海膽，比起我之前食出邊普通嘅海膽好味得多。而本身海膽食係調好晒果味，所以唔清再落任何嘢就咁食。料理長天盛：天婦羅嘅組合，其中目光魚系我最愛。目光魚要點咖喱鹽食，啲粉唔厚，同埋因爲本身用嘅料好新鮮。另外會有秋葵蘆筍舞茸等緊唔同嘅素食炸物，而且都可以點蘿蔔蓉檸檬汁或者海鹽。呢度嘅天婦羅可算是岩浪其中一大做得非常好既優點，平時出去食天婦羅就算幾好食都會有少少油膩。呢度嘅反而增加咗唔少嘅口感而且會令人食極唔厭。阿古黑豚鹽燒：臀豚肉好爽口，因為比較新鮮所以落咗小小鹽鹽已