小曼谷泰國美食 (教育路) (已結業)

這一間小曼谷泰國美食位於元朗教育路，現在都可以食到道地菜色，而呢一間係食泰國菜嘅店舖.海鮮孖寶 $218牛油蒜蓉燒大聖子皇(3隻)牛油蒜蓉烤青口(半打)呢兩款大煙子皇/青口賣相當之吸引😲，睇見都流哂口水，面上擺放不同嘅配料增添味道😙，而去嘅聖子皇超大隻口感煙韌味道都好鮮味😋，青口肉質都好嫰口味道都好鮮甜😋!.椰汁雞湯 $82呢一窩雞湯好香椰汁味😙，奶白色都好吸引😮都好相飲🤔，飲到入口好香好滑口味道相當之唔錯😋又帶有雞香味😙，尤其是佢嘅雞份量非常足料!.泰式鮮蝦炒金邊粉 $79呢碟金邊粉望著都幾好🤔，佢嘅金邊粉食到入口感覺都軟滑，而味道都唔錯😋，D鮮蝦都好爽口彈牙味道都好鮮!.黃咖哩雞肉 $90呢一窩黄咖哩雞肉好香咖哩味😙佢嘅黃咖哩十分之濃郁，而佢嘅雞肉味道十足，沾滿黄咖哩令到雞肉更加好味😋，雞肉肉質嫩滑又有咬口!.泰式燒原隻鮮魷 $116呢碟鮮魷大大條真係睇得吓😲，佢嘅賣相十分之吸引😍，真係睇得又食得，食到入口口感煙韌，味道都好鮮味😋!.泰式炸春卷 $76金黃鬆脆嘅外皮😮，十分之吸引，望著就想食🤔，春卷包住豐富嘅配料，食到入口味道十足😋都好有口感!.珍多冰 $35呢杯珍多冰賣相都幾好🤔

元朗教育路一帶是美食雲集的地方，整條街也是食肆，這次就去了其中一家吃東西🙈。這次去了一家吃泰國菜的小店，店舖環境不算很大，環境舒適涼快。以掃碼方式下單挺方便的，食物選擇有很多😆。-💥椰汁雞湯 HKD$82，這個湯味道很香，而且用料挺多的🙈。雞湯用了小爐子裝著，飲的時候熱辣辣。材料有雞肉、秀珍菇、香茅、青檸及檸檬等。雞湯味道鮮味，椰汁味道香濃，雞肉肉質嫰滑😚。-💥海鮮孖寶 HKD$218，這個可以選擇兩款海鮮，我們選擇了牛油蒜蓉燒大蟶子皇和牛油蒜蓉烤青口。用牛油和蒜蓉做出來的海鮮味很香，提升了海鮮的鮮味🙈。蟶子和青口肉質鮮甜，很快就吃清光了😆。-💥黃咖喱雞肉 HKD$90，這個咖喱味道很香，材料有雞肉、青紅椒、洋蔥及薯仔。雞肉肉質煙韌入味，薯仔口感腍身。咖喱味道濃郁，用來拌飯挺好的🤩。-💥泰式燒原隻鮮魷 HKD$116，鮮魷大大隻，而且預先切開挺方便吃的☺。鮮魷口感煙韌，帶點焦香味🙈。另有酸辣汁拌著吃，令到味道更香口。-💥泰式鮮蝦炒金邊粉 HKD$79，這個份量挺多的，用了蝦肉、芽菜、香茅及花生碎製成。蝦肉大隻肉質爽口，金邊粉質地剛好。味道帶點甜味，另有其他配料口感豐富。-飲品點了珍多冰

個日放工十萬個攰加頹mode男朋友問岀唔岀街打死都話岀 有人陪食好西緊係gogogo然後兩條友唔知食乜好佢話想食泰菜 我第一時間就諗起小曼谷呢間黃店之前已經同frd食左次對佢個黃咖哩軟殻蟹法包念念不忘今次再訪都係嗌左- 黃咖哩軟殻蟹法包炸到酥脆既軟殻蟹加埋配料有青椒 洋蔥既濃郁黃咖哩裝係一個外少脆內軟既法包碗入面軟軟既白麵包吸曬啲咖哩汁🤤🤤 放入口直頭係guilty pleasure💋- 小曼谷炒飯之前都係俾張圖吸引左 同埋貪佢配料夠豐富就嗌左 結果係幾好食既~ 今次都嗌左黎到係嫩嫩蛋包 包住豐富炒飯配料有爽口大蝦仁 蟹柳粒 扎肉粒 洋蔥粒 豬頸肉粒同蛋花🤯 唯獨是個底有啲油 唔影響佢既美味程度🤪- 鐵板豬頸肉炒椰菜苗上次食冇曬椰菜苗 男朋友又想食菜就嗌左係用馬拉盞調味炒既鐵板小菜黎到啫啫聲 條女實唔會炸型啊🤓香口惹味 個底偏油 怕油可以食番沙律上次嗌左都好好味架 夠辣夠曬泰！🤩個日放工十萬個攰加頹男朋友問岀唔岀街打死都話岀 有人陪食好西緊係gogogo然後兩條友唔知食乜好佢話想食泰菜 我第一時間就諗起小曼谷

九龍城、屯門「小曼谷」好出名，冇去過九龍城個間，屯門分店成日排長龍。之前同屋企人元朗食飯慶祝，經過見到元朗都開咗「小曼谷」，又唔多人排（唔知質素有冇參差），不過我地都有預先訂位。性價比幾高，6個人$8xx，而且冇就住食，食到好飽味道方面中上，未至於非常突出，但係可以日常再食其中一樣我最喜愛嘅泰菜：生菜包豬肉份量唔算多，尤其我地6個人分不過生菜唔夠可以叫佢refill架～全部食物都叫咗最少程度嘅辣少少辣惹味，又唔會過辣！除咗個冬蔭公湯：大嘅for 6人剛剛好，一人一碗左右呢個湯係我地一致認為當晚最辣嘅item！大家都不約而同叫「好辣呀～」湯好似冇得揀辣度相比之下，泰式鳳爪唔算辣，剛剛好呀！又帶點令人開胃嘅酸味♥️馬拉盞通菜 - 出街最鍾意食呢碟菜但係當我發現我未食菜時，碟上已經得返數條🤣🤣 印象中嘅味道都係同其他地方差唔多，不過份量可以多啲，或者話6個人食呢間啲份量可能唔夠！不過都唔係碟碟嘅，大嘅冬陰公湯剛剛好分到比6個人，另外就係呢碟咖喱麵包軟殼蟹，超級大份！6個人分完都有餘！講真，我唔想食咁份包😂 泰式咖喱冇咩辣味，軟殼蟹唔夠脆，不過父母少食，帶佢哋食下！佢哋仲話食到蟹膏 - whic

而家元朗要食飯嘅選擇真係十分之多，商場內就有好多款式，但多人要等位，行返出來選擇都多，行過教育路見到佢，之前在九龍城必食嘅泰式口味，咁因信心之選，不用考慮入去了！餐牌唔算大，門口一入就係燒烤嘅位置，直入就有位座下，落單都係用qr code 落單，望望都係一定要嘅泰式柚子大蝦沙律，柚子多汁加埋香脆花生同椰絲，加埋大大隻彈牙嘅大蝦，作為前菜就係一個開胃醒神嘅選擇！當然串燒亦係這裡嘅推介，散點了泰式臘腸沙嗲串燒，燒得十分香口，面脆內軟，咬開臘腸嘅油脂在口中爆開，點埋個沙嗲汁入口味道更濃郁！還有珍寶腸沙嗲串燒，大大條燒，外脆肉質彈牙，最緊要價錢抵食；還有雞全翼沙嗲串燒，大大隻之餘燒得剛剛好，上面塗滿了蜜糖，燒得好香！除了串燒外，蟹肉雞絲魚肚羮亦十分出色，平時就會點冬陰功，但今晚想轉下口味，這個選擇真係十分滿足，內有大量魚肚、羮內還有蟹肉同雞絲，加埋冬菇片夠晒足料，味道夠晒濃郁。今晚主角泰皇咖喱法包軟殼蟹，烘得十分香脆嘅法包內裡放滿香濃咖喱，旁邊放了炸得十分香脆嘅原隻軟殼蟹，大大隻切件，浸一浸在香濃咖喱內食味道更加吸引！而個香脆法包沾滿了咖喱汁後味道亦十分配合！今晚真係十分滿足，價錢相宜抵食！

唔講唔知呢間小曼谷原來係九龍城好出名嗰間嘅分店。實在有太多餐廳以「小曼谷」開頭好難分辨。聞到隔離枱好香嘅冬陰功，即刻要點！聞到冬陰功嘅味就諗起喺泰國嘅回憶。味道上，少辣剛剛好，符合香港人口味。湯料有原隻大虎蝦，菇等等。泰式醃豬頸肉沙律，豬頸肉多過菜，正！豬頸肉烤過，邊位仲少少脆多滋味。仲有必食嘅蒜蓉包，面頭有好多蒜蓉，作為重口味人士我係鍾意蒜味，好彩朋友都係姐。原本都諗住叫咖喱，不過而家2個人食唔曬就冇叫，所以蒜蓉包就配冬陰功食。泰式拼盤有春卷、蝦餅、魚餅同雞棗，一次過可以滿足多個願望。蝦餅爽口彈牙。魚餅內有唔同香料，好惹味，一食就會知係泰國嘅味道。春卷香脆。比較少見係雞棗，就係細細粒嗰舊炸物。雞棗係指將雞肉及雞軟骨剁碎成膠，配上杏仁碎係面，再炸。食落口感幾特別首先係食到杏仁嘅脆口，之後就係內裏嘅雞肉膠。串燒有牛舌、雞肉。肉類燒得外脆內嫩。本身有用香料調味，單食唔點醬都好入味。牛舌最忌係煮得韌，呢到唔會。飲品叫咗沙冰，分別係芒果椰汁沙冰同埋椰皇沙冰。芒果味重之後就有椰汁味，係解渴解辣佳品。椰皇沙冰就比較清甜。食得飽飽，重拾係泰國嘅記憶，同樣一邊吹水一邊食嘢嘅時間。

泰國菜真係無論幾時講起都係咁吸引，係元朗開咗嘅年幾兩年嘅小曼國泰國美食一向都係我嘅固定泰菜餐廳！必點炭燒豬頸肉！🤩🤩🤩好少係街食到真正有炭燒味嘅豬頸肉，通常都好乾身，靠啲醬料調味，但呢度嘅豬頸肉真係驚為天人，有炭燒味，勁多肉汁、仲有勁大份！😳😳 必點！黃咖哩牛腩 + 蒜蓉包呢個配搭都係無死，咖哩椰奶味濃，偏甜，啱哂我口味！份量極足，好多牛腩🤩🤩蒜蓉包香得黎唔會太硬太乾，絕對唔係放咗好耐嘅包😜馬拉盞炒通菜勁好味，好有鍋氣！超鍾意❤️ 通菜唔老，調味惹味，正！絕對係我食過嘅馬拉盞炒通菜前三名海南雞相對之下海南雞就係平均水準啦，可能係隻雞瘦咗啲。不過醬汁超正！椰皇沙冰呢杯野都極推薦😋😋😋一飲就知係真材實料用新鮮椰皇打出黎！正！

泰皇咖哩炒海鮮(少辣)有青口、大蝦、蜆等海鮮，咖哩味道濃郁，配上薄餅，真的不錯。泰式海鮮炒飯有不少魷魚，飯亦炒得粒粒分明，唯一的美中不足是味道偏淡，亦有可能是泰皇咖哩真的太野味了，其他味道都蓋住了。雞軟骨、珍寶腸、豬肉、牛肉、雞肉沙嗲串燒，沙嗲醬以花生醬作底，味道甜甜的，配上串燒，濃郁而不膩口，真係一啖接一啖。黃咖哩雞肉黄咖哩是甜口的，滿滿椰漿的味道，沒有想過的是，雞肉竟然有骨。沒有對比就沒有傷害，泰皇咖哩真的太好味，相比下，黃咖哩略為有點失色。5人的份量，以openrice下單，外賣自取有9折，總共500蚊左右，真的不錯。

泰式馬拉盞炒通菜$81通菜油亮翠綠，非常誘人，食落鮮嫩爽脆，馬拉盞醬鹹香，仲有小小辣，加埋濃郁呢蒜香，令成碟菜好開胃。泰式蒜蓉包$32一上枱蒜香味撲鼻而來，麵包邊角微焦，脆卜卜，加埋牛油嘅香味，非常香脆可口。泰式原味烤薄餅$32薄餅烤到外皮微焦，裡面一層層咁酥脆無比，口感非常好。泰式醃豬頸肉沙律$91豬頸肉外表香脆，肉質爽口，味道適中，醬汁酸酸甜甜，好fresh開胃，份量仲唔少。泰式烤羊架$91羊架烤到外表焦香誘人，油潤而不肥膩，食落香脆，肉質嫩滑爽口，肥瘦均勻，醃到好入味可口，黑椒味微辣刺激食慾，最重要係冇羶味，蘸酸酸甜甜呢醬汁食，味道更佳。青檸菠蘿沙冰$38菠蘿味好出，加埋青檸味，酸酸甜甜好fresh，沙冰細滑有口感，解膩一流。

今日天朗氣清，入咗嚟元朗行街搵好嘢食，唔經唔覺行到夜晚，都攰啦，決定搵一間唔錯嘅餐廳入去慢慢坐慢慢食😂。元朗一向多好野食，真係諗唔到食邊間好，咁啱行經小曼谷，又好難得咁樣未到食飯時間，人流唔叫好多，就決定一於入嚟食🙈。。鹹魚炒椰菜苗椰菜苗鮮嫩😋，咬落好爽脆，鹹魚味好突出，不過我覺得有少少偏鹹。。泰式鳳爪沙律鳳爪好爽脆，而且味道好地道，我叫左加辣，呢個天氣涼涼地，食辣啱啱好，食得好過癮，其他沙律菜都好新鮮，不錯👍🏻。。黃咖喱雞+蒜蓉包咖喱味濃郁，而且啲雞非常之嫩，好滑好好食🤤。而且蒜蓉包簡直不得了，脆得嚟蒜蓉味又重，點上咖哩嚟食更加好味😝。。豬牛雞串燒食泰菜點可以吾叫點串燒🙈。豬牛雞各點左兩串，燒得好焦香，當中我最鐘意牛串，焦香得嚟肉質又嫩滑😁。。泰式明爐烤魚魚肉質嫩滑，一啲都吾鞋口，味道酸酸辣辣，魚肉好入味，食到停唔到口😆。。芒果糯米飯糯米飯好綿，而且椰漿味啱啱好，再加上鮮甜嘅芒果，雖然同泰國當地嘅冇辦法比，不過都已經好高質👍🏻。

今日天氣勁好，同屋企人出咗去元朗行街街，行到咁上下決定搵間餐廳坐低食，屋企人話想食泰國菜🙈，泰國菜唔一定要出到去九龍城食嘅，小曼谷都好好食㗎，而甘啱元朗就有一間分店，一於等我帶佢地去小曼谷食啦💖。-我地食左泰式鳳爪沙律，個斗酸酸辣辣，好開胃呀，而且鳳爪好爽口，加上沙律菜好新鮮，份量十足。-另外叫左豬牛雞雞軟骨串，燒得好香脆，而串燒最重要既當然係個花生沙爹汁，好濃厚好香👍🏻👍🏻-我地叫左黃咖哩雞肉，叫咖哩當然吾少得叫埋蒜蓉包😘，超好味呀，雞肉大大件❤️❤️-鹹魚炒椰菜苗，好野味，啲菜炒完仲好翠綠爽口，鹹魚吾會太咸😍😋-明爐桂花魚配酸辣湯，第一啖當然試左個湯先啦，酸酸辣辣好正，吾覺吾覺飲左成碗🙈🙈，魚好滑好嫩👍🏻都幾大條添呀❤️😍

政府都話發展大西北，今次元朗真係發達啦！人流暢旺，而且住喺元朗嘅人都越嚟越有錢，又捨得消費，扎根九龍城嘅小曼谷泰國美食都元朗開分店，以後唔使特登搭車出九龍了。泰式柚子沙律例牌要個柚子沙律，酸甜開胃，清新多汁，酸酸辣辣的泰式美食。串燒一入門口就見到泰國🇹🇭姐姐好努力咁 bbq 串燒，即叫即燒，新鮮熱辣辣。豬肉沙嗲串燒、牛肉沙嗲串燒、泰式臘腸沙嗲串燒、珍寶腸沙嗲串燒，全部都美味可口，加上沙嗲醬汁，更加惹味，泰國街頭小食風味，好似去咗翟道翟夜市一樣。珍多冰一邊食串燒，一邊飲泰式風味珍多冰，香濃又滑的椰汁味，冰凍夠晒爽。鐵板豬頸肉馬拉盞芥蘭平時食蔬菜都係比較清淡，但一講到食泰國菜，又點少得馬拉盞，重口味就啱晒啦！鐵板豬頸肉熱辣辣香噴噴，馬拉盞芥蘭味道濃郁，送飯食一流。小曼谷原隻芒果糯米飯食埋甜品就更加完美啦！去曼谷點可以唔食芒果糯米飯，超香甜的芒果，加上椰汁，軟身糯米飯，回味無窮。

咁啱同朋友係元朗做完嘢，到咗晚飯時間，醒起想食泰國嘢食，所以就嚟到呢間餐廳啦！平時成日經過，今日終於有機會食啦！我特別中意食炸嘢，泰式拼盤，兩個人叫個細拼盤已經好豐富，有齊蝦餅、魚餅、春卷，蝦餅外皮炸得香脆，爽彈美味，幾樣食物一齊食好豐富！魚餅好大舊，而且炸得好脆，超抵食呀！食泰式嘢點少得串燒，我哋點咗沙嗲牛肉、雞肉串燒，我比較中意食雞串多啲，點埋啲沙嗲醬夠晒惹味！青咖哩海鮮已經夠惹味，配埋蒜蓉包，點停到口呢？所以得地一啖接一啖食唔停口，裡面有青口呀、魷魚、泰式飛天炒通菜，炒得好香口同惹味，特別加咗啲豆醬去炒香，同平時中式炒通菜係有啲唔同，中食炒菜嘅可以試吓呢個。芒果沙冰，之前天氣比較熱個陣飲呢杯飲品就啱晒啦！芒果香特別濃郁，食完啲辣吃要似返杯凍飲嘆吓啦！總結一下，我覺得呢到嘅青咖哩幾好食，有幾滾嘅椰香味，配埋蒜蓉包點醬好食呀！

接二連三的颱風，困在家中好幾天，全家快要悶瘋了，我們一見天氣轉好，立即舉家外出去小曼谷泰國美食吃晚飯，一解多日在家的悶感。蟹肉雞絲魚肚羹屬工序繁多的湯品，要把蟹肉，雞絲先拆絲再熬煮，還是來小曼谷直接點來喝好。蟹肉雞絲魚肚羹甜味指數破表，蟹肉鮮美，雞絲細嫩，魚肚肥美爽口，我們全家都愛不釋口蟹肉雞絲魚肚羹。泰式拼盤滿足我們各人不同的口味，嚐遍雞棗，春卷，魚餅和蝦餅。現炸的春卷非常盪口，外皮酥脆，裡頭塞滿粉絲，菜蔬，咬下春卷會有咔嚓咔嚓的聲響，隨即是滿滿的田園香氣撲鼻而來。愛吃雞的人保證一定超級喜歡這個雞棗，除了雞肉嫩彈多汁之外，還有外層脆香的炸腐皮，增添雞棗的嚼感，雞棗實在過癮，吃一顆絕對不夠，要吃很多很多顆呢。蝦餅無敵厚實，表面金黃色澤格外誘人，侄兒愛透蝦餅。蝦餅真材實料，使用不少鮮蝦打製蝦餅，彈勁十足，甜鮮可口，沾上泰式酸辣醬吃生色不少。黃咖哩海鮮屬溫和型泰式咖哩，椰香十足卻不嗆辣，適合一家大小品味。黃咖哩多了一份濃郁椰奶風味，用料亦實在，蘊含各種海鮮如蝦仁，青口，魷魚，帶子等，帶子無比鮮嫩，魷魚有夠彈牙，青口海味顯現，蝦仁富彈性，各有千秋。有黃咖哩海鮮，怎可缺少它的好拍檔泰式蒜蓉包?

相信小曼谷大家都唔會陌生，今次就嚟到元朗分店一試究竟，就算落大雨，都要嚟食。餐牌嘢食種類唔少，用QR code落單。風味燒豬頸肉 $95 呢個份量作為頭盤，真係超額完成。配上一個酸汁食，非常開胃。如果豬頸肉可以再脆啲就好啦。泰式鐵板蠔餅 $111 名副其實嘅鐵板上，就算無「渣渣」聲，但蠔餅好足料，啲蠔都好大隻，而且唔似其他街邊嘅蠔餅咁油，所以大家唔洗驚，再配上酸辣汁，一流。冬蔭雞湯 $82 好大煲，真係物有所值，細食嘅朋友仔可能飲完湯都飽。我哋落單嗰陣揀咗小辣，而我哋本身又食得辣，相對上就覺得辣度唔夠喉，至於酸味就比較突出，雞件份量就適中，煮到好入味。泰式原味烤酥餅 $32 烤得比較燶少少，可惜無嗌咖喱，如果唔係 嘅話，配咖喱食就啱哂。