尖沙咀凱悅酒店咖啡廳

之前見網站介紹特厚拿破崙， 因為老公鍾意食就訂左， 上網promotion 238蚊， 我訂左朱古力。1打開個盒，真係有d震撼， 最少4吋厚，每1厚都成吋厚餅。上面仲有好多朱古力捲。1切落去唔會散到周圍都係，仲係實淨。食落去，因為太厚，好難做到每啖都有朱古力cream同餅，成個餅會分開晒，餅又餅食， 朱古力餡又分開食。朱古力餡唔太甜， 食得出朱古力都唔差，係濃度高， 香濃口感都滑溜。個拿破崙size有d太大，2個人真係食3日都食唔完。238蚊係性價比高。