容記小菜王

营业中

休息中

容記小菜王在深水埗福華街年代的小型飯店,已有名氣,很多街坊和慕名者幫趁!據闻容哥曾是菲律賓總統的御厨, 也曾在電台開咪介紹烹調美食！最近知道它們在太子道西重開,那天晚上我地9点零鍾去懷舊下！首先來一盅北菇燉螺頭湯 - 湯底很香的菇味,加上有螺頭,雞脚和唐排,可以飲多两碗！天下第一雞 即是上湯浸的切雞！半隻已經很夠份量!瓦煲焗魚腸, 經典懷舊菜, 用魚腸和雞蛋混合焗至金黄,加上胡椒粉很夾和有辟腥作用！加多一款清淡些花膠杞子浸時蔬！飯後甜品桂花糕 - 有D似大菜糕質感,不太甜！

老公話知道容記喺太子開業。佢話以前容記喺深水埗福華街，都頗出名嘅小炒王，老闆容哥聽説喺由菲律賓回流香港開鋪。佢話帶我去試下。一於收工後就去試新嘢。餐廳位於太子地鐵站不遠處，交通非常方便。餐廳位於一樓，地方光猛，整潔。到達時已經喺晚上九點多，餐廳仍然有很多食客。老公已點好菜，等我嚟到就上菜。先上燉湯, 味道清甜。半隻招牌雞。再上「洗衣機蒜香骨」，個名咁奇怪。經理話以前真的用洗衣機攪拌肉骨，因此得名老公點左佢鐘意食嘅懷舊菜-焗魚腸。都吾錯，蛋香味混和胡椒粉，可去除魚腥味。花膠浸菜，清渶點嚟配肉 還有飯後甜品，桂花糕，味道不錯。

經常揸車經過容記小菜王，大大個招牌，印象深刻，約咗人係鄰近，佢話哩間菜色唔錯，於是乎上去睇下咩料。叫咗一個螺頭雞腳豬肉燉湯，一個招牌雞蛋焗魚腸，燒腩仔同薯仔和牛粒。一向唔多好焗魚腸，全因細細個屋企人煮哩道菜煮得非常腥，但今次哩道焗魚腸居然一d都唔腥，而且焗得啱啱好，雞蛋熟哂而且好滑，大廚掌握時間啱啱好，一讚。燒腩仔皮脆有肉汁，但最特別係皮薄，所以口感特別脆。原本都無諗住叫飯落肚，但見到薯仔和牛粒噤好送飯，不得不叫一碗，和牛肉汁充足，送飯一流，味道適中，唔會太甜同太咸。望上去以為螺頭湯平平無奇，但入口清甜唔肥膩，雞腳嘅骨燉到脆哂口，最後成鍋飲哂，因為實在太好味。每次想盛碗湯黎飲，服務員即刻過黎幫我地裝，服務態度不知好過幾多餐廳，哩點不得不俾個 like。望一望，𠵱！原來有間VIP房喎，下次聚會又多處好餐廳選擇。

今天父親節，兒子知道容記日前重新開業我曾光顧並👍不絕口說菜式不錯！所以很有心預先訂好今天晚上帶同女友與我一起再次光顧慶祝父親節！我們剛坐下侍應就不停地推介海鮮，可是容記出名的是小炒，食海鮮就不會來這𥚃啦！所以我們點了容記的招牌菜鐵板茄子，燒腩仔，蒜香骨和冬瓜盅，可惜没有一樣算得上好食，比上一次的水凖相差天共地！食到一肚氣，正是乘興而來，敗興而返！我們决定以後也不會再來了！倒不如去深水埗新容記更有保障！😏

名大於實，野食似整定，吾太熱，非常失望冇招牌燒肉，係甘sell海鮮，大佬，食海鮮洗食你？又貴又吾抵食，容哥名已臭，初初勁排隊，以加見到8點都吾滿座，冇心咪鬼開，丟架

見到門口冇人排都心知不妙，果然不出所料，質素同以前差得好遠。出名燒肉差到冇得形容，叫左碟大既連埋加一兩舊水，比d街邊幾十蚊盒燒味飯既質素。墨魚咀炸粉同個咀分開上，和牛薯仔粒，味道一般，最好食應該係個菜，夠淡口夠健康見議老闆不如真係榮休唔好再踩自己招牌喇

這間餐廳是我近年來感覺服務最差食物最差既中菜餐廳，我地book左枱都要等枱等左好耐，打開menu真的選唔到食乜好。已諗好啦，諗住叫服務員落單，兩個服務員應完都冇再返來。兩個態度都好不善。第一次來試，又會是最後一次，諗住同d friend提意試這間食生日飯，好失望，令我都覺得對d friend唔好意思。。食了一陣我地冇哂心情，最終去左附近食令一間餐廳。再去食甜品。之後我地先開心d,心情由唔開心變唯開心咋！下次一定不來幫襯。

舊年3 月有一件轟動飲食界的事， 就係貴為菲律賓御廚加上米芝蓮加持嘅容哥退休。雖說兩日後除了明哥外原班人馬復活。但無衝動去食。闊別一年。經過深水埗這個平民美食天堂，此終心思思去試一次。今次兩個女仔所點唔多。只係兩個餸。“天下第一雞”係我必點嘅餸，說白了其實就係沙蔥雞。但係能夠自誇“天下第一雞”必定有其過人之處。雞胸可以滑過出面D雞俾肉。雞俾肉可以滑到連皮跌落個胃。沙蔥癖左雞的腥味，亦令肉味提升。另外一碟就係“鐵板原條茄子” 茄子要好食最重要個汁。免治豬肉配上洋蔥令茄子味道提升。加上香脆嘅外皮。令本來唔食好多飯嘅我都食曬成碗白飯。PS： 味道的確能夠Keep 到當年水準， 其實容記有好多正野，奈何今次得兩個女仔， 如果下次再去一定要帶多10 個8 個朋友去試多幾個餸。

訂咗20:15枱，喺19:45到，結果要20:50先有枱，坐低叫餸乜都無，服務差，地方細，食品一般，仲有用骨碟上味沙拉骨，大佬你收人$86，做返好少少啦，無下次

由於因爲廣告加之前係聽聞容哥係深水埗出名，所以一見開業幾天就來試試，點知...。當晚入座後睇完餐牌便叫來一名高大廋身材黑西裝男侍應，落單時，想叫招牌菜：揚名國際燒肉，「冇」個爐壞左😱🤔食海鮮啦，家鄉秘製扣肉冇😒，砵仔魚腸冇😤，食帶子啦！我地海鮮好靚架食海鮮啦或蒸魚啦！跟著我們便點另一些餸菜，他的樣子表現不悅，落單後我們感覺有點焗熱請他調控冷氣，回覆中央冷氣嚟架係噤架啦！再問他可否開電視機，回覆電視未接電線就行開了。跟著餸菜送上枱我們食了三份二，侍應就將該碟倒到另一碟😠。 當晚所叫餸菜最好味只有天下第一雞同彈牙鮮蝦餅，洗衣機蒜香骨味道都可以因份就真係太少啦得6粒！試完呢餐為容哥有點擔心！！！真心誠意嚟晚餐，餐後感覺失望同應該唔會有下次

聽講係之前深水埗好出名既小菜王, 近日係太子開番, 即刻去試一試, 星期日夜晚6點半黎到, 已經好多人等緊位, 最後等左45分鐘先有枱, 環境都幾逼, 好嘈, 侍應又成日漏單X_X, 同埋都幾光速餐一行12人叫左好多餸, 沙薑雞係成晚最好食既一樣。肉質幾嫩, 雞胸位都唔鞋;煎肉餅, 都幾特別, 唔係好多地方有得食, 不過油左D;沙拉骨,炸蝦餅, 炸鮮魷, 乳鴿, 正常貨色, 唔覺得太特別好食, 不過釀茄子值得一試, 燒汁甜甜地, 同茄子好夾, 用鐵板上, 正重點係, 每位大人會送一支ASAHI!!!!!