妹記大排檔 (已搬遷) 新店位置

未夠八點到, 已經full, 好彩有訂位. 可惜無訂, 估唔到咁快, 焗魚腸已經售罄了.枝竹羊腩煲, 普通ja, d 羊無咩味, 枝竹好似煲極都唔淋咁.炸八爪魚咀, 樣好似一粒炸魚旦咁, 食落好鹹wo!沙拉骨, 骨上面淋千島醬, 都幾好味, 骨整得幾香, 同d千島醬都好match.啤酒, 其實啤酒得三,四隻牌子揀, 唔係好揀得落手. 不過特別在呢度飲啤酒唔係用杯, 而係用碗! 幾得意呀.都仲有叫d雜菜煲等等, 但都唔算太好食, 一般咁啦. 而且上菜速度都算幾慢, 價錢唔算抵, 碟頭又唔夠大, 一人叫一個都未必夠飽.

琴晚第一次去, 夜晚十點幾, 好少人三個人叫了三碟+兩支大啤隨意叫了鬼馬油炸鬼, 黃金蝦, 沙拉骨可惜魚腸岩岩賣哂, 想食就要早d去喇~~黃金蝦- 蛋黃炒蝦, 蝦肉真係唔太新鮮鬼馬油炸鬼- 勁得, 又香又脆!!!完全冇油係面, 真係神奇, 水準拍得住鏞記既琵琶蝦沙拉骨- 果種汁醬竟然同排骨咁夾, 真係令我驚訝~~服務很好, 那個waitress成日走過黎幫我地加啤酒, 又有笑容, 有禮貌~

上星期,我地一行五人來到妹記,之前一直看食評,都好想試, 終於有機會試啦!整體都幾好食,但都好熱氣下...那天是星期三,人不是很多,不用等位!但大排檔來說,好似東寶略勝一籌...

三個麻甩佬,最好小炒送啤酒,身處老尖之東北部,一想就想到金巴利街的妹記.差不多兩年無去,不知道昔日貌美的老板娘,今日又會變成點?人客不多的一夜,隨意也找到位坐.先前說過,這個"爛場",是由妹記將它起死回生.幾年過後,本來的爛地,成為今日妹記的大舞台.旨在飲酒多過吃,三個人點四味,炸生蠔外表金黃,脆皮鬆化,蠔就似乎不夠新鮮.圖中的缽仔魚腸,果皮味不算很重,所以吃到魚腸的甘香味道,可是焗得未夠焦香.炒聖子很惹味,聖子未去到聖子皇之級數,size也不小,味道爽甜.再來八爪魚咀,香脆可口,送酒為佳.不知不覺,四味菜之間,已連下六支大啤.都說我們真係來為了飲酒.

在聖誕節期間晚上約了朋友飯聚，節日期間區內食肆都人頭擁擁，人長大了通常都討厭跟人廹，想起久違的金巴利美食廣場內的妹記，便又走到這兒，時間尚早不難找到一張靠柱邊較靜的吉枱，雖然是大排檔，但都很乾淨，一坐下便見靚女老闆娘過來招呼及拿上一大碗熱水先清潔食具，伙記都用一部上網的電子手帳落單提高出菜效率，而且待客都很有禮貌而且勤快，招呼水準不俗。今天見天氣較涼便先叫了一客羊腩煲跟大碟唐生菜，考窻了一會後再決定要酥炸八爪魚咀、蒜香骨、海鮮什菜煲，再加兩枝最平宜又易入喉的哈爾濱啤酒；啤酒照例跟預先雪凍及印上"戰鬥碗"的粗碗一起上，跟北角東寶一式一樣，食物的選擇也很接近，但在這兒就較易找到枱。食物的份量不輕＇香口的酥炸八爪魚咀跟蒜香骨都適合下酒，點了另上的南乳醬味道更佳；羊腩煲很大煲，羊肉的羶味適中，應有的配料如慈姑、冬菇、支竹等都有，但不是很多，反而跟羊腩焦的唐生菜有一大碟，看來可以要少一味菜或多一個人也夠飽，這天又吃了一頓"致肥"飯局了！總結而言: 不妨一試，再試無妨。

話說以前係Poly讀書已經當依度係飯堂....不過畢左業少左黎所以影畢業相見咁大班人一定要返黎食當晚有13個人, 一個鐘之內掃左15個餸+炒飯+炒麫妹記上菜真係好快又不乏鑊氣太goood是夜特別推介鬼馬油炸鬼/ 排骨炒麫 / 羊腩煲/ 啤酒碗- 鬼馬油炸鬼: 一向都好好味, 今晚個面好鬆又唔油..good- 排骨炒麫: d麫炸地好香, 一d都唔"揸流灘"- 羊腩煲: d羊既羶味適中, 個汁好濃味所以d生菜超正, 略為少d枝竹- 啤酒碗: 特式野!!哥哥仔話見我地又有花又畢業公仔知我地係畢業生, 特登幫我地換到每一隻都寫住"戰鬥碗"好funny....雖然街市, 不過都好乾淨, service又好又funny, 上菜又快, 最緊要平!!!!!

尋晚可能人少, d野都出得比較快同埋最緊要係熱辣辣架囉....果個金沙鮮魷就比較"漏"左d囉, 如果係焦鹽的話, 應該會好d, 乳鴒比較普通, 冇咩特別.....果個炸芥末墨魚丸(唔記得個正名), 都幾特別, 入面夠爽, 炸得夠乾身, 雞蛋焗魚腸好味過元朗大榮華果隻多多聲, 起碼唔會食到有腥味, last因為唔夠飽仲整左個海鮮雜菜煲, d海鮮都比平時出面食果d多, 同埋有比較少見o既帶子囉........不過美中不足o既係, 佢d餸o既選擇比較少囉....不過d侍應都幾有禮貌, 最起碼落單, 或者叫酒都話講聲多謝, 下次出去開老尖都會再食.....

11月6日朋友生日.他成日話要去妹記, 話2年前食過好好味, 好想再回味. 我自己以前都來過2次, 熱騰騰的好夠“鑊氣”. 7:30pm到達, 仲有好多位, 可能是星期二的關係. 我們共5人, 叫了有介紹/ 有圖片的熱門菜式.之後, 好快便有餸菜到, 仲快過水吧, 基本上無可能是即叫即炒的, 好似用微波爐叮返熱咁快.我們叫了炒蜆, 肉是沒有味的, 只是外面的汁有味. 明顯是先煮熟了蜆, 再炒一次混合.希望越大, 失望越大.

老友去完泰國旅行，相約到老尖食飯傾下行程吹水，決定都係去番老地方妹記又有成三個幾月無來喇，成八點半先到竟然全場滿哂要等位，我去咁多次妹記都係第一次要等位吧，好生意到呢﹗新菜式為籠仔蒸雞，雞新鮮有荷葉香，個汁打得幾靚，幾啖已比我地幾個食哂﹗蟶子就真係差左0的，八成殼兩成肉，其他炸物keep住水準，當然最好味既就係八爪魚咀啦，配上哈爾賓beer一流﹗小惠忙到不得了，打招呼時間都無，亦都見唔到johnny哥，下次打電話約埋佢老友記一齊黎飲過﹗感情飛又要俾個笑佢喇﹗

5個人大戰妹記早前聽過朋友話呢度好食特別之處在於"戰鬥碗"搞到最後一男三女飲左6支大啤食左鬼馬油炸鬼(8分)炸八X魚咀(7分)豉招虎皮招(7分)好辣呀= =炸豬手(6分)好乾咸魚蓉通菜(8分)鋼X 雞(8分)香口好味下次一定會再去飲過食過...哈哈

早兩年呢度d小菜既有鑊氣, 款式又新但近來質素不斷下降, 小菜款式又小又冇新意, 味道又愈來愈差, 大不如前。

其實之前尼過幾次....一路都唔鍾意呢度....味道算可以....但係服務就算係差.....貴得尼.....分量又真係少得可憐....基本上每個送每人食一舊都已經冇lu~~~做得住係因為係尖咀都有大排檔?就連最出名的鬼馬油炸鬼.....都真係失望之作....超級唔抵~~~!!!

收工回家便睡，6:00訓到7:30，起身，唔通又再訓咩？都係要找下節目﹗掛住咀咀，到妹記，好耐無來，睇番openrice 0的網上食評，話呢度食物水準差左，服務態度又唔好﹗其實我想0個0的朋友可能都係來過數次，就我這個比同事叫做妹記是我家的小朋友所見﹗妹記0的人已經快手左好多，服務亦都有禮貌左﹗大排檔食個feel，食物其實亦都好味左好多呢如果你同上年暑假相比﹗小惠老闆娘依然認得我，仲問做咩咁耐無黎﹗做乜今日咁少人？真搞笑，吹雞難，約食飯更難呢老友﹗朋友們今日要賭馬呢﹗一向都唔係食飯，都係飲下酒，點的還是最平的哈爾濱，椒鹽雞軟骨及墨魚咀咀還是好好味，食到唔停得口呢﹗

今次再來, 向難度挑戰, 吃葱爆羊肉煲, 我好怕羶, 所以唔會吃中式煮法的羊肉, 但伙記話呢度d唔羶, 咁就試下啦! 果然羊肉細細粒, 爆得好香, 一點也不羶. 再來一個通菜, 唔油, good! 原來呢度d例湯都幾ok, 有少少老火feel 架, 不妨試下!

尋晚一行四人走去食,其實一早已經知道呢道有間大排檔,但次次都無機會試,O的伙計服務態度好好,仲同你洗埋O的餐具,點O左五個小菜,大部份都幾好,不過最特別既係呢道飲啤酒係用個碗飲O既,夠晒特別~