容記小菜王

营业中

休息中

經常揸車經過容記小菜王，大大個招牌，印象深刻，約咗人係鄰近，佢話哩間菜色唔錯，於是乎上去睇下咩料。叫咗一個螺頭雞腳豬肉燉湯，一個招牌雞蛋焗魚腸，燒腩仔同薯仔和牛粒。一向唔多好焗魚腸，全因細細個屋企人煮哩道菜煮得非常腥，但今次哩道焗魚腸居然一d都唔腥，而且焗得啱啱好，雞蛋熟哂而且好滑，大廚掌握時間啱啱好，一讚。燒腩仔皮脆有肉汁，但最特別係皮薄，所以口感特別脆。原本都無諗住叫飯落肚，但見到薯仔和牛粒噤好送飯，不得不叫一碗，和牛肉汁充足，送飯一流，味道適中，唔會太甜同太咸。望上去以為螺頭湯平平無奇，但入口清甜唔肥膩，雞腳嘅骨燉到脆哂口，最後成鍋飲哂，因為實在太好味。每次想盛碗湯黎飲，服務員即刻過黎幫我地裝，服務態度不知好過幾多餐廳，哩點不得不俾個 like。望一望，𠵱！原來有間VIP房喎，下次聚會又多處好餐廳選擇。