岩浪天扶良日本料理 (已搬遷) 新店位置

好幾年前呢度係我地一班同事嘅至愛，但凡有慶祝活動、星期五 happy Friday，第一時間就係 book 岩浪。後來換了一班前台員工後（傳聞係餐廳易手？）服務水準大降至旺角水平（例如：飛個碟落枱，大聲同客人講「你等等！」....)，我地一班人自此好少嚟。今次再來，水準回升，服務正常返！我地二人坐吧枱，以前嘅自選壽司 set 暫停，改為十件師傅發板（$300)，前菜蒸蛋同 F 手卷照舊，咖啡換了 elegant 的杯子且好像比以前更濃更好味！蒸蛋有少少過了火喉。壽司最難忘係活牡丹蝦，超大超甜超好味！海膽嘅紫菜好乾身好脆！👍🏻👍🏻👍🏻雖然價錢貴，但係我都會再返嚟，好高興見到佢地谷底反彈！