尖沙咀凱悅酒店咖啡廳

星期一晚七點半到，見到冇乜人，入到去坐低。四人限聚令之下，給了一張六人圓枱，坐得幾舒服。待應都係五星級酒店的水準。出去睇吓食物。。。大件事，凍海鮮有蟹腳，凍蝦，螺同埋青口。樣樣都攞咗D，正常冇乜特別。再行個圈，沙律菜選擇很少，只有羅馬生菜。再行吓，咖哩有幾款，但每一款都已經冇晒，得返D汁，到九點幾走嘅時候都係添加過。算喇，睇吓中式熱盤。菜乾豬肺湯夠熱，燒味冇試過，但睇樣都係燒臘飯店之下嘅質素。其他嘅中式熱盤就係炒菜，炒飯/面，煮牛肉，但係好普通嘅蒸魚就冇。再睇吓西式，燒牛肉/羊架出準以上，有些少伴菜，Pizza同焗蠔見個樣麻麻，當睇佢地唔到。魚生有五種，三文魚，吞拿魚， 油甘魚，𩶘魚，同埋帶子，正常冇特別。之後已經係甜品。由於唔係甜品愛好者，所以都係攞D切咗粒嘅生果。當日係西瓜同菠蘿。埋單折咗之後每人六百幾。咁嘅價錢可以去對面鹿鳴春食得好開心好豐富。而家咁嘅市道，本應做好一點，留住客人，到個市好返就再衝刺。但係，對唔住，我應該唔會再去。

今個星期二難得weekday放假，屋企人網上訂左買3送1嘅套票，可以享受性價比高嘅一個lunch buffet。整體黎講很不錯，食物款式夠多，西式熱食、中式燒味甚至印度咖喱都係唔錯嘅選擇，唯一唔夠嘅係沙律，款式頗少。食完主菜後，先發覺自己唔記得留肚食甜品 。甜品係我最推介嘅食品，款式多，品質高，而且大部分係放甜品櫃，有專人拎俾你，衛生又貼心。甜品櫃入面機乎每款都吸引，細細件cheese cake, chocolate puff 很不錯，不過講最推介，一定要食拿破倫，超讚！其實櫃入面仲有好多唔同種類嘅roll cake可以叫佢砌俾你, 另外一個凍櫃可以自取細細杯甜品，我就試左Tiramisu, 仲有即叫即製嘅crepe同waffle, 配埋雪糕，甚本上圍住個甜品區都可以唔駛點食其他野由於係weekday, 唔多人，座位很寬敞，環境舒適。店內嘅員工服務態度都非常好！不過餐飲只有一杯冇得任飲，呢個係唯一我會扣分嘅地方。第一次黎呢間食，整體滿意

朋友話之前食過呢間有得任食即撈白灼龍蝦，好抵食同好好食所以就同我去試下。因為佢要7點先出到泥所以就7點先入座。入到去已經覺得好似冇咩野食咁，第一round就出去拎凍海鮮，真係估佢唔到。去到得4樣凍海鮮，青口凍、凍蝦、翡翠螺同埋長腳蟹，完~唔講以為食緊lunch buffet，連生蠔都冇！去之前心想而家冇左龍蝦，佢收得差唔多$700點都會多小小海鮮，最基本都會有蠔....啲海鮮感覺唔係太新鮮，青口食落鮮甜係幾好。蝦冇咩特別，個長腳蟹都ok但個殼啲黑黑地同啲霉咁。最神奇係個翡翠螺，竟然自動脫殼同有一隻係冇肉，唔會用環保殼掛食緊侍應姐姐就話一人送一隻龍蝦，問我地要咩煮法，我地揀左薑蔥炒同芝士。味道都唔錯同夠熱，龍蝦肉都好彈牙鮮甜，但芝士果個醬仲多過肉咁。去到刺身位，有三文魚吞拿魚帆立貝魷魚同𩶘魚。冇要吞拿魚因為顏色暗啞，驚會霉同腥。三文魚帆立貝同魷魚正常冇特別。𩶘魚好難食，唔新鮮有陣霉味。其實仲有少少壽司，但因為要師傅拎同埋俾個魚生櫃檔住，食完走果時見到成兜冇郁過。唔知係我睇唔到定佢冇拎出來，另一樣基本自助餐食物燒牛肉都唔覺有。燒味煮粉呢啲基本野都有，冇野好食就食熟食啦。第一次食自助餐食勻差

朋友生日，book 左呢間食dinner buffet。以前晚餐一直都有即煮龍蝦任食，覺得好新鮮同好抵食。今次發現變左每位一隻龍蝦，以$700一位黎講已經講野麻麻地值，本來以為佢有其他野食可以搭夠。海鮮就係得呢幾款個螺係離哂殼，好似烚完再擺返落個殼度咁，仲要有d 殼入面係冇肉。後面個乳豬，師傅係咁叫我地快d 攞，話好特別，原來係特別普通。跟著再食刺身。帶子，墨魚，同埋一隻似䲞魚既魚，係又霉又唔新鮮。食落仲有陣up 味。其他熟食，大部份都冇refill水煮魚，得返一盤辣椒油幾款咖哩，得一盤盤既汁同幾粒肉咁唯有食鵝肝啦，點知係又凍又乾究竟我食左乜野好喇同餐廳講過想要個生日牌以為係一件蛋糕仔再喺碟寫幾隻字好簡單果隻我已經好心滿意足原來係成個生日蛋糕黎兩個人食成個蛋糕都算但個蛋糕忌廉仲衰過我自己擠果d🤡雖然浪費食物，但我真係驚打直入去食完打橫出返黎呢個價錢食到咁既質素我完全覺得被騙

特別的節日，愛人給我一個藉口吃好一點。好一點除了是食物質素外， 環境也好大關係牛肝菌忌廉湯酒店級水準的 牛肝菌 忌廉湯 ,滑溜，幼細，香濃。 是我們飲過最好味的 牛肝菌湯澳洲安格斯西冷扒肉汁味濃，配上一個焗蒜頭，酒店價錢可以接受。最欣賞是配菜可以自已揀沙律，炒雜菜， 忌廉薯蓉, 烤粟米, 焗椰菜花等等。海南雞飯一睇賣相已經知道誠意可嘉 ,雞件滑溜 ,醬料齊備。特別一提餐廳有鮮果汁供應，連平常地方小有又是我最愛的西瓜汁也有提供呢！

今次去左尖沙咀凱悅酒店食下午茶自助餐, 雖然食物種類吾算多, 但各樣都水準都中上, 甜品係重點推介, 門口有好幾款卷蛋糕非常吸引, 推介一款榴蓮味道, 真係非常非常好食, 千其吾好錯過, 有款生果又係必食, 就係番荔枝(釋迦), 吾係到到都有得食, 重有重有, 雪櫃裡有一杯杯的楊枝甘露又係好出色, 老公話飽到上心口都要整多兩杯。。拿破倫, 旦散, 即整Pancake, 即整Waffles等等都幾好味, 熱食方面, 我就最鐘意佢嘅老火湯, 今次係蓮藕豬脷豬手湯, 連我奶奶都話好夠火候, 味道一流, 最後就係酒店名物海南雞飯, 雞整得好淋滑, 佢個飯好好味, 所以千其吾好走飯, 食過就知係絕配, 吾怪之得係酒店名牌, 今次係 openrice 提早訂位有八折優惠, WoW, 地點又就腳, 正呀!!

今天放假，隨便book想食個lunch buffet ，去到行個行左個圈，食物選擇唔多，諗住係lunch冇乜所謂，一開始梗係試刺身先啦，完全唔得，唔新鮮，見有南亞裔廚師，諗住咖哩冇衰啦，點知完全冇味，食材又唔得，再試埋西冷，簡直垃圾，之後決定埋單落街食碗麵算數，真係請都唔會再去，唔相信係lunch關係先差，我估計晚餐都唔會好得去邊，如果有心想lunch buffet,真心推薦唔好去呢間，三百幾蚊一個人，我相信會有其他好多好選擇

疫情之下無左晚市堂食，忍得好辛苦!!加埋旁邊佐敦區封艇，唔多唔少有D擔心。好早之前book jor，無謂改期，掃興，開心分享吓今次食左D乜冬冬下午茶食物選擇唔多。海鮮熱盤都無乜選擇，海鮮ar刺身只係做吓樣。熱盤我會建議食吓佢嘅特色鹹批同威靈頓雞批，足料好食。今日佢個中湯係青紅蘿白粟米湯，都OK鮮甜。甜品一向都係下午茶重點，小弟推介Tiramisu，細細杯，酒味夠濃。自家即制pancake試左朱古力香蕉，個cream有少少太甜。蛋糕款式唔太多，今次主題係特別口味蛋卷，芒果蛋糕有D失望，太酸啦，酸到成個人彈起。我比較鐘意士多啤梨忌廉，傳統少少嘅口味。同灣仔果間Hyatt比較，灣仔果間檔次較高，甜品一食就知，始終一分錢，一分貨。

可能因為去過幾次同一集團嘅Hyatt Centric食自助早餐，心入面自然同呢度有比較今日七點嚟到食早餐，人比較少，可能因為咁所以嘢食唔係特別新鮮，選擇都唔多煙肉唔太脆，薯餅凍凍地較為好食嘅有煙三文魚，奄列同埋雞粥其實整體來講ok但我覺得可以做得更好

食物中規中矩普普通通, 但環境舒適，服務周到。 有新鮮果汁供應 ， 西柚汁，西瓜汁，橙汁， 源源不絕。 炸煙肉 太脆口，麻麻地好食， 仲有幾款亞麻籽做嘅 乳酪。 最難食應該係油炸鬼 硬掘掘。

聖誕節近在眼前，最具節日氣氛之一的美食，想必聖誕自助餐一定榜上有名，今年就來到尖沙咀凱悅酒店Hyatt Regency 吃了一頓豐盛的聖誕lunch buffet，提前慶祝佳節 ，於Openrice book 枱有八五折優惠，連加一後人均收費$321.1。臨近聖誕節亦有不少佈置裝飾，感受濃濃節日氛圍。餐廳歐陸式裝修甚有格調，內裡環境寬敞，極高樓底充滿空間感，座位之間不會排得太擠，店員勤快收碟執拾，坐得舒服自在。始終是午市自助餐，凍海鮮款式亦不多，只有蟹腳、鮮蝦，鮮蜆及青口四款。蟹腳亦是屬於比較幼身那種，不過來貨亦算新鮮，爽彈蟹肉雪白細膩，絲絲分明。即切肉類有慢燒原條西冷牛扒、火雞、烤原隻菠蘿和烤香草豬肉卷。吃聖誕大餐當然要有火雞當主角，才夠應節盡興，難得的是肉質不乾不柴，保留鮮美肉汁，菠蘿都是即叫即燒，蒸發了生果中的水分，令酸甜天然果香更加突出。西式熱盤有盲鰽魚、煎鴨胸、海鮮忌廉螺絲粉等等，值得一讚的是熱盤放出來都是小份量供應，所以廚師全程忙於即煮以作添補，因此食物較易保持剛剛煮好的熱度。平時吃buffet 通常都會嫌pizza 太飽而略過 但這裡的pizza 竟然有意外驚喜，餅底的

趕在禁制令生效前，去左凱悅酒店咖啡廳食buffet😋入座時，侍應表示每人都會獲贈龍蝦乙隻，仲可以點焗蒸燒弄法。我們點了芝士焗龍蝦同蒜蓉蒸龍蝦，2個煮法都好好食，保持龍蝦鮮甜😋可能因為係咖啡廳關係，前菜，刺身，主食，小食都不算多款。我覺得比較好食有鵝肝多士，蒜蓉蒸蠔，大板燒😝最吸引都係甜品🧁🍰一入門口就見到好多款蛋卷，我最中意係貓山王榴槤味同櫻桃開心果仁味🥰超好食，必食😋還有細細件甜品，拿破崙，千層蛋糕，朱古力泡芙都很好食😎跟住有4，5款雪糕，有班戟，窩夫，小杯楊枝甘露，tiramisu🤟🏻蛋卷可以買返去食，所以我買了2款返公司同同事分享👍🏻粟子卷同櫻桃開心果果仁卷🥰個個都說很好食😋#HyattRegency #凱悅酒店 #凱悅咖啡廳 #文迪生活 #文迪飲食 #鎖定openrice食評 #訂閱頻道

星期五放假一天，就去食餐好啦，自助午餐係個不錯選擇，揀咗尖沙咀凱悅酒店，因為一來有優惠，二來睇過其他食評吾錯，加上環境幾好，所以揀佢。自助餐供應時間係十二點至兩點半，啱晒放假慢食輕鬆一下。環境食物質素合乎預期，服務亦好。以優惠價折實302蚊－位，係好合理。食品中，各類魚生同凍蟹腳係新鮮嘅， 而即燒嘅扒類，有羊架同牛肉眼亦好好食， 中式方面， 燒味加上燉湯都係唔錯嘅選擇。 整體我會畀呢個自助餐有80分。 不足之處，係大約1:30pm左右就不再見補充食物，呢點就要扣分喇。

尖沙咀凱悅下午茶,真心推介,服務非常好,師傅好helpful 👍,服務員有禮貌👍,場內坐位枱與枱分隔足夠距離,食得放心,冷盤方面有凍蝦同青口，刺身有三文魚，鯛魚同魷魚，味道正常有鮮味，厚度適中，其他熱食有即煎餃子，炒飯，咖喱，薯條等，其實我主要食甜品，所以無試好多款，我有試嘅水準都ok ,特別讚賞甜品好好味,款式好多,我太飽無試晒咁多樣,雪糕有六款，我估係h字頭，我無食到，海南雞激讚👍👍👍，師傅見我吾要飯仲問我鍾意食咩位即斬俾我食，好貼心，甜品部叔叔亦非常好，下午茶折左二百八十左右，性價比好高👍😊係我暫時食過最好味下午茶自助餐❤❤❤

今日人不多，Lunch buffet 折後兩大兩小才$906算抵食。甜品唔錯，其他熱食選擇不多，但一般有的都有，燒味、咖喱、壽司、牛扒、pasta⋯⋯小朋友吃得開心，會再來。