妹記大排檔 (已搬遷) 新店位置

今晚同左女友去左呢間店到食晚飯,兩個人叫左四個菜,分別係:1)椒鹽八瓜魚咀:口感唔錯,好彈牙,但唔夠味.2)西檸雞:味道唔太酸,雞炸得夠脆,但太多粉.3)金沙蝦:味遁唔太鹹,蛋味濃,蝦亦夠新鮮,夠彈牙,不錯.4)蝦醬炒芥蘭:出乎意料之外咁好食,原來兩樣野可以咁夾,又一新發現.但以上所有小炒都冇乜鑊氣,而且超快凍,大排檔或茶餐廳唔應該有呢d事.

妹記妹記，未搬舖前去過一次，覺得水準一般，不似預期；現在遷往新址，聽人講得多有幾舒服有幾企理，昨晚終於首嚐，結果還是沒有預期的好。我承認，她的人工化大牌檔風味做得比銅鑼灣香港大牌檔出色，樓底低，圓檯擺得密集，加上人聲鼎沸，夠哂熱鬧。朋友未到，先來客酥炸八爪魚咀和炸大腸，出色，前者炸得不油膩，又好嚼頭；後者洗得乾淨，醬汁提升輕怡感，但略嫌腸不夠肥，欠嚼勁。而前言所為的不似預期，是指酥炸呀、避風塘呀之類熱氣o野以外的熱菜，好像羊腩煲，料少而碎濕濕，肉不全是連皮羊腩，由於我不吃中式煮羊，所以吃不出是否正宗黑草羊，但聽朋友講羊肉很韌，難咬開，且單看感覺沒睇頭。蝦醬蒸鮮魷就明顯是味精菜，自問吃得鹹都難抵鹹味，食完成個咀好似腫了，又「拿」又微灼熱的；沙拉骨....... 間直是差！不明白為何有報導推介這~ (不排除只是是夜水準不遞！) 沙拉醬不夠惹味，肉又韌又「癡」骨，好難咬開。唔....... 不過，個人幾喜歡店內氛圍，亦喜歡老闆娘夠爽朗，會再試，希望水準更佳啦~** 估唔到個哈爾濱啤幾好飲~ (好過x力、x妹啦！)** 是夜好好彩，無訂位，去到俾個女人打尖都算，佢一開仲來個26人無訂位入座！好

原本諗住收工食餐好既....點知早知去大家樂仲好果日我同朋友咁岩想去大排檔食野，於是就去左妹記試下一入到去，見到佢既裝修都幾有心思，模仿舊式大排檔坐底叫野，果個男人就將個餐牌飛左個黎桌中間，勁無禮貌都算啦，我地叫左個南瓜煲咁既物體，入面有腰果，蝦，"更"菜我想講,d蝦完全無味! d"更"菜洗唔洗咁多牙......d蝦同尤魚少得可憐之後再黎個通菜.....完全唔掂，淡某某,好難食最後我最愛既椒鹽九肚魚。。。。。竟然可以咁難食，我好想講我食唔到椒鹽味，d粉落得太多，好厚陣皮。。。。。激死人我平時都好少打咁多字，希望各位兄弟姊妹小心

十月二十八日.夜.一名外號"無雀仔既腳"人士,遭四名大漢嚴刑烤問,包括鬼計多端鬚哥,精打細算餅王,愛老婆多過愛國中山裝同食極唔飽爐兄,終於幾杯快車水之下,精神開始崩潰,當然,飲得快車水就一定要有野送酒啦.五指毛桃煲豬骨 : 原先見到豬肺湯,即時已經唔想要,實在近日飲得太多,轉一轉口味都好,呷一口湯,五指毛桃本身有點近乎椰子的味道,再加上有足夠火侯,實在清甜可口.炒虎尖椒 : 自已一向怕太辣的食品,起初一聽見虎皮椒都打個突,但大廚先將最辣的核囊去清,辛辣度相信已失去一半,用豆豉一類香口配料炒,令味道不至太單調,更加充滿鑊氣.炸豬大腸 : 一道愈來愈少人做得好的一味菜,對上一次同蒸餾水係大埔東江雞食,真係完全失敗,反而今次好得多,但只可以話合格.由於豬腸一早切去肥膏部份,只淨外皮去炸,當然會易脆口,而且健康,誰不知,肥膏的豐腴口感,加上外脆內嫩先係精髓.份量比平日見的少一半,但要健康就唔好食.風沙雞(半隻) : 炸過的蒜粒完全將雞件蓋過,雞是雪貨,味道不太突出,肉質偏實,其實以斤來兩斤重的雞,理論上應該易控制火侯,有期望所以失望,反而蒜粒炸得香口幼細,有碗粥送就好好多.鬼馬油條 : 說穿了

在金巴利街發跡的妹記,現今終於搬入舖,在金巴利道與福臨門做街坊.即係有種"升呢"的感覺.新店在地庫,環境比之前在美食廣場好.而且更刻意復古,打扮如大排檔一樣,近年常說集體回憶,尤其是飲食文化,早前的Starbuck同蘭芳園,已經被G.O.D復刻.主理人小慧依然滿長飛,同六年前剛開店的態度一樣,不過現今在面上,多了一份蒼桑味道.由foodcourt做到入舖,始終是有代價.五位麻甩聚首,每人點一味菜,湯水有燉湯如豬肺湯,真係今時不同往日矣.日前在龍門已喝過豬肺湯,身邊的史提芬說:又來肺積水?是夜例湯是五指毛桃湯.$48一窩,夠五個人分.這個五指毛桃豬展湯,味道帶點疑似用椰子煲湯的味道,不過真的清甜.絕對適合近日身體不適的爐兄.炒虎尖椒是陳真兄的主意,吃這個虎皮尖椒,味道不甚辣,只有一點點刺激.如果用豉油皇來代替用豆豉炒,才是我最愛的吃法.炸大腸也算不俗,脆口的大腸下,附著一點肥膏,帶點大腸的"香"味.風沙雞半隻,皮是脆,雞肉是一貫地實,雞味不重.不過香脆的外皮,加上惹味的金蒜,總能接受.鬼馬是小弟心水,在早年已經吃過,即是油炸骨之內釀入墨魚膠.現今很多小炒店也可吃到此一味.無錯墨魚膠夠彈牙

星期三, 女友去了旅行未返, 父母去了飲喜酒, 正想找人陪食飯之際, 突然收到食友之來電, 5條佬相約 "深長水" <----- 我位BBC老友, 教左佢十次, Tsim Sha Tsui 叫尖沙咀......佢永遠都唔記得......"深長水"相個只有我明佢up乜.........大家相約在妹記. 上次黎妹記, 已是昔日在金巴利街的大排檔的時代, 如今入了鋪, 一落某商業大廈地庫, 地方闊大, far end仲有一個人黑版.......一個好得意既感覺....就是什麼校友會宴, 係學校課室/禮堂擺酒咁......黎得妹記, 唔食小炒食乜. 當中梗有一些內臟食物, 香口的炸點, 同入秋了, 羊啊.......當然, 名物鬼馬油炸鬼當然是必點啦.先來一個例湯, 叫什麼名堂不記得了, 總之是一窩不錯的老火湯啦, 飲落清甜, 肉味骨味全部煲哂出黎. 除了有味精味之外, 個湯算是冇得彈.第一碟菜, 是我嚷著要食的炒虎尖椒. 不要以為辣椒, 就一定勁辣, (直接食.....咪玩啦.....), 其實並非隻隻辣椒都是超辣, 最辣其實是個核囊, 去了核的辣椒, 辣度其實已經減了大半. 用了豆

一大班朋友食飯，雖然知 OR 上已經儲左好多劣評，不過朋友介紹，照去﹗鬼馬油炸鬼完全不能稱為招牌菜。首先一上枱是微暖，皮極厚而不脆，唔講都食唔出係油炸鬼皮。內裡的墨魚滑唔彈牙，無鮮味。成碟餸最出色係醮漿，甜酸得宜，開胃﹗西檸雞竟然係眾多所謂招牌菜中最好食，至少達大排檔水準。上枱熱辣辣，雞塊炸得脆卜卜，一咬開仲有 d 肉汁夾雜住熱煙~~檸汁不會甜得似假，酸度剛剛好，唯一不足係汁不夠 "卦"，略稀了一點，但依然係全晚最暢銷的餸。金銀蒜粉絲蒸勝瓜勝瓜新鮮，蒜磨得夠蓉，炸得夠香，可惜太多豉油，令鋪底的粉絲太咸，吸不到瓜既鮮味。鋼鍋雞超級麻辣，係不知情下食左一舊吸滿汁的冬菇~~一陣陣麻既感覺要嘴唇湧上舌頭~~雖然麻得幾過癮，但冇勇氣再試雞件~~聴朋友講雞無咁辣，菇特別吸汁而已。金沙鮮尤完全唔掂。鮮尤 un 得好難咬開不在話下，金沙皮痴唔住鮮尤，一咬就成塊皮甩出黎。用牛油強黃炒的金沙入口有一陣廿香，撈飯一流，不過同鮮尤夾唔到~早知叫黃金蝦算數。火腩豆腐煲味道可以，不過煲都係唔熱，上的時候既無 "喳喳" 聲，食既時候更只有微温。火腩略咸，豆腐一般貨色，無特別翠塘豆腐無蛋腥，好滑，不過都唔夠蛋香。鋪面

欠朋友仔的一餐飯很久了...結果相約係講咗好耐話去都未去的妹記食飯...上次本來想黎, 但碰啱佢裝潢搬遷...今次一嘗所願吧...決定定了芥末子墨魚丸球, 芹菜浸瓜, 蒸蛋魚腸

昨天晚上一個人在尖沙咀上課。10時半下課後在想，應到大子陵發打冷還是留在尖沙咀到妹記吃點東西。 想起很久沒有到妹記，便到妹記。妹記已搬到金巴利道，近惠康超級市場和天文台道的一個地庫。 地面入口內有一個老闆娘的大紙板公仔。 走下樓梯已聽到下面很熱鬧。 妹記還是用圓枱，擺設和從前差不多。 地方整潔了、冷氣夠，場內有大電視。一個人能吃的不多，只想吃些下酒菜，喝喝啤酒便上路回家。 只叫了油炸鬼及炸大腸。 油炸鬼大致上能保持水準，上枱時是熱的，沒有油味。 雖然比較硬，但不像經翻妰。 墨魚肉好像比從前少。 炸大腸也保持水準。 上枱時熱，入口香脆。啤酒仍是哈啤($13支)及戰鬥碗。 個人認為不夠冷，但仍乾了兩支。對服務沒有任何期望，畢竟是大排檔式，但並不差。 啤酒小姐會主動添酒，夫復何求。買單$132，在尖沙咀並不過份。

簡單內容三點!(一) "鬼馬油炸鬼" 到枱時是涼的, 炸粉超厚, 皮硬而不脆, 內乾而不香, 無油炸鬼及墨魚膠香味, 食完包你口腔內及牙肉會被脆皮割傷!(二) "南乳香酥骨" 亦到枱時是涼的, 只是乾而不是酥脆,排骨像無調味一樣, 南乳醬像加了＋倍 水, 點唔點都無分別!(三)"沙爹粉絲鷄球煲" 居然都可以唔熱! 鷄球還保持嚴重雪藏味! 還好是個汁都收得夠乾, 不會 水汪汪! "溫馨提示": 入門口後左邊凹入處坐位有嚴重霉味, 觀察後發覺牆身木裝飾有大量水跡及 進餐途中有冷氣水滴落枱上, 可能由此引起這些霉味!

剛剛食完貴價蠔，未飽但又不想留在Island Seafood吃蠔以外的東西。聽聞妹記搬了新鋪，就一行四人再戰鍋氣小炒。先來黃金蝦，賣相其差，蝦顯然先煮熟，後用咸蛋黃槳炒埋一堆，濕濕漉漉，味道跟賣相一樣，唔掂！第二道菜炒峴，一樣是先煮熟後埋涵，完全唔入味。以尖沙嘴地段，價錢實在相宜。但對食物有要求的話，一定令你失望而會。

話說幾日前氣溫成三十幾度，真係熱到冇朋友。好彩有Friend培我食飯，佢仲推介我食呢間。見咁熱，而佢又推介，一於試試啦！點知入到去才知是人間煉獄...坐低後看了一會餐牌，之後決定叫了：1. 鬼馬油炸鬼 <-- 招牌菜2. 茄子煲3. 大啤一支4. 白飯一碗可惜的是一等了起碼半個鐘才有茄子煲，仲要係要人跟單先有！ 真係餓到暈！期間仲有一班不知所謂的PolyU學生大吵大鬧，聲音震耳欲聾！ 攪到個頭鬼死咁痛！真係想死啊！但個招牌菜都未到，加上朋友勸解，唯有俾面忍忍...可惜，等了足足一個鐘，個鬼馬油炸鬼都仲未到！都唔明好多枱都有，點解我地冇，跟佐兩次單都係咁！唔係諗住我地飲啤飲飽呀！？我真係頂唔順！未食油炸鬼已經俾班PolyU友啲聲炸到體無完膚...最終 埋單、TUM錢、走人！味道：白飯唔錯，好味！有咬口不錯，飯味好~ 茄子煲也可以，少汁，剛剛好，茄子與汁的比例不錯，不會因太多汁而整鹹哂煲野~最好係個大啤！用凍碗飲，正！是生啤，不太苦，I like it!鬼馬油炸鬼 -- 唔俾我食，所以唔知！環境：由於地底關係，非常困聲！若遇上上述情況，除非你好忍得或者習慣嘈雜環境，否則大家請小心你

朋友一早已經睇左openrice, 所以一去到坐底就點晒d招牌菜, 6個人點左6樣野:鬼馬油炸鬼: 未黎之前我真係諗無諗過會有樣咁既餸. 油炸鬼包住墨魚滑一齊炸. 可能係我見識少未食過者... 不過真係幾"鬼馬". 香脆既油炸鬼入面釀滿彈牙既墨魚滑... 不過我覺得個油炸鬼炸到好似過左頭, 好似薯片咁~~~ 不過入面既墨魚滑就認真唔錯既. 滿滿咁充滿左整條油炸鬼既內部. 因為有油炸鬼包住, 所以仲係好彈牙. 都幾香口, 忍唔住多件, 哈哈.墨魚咀: 上枱時炸醬已經淋左. 唔知係唔係個炸醬調教有問題. 唔香口.南乳香酥骨: 我都係覺得佢炸到過左頭. 炸到d肉有d乾. 不過味道唔錯. 鋼鍋雞, 海鮮什菜煲: 呢兩個都無咩等別服務方面, 我哋攞枱既時候只有4個人, 不過因為叫左好野, 張枱都唔夠位放. 叫佢換抬比我哋一路都無換到. 我哋都算喇, 放棄唔追, 諗住食完就走. 但係到後來, 又有另外一位待應見我哋坐得好辛苦, 主動問我哋駛唔駛換枱. 不過嗰陣我哋都就黎食完, 都費時搬黎搬去, 個待應就同我哋講: 我見你哋坐得咁辛苦, 食完唔緊要, 坐下傾下偈都無問題, 你哋咁樣好辛苦.... 先

昨晚老鄉牛一，美女請食飯，由老鄉決定去已搬新址之妹記。去到金巴利道找了很久，才看到妹記紅噹噹之招牌，原來是在君怡酒店斜對面。坐下不久美女己到，並即舉碗飲酒祝賀。是晚叫了皮蛋酸薑、銅窩雞、金沙鮮魷及油浸筍殼魚。飯前開胃小食皮蛋酸薑之皮蛋好靚及糖心。銅窩雞上面蓋滿生芫茜，正如上一位前輩食家講，煲內的雞件確是很少及配料多過主菜，味道也不及以前。油浸筍殼魚炸得剛好，沒有過火而太硬，所以魚肉很滑及表面脆，美女也讚好食。金沙鮮魷味道都可以，但鮮魷切得太大件了，如全件放進嘴裏，在口內是轉不動，假若咬斷開，又跌到滿枱是炸粉及咸蛋黃碎。隨說隨飲，不覺地已喝了六支大瓶啤酒，喝多自然上廁也多，發覺妹記現在之廁所是很方便及很整潔，不像以前要上落不動之電梯及行一條黑靜的走廊。結帳後行去搭車，發覺自已之雙脚有些不受控制，才知美女之酒量勝過老鄉。

有睇開我食評的朋友都知我十分喜愛妹記，食左佢成四五年，雖然近期佢0的食物質素每況愈下，我都定期與工友幾個月半年會去幫趁一下，探一探johnny哥，亦表支持及懷念一番﹗上個月得知妹記搬左過對面馬路，仲入左鋪添，呢晚就開開心心又來支持﹗鋪位個正門入口細得要命，真係唔留心都唔會知呢度有間食店，餐廳在地庫，地方挺大，燈火通明，環境光鮮，位與位之間也不迫狹，依然沿用以前既大圓枱，感覺仍像大排檔，櫈亦有了椅背坐得比以前舒適﹗最正當然係個廁所啦，唔洗再好似以前咁山長水遠跑樓梯去下面街市又臭又穢的公廁，入左鋪無人再食煙，衛生好了不少﹗小惠依然0係度註場，見到我都有打個招呼，先來哈爾濱，也許最值得留戀的是戰鬥碗，依舊懷念那年那月天天來這兒杯杯清的歲月﹗先來椒鹽墨魚咀，墨魚咀彈牙，可惜椒鹽味不夠，個炸粉雖香脆卻不惹味﹗黃金魷魚係呢度招牌菜，上枱時已覺得挺不對路，炸粉濕笠笠腍得不得了，鹹蛋黃根本不上粉，甩到一碟都係，吃落口感很油膩，我吃了一件便放棄了﹗南乳香酥骨叫做最正常，不過亦是乾身得過份，肉質很o鞋口，失望呢﹗豆腐炒雜菇，個汁蠔油味濃，還可以﹗最要鬧的是他們的招牌鋼鍋雞，成鍋俾0的芫茜蓋住，鍋中雞件加加