尖沙咀凱悅酒店咖啡廳

由於很久沒吃自助餐，所以選了在這裡用膳，疫情關係，自助取餐變成食客在自助餐桌前，向廚師點選食物，再由廚師拿給你。。。 😋海鮮拼盤 - 長腳蟹海水味很重，所以鹹得有道理，藍貝一般，凍蝦彈牙，翡翠螺很厚肉 😋海鮮丼及壽司拼盤 - 海鮮類由廚師製作好之後，再由侍應送到客人的餐桌，以往吃自助餐只吃很少澱粉質的在下，面對大量的飯食真的有點惆悵，最後吃剩不少壽司飯😂 😋烤茄子拌乳酪鷹嘴豆 - 其實這個配搭很吸引，但食味卻一般 😋巴馬火腿配蜜瓜 - 火腿鈉重，蜜瓜味淡 😋自製肝醬 - 豐腴的肝醬混著甜甜的杏脯醬，配著微脆的麵包同吃，簡單卻美味 😋烤豬肉卷 - 點選後，廚師在呈圓柱體的豬肉卷切成薄片放上火爐上加熱，此舉令外皮很鬆脆，皮下如車胎般厚的脂肪層切掉沒吃，不過謝謝她的油脂充裕，故此瘦肉部分很嫩口 😋咖喱羊及青豆燴飯 - 咖喱不太辣，羊肉帶點點羶香很得吾❤️，印度長米很乾身，淨吃已很好，拌入咖喱同吃更一流 😋榴槤卷 - 面層的忌廉噴成榴槤殼造型，鬆軟的蛋糕裏著榴槤味忌廉，很軟滑但香氣不足 😋紅豆抹茶卷 - 抹茶味極微，紅豆味較重，甜度亦高 😋百花魁蟠桃果 - 看到名字已想起兒時很喜歡吃這款澳門特產

今天和媽媽在尖沙咀凱悅酒店咖啡廳慶祝生日，剛巧又是一年一度萬聖節，餐廳佈置精美。這是我們第一次嘗試這所酒店餐廳，感覺良好。酒店地點位於尖沙咀，交通方便，附近商場又多又靚，心情舒暢。整體感覺：食物質素尤其是甜品，朱古力濃，芝士蛋糕好味，用料優質。服務好收碟時間快，服務員態度主動，另外我走近食物櫃台，廚師又會親切地問我有什麼想食，會立刻查問及跟進。環境優美剛好有萬聖節南瓜裝飾。座位舒適 寬敞，和其他客人也有適當的距離。衛生食物一般放在玻璃櫃，凍食沒有暴露在空氣之中。期待有新的主題，能和家人再次光臨

2020年10月31日，为了纪念十月份以及几个重要纪念日，和朋友来尖沙咀凯悦吃自助晚餐。提前订座85折。挺意外看到满座，疫情下人还这么多。食物种类多，基本都有：烧烤、冷盘火腿芝士、中式菜肴、鹅肝、日式炸物、印度咖喱、刺身、冻海鲜、意面披萨、甜品。龙虾限量供应，一人一只，质素ok。中式炖汤火候掌握得非常好，可以说是在外面餐厅喝到过最好的汤了。甜品制作很有心，精美，干净，种类多。没有冷饮，但服务生会及时倒水，迟一点会送上一壶茶水。服务员收盘很及时。总体非常满意的，会推荐朋友来试一试。希望可以有更多有新意有特色的食物。

好耐之前已經聽過朋友說尖沙咀凱悅酒店自助餐非常高質素，特別是晚上自助餐，任食即煮新鮮龍蝦。所以今日決定先試一試午市自助餐。果然冇令我失望，不論是環境或是食物質素都是非常有特色及質素高水平。特別介紹幾款我覺得是其他酒店少有的菜式：即切pama Ham，跟出邊食嘅非常不同，廚師會即時再整條火腿上切片，旁邊奉上香甜哈密瓜，質素配合是其他酒店不能比的。新鮮即炸天婦羅，普遍酒店的炸物是一早炸定的，但這裏的天婦羅蝦或蔬菜都是即點即炸，非常新鮮。最後一定要說這裏的甜品，真的非常高質素，款式也非常的多：其中包括榴槤蛋糕及多款卷物蛋糕。總結午市自助餐性價比非常高，星期一至五成人每位$350連加一

呢間野d野食幾好食，雖然款式唔太多但比起其他嘅lunch buffet算係咁，價錢都唔算貴依家上網book仲有八五折，最正係d甜品比起其他酒店呢度算係多甜品，d甜品仲要唔錯.另外就係員工d服務都好好，d人都nice

入住凱悅酒店優惠，包咖啡廳出品的雙人午餐，在客房享用👏🏼 ，我們選了海南雞飯套餐🐔🥢🔰蘿蔔清雞湯，不錯，湯裏有數粒小丁方白蘿蔔🔰海南雞，雞的份量出乎意料的多，當中有雞髀肉和雞胸，髀肉當然嫩滑，但雞胸也不太嚡，可接受的質量。份量多，吃得很開心🥳🔰菜心，青綠質淋，合我心意🔰芒果布甸，這個更出乎意料的好味，是鮮甜芒果肉，肉多且大粒，用大碗盛載，非常大滿足油飯沒有影，但一定要說說，飯粒超硬，很差👎🏼，我邊吃飯邊飲湯，才可將飯吞下🖌總括而言，整個套餐不錯，很大方的份量多，讓人吃得高興

每個人對自助餐嘅喜愛都唔同，有啲人特別注重甜品嘅種類，有啲人又會希望有多啲熟食; 而我，就對海鮮非常重視！最理想就係有齊即開生蠔、龍蝦、長腳蟹等等。已經有一段時間冇去過凱悅酒店咖啡廳食自助餐，可能都有一、兩年嘅事... 曾經我都幾欣賞佢哋，雖然冇生蠔，但係有新鮮即煮嘅龍蝦任食！係任食！ 普遍酒店自助餐嘅龍蝦都係急凍嘅，新鮮即煮真係好難得，亦都係好好味！近期staycation流行，本來我同朋友只係打算食自助餐，但每人加多三百幾蚊就可以住埋房，所以我哋都揀咗呢間酒店，諗住可以好好咁食龍蝦！但原來酒店已經改咗政策，每人只有一隻龍蝦，可以揀芝士焗、蒜蓉蒸或者燒。聽到之後簡直覺得晴天霹靂！好失望！海鮮方面，可以任食嘅只有長腳蟹、翡翠螺同青口。刺身方面只有幾款，中後段師傅先拎少少帶子刺身出嚟，整體來講都唔係好吸引。熟食嘅款式亦都唔算太多，全場可能係甜品方面比較吸引，可惜我唔太喜歡食甜品。飲品方面，現場有水蜜桃梳打，不過唔好飲。另外仲有椰子沙冰、乳酪沙冰。感覺有啲奇怪 每位包一杯餐茶，加$78 可以任飲果汁汽水，加 $98 就可以任飲紅白酒。睇其他食評有人話自助晚餐抵食，講真，凱悅酒店咖啡廳嘅自

難得爸爸早上有時間.決定同爸爸吃buffet.睇咗好多間酒店.最後決定哩間.打電話過去預訂的時候.接線生好好態度咁話我知點樣訂可以有5折.本身都猶豫緊.這個態度令我決定這間.食物也不錯.下次會再來..

由於很久都沒有吃自助餐,懷着期待的心情去吃,想不到吃完之後感到失望.由於牛肉預先己燒好並且有些地方己有燒焦情況，師傅切了一片再放在烤爐燒多一下，變了更加焦黑，咖喱食物可能預備得比較小，又要放在電爐上恆溫，變得又乾又硬，最失望那杯㗎啡，又淡又無味，連茶餐廳都不如，日本魚生只準備了甜點用的碟給你，好像規定只限3件，變成每樣食物都係3件，由於碟細，所以如要多些，就得要2隻碟.喪好鵝肝還有水準，放了杏脯在上面，減了那飽滯感覺.不過整體而言.都是失望.不會再去

人大咗，食自助餐嘅動力變得越來越細，因為食時容易瘦時難，於是越食越精，情願每樣試少少，唔好見一樣嘢好食就拎幾round 打爆個胃。中式點心粉麵等周街可見嘅嘢更加唔會浪費quota。今次食完後，發覺香港酒店早餐水準其實好高，選擇非常多元化，真係美食天堂。第一round 嘅健康之選，有用梨同青蘋果刨絲做基底嘅yogurt 加上各式乾果，清新美味。旁邊嘅青汁健康清爽，為接下落嚟嘅食物清清腸胃。點都要食啲西式早餐，以上全部都好高水準，尤其係豬肉腸口感紮實有肉香，未曾喺街外食過。呢個係即整嘅和風三文魚奄列，將蛋漿做成圓形狀後放上三文魚粒同大阪燒配料，好特別。炒蛋綿滑香濃，旁邊嘅熱情果多汁而清新，而小紅蘿蔔亦爽脆甜美，好啱襯牛油果醬。雞肉腸就味道曖昧，比較失色。餐廳10點last order，一於攞晒想試嘅嘢。Pancake 同 waffle 都好好味，右下嘅ham 咸香同肉香兼備，配上印度咖喱嘅 Sour Cream 出奇合拍。其餘French Toast 外脆內軟，小杯裝嘅布丁同特飲全部都好好飲。整體黎講，呢度樣樣嘢都好好食。下次返嚟應該都會每樣食啲。

自助晚餐低食又不錯，選擇也多，冷盤：長腳蟹、翡翠螺、青口、蝦、刺身，非常新鮮，還有厚厚的肝鵝多士，另外每人送一隻龍蝦，廣東燒味也好食，由其是白切雞，好滑，BBQ有燒波蘿、燒牛肉...也有日式燒餅，但最欣賞是卷蛋甜品，不太甜，鬆軟，多樣化、創新，配搭不錯

第一次到凱悅酒店食Lunch Buffet, 經Openrice 訂位有85折, 大約$302, 價錢合理該酒店員工服務態度十分好, 原本坐近窗口位, 冷氣大, 於是要求侍應調位, 她立刻幫我們調位到卡位, 很貼心,另外, 其他廚師員工態度十分有善, 無論是燒味部叔叔, 又或者熱食廚師, 而甜品部廚師更詳細地介紹各種甜品口味, 十分細心, 甜品亦好好食收碟亦很快速, 環境寧靜, 合適與朋友聚餐

酒店嘅staycation package , 第二朝我地就落咗去食自助早餐，平時對morning buffet都無咩期望，但呢到真係有好多選擇😍有齊中式、日式同西式野食架！中式黎講最鍾意炸饅頭同豉油王炒麵😆煙三文魚、薯餅都唔錯😋仲有廚師負責整大阪燒三文魚，呢個都幾特別👍 蛋控可以去西式corner整隻蛋～ 我就食左poached egg😋🥚 每人包一杯咖啡或茶，如果想飲果汁嘅話都可以出去斟～ 當日有西柚汁、橙汁等，有晒基本野之餘仲有啲特別野食，真係好豐富🥰!

只限一杯飲品唔該事前講清楚，等我行去咖啡機預備斟嘅時候就俾個waiter截住，仲要拎走我個咖啡杯，場景超尷尬，俾錢消費但搞到我好似做錯嘢咁！食物牌又放得衰，一個牌一次過寫哂幾款食物，都唔知邊款打邊款。有個食物牌寫住原隻燒菠蘿，又真係見到有兩個原隻菠蘿，但問到先話無原隻，只可以切片，但又唔係喺已經燒好嘅菠蘿度切俾我，而係另外燒幾塊切片菠蘿就算！酒店唔該自己做好本份，唔好將製造誤會嘅責任推俾個客啦！有啲食物唔俾個客自己搞，就唔該棟個牌出嚟寫清楚，好似雪糕咁，要我自己主動去問，個職員望咗我一眼但就扮聽唔到，要我問第二次先答！同樣係Hyatt，北角同大埔價錢大眾化但服務就好好多，呢間不知所謂！

呢間兩年前食過lunch buffet，當時選擇唔多 ，不過環境幾好服務都ok！上次有七折 ！今次 有75折， 不過整體嚟講比上次好. 主菜就一般但係今次個甜品好有驚喜。熟食部分都有啲小驚喜嘅， 有台灣牛肉麵同大阪燒呢啲新嘢 味道就唔算太突出，不過勝在有啲新嘢！甜品多咗好多選擇，有好多唔同味道嘅瑞士同 仲有好多種唔同嘅蛋糕 仲有haagen dazs雪糕，泰式芒果椰汁糯米飯。 所以依家最出色係甜品其實原本考慮去食牛陣，但係牛陣個價錢同呢個都差唔多！openrice七五折埋單每人270 已經加咗 十個percent charge 所以依個價錢， 性價比算ok，食甜品都抵呀。 牛陣 除咗牛肉都冇其他嘢好食