影片
更多
2017-06-12
467 浏览
之前小妹食過一次omakase 雖然好貴 但真係一級享受！由廚師根據當日有嘅優質食材為客人安排食物 而且菜色比menu上嘅更有特色 亦較少喺一般日式餐館品嚐到... 呢日為咗慶祝友人出pool 決定再次破費由於洗手間設在門外 小妹方便埋先入座... 想不到一個小小嘅洗手間已先聲奪人！乾淨企理不在話下 仲體貼到有埋衛生巾、牙籤牙線、棉花棒、化妝棉等等供應 價位高確係有道理！當然 大家唔好諗住免費就盡情使用啦 始終係為咗方便客人不時之需嘅座位有預先放好嘅餐具 客人入座後 店員很快送上熱茶和熱毛巾 更不時主動更換茶水（注意：是換上新茶 而非在室溫茶添上熱茶）首先係三款前菜 要由右至左順序食呢味叫「水雲酢」 「水雲」即係水髮菜 用甜甜酸酸嘅凍味噌汁浸住 舗上一條海膽 醒胃又香甜！然後係「秋葵海老」 海老已經煮熟、褪穀 配上秋葵和醬油味嘅粒狀啫喱最後係「澤蟹唐揚」 「唐揚」係日本一種烹調方法 簡單嚟講係炸 XD 有迷你炸蟹和炸蓮藕片 蟹仔無咩肉 主要係蟹殼 由於細細隻 都算易咬又唔會吉親口跟住係「冰菜粟米番茄」 冰菜係香港唔常見 小妹都係第二次食咋 葉身有一定厚度 佈滿「水珠」 咬落去爽脆多汁
由於洗手間設在門外 小妹方便埋先入座... 想不到一個小小嘅洗手間已先聲奪人！乾淨企理不在話下 仲體貼到有埋衛生巾、牙籤牙線、棉花棒、化妝棉等等供應 價位高確係有道理！當然 大家唔好諗住免費就盡情使用啦 始終係為咗方便客人不時之需嘅
座位有預先放好嘅餐具 客人入座後 店員很快送上熱茶和熱毛巾 更不時主動更換茶水（注意：是換上新茶 而非在室溫茶添上熱茶）
首先係三款前菜 要由右至左順序食
呢味叫「水雲酢」 「水雲」即係水髮菜 用甜甜酸酸嘅凍味噌汁浸住 舗上一條海膽 醒胃又香甜！
然後係「秋葵海老」 海老已經煮熟、褪穀 配上秋葵和醬油味嘅粒狀啫喱
最後係「澤蟹唐揚」 「唐揚」係日本一種烹調方法 簡單嚟講係炸 XD 有迷你炸蟹和炸蓮藕片 蟹仔無咩肉 主要係蟹殼 由於細細隻 都算易咬又唔會吉親口
跟住係「冰菜粟米番茄」 冰菜係香港唔常見 小妹都係第二次食咋 葉身有一定厚度 佈滿「水珠」 咬落去爽脆多汁 本身無味 加少少淡味醬油效果不錯！粟米係成片切出來 食得方便 佢同番茄都係特甜！
開始食刺身啦！呢三塊睇落差唔多 其實係三款... 中間係「鷹䱽魚」 最爽口... 左邊係「石鯛」 肉質較韌... 右邊係「章紅魚」 脂肪最多 最滑... 其共通點係呈淺粉紅色 味道較淡 加wasabi最正 wasabi仲係即磨添！有埋冰鎮 可以慢慢嘆
呢味「水八爪」 同普通八爪魚好唔同 師傅提醒要先食身 再食吸盤 魚身超級煙韌 要咬好耐可以吞 唔容易爛 反而好似趙香口膠咁 越趙越淋 好得意 相反 吸盤爽脆
很快來到最後一set刺身
呢塊「拖羅」好多筋 滑到放入口會跣返出嚟...
三片「象拔蚌」
呢款叫「手調池魚」 其實即係「池魚」 不過已預先調好味 唔需要再加wasabi和豉油... 加了埋蔥花 切成細細塊 有啲似中式蒸魚嘅味道 有趣 效果也好
跟住到熱食 先有「鱧魚蓮芋清湯」 蓮芋即係大野芋 加埋青檸和海帶 湯偏酸甜... 魚肉爽口 無骨
呢隻係「日本三刀魚」 係貴價魚類！重點係隻豉油 質地濃稠 味道香甜 完全滲入嫩滑嘅魚肉當中
食日本料理點少得「天婦羅」？呢度連醬汁都非常講究... 食「海老」可加白鹽或天婦羅汁... 「目光魚」本身較淡味 可點咖喱鹽... 而「蝦膠」就用天婦羅汁... 炸粉唔算太厚 上碟時仲有張紙吸油 唔怕heavy
差不多飽嘅時候 壽司終於出場！但慶幸份量唔多 而且都係精品 飯細細舊 預先加咗wasabi
呢件貌似三文魚嘅係「櫻鱒」（其實面頭仲有一排三文魚籽 但係小妹太興奮食哂唔記得影相 XD） 味道無三文魚咁突出 脂肪較薄 整體感覺清新
第二件係「鯖魚」 有張類似粉皮嘅透明「紙」舖面 有陣油味和腥味 小妹好喜歡
最後一道主菜係「海膽撈飯」 （唔講都唔知係飯 XD） 其實海膽仲多過飯 除咗面頭有完整一條 下面仲有大pat海膽汁 加上墨魚條（類似「黃金墨魚」的做法）... 簡直係海膽迷五星級享受！
來到甜品！有好多選擇啊 有南瓜芝士蛋糕、水果拼盤、雪糕（咖啡、芝麻、綠茶）和雪葩（柚子、蘋果）... 友人揀咗比較特別嘅「南瓜芝士蛋糕」... 小妹就食最愛嘅「柚子雪葩」！賣相好精緻 有哈密瓜、藍莓等伴碟 雪葩內藏有柚子皮 酸酸澀澀 沒有多餘的人工甜味
還在食甜品嘅時候 店員再送上一壺「有機綠茶」 用綠茶粉開 消滯解膩
张贴
