小曼谷泰國美食 (教育路) (已結業)

今日同男朋去咗小曼谷食晏，叫咗五樣嘢，好有泰國嘅感覺啊！食泰國嘢當然唔少得咖喱啦，今次叫咁黃咖喱雞肉，食落唔會太濃味，齋食或者要啲點酥餅都唔會渴到需要飲水。而酥餅真係超正！！！熱辣辣，一份兩塊都差啲唔夠食，想叫多一份😂😂豬頸肉沙律都唔錯，但我哋揀咗加辣都覺得岩岩好，如果鍾意食辣嘅人可能要叫再加多少少辣，咁就有返泰國嘅感覺啦。生蝦係必嗌之選啦，夠新鮮，蝦肉都唔會霉，都係水準之內嘅～～～最後就係鹹肉炒芥蘭，呢味餸比較少見，因為我男朋友好鍾意食芥蘭，所以通常都係叫馬拉盞炒芥蘭，今次見到新野，當然要試吓啦！鹹肉其實有少少似廣東嘅臘肉，但係冇咁油、冇咁硬，亦都冇咁鹹，有少少似醃咗要嚟煲粥嗰啲豬肉，炒菜就啱啱好😛overall嚟講，都值得encore，下次可以叫埋蠔餅同海鮮試下，今次太少人食唔哂😳

小曼谷不嬲都好出名去九龍城必食😍終於係元朗開左！緊係要去試下菜色好多選擇，有海鮮、豬牛雞都有種類好豐富而且我試左幾樣都又大份又足料岩晒同朋友聚餐💗泰皇咖哩法包軟殼蟹 $158呢個好好食！必！點！個麵包好香脆，吸收左d咖哩醬都唔會淋晒咖哩味道唔算好辣，充滿泰式風味加埋軟殼蟹一齊食好豐富而且份量好大，2-3個人都夠原隻椰青海鮮焗飯 $96個賣相超cute cute原隻椰青上🥥一上檯即刻影相打卡好可愛呀！係兔兔黎🤣用青口做成兔耳朵🐰海鮮有青口、魷魚、蝦仁、帶子等呢個好岩小朋友食呀椰味非常重，聞都聞到好香食落都一樣咁椰味濃風味燒豬頸肉 $95食親泰國野都會嗌豬頸肉即叫即燒好新鮮成塊豬頸肉份量好多燒完都係好juicy 保留肉汁配埋個辣醬汁食超惹味雞肉及豬肉沙爹串燒 各$17串燒都好有種類揀個沙爹醬幾出色帶點花生香味豬肉同雞肉都幾嫩

><而家晚餐出街食嘅話 餐廳有可能會延長午餐menu時間一坐底就送上熱騰騰例湯泰皇咖喱炒蝦配薄餅($118)手掌咁大嘅虎蝦 食落啖啖肉薄餅酥軟 撕開一塊塊蘸咖喱最正優惠價加配小食泰式酸辣鳳爪(+$25)香辣清爽串燒豬雞(+$25)燒得啱啱好 仲保持肉汁燒脆皮白鱔($106)皮脆肉厚 肥美爽彈鐵板豬頸肉啫椰菜苗(馬拉盞) ($91)幾大份 上枱時咋咋聲唔會話好濃味><><><><><><><><><><><小曼谷泰國美食元朗教育路50號兆明樓地下A號舖

講開泰國菜小曼谷呢個名應該唔陌生🤣除左九龍城之外，原來元朗教育路都有分店✨整體性價比好高😍下次會再黎，仲有下午茶套餐都好抵食！一入座侍應姐姐就送上冬瓜湯🤣 之後可以用QR code落單😎 泰式生蝦刺身 $108每次食泰國菜都唔少得生蝦🥰 呢道既生蝦一碟得6隻但真係好大隻！比平時食既更大更新鮮😆 每隻蝦配埋生蒜同泰式辣醬真係好爽🤪必食👌🏻 風味燒豬頸肉 $95呢道既燒豬頸肉亦都好有驚喜同份量😦 比起我平時食嘅多咗一倍既肉😂 火喉岩岩好，唔會燒到乾晒😆邊位好脆卜卜而且肥瘦適中😘 泰皇咖喱法包軟殼蟹 $158重頭戲來了✨泰皇咖喱法包軟殼蟹亦係必食🦀 法包烘得外脆內軟😍配埋椰香味突出既咖喱汁同埋炸到脆卜卜既軟殼蟹一齊食😌咖喱汁份量多到食到尾都仲有😝一切開法包就澎湃咁流出😂 芒果椰汁沙冰 $38最後叫左杯芒果椰汁沙冰🥭 芒果同椰汁嘅比例剛剛好😬仲可以adjust 甜度同奶既比例😌 好解渴！

相信係九龍城搵食嘅朋友都有聽過佢嘅大名。當年於九龍城扎根嘅小店，而家已經發展到有五間分店，就連元朗都可以食到。今次就等小編試吓佢同當年嘅水準有冇分別啦！🧐🤪
💛《泰式鮮蝦柚子沙律》🍤🍈柚子果肉綿密回甘，甜度同街邊$3x貨仔有好大分別。其口味較其他泰式沙律清新，唔會啖啖肉。鳳尾蝦🍤鮮甜爽口，口感彈牙，明顯有冰鎮處理過👍🏻。柚子🍈肉連花生、炸紅蔥頭蒜片、腰果等一齊食，口感豐富。再以青檸魚露椰糖混醬，開胃得嚟又甜甜蜜蜜🍯💛《泰皇咖喱法包軟殼蟹》🧄🌶🥘🦀軟殼蟹🦀幾新鮮，夠曬大隻，炸得非常酥脆。咖喱味道唔辣，重椰香味🥥，啱晒唔太食得辣嘅我。咖喱落咗雞蛋🍳，有少少杰身，陣陣蛋香味，點埋法包食更加一流!!🤤💛《極上燒安格斯西冷牛小排配白飯》🐮一聽個名，小編感到好奇，因為牛小排同西冷通常係兩個部位。🐮大大塊西冷嘅size，雖然油脂較少，肉質較為厚實，但勝在成塊冇乜筋位，加上廚師👩🏻‍🍳火候控制得宜，粉嫩肉心配微微焦香外表，加上靈魂所在嘅泰式醃料同醬汁，係個低調又好味嘅Fusion菜。💛《豬&雞沙嗲串燒》🍖(午餐加購)午餐加購$25可以獲得沙嗲豬肉及沙嗲雞肉串各一串。小編覺得兩者嘅醃料都非常入味（唔點沙

元朗站📍小曼谷泰國美食-呢排有得早收工，去食個early dinner（夜晚唔食好似可以減肥😹）冬蔭功湯（細size $98)女朋友勁中意飲，本來仲想叫個大size，好彩最後立地成佛，細size都飲到好飽，兩個人飲唔晒！兩隻大虎蝦🦐同秀珍菇都清晒😆冬蔭功夠酸，唔算太辣，好香嘅香茅同檸檬葉味，我就覺得有d酸，但女朋友話岩岩好（成日食酸野係咩事？😹）豬肉碎生菜包（$85）豬肉碎夠香、微酸，配埋紅蔥頭、芫荽，炒得夠香。生菜夠多塊，唔洗另外再加。泰皇咖喱軟殼蟹配蒜蓉包（$118）呢個係set lunch，5:30前仲有，唔洗加一😎咖喱唔算太辣，好creamy，軟殼蟹份量夠多，如果炸得再脆d會更香口。蒜蓉包好惹味，大大片，點埋咖喱食欲罷不能😋😋另外個餐加$16（半價優惠）要左個青檸沙冰，解渴一流（女朋友話如果再酸d仲正😹）泰式鹹魚炒椰菜苗（$86）係菜價咁貴嘅情況下梗係食返碟菜！鹹魚香唔算太出，不過味道ok，下次會食返馬拉盞🤪環境方面，都算係好企理嘅泰國餐廳。之前去九龍城、屯門食泰國野，餐廳環境都比較「地道」，呢間算係幾乾淨衛生。上菜速度夠快👍🏻

今日推介元朗小曼谷俾大家！👆🏼木瓜沙律清新醒胃，唔會太辣👆🏼豬肉碎生菜包新鮮生菜口感爽脆，泰式炒豬肉辣辣地幾開胃👆🏼泰式豬頸肉炒飯炒飯最驚就係炒到一嚿嚿，今次非常唔錯，炒飯夠哂乾身，惹味豬頸肉加埋蛋絲好滿足！👆🏼泰式馬拉盞炒通菜呢碟通菜係即炒，上枱蒸氣騰騰，而且馬拉盞好鬼香，裏面亦有好多蝦乾，越食越滋味👆🏼冬蔭公湯（大）誠意推介呢個！裏面足足有三隻大蝦，蝦肉口感彈牙，唔會有浸油浮喺湯面，酸酸辣辣好開胃👆🏼泰式乾炒肉片河呢個好足料！河粉唔會好碎，食落唔會好論盡，而且舖頭落咗好多肉片，夠晒我同朋友一齊開心share👆🏼泰王咖喱法包軟殼蟹本身自己好鍾意食軟殻蟹鬆脆嘅外皮，但又好驚會俾咖喱浸腍左，舖頭好好咁將咖喱同軟殼蟹分開上枱，食嘅時候將軟殼蟹點返落咖喱到就食得。咖喱亦都用麵包嚟裝住，食到最尾嘅時候可以嘆埋索滿咖喱嘅麵包呢！👆🏼椰青大大個幾好飲，用嚟解泰菜嘅辣就啱啱好！

朝早無食早餐，由大埔踩單車入元朗已經1點，同行者踩到腳痛，加上又唔熟元朗D路，不停行錯路嘅原因，結果是但入一間餐廳。到達餐廳已經2點，門口無人排隊，職員叫我地掃安心出行，但其實入面無位未入得😑…..由於想留肚掃街，所以一行4人只係叫左3個餐。泰式黃咖喱燒雞扒飯 $48呢個係3個餐中最好，咖喱杰身、有椰香、雞扒燒得幾香幾好味。泰式黑椒燒牛脷飯 $58本身以為燒牛脷應該係爽口，但原來係軟身，我不嬲都唔中意淋身嘅牛脷，所以麻麻地呢個。小曼谷炒米粉 $48上枱果陣仲以為自己去左茶記，因為個炒米真係好似星洲炒米，不過無鑊氣味，整體亦無星洲炒米咁好食，但勝在配料多。唯一中意嘅係餐廳用左我中意嘅幼身米粉。另外我想講講，本身餐廳除現金外，仲提供八達通、信用卡等付款方式，但當日職員表示系統問題，只可現金付款。職員話收$190，起初我地都無為意，但由於我要打食評，所以主動向職員索取收據，佢將收據迅速對摺比我地🤔。當我地未行出餐廳，就發現收據大大隻字寫住$173😮，即係職員明知我地$173，但仍收我地$190🙄。職員解釋源於上一枱客人$190用八達通結帳失誤所導致，但我用現金比錢，關八達通乜事呢?！同埋你禁

今日嚟到位於元朗嘅小曼谷🇹🇭🍍木瓜沙律$68 朋友唔係好食得辣，好彩今次木瓜沙律清新得來唔會太辣，木瓜好爽脆、蘿蔔絲亦都好鮮甜，加埋蕃茄仔係唔錯嘅前菜，非常之開胃！🥬豬肉碎生菜包$85生菜包份量好足夠！夠晒我哋五個人一齊分享，不過呢個就有啲辣，大家食嘅時候記得叫佢小辣，最鍾意佢嘅洋蔥，夠晒香口惹味！🌱泰式馬拉盞炒通菜$81呢碟炒通菜真係夠哂鑊氣👍🏻有好濃厚嘅蝦醬味，仲有好多隻蝦乾仔係入面，惹味到令你忍唔住一啖接一啖！我地成班fd好快就清空哂呢碟菜😬🍲冬陰功湯大$130平時麻麻冬陰公嘅我今次飲呢個湯竟然有意外驚喜🤩酸酸甜甜嘅味道對於唔太食得辣嘅我黎講十分友善🥰啲蝦仲十分大隻彈牙，仲有蝦膏添🦐😋🍜泰式乾炒肉片河$72份量正常，好有鑊氣，乾身唔會油淰淰; 豬肉醃得幾好食，味道偏甜，偏向大眾口味，豬肉同蛋絲比例較多，同炒河可以平均分，咁就可以啖啖肉。🍚泰式豬頸肉炒飯$72豬頸肉醃得幾好食，味道偏甜，適合大眾口味～飯亦炒得粒粒分明，仲有生洋蔥、車里茄同蛋，食落口感豐富，味道亦唔會太咸～🦀泰王咖喱法包軟殼蟹$158呢個極足料！大力推薦俾各位！成隻軟殼蟹加埋一個大法飽，好飽肚之餘佢嘅咖喱都好好食😋，

元朗小曼谷不嬲都係我同朋友嘅飯堂，今晚又黎呢度開餐。等位嘅時候見到好多外賣單，我都叫過一次外賣，同堂食一樣高質👍唔堂食都推薦外賣！黎到必食炭燒豬頸肉！ 份量超多之餘，味道一流！ 外脆內嫩，仲可以鎖住肉汁！配嘅醬汁都係香辣帶甜，非常惹味！另外串燒都係水準之作，雞同豬比較出色，花生醬亦都香到不得了！食泰國菜點可以唔食馬拉盞炒通菜！呢度仲可以俾你揀少咸少油，一樣咁惹味，馬拉盞極足料，食到一粒粒蝦米！正！最後仲有牛腩黃咖哩配蒜蓉包，呢度嘅黃咖哩偏甜，小朋友都啱食，牛腩薯仔份量都唔少，勁抵食！泰菜始終都係重口嘅，嗌埋杯椰子沙冰就啱啱好啦！椰子都係新鮮即榨！正😍😍

今日又嚟咗元朗喇，走咗行好耐無上過去嘅嘉成商場望下，原來好多變曬整指甲鋪，都無嘢睇，直接去食嘢。反正係對面馬路，幫襯返之前食過好食嗰間小曼谷。今次同行果位同我一樣無飯癮，今次咩粉麵都唔使叫叫咗咖哩青口，生菜包，同埋上次叫過我覺得好食嘅芝士炸蝦球同飛天炒通菜。咖哩好大碟，青口大約有十隻，汁正其實可以送好多飯添～不過唔食飯生菜包菜新鮮，肉唔會油淋淋，我走咗我唔食嘅洋蔥同蔥，食得好爽～其他兩味保持高水準，椰汁冰正，朋友果個係椰皇沙冰，唔知佢定我果好飲d呢～

又開始掛住泰國菜 所以入到元朗就搵間正嘅 呢間我之前有試過其他分店 質素好好 今次黎呢間分店都唔例外我地先叫左煲椰子雞湯 下面有個小火保持溫度 冬天就岩哂了 飲落椰子同椰奶味相當香濃 口感都非常細滑 好有滿足感 加上佢湯底多料 雞件雜菌都應有盡有 好抵飲另外好欣賞一款小食 就係泰式蠔餅 餅底炸到好鬆脆 蠔嘅分量更係一啲都唔少 另外沾上泰國菜招牌嘅咸魚露 真係有身在泰國嘅感覺🤭🤭至於一客青咖喱豬肉都好吸睛 佢係比較冇咁辣嘅咖喱 又係有比較香濃嘅椰汁味 入面嘅豬肉好冧好滑 配上豆豆 好營養均衡嘅一味餸🤣🤣 我地叫嘅一碟炒飯味道較為清淡 撈埋落去食簡直一流🤗另外值得一提嘅係餐廳飲品好大杯 食泰國菜呢啲會有辣或濃味嘅食物就好perfect 啦🤪

平時好少去元朗，今日難得去開就決定去食呢區都出名嘅泰菜。叫左個椰青$39同椰皇沙冰$32欣賞佢嘅沙冰有得揀甜度同奶嘅份量，可以自己揀適合自己嘅口味。椰青大大個，清甜厚肉。沙冰就似椰汁西米露，冰好棉滑，飲落順吼。泰式馬拉盞炒通菜 $81同樣有得揀鹹同油度。菜都嫩同爽口，正常發揮。泰式鐵板蠔餅 $111鐵板上，賣相吸引，仲保持蠔餅溫度。 蠔餅炸得酥脆，蠔仔份量都多，蛋漿厚。黃咖哩雞肉 $90咖哩唔辣，椰汁味出，適合唔食辣嘅朋友。裡面有紅椒青椒洋蔥薯仔同雞肉。佢嘅薯仔同蔬菜索曬咖哩汁，正。椰汁雞湯 $82好大鍋，裡面有菇、雞肉同洋蔥。 湯係偏酸個隻，椰汁味比雞味濃。整體用餐氣氛良好，服務員有禮貌，又唔會話坐到好逼，都係一間唔錯嘅泰菜餐廳。

說今晚有foodie同事帶我去試食泰國菜，心陏陏就想寫下食評。今次係小弟第一次寫食評，有乜錯漏多多包涵呀。首先講吓間餐廳環境。一入去就知道唔係sell grand嘅路線。雖然冇堂皇嘅裝修，不過勝在夠舒服，都唔算話太迫。一入去啲服務員態度都幾好，會主動行過嚟問你想食咩。✅✅講到食物方面，個人覺得就比較平庸。今次我同同事兩人總共買咗一個黃咖喱，一個湯一個菜同埋個蠔餅。整體份量都幾足夠。🉑️- 黃咖喱雞： 3/5咖喱味較淡，但勝在雞肉夠嫩滑😋，整體份量都幾足料。個人唔食得辣就覺得個辣味可接受，但如果係愛辣之人應該會覺得唔夠惹味。- 椰子雞湯： 2.5/5坦白講呢個有少少令人失望🥲。剛呈上來嘅外貌係幾吸引，但係細望之下其實啲雞件比想像中少。個湯主要有雜菌同埋芫荽，略嫌芫荽個味有啲蓋過咗成個湯嘅味道。整體個湯味偏酸，失去左椰子雞湯應有嘅雞同甜味。唯一個好處係佢啲雞肉真係幾嫩，如果多番啲我諗成個湯嘅水凖都會有所提升！🔥- 馬拉盞炒通菜：3.5/5個菜食落唔會太油，味道偏淡，入邊啲蝦米幾香，幫佢加咗唔少分。🔥- 鐵板燒蠔餅：4/5咁多餸入邊最推介呢款。蠔仔嘅份量一啲唔孤寒，味道都幾鮮甜又唔惺，美中不足

講起泰國菜，相信大家未食過都會聽過小曼谷，原來元朗都有分店，食物質素同九龍城總店都差唔多，保持到水準👍🏻冬蔭公湯 小$97湯頭有菇菌同2隻原隻大虎蝦，虎蝦肉質緊致彈牙，豐富嘅香料令冬蔭公湯特別濃郁，酸酸辣辣好惹味😆黃咖喱雞肉 $90黃咖喱係泰式咖哩當中口味係最溫和同辣度最低，啱晒唔食辣嘅朋友☺️，咖喱微甜，口感溫潤香濃，雞肉嫩滑，配泰式原味烤薄餅 $32 一流❗️鐵板豬頸肉啫通菜(馬拉盞) $88鐵板上菜可以保持溫度，燒豬頸肉外焦內爽，份量都幾多下，通菜新鮮爽脆，馬拉盞鹹香濃郁，仲有得揀少油少鹹😙頂級牛柳粒沙嗲串燒 $50小曼谷嘅泰式沙嗲串燒係招牌之一，燒牛柳粒肉汁豐富，配菜有蕃茄同蘿蔔絲，配上辣中帶甜嘅沙嗲醬好惹味😍