妹記大排檔 (已搬遷) 新店位置

這日收工唔知去邊開飯，又不是太肚餓，突然心血來潮要去妹記﹗成年前的食評應該有0的都係我架喇，話說年幾兩年前呢度真係收工主場，日日落黎食飯飲酒玩個不亦樂乎，飲到大哂要小惠姐趕先肯走﹗來到先有驚喜，就係見到老朋友Johnny哥，佢老哥仲係日日駐場，無見一年，風采依然，仲幫呢度賣廣告做生招牌添，佢竟然見我入來仲認得我，走埋過來飲番兩，傾下近況，這是人情與親切，亦都係有時會想起呢度既原因﹗點左幾樣食物送酒，工友點了鋼鍋雞，無食咁耐呢次做得辣了，入面加左大量辣椒，雞肉仍嫩滑入味，亦比以前加左多大量蔥段，岩哂我呢個蔥蒜友﹗再來是黃金魷魚，份量好似細左，由於唔少魷魚上的蛋黃炸粉都甩了，所以感覺食落無以前咁香濃，不過還是好吃的﹗最後是佐酒必點的南乳香酥骨，炸得無以前食既咁乾身，當然仍然喜愛﹗次次來親都無得食墨魚咀，今次又賣哂了﹗這兒留下太多回憶，每隔一陣又會想來坐坐，當然永遠支持啦﹗

昨晚和一班同事，一伙14人到妹記吃飯。聽同事說這家大排檔以往的口碑不錯，那就試試！結果令我大失所望！同事也說大不如前，果然是「小菜」─碟小菜少，份量很不夠！我們叫了10個菜，每一碟都很「迷你」，其中「黃金蝦」的小蝦太干，吃不到鮮味。一碟炆排骨台豬肉，簡直強差人異，肉又干又太熟，又稍有一點兒異味(那種肉燥味)，蒸扇貝蒸得太熟，扇貝肉不鮮嫩…總之很不開胃！雖然結帳約9百多塊，不算貴，但一會兒功夫菜已清光，份量少還可原諒，但味道真的太差…總之，沒有下一次！

妹記是讀書時其中一個吃飯的重點選擇。不過現在才發現原來一直也沒有正式寫過。現在的妹記比數年前佔了這街市熟食中心更多的舖位，型型的老闆娘也比以前更加忙碌，又不是特別熟，就不便打攪了。可是食物方面仍然很有水準。炸豬手炸得很香脆，內裏卻不會炸得太乾，不錯。炒蜆份量不少，人多吃也夠分，當然炒蜆來說夠熱的話當然不會有問題。炸芥末墨魚丸，算是特色招牌之一吧?香口得來也很彈牙。粉絲蒸勝瓜、沙拉骨和蒸烏頭魚都洽如其份，一般吧。蒜蓉西蘭花/炒通菜鑊氣夠就是。焗魚腸，小時父母點的不會吃，大個自動自覺點的還是第一次，焗得很好，也沒有腥味，魚腸與蛋的味道很匹配，可能同是蛋白質豐富的關係吧?黃金蝦就不太吸引了，蝦小小的，咸蛋也不太夠，是唯一不合格的。也許不及東寶或者跑馬地，如果朗豪那邊(2008-07-04食評)已算是好，這裡為何又不值一個笑呢?個人來說更喜歡這裡，大排檔氣氛好得來，卻不會如其同類熟食中心般嘈雜。碟頭小小的，人多的話多叫幾款好了。要約齊人實在困難，就黎要一年先可以齊人一次。無辦法啦，朋友們個個都當紅了，有fans架喇宜家...

Went there on 18/9/08 with a few friends. The whole place is packed with people. You will nicely-dressed OL, lovely young girls, men full of tattoo, etc.We have ordered-(a) 油炸鬼, which is deep fried 油炸鬼 stuffed with squid, served with sweet and sour sauce. The taste is great, and it is not oily.(b) 蒜蓉steamed勝瓜 - 勝瓜is fresh, come with large portion.(c) 妙蜆 - not worth it. many of them were not thoroughly cooked.(d) 涼瓜排骨煲- 涼瓜is fresh and tasty but come with a small portion.We have ordered a fe

真係都唔知呢間野行左咩運，成日都有人排隊等位，就約埋朋友試，點知唔試由自可，一試把幾火，叫左鍱豉椒炒蜆，跟本得個咸字，果鍱炒菜就真係好似係垃圾筒執番上黎炒比你食咁，菜頭菜尾，根本唔食得，炸大腸又凍冰冰，炸墨魚丸食落跟本就唔知係咩味！火滾到即刻埋單，但又唔知點解仲有人係門口等位？真係好唔明？

想吃便宜一點的東西，大家不期然會想起去排檔。身在尖咀，要找排檔，當然首選是海防道街市入面的數檔，再下來便是在金巴利街的這裏了....記得從前這街市不光只是妹記做夜市生意的，但在馱弱留強下，現在已差不多變成獨市生意了...平日來到，依然擠得水洩不通，人丁旺得不得了。不過，只是得太座跟我，要找一個位子還是不太困難的....記得這裏是有數個招牌菜的，但只是隨便吃吃，那就不用那麼細究了。隨口叫了三個小菜便算....去到排檔，來些香口的菜式自是必然了。鬼馬油炸鬼只是將蝦膠釀在油炸鬼上，用來送酒是一流的 (不過是夜只喝了支玉泉忌亷，當然失色不少啦)。這裏的釀料反而以墨魚膠為主，彈牙程度一般；油炸鬼經再翻炸之後硬得牙咬不動，太座不太欣賞。不過勝在大大碟，一碟差不多有十數嚿，兩個人吃，委實有點過份久未嚐薑葱生蠔煲，來了一個。生蠔不夠肥美，葱比蠔及薑都來得多，不抵食...太座忽然說想吃柱候牛腩煲，殺了小弟一個措手不及，但這反而是三個菜之中最好的 --- 醬夠濃，牛腩夠淰。當然在這情況下，墊底的枝竹最美妙，轉眼間一掃而空....望見隔鄰檯的戰鬥碗，想起了渣華道的東寶。小弟今晚就去吃，看看這個原裝正版的水準

剛好要到尖沙咀特意在網上挑了這間去試一下晚上8點 還是人頭湧湧大家都在用戰鬥碗喝著哈爾濱啤酒感覺上很豪氣阿1. 金沙蝦-味道不錯 但蝦肉就不太彈牙2. 魚茸飛天通菜- 味道很好 但菜就有點油3. 蛋蒸鵝腸- 一般般 蛋有點老4. 鋼鍋雞- 雞有點硬 還有雞太少蔥蒜就一大堆5. 鬼馬油炸鬼- 粉太厚了 很一般不覺得有甚么鬼馬總體來說還是不錯的我們入座後還陸續有人在等位子果然名不虛傳 有機會還去試別的菜式

上星期同班朋友去食妹記. 已經是第2次食.第一次都已經覺一般了. 第2次去食就仲唔惦.我們一行8人點左7碟小菜加一個湯. 依稀記得有個黃金蝦/3色豆腐/抄菜/沙拉骨/豆腐湯....黃金蝦--大碟頭不過蝦肉勁唔新鮮,應該雪左好耐.3色豆腐--味道一般,不過份量少得可憐, 厚度大約有1cm,抄菜/沙拉骨--一般,冇驚喜. 唯一冇投訴豆腐湯--全台人一至認為個豆腐是酸的...好左第2日冇肚痾.唔係妹記都要上頭條.

前日同朋友去呢间食.两个friend都话听闻几好,但今次亲身经历真系差好远.我地叫咗椒盐九肚鱼,尖椒猪颈肉,同埋招排菜沙拉骨,铁窝鸡煲,炸猪手.全部菜,D葱多过乜,大概有2/3.九肚鱼面粉好厚,无乜鱼肉;尖椒猪颈肉怀疑系用"咇"水猪肉,味道算合格,但一路咬,一路出水;沙拉骨&铁窝鸡煲味道最正常,但系都只算正常,无咩特别.炸猪手好曳,无肉,D皮又炸到痴牙.呢餐真系好差,坤钱唔紧要,但真系好无诚意.呢D就系真正浪得虚名.

12 Aug 2008 晚餐鬼馬油炸鬼…好鬼硬呀…小心"杉"嘴加埋炸豬手…口腔內點都會有傷口…真係炸到又黑又硬鴛鴦烏頭原來係酸梅一半、豉汁一半同碟蒸…咁點會有酸梅味呢…不如全豉汁算數啦一個唔記得叫做咩o野…用南瓜仔做…成個上…內藏蝦乾、腰果、西芹…等算幾特色其他抄菜、蒸魷魚算普普通通啦但碟頭真係要注意…太細喇…三、四個人食就 OK … 多人就真係唔夠分…唔通打孖叫咩！另外…呢度都係用碗飲酒…某讚助啤酒特色

第一次吃妹記大排檔, 伙計落單用pda 見阿姐們一次出晒一籃籃炸物, 就知好多人叫落單5分鐘就上第一個菜 好快手, 好熱鬼馬油炸鬼 - 有幾鬼馬呢?炒蜆- 正正常常, 好吃薑蔥蠔 - 好多蔥, 蠔都有7,8隻粉絲牛煲 - 正常酸甜骨 - 正 帶子西蘭花 - 正 炸牛肚魚 - 一般, 少油讚香酥骨 - 好一般 最差是 : 炸大腸 << 凍, 又不脆, 無味; 酸薑皮蛋 << 不值 $28 ~~~

今次係第二次去妹記，上一次黎已經係06年既事，當時的確好好食但係事隔兩年味道已經不及當時喇～！鬼馬油炸鬼：唔再脆唔再熱只係少少暖避風塘雞翼：只係炸雞翼加炸蒜頭　　無乜味道黃金蝦：唔算難食，但係蝦殼炸得唔夠脆食落又有渣白灼螺：無乜可能整得唔好食，所以都幾好啦不過我都仲會比機會佢啦，我唔希望再下次去比今次更差

大排檔原來就係韓國街附近，入到先知原來係food court的場，不過都成十一點了，全場是妹記全包，時間也不早了，但也見許多客人坐了中間的半個場，睇離都幾旺場的，全座都有冷氣夠光猛也不失大排檔的獨有風味，很不錯！坐下便有啤酒妹過黎sell啤酒，哈爾濱做緊特價就來一瓶吧！啤酒用碗裝住真係好耐無試過，不知多久沒在大排檔吃過飯了。沒試過哈爾濱啤酒，夠晒冰凍，飲落不苦，甜甜地很順喉，飲落非常舒服，Menu擺在檯上一大堆，其實真正的菜牌就是2張，其餘都是大排檔的威水史和報章的介紹菜式等等，野食唔算貴，平均40-70蚊一道餸，生蠔煲都只係68蚊，兩個人也不想吃太多東西，叫住兩個餸不夠再叫，要了飛天通菜煲（食左曉飛天？）和生蠔煲，大排檔的上菜速度自然是飛快，通菜煲熱辣辣都幾香，味道與外面吃到的不太一樣，是秘制的吧，感覺不錯！生蠔煲也夠晒熱辣辣，有成十隻生蠔甘多，不過味道真係痲痲，食落酸酸地唔知係汁定唔新鮮造成，而且肉很霉，實在是不太對味，也很油！個通菜煲也很油，食到底見到滿底也是油，固然非常飽肚，不宜再加餸。埋單148，計落也不算太抵食，不過吃到了久未試過的大排檔風味和飲到了好的啤酒也是值得吧！

補寫 08年6月26日開完會一伙人為左試食物就黎呢度一黎就坐錯位 攪咩特式裝修 咁多燈真係好熱...食左鬼馬油炸鬼 鐵x雞 沙拉骨 南乳骨 炸豆腐等真係唔好味...同埋唔覺抵食唯一有趣係落單用pda睇黎呢度比我既或者係回億06年既我 第一次同poly pac既人食晚飯 就係呢度06年同左頹青隊打完bbqcap慶功而黎加埋3唔識7既球星鄭錦興07年同左lgt既隊友加幾位hd既同學黎慶功食以成過去了。希望下次黎因08年polyu lgt cup winner 而黎雖然我同另一隊友已經唔係polyu既學生

2年前開始食妹記，因為TST個頭無咩類似地方，個時覺得好有大排檔風味，食物亦都有水準，但係1個月前再去，已經唔係個回事，人依然多，但係食物真係太差，可以話係全無誠意，做飲食真係好難keep到水準! 又少一處食飯好地方!