岩浪天扶良日本料理 (已搬遷) 新店位置

對上一次食omakase好似係兩年前嘅事，不過印象唔係咁好，因為覺得又啲貴，而且食材亦都麻麻🙈🙈不過，今次食呢間既omakase性價比好高呀🙊🙊🙊好彩我哋預先book位，可以坐係吧枱附近，同師傅可以有直接嘅交流，會問我地有啲咩唔識得教學再根據我哋需要安排食物俾我哋😋😋🙏🏻前菜有枝豆、冷盤同沙律，每款魚生都好新鮮，肥美，魚味濃，尤其係油甘魚，入口即溶！天婦羅做得勁好食，特別係蝦，炸粉薄，但又唔會炸到好燶！海膽飯唔講到笑，海膽勁鮮甜，每一啖飯都撈住海膽食， 10分美味！

同朋友聚餐離不開日本菜、西餐，可能慢慢享受一下！今次選了Sogo旁的澳門逸園中心，喺呢度既食店大部分走高檔路線，此處是一層一食肆既分佈，睇左幾間最後揀左9樓既呢間岩浪天扶良!出𨋢已經感覺典雅，充滿禪意🙏～　由於當天訂檯時壽司吧檯已滿坐未能安排，只好坐二人檯了~呢度除了A la carta，仲有omakase，友人見omakase 既配搭分量頗多就提議點了! Omakase都有幾款~ 我地選左"金"會席先來前菜三點:香炸青森沢蟹仔非常吸睛既造型，彷彿在爬行。蟹殼半打開已清理鰓位~入口香脆，係全隻可以食哂~鮮鴨胸加上少少芥末籽，食返鴨既鮮味右口魚鮫蝶魚魚子，已經清左魚籽外衣，一粒粒既魚子比蟹子還小，味道清清的～冷物有清甜既日本蕃茄；鮮嫩既冰菜，仿佛注滿水珠，水珠帶有一絲鹹味。仲有無花果，配埋自家制既醋汁，清清味蕾迎接隨後既刺身~先由白身魚開始食: 倉川魚，肉質好有彈性厚切深海池魚，肉質細緻爽口帶有油香，特別肥美。最後食帶子，沒有多餘水份，處理得好好。大大粒肥厚既帶子，口感彈牙，非常鮮味~!醬油漬大拖羅，用輕炙過一邊，肥美既大拖羅，滲出油香～拖羅用醬油漬過，用紫菜包住食，又唔會遮蓋左魚香既味

睇下本米芝蓮指南有咩介紹先，見到岩浪是有創意的omakase，就好有興趣去試下。日式裝横雅緻，空間感不錯，很舒適，而且可以包廂。最鍾意坐壽司吧枱，可以欣賞到師傅精湛的刀功。會席有三種，今晚吃<金>$1380，前菜、冷物、刺身7点、椀物、和食、天婦羅4点、寿司5貫、甜品。之前都有食過幾間omakase，這裡的質素很高，不但用上盛食材，品種甚有驚喜，配搭精緻器皿，視覺和味覺都十分享受。而且上菜唔算等好耐，基本上都係接住上，時間控制得唔錯。欣賞師傅每次上菜都會講解下食材的獨特性，雖然食過幾次omakase，但係日本的料理文化博大精心，知道背後的意義，食得更有意思。洗手間用鮮花decorate，有齊所有用品，口水、牙線、棉花，連女生緊急用品都有，非常貼心。Gold course由前菜開始，用上金色長方形透明碟，有三款，分別是栗子、芥辣籽鴨胸、鮑魚+鮑魚乾醬，感覺到秋分氣息。由左邊開始食，栗子好大顆，食到佢嘅香甜。鴨胸味道甜甜地，帶少少辣，好開胃。鮑魚乾醬超濃味，好似食蟹膏咁，唔錯的開場。冷物- 日本温室蕃茄、冰菜、無花果配酸醋汁，色彩吸引，口感清爽。師傅先附上醃漬物和日本炸菜。

同男朋友過周年紀念，唔洗問一定要去食好西！2017米之蓮指南推介餐廳嘅岩浪天扶良日本料理餐廳，絕對係我地既首選😋😋😋我地二話不說，點左個omakase，由廚師發板，師傅勁細心問我地既喜好，有冇野想食/唔食；更加誠意推介一啲係當做時令嘅刺身俾我哋享用。頭盤，師傅為我地準備左日本直送雞蛋明太子，栗子同埋厚身鮑魚。為我地開胃，準備好食接下來嘅美食！好特別地係由左至右咁食！由清到濃～絕對貼心🤤廚師亦都為我地準備左時令嘅長腳蟹，長腳蟹鮮味配上佢哋特定嘅醒胃醬汁，衝擊每一個味蕾，而且好貼心地幫你開好哂，絕對唔會難碌殼，岩哂港女們想食又怕麻辣既性格。刺身和壽司，無疑係omakase 其中一個重要環節，我可以見到每個師傅都好用心同埋專注咁樣為我地製作壽司。野生拖羅，帆立貝刺身味道鮮甜，配上各種佐物，味道更具特色。壽司同埋卷物亦製作別出心裁，其他難以相比廚師為我地準備左一道紫菜海膽，炸脆左紫菜，熱辣辣包住辣鮮的海膽，肥美！海膽麵豉湯絕對係重點推介！海膽刺身平時食得蛋，但原來配上麵豉湯同樣出色！只要食物新鮮，再配上師傅用心製作，一定食得出！另外，蒸魚食小有omagase會提供蒸魚，特別之餘，師傅更細心地分

香港打着正宗日本旗號的日本餐廳有不少，今日我同女朋友過周年紀念，我就揀攞咗2017米之蓮指南推介餐廳嘅岩浪天扶良日本料理餐廳。甫入店內已有驚喜，店門是較低的和式設計，大家要彎下身才能進入店內。店內裝修開陽，一坐低就可以見到個師傅standby為你準備食物。我地點左個omakase，就等廚師發板，廚師同店員佢哋好細心問我地有冇啲咩係唔食；同埋揀選一啲係最啱時令嘅食物俾我哋享用。頭盤，師傅為我地準備左日本直送厚身鮑魚，鴨胸肉同埋蟹籽三文魚。為我地開胃，準備好食接下來嘅美食！廚師亦都為我地準備左當做嘅長腳蟹，長腳蟹鮮味配上佢哋特定嘅醬汁，衝擊你既個口感，令你重新認識對長腳蟹嘅味道。刺身和壽司，係omakase 其中一個主要環節，我可以見到每個師傅都好用心同埋專注咁樣為我地製作壽司。拖羅，帆立貝刺身味道鮮甜，配上日本酒及醬油，味道更具層次。壽司同埋卷物亦製作特別，出邊其他餐廳係食唔到！廚師為我地準備左一道日本豚肉配溫泉蛋同埋蘿蔔。日本豚肉並沒有我想像中有嘅肥膩感，將溫泉蛋爆開，再撈埋啲豚肉汁，非常爽甜開胃令人難忘!海膽麵豉湯帶比我驚喜！原來海膽除咗當刺身新鮮食，配上麵豉湯亦都一樣特別好食！我以

今晚同朋友去食米芝蓮日本菜, 我地揀咗廚師發板, 同職員講咗有咩唔食,咩都唔駛諗就有人奉上最時令嘅食物。 前菜左起係玉米豆腐,鮑魚同八爪魚青瓜。 跟住係蟹肉水雲髮菜配酸汁, 蟹肉非常鮮甜, 酸酸地, 幾開胃。 再嚟係火灸刺身, 有八角,油甘魚同赤綠, 由淡色食到深色, 全部厚切, 火灸過, 特別香, 口感更好。 下一道菜係燒帶子, 超大粒好有鮮味。 再嚟係火灸銀雪魚同拖羅, 燒過嘅拖羅真係無得頂,入口即溶。之後就有松茸清湯隔一隔, 味道好清甜。 之後就到煮物白甘鯛, 非常珍貴, 肉質鮮美,你 配埋冬菇蘿蔔做配菜, 個汁好入到味,做到色香味俱全。 我都幾愛食天婦羅, 今次有蝦, 鰻魚同苦瓜 , 可以睇到個炸漿超級薄, 材料又夠新鮮, 仲有鹽, 咖喱鹽同天婦羅汁跟上。 之後係壽司,唔會漿住曬, 啲飯係睇到一粒粒咁, 而溫度都係室溫。 再嚟一個迷你海膽撈, 海膽超正, 貨真價實。 甜品方面有個好靚嘅水信玄餅。 最後仲有綠茶奉上, 為完美嘅一餐作結。 餐廳由食物到服務都係認真用心, 呢間超高質嘅omakase絕對建議大家去試。

之前好鍾意嚟呢間，鍾意佢自由度夠高，可以自己揀套餐食咩天婦羅同壽司組合。 不過今次去10件壽司已經無得自己揀，而且侍應態度好差，問多幾句都嫌你煩。其實餐廳都唔滿，咁趕做咩呢？仲要個兩個侍應，兩個講嘅嘢都可以唔同，都唔知信邊個好。壽司做得靚都算，但係舊壽司一夾起d 飯就散曬，無諗過壽司飯都做唔好！上菜速度仲要超慢，我地第一抬到但係最後一抬食完，真係好唔明白！不過不過，魚生同天婦羅算ok嘅...希望其他野可以進步啦...

好幾年前呢度係我地一班同事嘅至愛，但凡有慶祝活動、星期五 happy Friday，第一時間就係 book 岩浪。後來換了一班前台員工後（傳聞係餐廳易手？）服務水準大降至旺角水平（例如：飛個碟落枱，大聲同客人講「你等等！」....)，我地一班人自此好少嚟。今次再來，水準回升，服務正常返！我地二人坐吧枱，以前嘅自選壽司 set 暫停，改為十件師傅發板（$300)，前菜蒸蛋同 F 手卷照舊，咖啡換了 elegant 的杯子且好像比以前更濃更好味！蒸蛋有少少過了火喉。壽司最難忘係活牡丹蝦，超大超甜超好味！海膽嘅紫菜好乾身好脆！👍🏻👍🏻👍🏻雖然價錢貴，但係我都會再返嚟，好高興見到佢地谷底反彈！

對米記車軑級餐廳，必定會有期望，但有時候卻又失望收場，今次的午餐便是這樣。自選天婦羅10件定食，食物分三次上枱，次序什亂無章，好似食普通什錦天婦羅的感覺，又無心製作，食材欠鮮味，只有死實的味道，炸漿不平均而且有滴油情況出現，可謂不合格的㕑功，服務馬虎，㕑師大意上漏咗件海膽天婦羅，如果不小心點算追問，便給欺騙了，損失事少，可卻連道歉也沒有，好離譜。環境很擠迫，什物亂放在樓面，沒有高級餐廳的氣氛，非常有伏。

同朋友2個人去食慶祝生日，滿意為米芝蓮會比平時去嘅Omakase無太大名氣嘅店好，結果一肚氣落樓。預早訂枱座Bar枱可欣賞廚師手藝兼有交流，但入座後發現廚師全程與熟客交流並且不是在我方前面烹調食品，每上一道菜都只說出食品名稱，沒有詳細講食品如何烹調或來源，兼且沒有與我們有眼神交流，比起其他食Omakase店舖做法，更讓我們覺得不被尊重，反而其中一位黑框架眼鏡較年青的廚師喺大廚介紹完其中一款食物名稱後，聽到我同朋友講聽唔清楚，佢主動介紹食法同作講介，令成餐飯不至於被當透明。食物方面，我地order 鉑餐(約每位$1500) 及2杯柚子酒，食物沒有太大驚喜，所謂的時令亦不算新鮮，好幾道魚生及壽司更有腥味出現，著實令人失望，如此的待客之道與收費，中環亦有好多間比食品更好，服務更優秀，此店對我和朋友來說，no next time!!

晚餐omakase唔平過千，非bar 枱那邊的燈光又奇怪，坐得唔舒服，已經覺得咁嘅地方都收咁嘅價錢? 望下個 a la carte menu 有咩好叫啦，問下個中年女侍應個三百幾蚊魚生飯有咩魚生。佢話..三百零蚊，都係果D平魚啦。”平魚即係咩魚?” “咁要問下師傅喎，不過三百幾，都係果D啦。” 唔熟menu又懶得行去問，定係想焗客食omakase? 覺得好唔專業，我哋走咗。

今天一同分享一下我的人生大日子，今天是我們的17週年紀念日！老細近日工作忙碌在元宵佳節，我也一人獨自過，在他忙著中也細看又細心尋找一間日本高級料理餐廳還有肥米一星星，心裏都很絲絲的溫暖😘😘😘來到這裡最好不過是叫Omakase 及一定要坐吧枱，這樣才能真正體會廚師的手藝！由其是Racky Li 他拿手的刀法，手起刀落實力到家，同場比較另外一位高高瘦瘦的廚師實在略有失色！不講其他，前菜出場由待應提醒要由左到右食，廚師亦會相應調整時間出菜的速度！又好細心觀察客人的需求，如會問有咩唔食！每件魚生、壽司都已經調好味道，跟本不用再點豉油！只是貴了一點但絕對值回票價！

岩浪是很正宗的天扶良店，早在8年前已經開始幫襯，水準穩定。他們家的食材很新鮮，天扶良必吃之餘，其實他的刺身也很好。店面較小，建議一定要訂座。此店晚餐價錢相當高，如果第一次試，可以先試試他們的午餐，是套餐，大約 $180-$250 一位，質素很好，不會因價錢而質量下降。還附送飲品或生果。不論是天扶良還是壽司餐都好吃。晚餐雖然質素是相當好，但價錢一定會嚇一跳，炸蝦1隻已經要 $50-$80。刺身很新鮮，但併盤是千元左右。

今日同朋友慶祝生日就book左岩浪去食飯，我地兩個都好坐底，入面嘅services 好好架！坐底會俾條熱毛巾你抹手係廚師發辦，佢會問有冇咩吾食，佢就沒黎左幾樣野食，首先黎嘅係特盛刺盛！有拖羅，象拔蚌，甜蝦，針魚等，全部都好新鮮好甜！特上壽司，入面有拖羅，三文魚籽，海膽，呑拿魚蓉小卷，佢d刺身好肥美！好正啊！一份銀鱈西京燒，佢係用特別嘅醬去燒勁好食！仲有左刺身丼，我同朋友真係好鐘意食刺身佢都係有好多款係入面，同個拼盤差吾多~

今晚出咗銅鑼灣食好嘢，我個朋友話咁耐冇見，一於食餐勁嘅，同我單聲話去岩浪，係日本野，我聽到覺得個名似薯片的牌子……去到先知道原來真係好嘢！係米之蓮餐廳來架！失敬！Starter 汁煮鮑魚：啲汁煮得好入味，完全滲晒入鮑魚嘅身體裏面。鴨胸 ， 小小黑松露味百合。Cold dish : 番茄同埋粟米，超 juicy，蕃茄應該係用一把好靚嘅刀，同埋加上穩健嘅刀工切片，番茄內部完好無缺，令到味道更加 refreshing 。 Sashimi：石垣貝、左口、拖羅、石鯛、赤鯥呢一片珍美的刺身浪潮，而咁美麗嘅姿態出現係面前，未食已經俘虜咗我哋，食落好新鮮。石雕經過輕輕的火炙，味道更香。Oyster 估計佢係用廣島蠔，蠔身好creamy，有微酸的汁作平衡，不錯。海膽湯：清清的湯汁之中，有兩片濃郁鮮美的海膽。第一次飲海膽湯，口感幾特別，而且經湯泡浸的嘅海膽份外滑溜。燒鮑魚： 沒有太多的調味，只是放了一點鹽，但因為佢本身已經好夠海水味，所以已經夠鮮！食落去好彈牙，又燒夠得熱Tempura：雖然係經油炸，但係想不到鮑魚的口感都係保持彈牙，而炸蝦天婦羅薄薄的的炸層好脆口，裏面的蝦肉保持鮮甜。Sushi：秋刀魚鮮