小曼谷泰國美食 (教育路) (已結業)

上星期約左個朋友食飯，去呢間小曼谷，佢話九龍城都有，我地兩個都未食過佢地係掃QR code落單，好方便架我地叫雞豬串燒各兩串、炒虎蝦、蝦丸、同炒金邊粉，野飲就叫左椰皇沙冰同芒果沙冰我杯椰皇沙冰好飲，夠解渴，椰味極濃串燒正常，個汁都幾惹味炒金邊粉酸酸地好醒胃，炒得幾有穫氣炒虎蝦有4隻，大大隻，蒜蓉炒到香一香，蝦殼都可食埋，食到舔舔脷，蝦肉又彈牙最後蝦丸有3粒，大大粒，切開爆哂漿，應該係芒果蓉黎，蝦膠夠彈口，幾特別埋單先五百幾蚊，咁嘅水準梗係唔貴啦，呢間一定會再去

早幾日，我同我條仔踩完屯馬線去佐元朗教育路個邊小曼谷餐廳食野。啲嘢食唔錯，服務有都係有禮貌嘅，但係如果想傾偈，本身嗰度人流都多，仲要加埋廚房傳出嚟嘅背景音樂，（可能因為我哋坐比較近廚房位置）所以有啲嘈。整體質素都ok既，但音樂太嘈真係有d影響食慾。

𝒯𝒽𝒶𝒾 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒴𝓊𝑒𝓃 𝐿𝑜𝓃𝑔🌟泰皇咖喱法包軟殼蟹 𝗖𝘂𝗿𝗿𝘆 𝗦𝗼𝗳𝘁 𝗦𝗵𝗲𝗹𝗹 𝗖𝗿𝗮𝗯 𝘄𝗶𝘁𝗵 𝗕𝗿𝗲𝗮𝗱（$𝟭𝟱𝟴）呢個要必食💕本身好鐘意食軟殼蟹，呢個軟殼蟹炸得好脆，再點埋啲咖喱汁食，好惹味！不過個咖喱汁就咁食有點太咸，配法包食就剛好，值得一試🤣🌟炸芝士蝦丸 𝗗𝗲𝗲𝗽 𝗙𝗿𝗶𝗲𝘀 𝗦𝗵𝗿𝗶𝗺𝗽 𝗕𝗮𝗹𝗹 𝘄𝗶𝘁𝗵 𝗖𝗵𝗲𝗲𝘀𝗲（$𝟵𝟭）呢個蝦丸好好食，勁大粒呀😌切開啲芝士仲係流心，正😍🌟燒脆皮白鱔 𝗕𝗮𝗿𝗯𝗲𝗰𝘂𝗲 𝗘𝗲𝗹（$𝟭𝟬𝟲）有2串白鱔，鱔魚皮燒到微焦同脆脆地，好好食😋可惜份量比較少，鱔魚個肉唔夠厚，覺得有少少🤏貴🌟芒果沙冰 𝗠𝗮𝗻𝗴𝗼 𝗦𝗺𝗼𝗼𝘁𝗵𝗶𝗲（$𝟯𝟴）食泰國嘢點少得一杯泰式飲品，熱辣辣既天氣🔥揀咗芒果沙冰，好冰凍好啱配泰國嘢邊食邊飲😁我本身唔好甜，但呢杯野既甜度就固定左，如果可以好似手搖飲品咁少甜就好😆📍小曼谷泰國美食 𝐌𝐢𝐧𝐢 𝐁𝐚𝐧𝐠𝐤𝐨𝐤 𝐓𝐡𝐚𝐢 𝐅𝐨𝐨𝐝元朗教育路50號兆明樓地下A號舖

自從識咗現任之後，元朗已經成為左我生活不可或缺嘅一部份☺️咁啱呢日喺元朗食飯就揀咗小曼谷。餐廳嘅環境算幾企理，就算係閒日都要等位🤨➡️冬蔭雞湯 $82東蔭嘅味道香濃，唔會淨係得個辣字，仲好貼心有個爐暖住個湯，keep到熱辣辣➡️青咖喱豬 $85➡️泰式蒜蓉包 （4塊）$32青咖喱有少少甜，肉嘅份量都唔少，咖喱當然要配蒜蓉包。蒜蓉包脆得來但唔會𠝹到口，如果唔點咖喱汁嘅話就食到香濃蒜味，配咖喱嘅話嘅味道就更加有層次。➡️鹹肉炒芥蘭 $81芥蘭炒得爽脆，咸咸香香好惹味。➡️泰啤 $34食得泰菜點可以唔飲番啲泰啤，食緊香辣嘢飲返啖係超爽嘅。啤酒杯仲係預先雪凍過，超貼心➡️小曼谷原隻芒果糯米飯 $73芒果香甜，糯米飯軟軟，做最後一道菜係完美☺

住喺元朗嘅朋友，帶我嚟呢間泰國小曼谷食晚飯，之前喺九龍城食過，以為唔係同一間，點知睇個meau，原來係同一間，全港仲有四至五間分店。一開始嗌咗個鮮蝦柚子沙律🥗$91，價錢都幾貴，但勝在蝦夠大隻新鮮，柚子都好入味。好快就清哂😆蒜蓉包值得一讚👍🏼$35有四件。攞上手仲係熱辣辣，而且蒜蓉醬都多，食落去外脆內軟👍🏼串燒就叫咗牛肉，雞翼，泰國臘腸。總體串燒燒得幾好，唔會燒得太乾，牛肉食落仲有啲肉汁。泰國臘腸，都好惹味。個金邊粉值得一讚，本身自己去親食泰國嘢都一定會叫金邊粉，開頭睇個賣相，覺得顏色偏淺，心諗應該未必入味。但一食落去，有酸酸甜甜感覺，好開胃，出乎意料地好食😋麵條煙煙韌韌👍🏼呢個咖喱軟殼蟹法包，絕對推薦👍🏼咖喱汁超好味，而且軟殼蟹份量都好多😋😋呢個生菜包坦白講就一般，肉質好乾，同埋叫左小辣都好辣，如果唔食得辣嘅，一定要嗌唔辣。最後叫咗一條明爐檸檬汁桂花魚，雖然呢個餸都成$200，但我覺得都值得叫。首先魚好滑，個湯酸酸甜甜好好味😋總體而言，呢間小曼谷係絕對推介，真係有質素👍🏼環境坐得都好舒服👍🏼會再有下次👍🏼

今日一家大細去完農場玩，勞動左成日當然要搵啲好西食下，由於千色匯泊車八點之後$14一個鐘，見佢咁平就泊底睇吓附近有咩食，之後就去咗呢間小曼谷，因為九龍城都食過，所以覺得質素應該有保證首先環境枱與枱之間唔會太埋，坐得都夠鬆動，冷氣都夠食物方面：泰式金邊粉 足料 口感比較特別，好彈牙，好少食到呢個質感 配料蝦一讚 食得出新鮮馬拉盞通菜 好香好惹味 不過而家唔係通菜季節 有少少鞋串燒 不過不失，唯獨燒臘腸要一試，好好食 外皮小小脆口 好惹味咖喱軟殼蟹 呢個係咁多個餸最出色 首先蟹嘅份量好多 識落好脆好香口 點埋啲咖喱汁一絕 明爐桂花魚 配料好多 好入味 魚都好滑生菜包 份量多 略嫌有啲辣 柚子沙律 新鮮好味 好似食到有少少焦糖 幾特別嘅配搭 好開胃 總結：環境舒適，上菜快，有質素嘅泰國嘢，尤其是要咖喱軟殼蟹，下次去我都會必點，重點係我阿爸唔鍾意食泰國嘢，佢都讚好食，唔太重口味，值得推介

👲🏼小曼谷算係老子號喇，但元朗分店依舊好味，係香港要搵到價錢、味道、地道三個元素都夠哂happy嘅泰菜唔多，而小曼谷真係一直都balance到🌟每次都大口吃，又會捧住肚出番去，水準不變先留到客人！😋🔸泰式生蝦刺身🦐（$108）💎可以選擇辣味程度嘅泰式生蝦真係少之有少😆😆好開心！！選左小辣，有六隻大大嘅生蝦刺身，再蘸埋酸酸地嘅泰式醬汁，個樣係食到咁➡️(⁎⁍̴̛ᴗ⁍̴̛⁎)蝦厚肉、夠冰凍又爽口👍🏼👍🏼👍🏼主要係蝦夠新鮮所以就好彈牙，完全合格以上，肚仔未滿😋😋出色嘅頭盤✔️🔸青咖喱海鮮（$90）💎超惹味唔係講笑，叫左小辣😍😍選左青咖喱真係無選錯，椰香味好出之餘咖喱香甜而清新👅直頭飲左啖😂。如果你係食得辣嘅話可以再叫辣啲又得👍🏼唔好睇佢細煲野，海鮮都非常足料，有齊哂彈牙嘅蝦、帶子、爽魷魚、青口，仲有d豆呀泰式茄子仔，全部都好入味，真係好中意呢個汁💛配飯應該係一流！！用鐵鍋承載令熱力都會last long一點，咁就唔驚咖喱好快凍。🔸泰式蒜蓉包（4塊）（$32）💎承上題，配左呢個驚天地嘅蒜蓉包，先襯得起我中意嘅青咖喱㗎嘛😆鮮有食到脆、香、濃嘅蒜蓉包！！主要因為蒜蓉包有啲炸新鮮蒜粒又有少少炸蔥，真材實料令到蒜

呢間小曼谷泰國美食鄰近嘉城，係正教育路，行過去好方便。今次叫左四樣野食。第一道係泰式馬拉盞炒野菜苗，鑊氣十足，馬拉盞亦唔會太辣，蝦米落足料，連埋菜食又脆又爽口。第二道係黃咖喱牛腩，牛腩夠嫩口，份量夠多，咖喱汁帶啲甜味，配菜入味。另叫埋泰式蒜蓉包，即叫即焗熱辣辣，卜卜脆，蒜香牛油味十足，配埋岩岩既黃咖喱食就天作之合。最後叫左個海鮮，牛油蒜蓉燒虎蝦，蝦上面灑左大量炸銀魚仔，配埋泰式辣醬，食到同食喎到辣既朋友都可以一試！

中秋正日一行三人出街食晚飯，原本想去酒樓但驚太多單出菜質素會變差，所以揀左黎小曼谷，仲可以經openrice book定檯夠晒方便👏我地準時到達餐廳已經set好位，採用QR code自助落單，非常方便👍叫左泰皇咖哩炒虎蝦，馬拉盞炒椰菜苗，三串沙嗲串燒👉豬肉，雞腎同雞軟骨同兩個白飯～雖然係中秋正日但出菜速度唔算耐👍首先黎到既係三串串燒，燒得都幾靚唔會太燶雞腎爽口，豬肉夠滑，雞軟骨有咬口泰式串燒黎講個沙爹醬係靈魂，可惜呢度既醬食落唔香，而且太多花生粒，醬汁唔多，呢碟醬都唔夠我地點三串串燒🙈泰皇咖哩炒虎蝦既虎蝦原隻連殼上，都幾大隻，爽口👍我自己比較鍾意泰皇咖哩多過青紅黃咖哩，因為唔會辣甜甜地同埋帶啲椰香味😋呢度嘅咖哩椰香味唔算重，濃稠適中，送飯一流😁馬拉盞炒椰菜苗相對等得最耐，色澤幾靚唔算油，但食落比較清淡唔夠惹味，有啲失色😅 白飯超大碗👍果唔係呢排太熱氣都想試個蒜蓉包，點咖哩都一定超正！🤤🤤小曼谷喺泰國菜黎講無人不曉，但係整體水準無我地預期咁驚艷😅😅

食泰國菜唔一定要去九龍城，喺元朗開設左分店嘅小曼谷泰國菜都係一個唔錯嘅選擇💫冬陰功湯$97冬陰功湯份量好大😍😍有兩隻已經剝左殼嘅虎蝦，鮮甜爽口，湯底不會過分地加入椰汁🥥，反而係清澈的香茅味😍😍💫泰式原味烤薄餅$32💫青咖喱雜菜$85烤餅熱烘烘，沾上青咖喱汁簡直係絕配，烤餅鬆化軟糯，一層層的剝落着青咖喱濃而不辣，有西蘭花🥦、椰菜、小茄子🍆等不同的蔬菜🥬，每一片都沾滿了青咖喱汁，非常滿足💫泰式柚子沙律🥗$91中秋節係柚子的季節，有子鮮甜內藏鮮蝦，上面加上脆口花生增添口感💫蜜糖燒菠蘿🍍$56菠蘿多汁，餐廳提供刀叉供客人切開，非常之鮮甜清新💫雞肉沙嗲串燒$17雞肉嫩滑，塗上甜的蜜糖，再配上沙嗲醬🥰🥰食到舔舔脷📍 小曼谷泰國美食 (教育路) (元朗)元朗教育路50號兆明樓地下A號舖5⭐️評分好食指數：⭐️⭐️⭐️⭐️餐廳環境：⭐️⭐️⭐️⭐️

因為老公話收工過元朗食飯，我就係到搵咗呢間有百幾個好評嘅餐廳食飯，點知係極度失望！！係我食過最難食嘅一餐泰國菜。鮮蝦炒金邊粉，碟炒粉嘅色水已經唔對路，食落個味酸到唔知點形容，啲芽菜仲要無炒熟，一陣腥味。仲有！個粉濕淰淰，唔講以為叫咗濕河。柚子沙律，明明辣嘅，食唔到辣味之餘，仲死甜，唔講以為呢個世界仲有出柚子罐頭。串燒雞，個雞無醃無味，仲要解凍得唔好，一陣臭味。好彩得個炒菜叫正常啲，但係唔使再預我會再嚟呢間嘢食，真係請都唔再嚟。得三個劣評？我唔係好信囉都有好嘅，至少啲蝦新鮮，食完無敏感，可惜，都係無味！

小曼谷銅鑼灣同九龍城都食過，今次第一次食元朗這間，雖然環境氣氛不及前兩間，但食物質素都keep到高水準，仲要平左！性價比高了，好抵食！.泰式生蝦刺身 $108每次來小曼谷一定點的冷盤，生蝦大隻彈牙，蝦肉新鮮甜美，辣椒蒜粒加上特製醬汁正呀✨😋.泰王咖喱法包軟殼蟹$158咖喱惹味香口配上軟淋法包配搭一流，價錢仲要比其他分店平，必點！.泰式拼盤 $121一班朋友必點的炸物拼盤，有蝦餅魚餅春卷等等，相較下蝦餅比較出色，爽口彈牙，口感非常滿足🍤.泰式馬拉盞炒椰菜 $86椰菜油量翠綠，偏硬身，微辣頗開胃。.鮮芒海鮮炒飯 $88這個有被驚艷到，$100不到的炒飯竟然帶有大蝦帶子魷魚等食材，飯粒粒分明，加上肉鬆頗有風味✨.風味燒豬頸肉$95份量極多，但這個可以說是唯一比較失望的，肉質偏柴。.總括而言夜晚一班朋友聚餐又不想太貴，元朗小曼谷確是一個好選擇👯👯

太耐冇去旅行🥲好掛住泰國，所以同朋友去左小曼谷食飯，尋找泰國的味道😋Menu好多款式揀😂😂心大心細咩都想試下 通菜係必須的😂😂 揀左小辣，惹味得黎唔會係死辣。另外叫左咖哩軟殼蟹面包，一上碟見到份量好多嚇親😂 黃咖哩甜辣甜辣，同面包好夾。軟殼蟹唔會炸到好油，外脆內軟。最後必點既係芒果糯米飯！用佢黎做甜品係最好既結尾。糯米飯溫熱，帶有嚼勁，加埋椰奶真係好正。唯一有少少可惜係芒果不是當造，所以酸味會重少少。飲品揀左椰皇沙冰同芒果沙冰。兩杯都好飲，唔會過甜。整體十分滿足！雖然去唔到泰國，但可以搵番泰國既味道😋😋😋

今日去完元朗度踩單車 出返嚟就勁肚餓 搵咗間泰國菜食晚飯 呢間叫小曼谷泰國美食嘅餐廳人頭湧湧 於是就食下啦黃咖哩牛腩 係原鍋上分量都幾多 牛腩炆得夠淋夠入味 配埋惹味嘅咖哩汁一流呀 入面仲有薯仔 洋蔥 青椒等配菜 泰式芝士蝦丸 超驚喜 Size有小朋友拳頭咁大超誇張 外皮炸得脆卜卜 入面嘅蝦餅好有咬口而且有鮮甜嘅味道 中間係爆漿流心芝士勁邪惡泰式豬頸肉豬頸肉 火候啱啱好 入面肥瘦適中點埋泰式辣汁一啲都唔油膩 馬拉盞通菜 惹味嘅馬拉盞令平凡嘅通菜都增添色彩

有一日想食泰國嘢，就同老公嚟咗呢間泰國餐廳，因為見佢哋都唔算太貴，平時都好多人食，所以今次就試吓，入到去坐低之後睇完Menu真係口水都流埋🤤我哋叫咗一個白咖喱雞肉，加薄餅，你都知後白咖喱唔算好辣，不過雞肉略嫌少咗一啲，但係薄餅非常有誠意，嚟到都係熱辣辣，又係吹波波，唔會好厚粉咁樣，我覺得幾好食，再點埋個白咖喱好夾👍🏻👍🏻👍🏻然後叫咗一條燒蔓草，因為係即叫即燒嘅關係，所以會比較耐少少，不過嚟到之後都係好香，魚肉好滑，好Juice多汁，唔會整到啲肉好老，呢個真係值得推介，再點埋個泰式辣汁簡直係一流👍🏻之後就叫咗個牛油蒜蓉燒蜆，同埋鹽燒虎蝦，牛油蒜蓉燒蜆份量都唔少，兩個人食都OK，時間燒得剛剛好，唔會太熟乾爭爭，再加埋啲調味料真係好好味，至於鹽燒虎蝦，蝦肉真係好彈牙，食得出係新鮮蝦，唔係死蝦，整體來講呢個價錢食到咁正宗嘅泰國菜真係好值得推介👍🏻👍🏻