小曼谷泰國美食 (教育路) (已結業)

泰國菜真係無論幾時講起都係咁吸引，係元朗開咗嘅年幾兩年嘅小曼國泰國美食一向都係我嘅固定泰菜餐廳！必點炭燒豬頸肉！🤩🤩🤩好少係街食到真正有炭燒味嘅豬頸肉，通常都好乾身，靠啲醬料調味，但呢度嘅豬頸肉真係驚為天人，有炭燒味，勁多肉汁、仲有勁大份！😳😳 必點！黃咖哩牛腩 + 蒜蓉包呢個配搭都係無死，咖哩椰奶味濃，偏甜，啱哂我口味！份量極足，好多牛腩🤩🤩蒜蓉包香得黎唔會太硬太乾，絕對唔係放咗好耐嘅包😜馬拉盞炒通菜勁好味，好有鍋氣！超鍾意❤️ 通菜唔老，調味惹味，正！絕對係我食過嘅馬拉盞炒通菜前三名海南雞相對之下海南雞就係平均水準啦，可能係隻雞瘦咗啲。不過醬汁超正！椰皇沙冰呢杯野都極推薦😋😋😋一飲就知係真材實料用新鮮椰皇打出黎！正！