岩浪天扶良日本料理 (已搬遷) 新店位置

銅鑼灣租金貴，這地段的餐廳定價一般較高，在這兒到高級的日本料理吃飯，荷包更很易大縮水。 爬文看看，發覺有間評價不錯，價錢也屬acceptable的高級日本料理店，於是便決定book 位試試。 入到店舖，右手邊是吧枱，供吃omakase 的，因我book位時已full了，因此今次是試餐廳的散點菜式的。左邊的區域，雖然也被放上十多張枱，但因燈光紛暗，因此也令人有高私隱的感覺。 餐牌，選擇多，無論壽司還是熟食，炸物選擇也多。 貝三味拼盤$350: 赤貝，帶子，象拔蚌。 赤貝: 橙細的赤貝，被切成一段段，雖然並不是我遇過最美的，但也精緻。吃下，口感清脆，帶貝的感鮮。 帶子更是大粒飽滿，入口軟軟綿綿，令人感動。不過，相對壽司拼盤，這貝三味拼盤cp值就相對差一點了。 特上壽司拼盤$380( 大拖羅，帆立貝，平目魚(左口魚), 靖魚(面頭是昆布跟紫蘇) ，拖羅蓉，牡丹蝦，三文魚籽，海膽，穴子，玉子): 海膽入口甘甜，一口放入口中，甘甜鮮美，creamy配紫菜的香脆，盡是滿足。 蝦十分的甜，軟牙中帶微微黏腍，蝦身飽滿。 穴子: 穴子和鰻魚是2種不同的魚類，前者魚脂比後者少，因此吃

今日是一個值得紀念的日子, 由於我們不想諗往那裡慶祝, 於是我們決定找有提供omakase的餐廳,於是和太太往岩浪天扶良日本料理給太太「驚喜」,去到餐廳我們點了Deluxe Chef Special Course, 我們點了個Gold Course。食物有前菜蟹肉紫蘇葉, 螺和夜光魷魚、冰菜鹽蕃茄無花果沙律、刺身(星鰈, 鯛魚和間八), 鵝肝糠魚湯、野生拖羅、燒帶子、燒夜光魷魚、海鰻清湯、炒帆立貝、天婦羅(蝦, 目光魚, 白露筍、紫蘇葉配瀨尿蝦) 、壽司(櫻鱒魚, 深海池魚和海膽) 、有機綠茶、甜品(水信玄餅和綠茶雪糕) 。前菜蟹肉紫蘇葉, 螺和夜光魷魚。蟹肉新鮮, 配上蘿蔔絲和紫蘇葉食落開胃清甜, 螺肉新鮮彈牙, 夜光魷魚好彈牙, 裡面醬汁好濃, 好好食的新菜；冰菜鹽蕃茄無花果沙律, 冰菜口感特別, 食落去口感似食溶雪冰塊, 菜好新鮮好爽口, 蕃茄配上少許鹽, 食落好開胃, 無花果好清甜, 粟米細細件, 清甜之餘好美味, 口感清新的沙律；刺身(有星鰈, 鯛魚和間八), 星鰈第一次食口感食落有點似鯇魚, 有嚼勁, 魚好新鮮, 配上酸汁食落十分醒胃；鯛魚鮮甜食落入口即熔, 新鮮美味；間八

不知道你同意不同意，日本藝術本有一種冷艷與奢華之感，看歌舞伎的化妝、浮世繪的作品，風格自我中顯傲氣；今晚我重臨岩浪天扶良，吃到一件針魚壽司，本來平常，但壽司長 Ricky 巧妙地令半透的生魚片異常富光澤，並且配合魚皮紋理色澤、在頂端加上黑魚子及金箔， 金箔的瑰麗、黑色的冷艷、正好披在裸魚片身上，純潔的奢華，這就是充滿日本藝術風格的創作，呈現在眼前，嘆為觀止！ 一口吃之，肥美的魚肉口中溶化，混合香軟的日本米飯及黑魚子的點點鹹香，豐腴美滿的口感。 今晚的亮點不止於此，會席套餐的設計，食材、擺盤及用具的配合，皆富心思細意，闊別多年，依然精彩！ 認識岩浪天扶良，早於七八年前她剛開業初期，當時見雜誌介紹，本來任職稻菊的天婦良師傅在銅鑼灣開店自立門户，能夠省卻光顧名店的費用而吃到同樣水準食物，正是我身為精明消費者的選擇，於是訂位光顧，當年的體驗，確實令我對天婦羅改觀，原來優質的，既是完全無膩感，亦能保持新鮮食材的原味。 小店的裝潢平實，傳統雅緻。 我們的座椅是舒適的角落。 岩浪亦是推出全條藍鰭吞拿魚夜的始袓店之一，我當年有幸嚐過，現在藍鰭幾可絕跡，莫奈何！但岩浪依然不時有做其他特色約，這

今次選了銅鑼灣呢間高級日本料理，去到環境雅緻，店員提議多客人選Omakese 廚師發辦餐，不用費神去諗，廚師幫你攪掂，$1300/位，就選呢個, 記得上次去過尖沙咀食過日式鐵板燒，坐響吧枱睇住廚師泡製每度菜色，就好似睇show咁，一直好回味。先來前菜、冷物，有鮮蝦，有薯蓉底，中間為三文魚腮骨及三文魚籽，有好重酸醋味，右邊係麵豉醬螢光魷魚，較入味。第二道為冷物- 冰菜蕃茄配沙律醋，極度爽脆，夠晒清甜既菜。蕃茄夠新鮮，甜酸醋作沙律汗。還有牛旁蘿蔔作前菜,到主角刺身出場，廚師刀法凌厲，放下刺身時，細心介紹每款刺身名及需唔需要點醬食。竹炭鹽石鯛魚竹炭鹽帶出魚鮮味味，肉質好彈牙。第二道係野生蛋白魚-紅鱆魚刺身，高蛋白質既魚，很有益，第三件係鳥貝，好滑嫩，肉質煙韌鮮甜。第四件係象拔蚌，好厚肉，鮮甜爽口煙燻鰹魚，好有味，原來係用木魚花浸過，好鮮甜，面為蒜片，都沾過醬油。之後到野生拖羅，入口即溶，充滿魚油香味，趙起有啲筋。7款刺身到壓軸，刺身師父問有冇咩內臟唔食，我話冇，佢就泡製了汁煮安康魚肝，望落有啲似鵝肝，食落原來又唔係太腥喎，好滑，醃過醬有啲咸香味。之後上熱食，一大碗左口魚湯，湯水清澈，清湯味鮮

與朋友在 SOGO 逛了陣覺得有點餓 朋友提議到附近的日本料理食個高級日式午餐 她話這兒主打 Omakase 即是廚師發辦的菜式 是日本料理的最高境界，大廚會用時令的食材炮製出自家的拿手菜式 午餐時間當然點最抵食的午市定食 我點了客 ... 廚師特選天婦羅、壽司 16 件定食 HK$480 定食包了沙律、前菜、蒸蛋、雪糕或咖啡 醒胃的沙律和前菜先來，有我最愛的魚仔 ~~ 很豐富的茶碗蒸，蒸蛋又香又滑，裡面仲有蝦、雞肉和冬菇 ~~ 定食有 16 件廚師特選天婦羅和壽司 食客可以自選天婦羅和壽司的數量，款式就不可揀要由廚師發辦 我就揀了 4 件天婦羅 + 10 件壽司 + 1 件手卷 (1件手卷當 2 件壽司計算) 廚師特選的壽司全部都好啱我的口味 有我愛食的帶子壽司、牡丹蝦壽司、 海膽壽司 ... 時令的魚生真的特別新鮮美味，連壽司飯也特別香和煙靭 壽司中間已加了適量的 wasabi，加少少豉油提味或者不加就咁入口，更能食出食材的鮮味 碎吞拿魚腩手卷 侍應貼心的等我的壽司食完，才詢問是否可以上手卷 因為手卷外面的紫菜放耐了，入口唔脆唔好食的 油脂滿滿的吞拿魚腩碎配上煙靭的米

同老朋友敘舊，咁岩大家都鍾意食日本菜，就選擇左喺銅鑼灣黃金地段SOGO隔離果棟飲食大廈。依間餐廳就係比較高級嘅！餐牌選擇都幾多，睇價錢都睇到係比較高檔次嘅食品。銀鱈魚京燒＄150燒得好香，個魚皮又甜又脆，銀鱈魚仲要係好甜好肥美，超級好味！阿古黑豚腩鹽燒$110呢個就更加正，雖然每一件腩肉都有肥肉嘅部份，但係都係好爽口，而且鹽燒鹹香十足，可以加埋芥末籽一齊食，口味更加清新。星海鰻白燒（一件）$80爽口之餘又香，沒有骨，帶點鹹香和乾身，絕對是一流的手勢。燒鱈場蟹腳$280蟹腳原本肥美多肉，而且鮮嫩多汁，最重要是原本的味道已經很夠甜，這個size實在難得。上壽司拼盤＄300有很多款式的壽司，比較驚喜的是玉子製作認真，不是雪藏了很硬的那一種，吃起來很有層次而且甜味剛好入口。另外三文魚子籽是很不錯，鮮味十足而且外邊的紫菜十分香脆。甜蝦比起放題的蝦更加鮮甜。赤背更是口感爽口，吃起來鮮味十足！旁邊的青瓜和酸瓜能中和味蕾，帶來一點清新。天扶良茶漬飯$100這個原來就是天婦羅飯，茶漬飯的茶味比較清淡，但是表面有一些類似芝麻的食品，增加鹹香，也可以添加香脆天婦羅一起吃，注意不要放太耐否則就會變稔。有蝦和海

呢個月老公生日, 當然要食好D, 要我地既鍾意既日本野, 上次睇見朋友食左呢間狂打卡, 攪到我地流哂口水, 決定儲錢豪一豪好驚去到無得食, 都係訂定枱穩陣入到去, 有左邊有正常座位, 右邊有吧枱, 侍應安排左我地坐吧枱可以睇到師傅準備食物, 感覺好得意好新鮮, 不過吧枱氣氛嚴肅D, 我地講野都唔敢太大聲因為想食當日最新鮮食材，所以叫左2個中間價既set, 交俾廚師發板, 侍應會細心問下我地有咩唔食侍應首先上左枝豆做為小食俾我地, 同埋主動斟茶枝豆差唔多食曬之後就上前菜, 時間岩岩好前菜有三小碟左邊係煙鴨胸, 加左啲黑松露令肉味更濃郁中間係水雲, 係類似髮菜嘅海藻, 好少係香港嘅日式餐廳食到, 水雲好幼細, 酸酸地, 好開胃右邊係汁煮鮑魚, 好入味但味道唔會太濃, 口感彈牙前菜食完就上沙律 : 冰菜蕃茄, 冰菜表面好似有好多水珠, 開頭以為真係雪到冰左既菜, 原來果d 唔係水珠, 口感完全唔似食緊菜, 非常爽口多汁雖然冰菜好搶鏡, 但其實蕃茄都好鮮甜食埋沙津終於到戲肉, 面前嘅師傅開始為我地準備食物, 師傅首先送上漬物, 係蕎頭同牛蒡)坐係吧枱既好處, 除左可以目睹師傅既手藝, 仲可以估

5月從來都係幫荷包放血的日子，母親節帶母親大人食好西是常識吧！好慶幸我媽媽係一個潮媽，唔太鍾意飲宴，卻獨愛日本菜，口味同我一樣。今次節日揀左Sogo旁的逸園大廈，一整幢都是日式美食。我地去的是岩浪，很有格調的日本料理。一出lift門口已經見到甚有氣勢的擺設，令我地充滿期待。入內裝修格調較柔和，空間感同私密度十足，令人感覺好relax。因為今日唔係食Omakase，所以經理安排左我地坐較偏讓的梳化位，位置好闊落舒適。而遠處的師傅仲特登同我地打招呼添！十分同意「女人係用眼睛同心情進食的」，呢句話由其適用於母親大人。如此派場，未食我已經知道無揀錯地方了。一口氣點了唔少食物，打頭陣的當然是刺身。一客有八款，都係時令最好的刺身，由廚師發辦，不時不食。一人前$280，最欣賞佢地的是每客刺身擺碟都有不同，甚具心思。刺身當中最鍾意都是拖羅，肉質好軟滑，油脂好豐富，好似在口腔內化開一樣。媽媽鍾意食三文魚，所以特意點多一客三文魚腩刺身。賣相同樣好吸引，腩位好肥美。因為已經食左刺身，就無再點壽司，反而決定淺嘗蔥花吞拿卷。小小的卷物，上檯卻好靚仔，功整地排列好。入口好濃魚鮮味。蔥花做列綠葉的效果，無喧賓奪主。