尖沙咀凱悅酒店咖啡廳

明天係小弟生日，屋企人提早同我慶祝。之前睇介紹都十分期待今日晚餐但結果低於期望首先講環境地方都幾靚，去到都唔算多人，之後出發拎食物……第一目標係龍蝦一開始攤位無人，之後開始有得拎但等嘅時間太耐感覺準備不足，但味道比冰鮮龍蝦好食另外一個值得推介係燒乳🐷，但要18:45先出和只得一隻，係自助餐嚟講太小氣咗啲刺身海鮮方面選擇真係唔多，對我呢種鍾意食海鮮嘅人嚟講都幾失望。肉骨茶幾好飲但今日無肉（真係得今日）大家可以一試榴蓮蛋糕本人唔太食甜品但好奇試咗一啖，味道唔錯但本人馬上吐出來，並非唔好食係因為飲酒唔食得榴槤（雖然份量唔多但小心啲好)飲品方面有飲品套餐，加指定價錢無限任飲（但今日無白酒）燒牛肉和鴨肝亦都唔錯，順便一提片皮鴨要19:00至有得供應。酒店送嘅生日蛋糕整體嚟講唔差，但準備不足速度太慢，服務水準只是中上（速度問題）如果以100分作滿分60分合格環境:95食物味道:90食物選擇:60服務態度:85抵食度:60交通:90

諗住帶爸爸媽咪食餐夜晚buffet。上網睇推介呢一間話有任食龍蝦。仲要話即叫即整。因為爸爸鍾意食龍蝦所以就帶佢地嚟依間。龍蝦要排隊攞，每次每人只可以攞半隻。fair enough. 咁我排隊攞啦到我嘅時候佢俾個半隻我係生嘅。啲膏都未變橙色仲係黑色。咁我同個侍應講話係生啦。點知攞第二隻俾我都係生。我再同佢講嘅時候佢發我脾氣。掉嘢落張枱度。心諗，咁嘅態度都得。唔通要當刺身食？坦白講除咗龍蝦之外其他啲嘢食都嘛嘛。甜點都算OK，但係鹹點就算吧啦。本身餐飯都唔係平，但係啲餐廳嘅人員態度真係差到一個點。樓下間茶餐廳嘅態度仲好過呢班人，話晒都係酒店。搞到攞嘢食好似搶咁。又冇乜款式揀。所以一定唔會推介大家。只係要讚啲侍應都算有禮貌，其他人就不敢恭維。

之前見網站介紹特厚拿破崙， 因為老公鍾意食就訂左， 上網promotion 238蚊， 我訂左朱古力。1打開個盒，真係有d震撼， 最少4吋厚，每1厚都成吋厚餅。上面仲有好多朱古力捲。1切落去唔會散到周圍都係，仲係實淨。食落去，因為太厚，好難做到每啖都有朱古力cream同餅，成個餅會分開晒，餅又餅食， 朱古力餡又分開食。朱古力餡唔太甜， 食得出朱古力都唔差，係濃度高， 香濃口感都滑溜。個拿破崙size有d太大，2個人真係食3日都食唔完。238蚊係性價比高。

今年預祝家人生日飯🥳的地點是Cafe, Hyatt Regency Tsim Sha Tsui， 位於尖沙咀凱悅酒店大堂樓層。 大約七百幾蚊一位✨， 我們一行四人七點鐘到達， 當晚全場滿座， 店內環境舒適， 燈光柔和。食物種類不算多🤔， 刺身味道普通， 長腳蟹味道太鹹， 凍蝦不爽口， 反而海鮮凍盤裏面龍蝦仔比較好， 起碼肉質新鮮。 羊架和牛扒的肉質幼嫩， 味道不錯。 鵝肝每件細細粒， 多士大大件。 原先想試下乳豬， 誰知很快已經沒有了。 最值得讚賞的就是波士頓龍蝦🦞， 客人每一次可以攞半隻， 肉質鮮甜彈牙。 另外甜品也不錯， 最喜歡榴槤蛋糕🍰， 榴槤味香濃， 蛋糕軟滑。整體而言性價比不算高， 因為食物種類不多， 但可以一試。😉

I had tea buffet with my boyfriend on the weekend, it was a nice day out on Sunday afternoon. The food, service and environment are all very nice and I particularly like the scone. Free flow white wine is a good option too as we both enjoy drinking. We were assisted to sit on a table with some privacy, which is nice.

當一日準備結束之際，窗邊就會凝聚住一股力量，往往有種好浪漫既感覺，而呢種力量我地稱之為夕陽。要充分體驗呢種感覺，唔一定要係海邊既，黎到「尖沙咀凱悅酒店」歎返個dinner buffet，6點零鐘前趁人少少岩岩好，享受陽光透射落黎果種清新脫俗，踏足一人之境，當FF完之後面前就係無數既日式、西式、中式、印度美食等緊你，夫復何求呀！？👇📌Dinner · Buffet - $668/Head▪ Freshly Poach Sustainable · US Boston Lobster - ▫ 今次buffet全埸焦點一定係任食「即灼新鮮可持續·美國波士頓龍蝦」，只要每次排隊都可以令到半隻，大大滿足一眾龍蝦控。加上大廚都係即時煮熟，而唔係擺係到歎凍哂果種，保證以最新鮮品質比食客。而食落龍蝦鮮甜爽彈，完全無雪藏味，肉質又夠緊緻，staff亦建議加埋泰式辣汁，鮮味份外突出，呀！我感覺大海男兒的氣息了。▪ Special · Assorted Sashimi - ▫ 另一邊去到刺身部份，今日精選有「手釣原條·黃鰭吞拿魚」、「三 文 魚」、「油 甘 魚」、「帶 子」、「魷 魚」。每款魚身光澤鮮明，睇得

尖沙咀凱悅自助晚餐❤今次係第一次去呢間嘢食自助晚餐，平時都係食下午茶自助餐，所以大概知道佢野食嘅質素去到邊，個人覺得不過不失🌝，冇乜嘢特別好食亦冇嘢難食，坐係坐得舒服嘅服務亦ok。刺身方面，帶子三文魚吞拿魚四款，冷盤方面就長腳蟹小龍蝦青口蝦四款，質素方面正正常常冇乜特別。賣點係波士頓龍蝦即恰任食。肉質係彈牙嘅，不過亦唔算特別好食。甜品方面係比較失望嘅。其實佢啲甜品賣相係幾好嘅，特別多唔同款嘅卷食，不過咬落真係好硬，酥皮唔夠脆，好快就食滯。總括而言我覺得都係食下午茶抵食的性價比更高。

朋友想吃自助晚餐，尖沙咀凱悅酒店的中菜，間中都會去，但去咖啡廳食自助餐都是第一次，今次最吸引我過來，重點是有得任食活龍蝦，仲有鐵板火焰鴨肝多士，單是呢兩款已好吸引，還未計日式時令甜品，就是櫻花甜品呀！今次最大亮點是可無限量，任食原隻波士頓活龍蝦，不過要排隊就真，每次都是等十分鐘便可，當然夾埋時間，等分鐘得，但到8點9咁上下，就不見人龍。龍蝦肉好爽口彈牙，真的好鮮甜。小龍蝦都幾鮮甜自助餐的特色之一必定有冰鎮海鮮，小龍蝦、長腳蟹、大蝦......等。冷盤就有自製肝醬、巴馬火腿、各式凍肉、自家製三文魚及芝士。鐵板燒專區就有清酒火焰竹荀，及招牌鐵板火焰鴨肝多士配杏脯，全部是即燒，雖然每次都夾唔到時間，睇唔到火焰鴨肝多士，但鴨肝入口即溶加埋有麵包伴底，感覺上一齊食無咁油膩，而火焰竹荀就幾爽口都清甜，但未感受到有火焰的焦香。必食就有手釣原條黃鰭吞拿魚，黃鰭吞拿魚就有壽司、刺身及魚生飯。由於好少有黃鰭吞拿魚，就試了魚生飯，口感帶點酸；試了朋友那碗又無喎，可能是不同位置。即烤區就掛了好吸睛的羊架、豬腩肉及菠蘿，即切即烤，香噴噴的好惹味。廚師切好豬腩肉，再在烤爐上過一過火，皮好脆肉仲好juicy；烤菠蘿

人哋話"伏"原來係真嘅！加埋一，要成8舊水，究竟俾d咩我食？！簡直感覺受騙：無蠔食！(得青口仔，無味嘅烚蝦，蟹腳)，熱盤不知所謂，飯得白飯(炒都唔炒下)，竟然有炒麵(平時粥舖嗰種~暈)，西蘭花白烚(獻都唔打個)，白椰菜花又係白烚(無搭其他料炒焗)，意粉只得長通粉撈蕃茄仔和少量茄汁(好似學生哥自家撈嘅質素)，沙律檔又係無啖好食，得一款已調配沙律(係好簡單嘅萍果撈蜜瓜加沙律醬)，無薯仔，無蛋，無青瓜。其他嘢如生菜蕃茄仔粟米粒就自己撈，好聽叫"DIY"吧~ 呢檔只有煙三文魚較好食。只包一杯普通嘢飲(奶茶咖啡檸茶檸水),若想任飲只得一樣：白桃梳打(仲要超孤寒，jar嘢旁邊只放幾隻迷你試味杯仔俾你酙，死未~)一定要講：叉燒超柴(咬一啖已想吐)，條蒸魚一岀就被前面個pk爬曬d肉，得返棚骨，之後就無再refill過!印度咖喱檔，純充撐場面，10個有10個望下就走，根本無人會夾，一望就知唔好食。車仔麵檔又係擺設一樣，無人食。甜品唔講都得，好老土嘅嘅蛋糕呀布甸呀咁。(得個榴蓮蛋糕有濃榴蓮味較特別)刺身檔每次每款只"配給"兩三小件俾人，好在三文魚和帶子刺身都ok好味。手掌般大嘅龍蝦都算ok，但唔係好好味(

因為staycation 的套餐原因，所以能和家長一起到這家尖沙咀凱悅的Cafe吃lunch buffet，這次安排在平日的中午時段去，雖然也有一點人氣，但相對來說人應該比晚餐為少，用餐的環境也較為舒適。這裡自助午餐的供應時段是中午12點到下午2點半，由於本身自己是Hyatt的會員，以前出外旅遊時也常下榻他們品牌旗下的Hotel，也曾體驗各地凱悅的餐飲服務，個人認為他們家的甜品🍮向來水準都有一定的保證，這家職員的服務態度也友善專業，經常會加水及收餐盤，食物選擇的種類也多。熱食方面個人認為他們的咖喱、老火湯、烤豬肉卷及扒類的水準都很不錯，冷盤的長腳蟹和刺身都很新鮮因為剛好是春日主題，因此他們當日有提供櫻花🌸大福、抹茶卷等甜品，另外他們的貓山王榴蓮蛋糕🍰也很受歡迎，榴蓮控可以一試。總的來說我和家長對這次的用餐體驗都感到滿意，大家要是感興趣的話不妨一試哦

自從拍完網上電視節目後，我就像放監般開懷暢食，自此便無再上磅監測體重。直至早幾天做Body Check，發現自己肥了十磅🙈，我好驚呀😨😨😨，惟有吃個自助餐壓一壓驚。尖沙咀的Hyatt Regency有我非常喜愛的活龍蝦、超邪惡的鵝肝多士、脆卜卜的燒乳豬，還有當季的春筍、櫻花甜品等等，高質，已打入本人心目中自助餐五甲位置。一直都覺得尖沙咀凱悅酒店的咖啡廳很有格調，旁邊有很多書架裝飾，配以木做、咖啡色的桌椅，很有書卷味。可持續美國波士頓龍蝦來這裡吃Buffet，每個人的第一目標都必定是這鮮活的波士頓龍蝦。廚師每次會煮熟十數隻龍蝦，然後開邊分發給排隊人龍，為免大家向隅，每人每次只可以拿半隻，但不用擔心，龍蝦的供應是源源不絕的，差不多時間就去排隊就好。龍蝦非常鮮甜彈牙，非雪藏貨色可以比擬，吃時可以加一些泰式辣汁，酸辣的味道更能帶起龍蝦鮮甜的味道。BBQ檔都很吸引，上面吊起了很多美食，如牛肋骨、麵豉烤全雞、菠蘿、豬腩肉等，我喜歡豬腩肉，皮脆肉嫰，有軟糯的油脂；菠蘿經燒烤後份外甜美，亦叫人吃到豎起拇指。這BBQ檔的重點美食，是在19:15開始派發的BB豬，豬肉十分嫰滑，很好吃，夠鐘記得去排隊啦！清

2日一夜Staycationnn, 大幾1000蚊 2/人，包三餐buffet。第一餐buffet就去呢到食，其餘兩餐起酒店既23樓。 環境好靚，有一種平靜既感覺，設計高級，而且有書架牆既設計，十足文青。甜品選擇繁多，有拿破崙類，有Tiramisu，連貓山王蛋糕都有， 同埋即叫即整嘅pancake。鍾意甜品嘅人睇呢度應該就會好開心啦！我最鍾意就係食佢嘅Tiramisu，非常之滑😚海鮮方面，蟹腳同埋蜆都唔新鮮，我同朋友都唔推介。不過吞拿魚同埋三文魚就好肥美！仲有醃製嘅三文魚都🍣好食。另外就有鵝肝醬搽麵包，鵝肝醬上面有啲杞子，第一次見！味道唔錯。熟食方面，極多印度咖喱， 羊肉咖喱最值得推介！仲配埋naan，好味道。黑松露薯蓉，正👍🏻老火湯👍🏻我自己雖然唔係太好肉食，但燒牛肉同埋豬肉都切得好薄。有驚喜！最唔推介就係鐵板燒！好似隔夜咁😂 普通過Donki果啲....有咁多好嘢食嘅buffet就唔好食呢一個啦

想搵一間好食啲，環境又ok 嘅自助餐！見到餐廳啲卡位好似幾好，啲食物相都好似唔錯，就嚟試下！原本無諗住分到卡位，因為太遲訂位，諗住應該都無機會。。點知餐廳分到俾我哋，good!3個人喺一個半私隱情況下，一邊食一邊傾計，非常寫意！食物方面，因為睇過之前啲食評，本來無抱有什麼驚喜！沒想到食過佢份龍蝦之後，一發不可收拾，因為真係好鮮甜！刺身方面都ok,不過不失啦！熱盤少食，無咩留意，但嗰日嘅蕃茄湯，好合我胃口！但最令人回味，係佢個杯仔白桃梳打呀！甜品方面，我個人覺得佢幾ok,多選擇，有今季流行嘅櫻花甜品，有唔係人人受到嘅榴槤蛋糕（我個人好鐘意呢個，因為有榴槤味，但唔會食到令旁邊嘅人受唔住），各種杯仔小甜品，每樣都食到又唔會食厭！總之，有機會會再嚟嘅，因為環境真係好ok 呀！(不過，唔關餐廳事，同層嘅酒店大堂嘅洗手間。。。有點污糟，感覺跟唔上門面！）

除了沒有生蠔外，其他都很滿意！食物味道很好，鵝肝醬好味吖……冷盤、熱食和甜品也很有水準，牛扒一流…………呀～～ 不過中湯和西湯，就差咗少少，不過好少事，我們吃自助餐都唔係主力去飲湯嘅…… 哈哈今次用OPEN RICE 85折，由於限聚令4人，但我們一家5口，在OPEN RICE APP無法改5人 book 位，所以訂座後打電話到酒店，餐廳職員很友善，幫我自動修改人數，讓我們享有優惠之餘，一家人可以在隔離枱享用午餐。

可能做staycation關係，dinner buffet 都可能有好多住客去！我今次係真金白銀，兩位夾埋1200幾，都算幾貴。講番食物，海鮮得蚧腳，螺，虾和青口！虾好一般，味道淡而無味，有d 梅左。蚧都好一般，肉質麻麻，又吾鮮甜。當初以為無蠔，會揼本喺番其他食物，但係錯左有乳豬，但出得一round ，要去爭，呢度扣分。甜品，理應係最吸引，因為見人介紹過，都幾多款cake ，又整得精美。但食完後，發覺好一般，榴連cake ，d cake 完全吾鬆軟。至於拿破崙，完全係林曬既。牛扒羊扒都ok總結：600幾一人，應該有其他更好選擇。