小曼谷泰國美食 (教育路) (已結業)

收工想同朋友食餐好嘅，終於唔使再去九龍城先食都好嘅泰國菜。小曼谷原來開咗分店喺元朗好耐，方便哂我同住喺大西北嘅朋友。.一坐低朋友就叫咗杯椰汁解解渴，咁食泰國嘢點可以唔叫椰青，即時叫返個飲下先🥥. 我哋叫咗個泰黃咖喱方包軟殻蟹，咖喱超香口，配埋麵包食👍🏻軟殼蟹炸得好鬆軟同香口🦀.燒羊架🐐味道濃郁，羊的油脂從羊肉中滲出來，讓這道菜增加了分數。.燒雞扒🍗炭烤雞扒，令雞扒更加惹味。配上特色泰國醬汁，辣辣地咁，好開胃🤤.食咗咁多肉，最後梗係要食返個鐵板椰菜苗，原隻鐵板上，未食已經聞到香味😻。.呢餐飯食到超滿足，我同朋友兩個都捧住肚皮離開。下次一定再同朋友黎, 試埋其他野先XDD

唔記得影野飲，我叫咗青檸菠蘿冰，好醒胃但又唔酸，係清新嘅感覺，就算食辣野都解到渴🤓好少喺泰國菜鋪頭有牛排食， 瞬間覺得好特別🤘🏻車厘茄好開胃，牛小排無生熟程度揀，點少少汁食落仲juicy，醬汁有少少辣，但平時無食開辣嘅人都會接受到👍🏻 除咗牛排，仲叫咗唔同串燒，雞腎爽口，為咗令雞全翼神食得方便啲，會幫你斬開兩節，同埋燒得幾嫩滑😋不得不讚蒜蓉包，平時會配埋咖哩一齊食，但今次淨係單叫咗每人一塊，一上枱就聞到好香，食落外皮脆口，包軟綿綿，真係外脆內軟👏🏻👏🏻 就算無任何配搭都好好味，要encore最後仲叫咗馬拉盞通菜同燒原隻魷魚，通菜夠爽，用馬拉盞好容易重手就會煮到好咸，但呢到控制得好好，唔配飯食都無問題～一上台見到咁大隻魷魚，由心嘩咗出嚟，睇相都見到唔會燒到乾爭爭，咬落仲有少少汁，原配個醬汁好辣👀 最後用牛扒嗰個醬都OK 夾🤣甜品當然唔少得芒果糯米飯，芒果好甜配埋熱辣辣暖粒粒嘅糯米飯，一凍一熱真係好正🏔️

喺元朗食野就好多選擇，但食泰國嘢真係選擇唔多，所以我都係跟網上睇吓邊間好食，最後就揀咗呢度食🤫地方都算易去，喺嘉城商場對面就係，舖頭唔算好大，不過我哋一行四人都算坐舒服😌食物方面真係嗌得唔少野，不過都係燒野居多😋牛肉 魷魚 同 雞全翼，燒牛肉就有兩大塊，都做到外脆內嫩，肉汁都豐富，佢配埋個牛肉汁就更加惹味👍🏻大推介蒜蓉包，夠晒外脆內軟，蒜香味十足！真係好食到停唔到口!!!魷魚就全條上，一上枱已經驚為天人😍仲已經切好晒，方便夾嚟食，仲有佢配嗰個辣汁，雖然好辣吓🥵但又忍唔住繼續點佢，因為真係好夾陣魷魚味😚雞中翼就燒到燶晒邊，勁香口，但入面有做到juicy效果😋😋炒野就叫咗馬拉盞炒通菜，勁惹味，啲蝦乾嗰啲料頭都清得一乾二淨😍飲品就叫咗椰皇沙冰，椰味夠晒香濃，解渴一流😜另外甜品就梗係要叫返個芒果糯米飯，芒果夠哂香甜，椰漿勁多，質素合格有餘👍🏻👍🏻最後想講店舖用qr code落單，真係方便唔少😘

今日入嚟元朗搵朋友聚下舊，下晝食咗甜品，夜晚佢就帶我嚟教育路小曼谷食泰國餐，好在我哋6鐘就入座，唔係之後都要排隊等位😜。兩個人叫咗四款嘢食：咖喱炒虎蝦 $180呢個咖喱好滑好creamy仲有陣陣椰香味，撈飯或者配蒜蓉包食都一流😋另外虎蝦超級新鮮又彈牙。冬陰功湯 $97食泰菜點少得冬陰功湯，辣到剛好酸酸辣辣好開胃虎蝦夠新鮮又大隻。下面有個爐keep住個湯嘅溫度，就算而家天氣涼咗都可以保持熱辣辣。泰式鹹魚炒椰菜苗 $86椰菜苗爽脆鮮嫩，鹹魚味好香，夾住黎食真係一流。海南雞飯 $75海南雞飯大大碟，啖啖肉又皮脆肉爽，配埋自製醬汁更顯鮮味👍🏼

今日約咗幾個朋友去元朗行街，夜晚搵食行過教育路，身為屯門人既我見到元朗都有小曼谷，就提議試一試。元朗嘅小曼谷同屯門嘅小曼谷都真係有啲分別，元朗嘅小曼谷新好多，雖然吾似屯門小曼谷，屯門係好傳統泰國菜嘅環境，元朗小曼谷我覺得地方好好坐，好闊落。我哋四個人叫咗鮮蝦柚子沙律好fresh、肉碎生菜包爽脆、燒豬頸肉、咖喱炒大蜆配蒜蓉包超滿足、鐵板蠔仔煎蛋有驚喜、香葉肉碎炒飯同炒金邊粉。碟碟份量都好足，大家有傾有講，慢慢嘆，最後不知不覺清曬枱面上既野。除咗嘢食之外非常之推介佢哋嘅飲品，我哋叫左椰皇同椰汁沙冰，椰皇非常之清甜，入面仲有好多椰肉可以食，椰汁沙冰非常解渴。 食完之後非常之滿足😋😋😋

元朗教育路有好多餐廳，經過見到呢間泰菜都幾多人幫襯泰皇咖喱法包軟殼蟹 💰1️⃣5️⃣8️⃣平時係泰國菜館好少見有咁嘅菜式，見幾得意軟殼蟹都係我至愛圓碌碌嘅法包裝滿咖喱汁，唔辣椰香重，但稍為有少許鹹咗啲，軟殼蟹都幾多炸得好香脆泰式燒羊架 💰9️⃣1️⃣羊架有兩隻，燒得岩岩好，無羊騷味幾juicy，有啲驚喜泰式馬拉盞炒椰菜苗 💰8️⃣6️⃣馬拉盞鹹香味夠香，帶少許微辣椰汁冰 💰2️⃣8️⃣味道正正常常🎈小曼谷泰國美食 (教育路)🎈元朗教育路50號兆明樓地下A號舖

上次行過元朗間餐廳，見到個包好想食😳收工去食啦，坐低餐牌望見價錢都唔貴🤤好似都唔錯喎🤗❁ 泰皇咖喱法包軟殼蟹 $158咖喱味香濃，椰香味道燶，偏向甜😳軟殼蟹係即刻炸，所以上到黎仲係超級脆~炸粉唔算多，反而份量就好多，食極都仲有~咖喱入面有好多洋蔥🧅青椒🫑好香口。而係包部份係脆口🍞好夾味。❁ 泰式生蝦刺身 $108/ 6隻食泰國嘢一定要食生蝦刺身🤭佢哋竟然有得選擇辣度，我哋叫左小辣。蝦真係好大隻好厚肉，鮮味，夠冰凍。❁ 泰式燒豬肋骨 $96唔知道會連埋蝦片，蝦片夠脆，香蝦味😳驚喜，豬肋骨好香炭火味，亦唔會燒得好燶，配埋辣辣地嘅醬汁，好惹味。份量好多，食完好飽。❁ 小曼谷原隻芒果糯米飯 $73天氣凍❄️芒果糯米飯送上嚟嗰陣暖笠笠🙂🥭糯米夠棉，椰漿味剛好，芒果甜，食完甜品啱啱好。

小曼谷係銅鑼灣同九龍城都有分店，但新界嘅我反而冇食過元朗嘅小曼谷，今日早咗少少收工想食泰菜，趁冇人排隊就去咗食。泰式生蝦刺身$108生蝦刺身其實最緊要係新鮮，其次就係個醬汁。呢個食得出蝦肉好鮮味，而且都算大隻，再加埋酸辣嘅魚露，同埋蒜頭，作為前菜好開胃。冬陰功湯小辣$97呢個雖然係小嘅份量，但係都完全足夠兩至三個人食，而且有大大隻虎蝦喺入邊，賣相更吸引，混合有唔同嘅香料，都相當唔錯。鐵板豬頸肉椰菜苗$91本身想另外叫豬頸肉，但發現咗原來有椰菜苗加豬頸肉嘅配搭，一次就可以滿足到兩個願望，之前未試過鐵板燒豬頸肉再加椰菜苗，用鐵板整熱辣辣都幾香口，不過要盡快食，如果唔翻幾下下就會好快燒焦。泰式木瓜沙律$68木瓜沙律嘅口感係比較清新同爽口，不過就調味重手咗少少，所以會越食越辣，建議唔太食得辣嘅朋友，可以叫唔辣或者飲番杯泰式奶茶中和返會好d。

又嚟咗元朗喇買咗香蕉糕就搵嘢食，都一排無食泰國嘢，印象住元朗個friend話小曼谷幾好食，嚟試下先。鋪唔算好大，望落新淨，坐落都算舒服。叫咗一向好鍾意食嘅飛天炒通菜，阿媽話想叫個飯嘅菠蘿海鮮炒飯一串串燒牛同串燒墨魚丸，同埋睇圖幾吸引嘅炸芝士瑕丸。飛天通菜叫咗少辣，因為唔係好食得辣，嚟到辣度岩岩好，夠香又惹味仲好大兜炒飯炒得唔油都多料，串燒都無話油淋淋，不過最有驚喜係個炸蝦波，本身叫丸，不過真係好中粒好似波外面小小脫入面多肉，個人覺得點汁唔點汁都好味嘅～d嘢大部份量都多，價格亦都唔算貴，下次嚟元朗約埋個 friend食先～

今晚約咗個朋友在元朗食飯、傾偈。見到熟悉的小曼谷，就入去，座位寬敞，坐得舒適。打開Menu好多選擇，串燒、海鮮、咖哩等，仲有套餐，最後揀咗幾款小菜，點知碟碟都份量十足。至愛泰式生蝦刺生$108隻隻又新鮮又大隻，好鮮味。燒脆皮白鱔$106超厚切，又肥美，皮脆內多汁，推介！泰皇咖喱法包軟殼蟹$158軟殼蟹炸得好脆，好多件，個法包外脆內軟，咖哩汁超多，又唔辣，可以送埋飯都得！泰式馬拉盞炒椰菜苗$86椰菜苗都好大條，不過依然鮮嫩，仲好大碟！抵食

今日去咗元朗搵女朋友同埋佢屋企人食飯 到咗呢間小曼谷泰國餐廳 雖然環境就比較迫啲 但係女朋友就極力推薦話呢間嘢好好食 所以一於決定入去試下黃咖哩牛腩 牛腩肥瘦適中 炆得好冧 而且牛肉味都幾重 加上黃咖哩嘅辛辣味道 成個菜式令人胃口大開馬拉盞炒通菜 通菜本身都屬於高纖維嘅蔬菜 所以出街食飯最好都食番個菜 呢個通菜冇乜粗嘅纖維 幾有咬口 加上馬拉盞嘅鹹香味道 成個配搭一流泰式鐵板蠔餅 蠔餅煎得好脆身 蠔仔亦都幾大隻 海水味十足菠蘿海鮮炒飯 我同埋uncle都好鍾意食飯 所以就叫咗呢個海鮮炒飯 海鮮份量十分足料 加上乾身嘅炒飯同埋酸酸甜甜嘅菠蘿 令到大家都唔會有飽膩感芒果沙冰 最後梗係整番杯泰式嘅芒果沙冰啦 喺夏天飲返啲杯沙冰 透心涼之餘又甜入心 為今餐劃上完美句號

($218)🔥牛油蒜蓉燒虎蝦(3隻)開邊肥美虎蝦，牛油蒜蓉很香但沒有遮蓋虎蝦的鮮美，可以蘸少許泰式酸辣汁，味道更豐富。🔥燒脆皮白鱔第一次點白鱔，魚肉較一般魚肉富膠質，嫩滑而彈牙，而外皮燒得焦脆，啖啖肉。🔥泰式醃豬頸肉沙律 ($91)可以按喜好點辣度，小辣剛好，豬頸肉很香，配上生菜和泰式辣汁，非常開胃。🔥椰青 ($39)泰國菜不能少的原隻椰青，清甜新鮮。元朗小曼谷店鋪不算很大，但也不逼狹，食物充滿泰國風味。

食過總店，又食過銅鑼灣火車特式店😋每次想食泰國野就會諗起小曼谷😋好彩依家屋企附近開咗間分店😄$111 泰式鐵板蠔餅🦪好大份😍😍超多蠔仔🤤🤤食落唔會好油👍🏻$158 泰皇咖喱法包軟殼蟹🦀一上枱真係好驚訝😦法包好大個😱軟殼蟹份量都好多😋咖哩香濃易入口，唔會好辣🤤$80 鮮菠蘿海鮮炒飯🍍海裡面超多蝦🦐仲有超甜菠蘿🤤🤤🤤帶子、提子乾🤤$17 雞腎沙嗲串燒🐣雞腎燒得夠乾身，但咬落又唔會柴😋依然爽口$30 牛舌👅有四塊之多😋夠哂厚切👍🏻好有牛香😚總括而言，依舊咁抵食😋仲發現元朗分店個價比起其他分店平😍大家識揀啦！

今日6:00左右去到，坐位已經有一半坐滿，加上朋友介紹，就去試下😌一坐低店員已經準備好晒餐具同暖水，加埋手機落單，超方便🙂我地總共叫左4-5樣食物，包括鐵板豬頸肉椰菜苗，泰式鐵板蠔餅，蟹肉雞絲魚肚羮，雞肉串燒，牛肉串燒😉另外搭碗白飯比小朋友。呢碟椰菜苗一上枱已經好香好吸引，豬頸肉係碟底，食到底個下，d肉好野味。泰式鐵板蠔仔餅平時都係食開台式式者潮洲蠔仔餅，估唔二泰式都出色，d雞味好濃，加上每粒脹卜卜既蠔仔，出色！蟹肉雞絲魚肚羮足料，同埋最重要係為轉涼既天氣添上暖意～因為佢煮到好滾甘上台，所以食到尾都仲係暖笠笠🥰雞肉加牛肉串燒唔好睇佢黑媽媽～但入口唔乾，肉質超嫩

餐廳地方不大， 裝修簡潔明亮， 店員友善招呼， 滿滿的人情味。串燒是逐串點的，豬肉串燒肉質清爽，雞肉串烤製時間時間恰到好處，香味撲鼻，配一小碟粒粒花生沙嗲醬，味道濃郁。馬拉棧炒通菜呢味咁簡單嘅餸都炒得咁好味就顯出廚師夠實力！馬拉棧好足料，馬拉盞醬鹹香，仲有小小辣，炒得好有鑊氣。好少係街食到真正有炭燒味嘅豬頸肉,呢度的豬頸肉有用蜜汁烤過、切成薄片，所以邊位都特別香脆口，肉的味道甘甜帶酥香，肉質非常嫩滑，真係十分好吃，是我食過最好食的豬頸肉之一。泰式鐵板蠔餅$108即叫即製的鐵板蠔餅， 份量十足， 蠔餅表面煎至金黃香脆， 外脆內軟 ， 每口充滿蛋香食完D咁濃味GE野，梗係二話不說叫番啲透心涼飲品先啦。椰皇沙冰椰皇味濃！超推薦！